ಅದಿತಿ ಗುಪ್ತಾ (ಲೇಖಕಿ)

ಅದಿತಿ ಗುಪ್ತಾ
ಪುಟ್ಟಿನ ಊರು	ಗರ್ಹ್ವಾ, ಝಾರ್ಖಂಡ್, ಭಾರತ
ದಂಪತಿಲು	ತುಹಿನ್ ಪಾಲ್
ಬೇಲೆ	ಲೇಖಕಿ
ದೇಸೊ	ಭಾರತೀಯ
ಕಲ್ತ್‌ನ ಸಂಸ್ಥೆ	ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಡಿಸೈನ್
ಪ್ರಕಾರೊ	ಮೆನ್ಸಟ್ರೂಪೀಡಿಯ ಕಾಮಿಕ್
ಜೋಕುಲು	ಮಗ
Website
https://www.menstrupedia.com/

ಅದಿತಿ ಗುಪ್ತಾ (ಲೇಖಕಿ) ಅದಿತಿ ಗುಪ್ತಾ ಭಾರತದ ಲೇಖಕಿ ಬೊಕ್ಕ ಮೆನ್ಸಟ್ರೂಪೀಡಿಯ ಕಾಮಿಕ್‌ನ ಸಹ ಸಂಸ್ಥಾಪಕಿ. ಆರ್ ಬೊಕ್ಕ ಅರೆನ ಕಂಡನಿ , ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಡಿಸೈನ್ ಅಲುಮ್ನಿ, 2012 ಟ್ ಮೆನ್ಸಟ್ರೂಪೀಡಿಯಕಾಮಿಕ್ ನ್ ಸಹ-ಸ್ಥಾಪಿಸಾಯೆರ್ ಆರ್ 2014 ಟ್ ಫೋರ್ಬ್ಸ್ ಇಂಡಿಯಾ 30 ವರ್ಷದ ಉಲಯಿದ ಪೊಸ ವಿಶಿಷ್ಟ ಗೌರವನೊ ಪಡೆದೆರ್.

