ಝಾರ್ಖಂಡ್
ಝಾರ್ಖಂಡ್ (ಜಾರ್ಖಂಡ್) ಮೂಡಾಯಿ ಬಾರತೊದ ಒಂಜಿ ರಾಜ್ಯ. ಉಂದೆತ ರಾಜಧಾನಿ ರಾಂಚಿ. ಬಿಹಾರ ರಾಜ್ಯೊದ ಬಡ್ಕಾಯಿ ಪ್ರಾಂತೊಲೆನ್ ಬೇತೆ ಮಲ್ತ್‌ದ್, ಒಟ್ಟು ಸೇರಾದ್ ಈ ರಾಜ್ಯೊನು ಉಂಡು ಮಲ್ತೆರ್. ೧೫ನೇ ನವೆಂಬರ್ ೨೦೦೦ನೇ ಇಸವಿಡ್ ಈ ರಾಜ್ಯೊ ಉದಿತ್ ಬತ್ಂಡ್[೧]. ಇಸ್ತೀರ್ನೊದ ಲೆಕ್ಕೊಡು ೧೫ನೇ ಸ್ತಾನೊಡು ಝಾರ್ಖಂಡ್ ರಾಜ್ಯೊ ಉಂಡು. ಉಂದೆತ ಒಟ್ಟು ಇಸ್ತೀರ್ನ ೭೯,೭೧೬ ಕಿಮೀ೨. ಈ ರಾಜ್ಯೊದ ಬಡಕಾಯಿಡ್ ಒಡಿಶಾ, ಪಡ್ಡಾಯಿಡ್ ಛತ್ತೀಸ್‌ಘಡ್, ತೆಂಕಾಯಿಡ್ ಬಿಹಾರ ರಾಜ್ಯೊಲು ಉಲ್ಲ. ಅಂಚನೆ ೨೨ ಜಿಲ್ಲೆಲು ಝಾರ್ಖಂಡ್ ರಾಜೊಡು ಉಲ್ಲ. ಕೋಗಿಲೆ ಈ ರಾಜ್ಯೊದ ರಾಜ್ಯ ಪಕ್ಕಿ ಬುಕ್ಕ ಆನೆ ಝಾರ್ಖಂಡ್ ರಾಜ್ಯೊದ ರಾಜ್ಯ ಪ್ರಾಣಿ.
ಜೈನೆರೆಗ್ ಪವಿತ್ರವಾಯಿನ ಸಮ್ಮೇದ ಶಿಖರ (ಶಿಖರ್‌ಜಿ ಪನ್ಪೆರ್), ಪಾರಸ್‌ನಾತ್ ಬೊಟ್ಟ ಝಾರ್ಖಂಡ್ ರಾಜ್ಯೊಡು ಉಲ್ಲ. ಈ ರಾಜ್ಯೊದ ಅಧೀಕೃತ ಬಾಸೆ ಹಿಂದಿ ಆಂಡಲಾ, ನಾಗ್ಪುರಿ, ಕೊರ್ಥಾ, ಭೋಜ್ಪುರಿ, ಸಂತಾಲಿ, ಉರ್ದು, ಮೈಥಿಲಿ ಇಂಚಿತ್ತಿನ ಸ್ಥಳೀಯ ಬಾಸೆಲೆನ್ ಪಾತೆರುನ ಜನಕುಲುಲಾ ಮುಲ್ಪ ಉಲ್ಲೆರ್.
ಪುದರ್‌ದ ಮೂಲ
[ಸಂಪೊಲಿಪುಲೆ]ಇಂಡೋ ಆರ್ಯನ್ ಬಾಸೆದ ಪ್ರಕಾರ "ಝಾರ್" ಪಂಡ ಕಾಡ್, "ಖಂಡ್" ಪಂಡ ನಿಲ ಪನ್ಪಿನ ಅರ್ಥ ಉಂಡು. ಈ ರಾಜ್ಯೊದ ಎಚ್ಚ ಬಾಗೊಡು ಕಾಡ್ ಇತ್ತಿನೆಡ್ದಾವರ ಈ ರಾಜ್ಯೊಗು ಝಾರ್ಖಂಡ್ ಪುದರ್ ಬತ್ಂಡ್[೨]. ಮಹಾಭಾರತದ ಕಾಲೊಡು ಈ ಭೂಬಾಗೊನು "ಕರ್ಕಖಂಡ" ಪಂದ್ ಲೆತ್ತೊಂದಿತ್ತೆರ್. ಕರ್ಕಾಟಕ ಸಂಕ್ರಾಂತಿ ವೃತ್ತದ ಕೈತಲ್ ಈ ಭೂಬಾಗೊ ಇತ್ತಿನೆಡ್ದಾವರ ಈ ಪುದರ್ ಬತ್ತ್ಂಡ್.
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "Introduction". jharkhand.gov.in. Government Of Jharkhand. Archived from the original on 1 August 2023. Retrieved 30 July 2023.
- ↑ Minahan, James (2002). Encyclopedia of the Stateless Nations: D-K. Greenwood Publishing Group. p. 839. ISBN 0313316171. Retrieved 8 April 2022.