ಆಶಿಕಾ ರಂಗನಾಥ್

ಆಶಿಕಾ ರಂಗನಾಥ್
ಪುಟ್ಟಿನ	ಆಶಿಕಾ ೦೫-೦೮-೯೯೬
ರಾಷ್ಟ್ರೀಯತೆ	ಭಾರತೀಯ
ವೃತ್ತಿ	ನಟಿ
ವರ್ಷಗಳು; ಸಕ್ರಿಯ	೨೦೧೬ - ಇನಿಮುಟ್ಟ

ಆಶಿಕಾ ರಂಗನಾಥ್ ಮೇರ್ ಭಾರತದ ನಟಿ, ಮೇರ್ ಮುಖ್ಯವಾದ್ ಕನ್ನಡ ಚಿತ್ರರಂಗಡ್ ಬೇಲೆ ಮಲ್ಪುವೆರ್. ಮೇರ್ ೨೦೧೬ ದ ಚಿತ್ರ ಕ್ರೇಜಿ ಬಾಯ್ ದ ಒಟ್ಟುಗು ಚಿತ್ರರಂಗಗ್ ಬತ್ತೆರ್. ೨೦೧೬ ಡ್, ಮಹೇಶ್ ಬಾಬು ನಿರ್ದೇಶನ ಮಲ್ತಿನ ಚಿತ್ರಡ್ ದಿಲೀಪ್ ಪ್ರಕಾಶ್ ನ ಎದುರು ಅಭಿನಯ ಮಲ್ದೆರ್. ಮೇರ್ ಗರುಡ ಚಲನಚಿತ್ರಡ್ಲಾ ಬೇಲೆ ಮಲ್ದೆರ್. ಮೆರೆನ್ "ಕರ್ನಾಟಕ ಕ್ರಷ್" ಪಂದ್ದ್ ಲೆಪ್ಪುವೆರ್.

ಬೇಲೆ

ರಂಗನಾಥ್ ಚಿತ್ರಲೆಡ್ ಒವ್ವೆ ಪಿನ್ನೆಲೆ ಇಜ್ಜಿ. ಮೇರ್ ಡ್ಯಾನ್ಸ್ ರಿಯಾಲಿಟಿ ಶೋ ಡ್ ಭಾಗವಹಿಸ್ದೆರ್. ಡಾ.ಶಿವರಾಜ್‌ಕುಮಾರ್ ಅಭಿನಯ ಮಲ್ತಿನ ಮಾಸ್ ಲೀಡರ್, ಗಣೇಶ್ ಅಭಿನಯತ ಮುಗುಳು ನಗೆ ಬೊಕ್ಕ ಗರುಡ ಚಿತ್ರಡ್ ನಟನೆ ಮಲ್ದೆರ್. ಫ್ರೆಶ್ ಫೇಸ್ ಸ್ಪರ್ಧೆತ ಸಮಯಡ್ ದೆತ್ತಿನ ಚಿತ್ರಲೆನ್ ತೋಯಿಬೊಕ್ಕ, ನಿರ್ದೇಶಕ ಮಹೇಶ್ ಬಾಬು ಮೇರ್ ಅರೆನ ಚೊಚ್ಚಲ ಚಿತ್ರ ಕ್ರೇಜಿಬಾಯ್‌ಗಾದ್ ಮೆರೆನ್ ಕೇಂಡೆರ್. ಅವ್ ಚಿತ್ರ ಯಶಸ್ವಿಯಾದ್ ೧೦೦ ದಿನ ಬಲ್ತ್ಂಡ್.