ಆರಂಭಿಕ ಜೀವನ

ಅದಿತಿ ಗುಪ್ತಾ 34 ವರ್ಷದ ಎಂಜಿನಿಯರಿಂಗ್ ಪದವೀಧರೆ ಬೊಕ್ಕ ಅಹಮದಾಬಾದ್‌ನ ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಡಿಸೈನ್‌ನಿಂದ ನ್ಯೂ ಮೀಡಿಯಾ ಡಿಸೈನ್ ಸ್ನಾತಕೋತ್ತರ ಪದವೀಧರೆ ಲಾ ಆದು ಉಲ್ಲೆರ್. ಆರ್ ಭಾರತೊದ ಜಾರ್ಖಂಡ್‌ನ ಗರ್ಹ್ವಾಡು ಪುಟ್ಟುದಿನಿ. ಆರ್ ಅರೆನ 12 ನೇ ವರ್ಷೊಡೇ ಪಿದಾಯಿ ಆವರೆ ಸುರು ಆಂಡ್. ಆದರೆ 9 ನೇ ತರಗತಿಡ್ ಪಂಡ ಅರೆನ 15ನೇ ವರ್ಷೊಗು ಕಲ್ಪನಾಗ ಮಾತ್ರ ಪಿದಾಯಿದ ಬಗ್ಗೆ ಕಲ್ತೆರ್. ಅರೆನ ಬಾಲ್ಯೊಡು , ಅರೆಗ್ ಪಿದಾಯಿ ಆದು ಉಪ್ಪುನಗ ಅರೆಗ್ ಪೂಜೆದ ಜಾಗೊಡು ಮುಟ್ಟರೆ ಆವಾಡ್ , ಅಲ್ಪ ಕುಲ್ಲರೆ ಆವಾಡ್ ಅಥವೊ ಬೇತೆ ಜನಕಲೆನ ಹಾಸಿಗೆದ ಮಿತ್ತು ಕುಲ್ಲರೆಲಾ ಅವಕಾಶ ಇತ್ತುಜಿ. ಆರ್ ಅರೆನ ಕುಂಟುಲೆನ್ ಪ್ರತ್ಯೇಕವಾದ್ ಅರ್ದುದ್ ಅವೆನ್ ನುಂಗಾದ್ ಬೇತೆನೆ ದಿವೊಂದು ಇತ್ತೆರ್. ಮಾರುಕಟ್ಟೆ ಅದಗ ಲಭ್ಯ ಉಪ್ಪುನ ನೈರ್ಮಲ್ಯ ಕರವಸ್ತ್ರಲೆನ್ ಉಪಯೋಗ ಮನ್ಪರೆ ಅರೆಗ್ ಲಾ ಅವಕಾಶಲಾ ಇತ್ತುಜಿ. ದಾಯೆಗ್ ಪಂಡಾ ಅವು ಪೂರಾ ಖರೀದಿ ಮನ್ಪುನ 'ಕುಟುಂಬದ ಘನತೆಗ್ ಧಕ್ಕೆ ಬರುಪುಂಡು' ಪಂದ್ ಆದ್ ಇತ್ತುಂಡು. ಆರ್ ಅರೆನ 15ನೇ ವರ್ಷೊಡು ತನ್ನ ಸುರುತ ನೈರ್ಮಲ್ಯ ಕರವಸ್ತ್ರನು ಖರೀದಿ ಮಂತೆರ್. ಅದಿತಿ ತನ್ನ ಕಂಡನಿ ತುಹಿನ್ ಪಾಲ್ ಅರೆನ್ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಡಿಸೈನ್ ಡ್ ಭೇಟಿಯಾಯಿನಿ. ಅಲ್ಪ ರಡ್ಡ್ ಜನೊಲಾ ಒಟ್ಟಿಗೆ ಮಸ್ತ್ ಯೋಜನೆಡು ಕೆಲಸ ಮಂದೆರ್. ಆರ್ ಹೆಚ್ಚು ವಿದ್ಯಾವಂತ ಜನಕುಲೆಡ ಪಿದಾಯಿದ ಬಗ್ಗೆ ತೀವ್ರವಾಯಿನ ಅರಿವುದ ಕೊರತೆನ್ ತೂಯೆರ್. ಬೊಕ್ಕ ಮಸ್ತ್ ಜನೊ ನನಲ ಪಿದಾಯಿದ ಪುರಾಣೊಲೆನು ನಂಬುದು ಇತ್ತೆರ್ ಬೊಕ್ಕ ಅಲೆನ್ ಅನುಸರಿಸುವೆರ್.

ವೃತ್ತಿ

ಪಿದಾಯಿದ ಬಗ್ಗೆ ಅರಿವು ಬೊಕ್ಕ ಶಿಕ್ಷಣೊದ ಕೊರತೆ ಒಂಜಿ ವರ್ಷೊದೊ ಮುಟ್ಟ ಈ ವಿಷಯೊದ ಬಗ್ಗೆ ಸಂಶೋಧನೆ ನಡಪರೆ ಪ್ರೇರೇಪಿಸಾಂಡು. ಆರ್ ವೈದ್ಯೆರು ಬೊಕ್ಕ ಪೊಣ್ಣುಲೆಡ ಮಾಹಿತಿನ್ ಸಂಗ್ರಹ ಮಂತು ಇತ್ತೆರ್, ಉಂದು ಮೂಜಿ ಪೊಂಜೊವುಲೆನ ಬೊಕ್ಕ ವೈದ್ಯರೆನ ಮುಖ್ಯ ಪಾತ್ರಗಳಾದ್ ಕಾಮಿಕ್ ಪುಸ್ತಕನ್ ಪ್ರಾರಂಭಿಸುನ ಕಲ್ಪನೆನ್ ಕೊರುಂಡು. ಆರ್ ಕಾಮಿಕ್ ಪುಸ್ತಕೊದ ವೆಬ್‌ಸೈಟ್‌ಡು (www.talesofchange.in) ಪಾಡಿಯೆರ್. ನವೆಂಬರ್ 2012ಟ್ ಗುಪ್ತಾ ಬೊಕ್ಕ ಅರೆನ ಕಂಡನಿ ಪತಿ ಪಾಲ್ ಈ ವಿಷಯೊದ ಬಗ್ಗೆ ಹೆಚ್ಚಿನ ಜ್ಞಾನ ಬೊಕ್ಕ ಜಾಗೃತಿನ್ ಪರಡರೆ ಮೆನ್ಸಟ್ರೂಪೀಡಿಯನ್ ಪ್ರಾರಂಭ ಮಂತೆರು. ಅಹಮದಾಬಾದ್‌ದ ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಡಿಸೈನ್‌ ಉಂದು ಮೂಲತಃ ಪ್ರಬಂಧ ಯೋಜನೆಯಾದ್ ಪ್ರಾರಂಭವಾಂಡು. ವೆಬ್‌ಸೈಟ್ 'ಹದಿಹರೆಯದಕಲೆಗ್ ಬೊಕ್ಕ ಪ್ರೌಢಾವಸ್ಥೆ , ಲೈಂಗಿಕತೆದ ಬಗ್ಗೆ ಮಾಹಿತಿ ಒದಗಿಸರೆ ವೇದಿಕೆಯಾದ್ ಅಭಿವೃದ್ಧಿಪಡಿಸುದುಂಡು. ಋತುಸ್ರಾವ ಪಿದಾಯಿದ , ನೈರ್ಮಲ್ಯ ಬೊಕ್ಕ ಪ್ರೌಢಾವಸ್ಥೆಗ್ ಬಳಕೆದಾರ ಸ್ನೇಹಿ ಮಾರ್ಗದರ್ಶಿಯಾದ್ ಮೆನ್ಸಟ್ರೂಪೀಡಿಯ ಒದಗಿಸಾವುಂಡು ಬೊಕ್ಕ ಅವು ಸಂಬಂಧಿಸಿದಿನ ಪುರಾಣೊಲೆನ್ ಮುರಿಯರೆ ಸಹಾಯೊ ಮಂಪುಂಡು. ಡಿಜಿಟಲ್ ಮಾಧ್ಯಮದ ಮೂಲಕ ಈ ಮಾಹಿತಿನ್ ಸಾಂಸ್ಕೃತಿಕವಾದ್ ಸೂಕ್ಷ್ಮ ಬೊಕ್ಕ ಸುಲಭವಾದ್ ಅರ್ಥ ಮನ್ಪುಲೆಕ್ಕ ಪ್ರಸ್ತುತಪಡಿಸುನು ಈ ವೆಬ್‌ಸೈಟ್‌ದ ಉದ್ದೇಶವಾತುಂಡು. ವೆಬ್‌ಸೈಟ್ ವಿವಿಧ ರೀತಿದ ಕಾಮಿಕ್ ಪುಸ್ತಕೊಲು, ಬ್ಲಾಗ್‌ಗಳು, ಪ್ರಶ್ನೋತ್ತರ ವಿಭಾಗ ಬೊಕ್ಕ ಕಲ್ಪುನ ವಿಭಾಗೊನು ಒಳಗೊಂಡುದುಂಡು. ಕಾಮಿಕ್ಸ್ ಪದಿನಾಲ್ ಭಾಷೆಡ್ ಲಭ್ಯವುಂಡು ಬೊಕ್ಕ ಉಂದೆನ್ 18 ಡ್ದುಲಾ ಜಾಸ್ತಿ ದೇಶೊಡು ಉಪಯೋಗಿಸಾವೊಲಿ.