ವೈಯಕ್ತಿಕ ಬದ್‍ಕ್

ರಂಗನಾಥ್ ಅರೆನ ಕುಟುಂಬ ತುಮಕುರು ಕರ್ನಾಟಕ ಮೂಲದಕುಲು. ರಂಗನಾಥ್ ಮೆರೆನ ಪೊಪ್ಪ ಎನ್. ರಂಗನಾಥ್ ಸಿವಿಲ್ ಗುತ್ತಿಗೆದಾರೆ ಬೊಕ್ಕ ಅಪ್ಪೆ ಬಿ.ಸುಧಾ ರಂಗನಾಥ್. ರಂಗನಾಥ್ ಮೆರೆನ ಪಲಿ ಆರ್. ಅನುಷಾ. ರಂಗನಾಥ್ ತುಮಕೂರುದ ಬಿಷಪ್ ಸರ್ಗಂತ್ ಶಾಲೆಡ್ ಶಾಲಾ ಶಿಕ್ಷಣನ್ ಮಲ್ತೆರ್ ಬೊಕ್ಕ ಮೆರೆನ ಪಿಯುಗಾದ್ ಬೆಂಗಳೂರುಗು ಪೋಯೆರ್. ಕೋರಮಂಗಲ ಬೆಂಗಳೂರುದ ಜ್ಯೋತಿ ನಿವಾಸ್ ಕಾಲೇಜಿಡ್ ಅರೆನ ಪಿಯು ಮುಗಿತೆರ್. ಅಲ್ಪ ಆರ್ ಫ್ರೆಶ್ ಫೇಸ್ ಬೆಂಗಳೂರು, ಆಡಿಷನ್ ಮಲ್ತೆರ್ ಬೊಕ್ಕ ಮಿಸ್ ಫ್ರೆಶ್ ಫೇಸ್ -೨೦೧೪ ರನ್ನರ್ಸ್ ಅಪ್ ಗೆಂದಿಯೆರ್. ಮೇರ್ ಬೆಂಗಳೂರುದ ಎಂಇಎಸ್ ಕಾಲೇಜ್ ಡ್ ಪದವಿ ಮಲ್ತೆರ್. ಫ್ರೀಸ್ಟೈಲ್, ಬಾಲಿವುಡ್, ಬೆಲ್ಲಿ ಬೊಕ್ಕ ವೆಸ್ಟರ್ನ್ ಸೇರ್ದ್ ನನಾತ್ ನೃತ್ಯ ಪ್ರಕಾರ ಡ್ ತರಬೇತಿ ಪಡೆದೆರ್.

ಚಲನಚಿತ್ರೊಲು

ಕ್ರ.ಸಂ	ವರ್ಸ	ಚಲನಚಿತ್ರೊಲು	ಪಾತ್ರ	ನಿರ್ದೇಶಕೆ	ಟಿಪ್ಪಣಿಳು
೧	೨೦೧೬	ಕ್ರೇಜಿ ಬಾಯ್	ನಂದಿನಿ	ಮಹೇಶ್ ಬಾಬು	ಪ್ರಮುಖ ಪಾತ್ರಡ್ (ಪೊನ್ನು) - ಕನ್ನಡಡ್ ಅತ್ಯುತ್ತಮ ಚೊಚ್ಚಲ ನಟಿಗಾದ್ ಸಿಮಾ ಪ್ರಶಸ್ತಿ
೨	೨೦೧೭	ಮಾಸ್ ಲೀಡರ್	ಶ್ರೇಯ	ನರಸಿಂಹ
೩		ಮುಗುಳು ನಗೆ	ವೈಶಾಲಿ	ಯೋಗರಾಜ್ ಭಟ್
೪	೨೦೧೮	ರಾಜು ಕನ್ನಡ ಮೀಡಿಯಂ	ವಿದ್ಯಾ	ನರೇಶ್ ಕುಮಾರ್
೫		ರಾಂಬೊ ೨	ಮಯೂರಿ	ಅನಿಲ್ ಕುಮಾರ್	ಪ್ರಮುಖ ಪಾತ್ರಡ್ ಅತ್ಯುತ್ತಮ ನಟಿಗಾದ್ ಸಿಮಾ ಪ್ರಶಸ್ತಿ - (ಪೊನ್ನು) -ಕನ್ನಡ
೬		ತಾಯಿಗೆ ತಕ್ಕ ಮಗ	ಸರಸ್ವತಿ	ಶಶಾಂಕ್
೭	೨೦೧೯	ಗರುಡ	ಪೂಜಾ	ಧನ್ ಕುಮಾರ್.ಕೆ	ಪೋಸ್ಟ್ ಪ್ರೊಡಕ್ಷನ್
೮		ರಂಗಮಂದಿರ		ಸಾಹುರಾಜ್ ಶಿಂಡೆ	ಪೋಸ್ಟ್ ಪ್ರೊಡಕ್ಷನ್
೯		ಅವತಾರ ಪುರುಷ		ಸುನಿಲ್	ಪೋಸ್ಟ್ ಪ್ರೊಡಕ್ಷನ್
೧೦		ರೇಮೋ		ಪವನ್ ವಾಡೆಯರ್	ಚಿತ್ರೀಕರಣ