ಪ್ರಸ್ತುತ

ಅದಿತಿ ಗುಪ್ತಾ ಪ್ರಸ್ತುತವಾದ್ ಉತ್ತರೊ ಭಾರತೊದ ಐನ್ ರಾಜ್ಯೊಲೆಡ್ ಶಾಲೆಡ್ ಬಳಸುನ ವಸ್ತುಲೆನ್ ತಯಾರಿಸೊಂದು ಉಲ್ಲೆರ್. ಆರ್ ಬರೆತಿನ ಕಾಮಿಕ್ಸ್ ನ್ ಮೆಹ್ಸಾನಾ, ಗಾಂಧಿನಗರ, ಅಹಮದಾಬಾದ್ ಬೊಕ್ಕ ರಾಂಚಿದ ಶಾಲೆಡ್ಲ ವಿತರಿಸಾದು ಇತ್ತೆರ್, ಅಲ್ಪ ಪೊಣ್ಣುಲು, ಅರೆನ ಪೋಷಕೆರ್ ಬೊಕ್ಕ ಶಿಕ್ಷಕೆರ್ ಅರೆನ್ ಮಸ್ತ್ ಇಷ್ಟ ಪಟ್ಟುದೆರ್. ಶ್ರದ್ಧಾ ಕಪೂರ್, ಪರಿಣಿತಿ ಚೋಪ್ರಾ, ಕಲ್ಕಿ ಕೋಚ್ಲಿನ್, ನೇಹಾ ಧೂಪಿಯಾ, ಮಂದಿರಾ ಬೇಡಿ ಅಂಚೆನೆ ಅನೇಕೊ ನಟಿನಕಲ್ನ ಸಹಯೋಗೊಡು ಟಚ್ ದಿ ಪಿಕಲ್ ಚಳುವಳಿ ದ ಅಂಚಿನ ವಿಸ್ಪರ್ ಇಂಡಿಯಾ ಸಹಯೋಗೊದ ಒಟ್ಟುಗು ಪಿದಾಯಿ ಆಪಿನ, ಅವೆತೋ ಅಭಿಯಾನೊಲೆನ್ ಪ್ರಾರಂಭಿಸಾದೆರ್. ಆರ್ ಫೋರ್ಬ್ಸ್ ಇಂಡಿಯಾ ಯು -30 ಪಟ್ಟಿಡ್ ಸ್ಥಾನೊ ಲಾ ಪಡೆಯೆರ್.

ವಿಮರ್ಶಾತ್ಮಕ ಸ್ವಾಗತೊ

ಅದಿತಿನ ಕೃತಿನ್ ಆರಂಭೊಡು ನಿಷೇಧದ ವಿಷಯೊದ ಬಗ್ಗೆ ಚರ್ಚೆ ಆಂಡ್. ಆಂಡಾಲ ಉಂದೆನ್ ಆನ್‌ಲೈನ್ ಬೊಕ್ಕ ಮಾಧ್ಯಮೊಲು ಸಕಾರಾತ್ಮಕವಾದ್ ಸ್ವೀಕರ ಮಂತೆರ್. ಮೆನ್ಸಟ್ರೂಪೀಡಿಯ ಪ್ರತಿ ತಿಂಗಳು ಒಂಜಿ ಲಕ್ಷೊ ಸಂದರ್ಶಕರೆನ್ ಪಡೆಯುಂಡು. ಅರೆನ ಕಾಮಿಕ್ ಪುಸ್ತಕಲೆನ್ NGOs ಪ್ರೊಟ್ಸಾಹನ್, ಮುನ್ಶಿ ಜಗನ್ನಾಥ್ ಭಗವಾನ್ ಸ್ಮೃತಿ ಸಂಸ್ಥಾನ್, ಇನ್ಸ್ಟಿಂಕ್ಟ್ಸ್, ಕನ್ಹಾ ಬೊಕ್ಕ ಲಡಾಖ್ನ ರಡ್ಡ್ ಬೌದ್ಧ ಮಠೊಲು ಲಾ ಬಳಸೊಂದು ಉಲ್ಲೆರ್.