ತಿಬರ್ ಕೊಡಮಣಿತ್ತಾಯ ದೈವಸ್ಥಾನ

ತಿಬರ್ ಕೊಡಮಣಿತ್ತಾಯ ದೈವಸ್ಥಾನ ಕುಡ್ಲದ ಸುರತ್ಕಲ್ ದ ಕೈತಲ್ದ ತಿಬರ್ (ಕನ್ನಡಡ್ ಶಿಬರೂರು) ಕೊಡಮಣಿತ್ತಾಯ ದೈವಸ್ಥಾನಂ ಪ್ರಸಿದ್ಧ ಕಾರಣಿಕ ತಾಣೊಲೆಡ್ ಒಂಜಿ. ತುಳುನಾಡ್ ಡ್ ``ತಿಗಲೆ ಇತ್ತಿನಾಯಗ್ ತಿಬರ್ ಪಂಡ್ದ್ ಪುಗರ್ಮೆ ಉಂಡು. ಉಂದು ಈ ಪ್ರದೇಶದ ಮಹತ್ವೊನು ತೋಜಾವುಂಡು, ಲಕ್ಷಾಂತರ ಭಕ್ತೆರ್ ಜಾತ್ರಾ ಪರ್ಬೊಡು ಪಾಲ್ ಪಡೆಪೆರ್. ತುಳುನಾಡ್‌ದ ಪ್ರಮುಖ ಪುಣ್ಯ ಕ್ಷೇತ್ರೊಲೆಡ್ ತಿಬರ್ ಲಾ ತನ್ನ ಸ್ಥಾನೊನು ಒರಿತುದುಂಡು.

ಕಟೀಲುದ ಕೈತಲ್ದ ಮಲ್ಲಿಗೆ ಅಂಗಡಿದಲ್ಪ ಉಪ್ಪುನ ತಿಬರ್ ದ ದ್ವಾರ

ಇತಿಹಾಸೊ

ಒಂಜಿ ಕಥೆತ ಪ್ರಕಾರ ದುರ್ಗೆ ಬೊಕ್ಕ ಈಶ್ವರ ದೇವೆರ್ ಒಂಜಿ ಗುಡ್ಡೆದ ಗಾಡಿಡ್ ಸುತ್ತಾಡೊಂದಿಪ್ಪುನಗ ದುರ್ಗೆರ್ದ್ ಒಂಜಿ ಅಜ್ಞಾತ ಶಕ್ತಿ ಉತ್ಪತ್ತಿ ಆಂಡ್. ಸ್ಥಳೀಯ ಜನಕುಲು ಒರಿ ಮಾಂತ್ರಿಕೆರೆನ ಸಹಾಯೊಡು ಕುಂಭೊಡು ಈ ಶಕ್ತಿನ್ ಪತ್ತ್ ದೀಯೆರ, ಬೊಕ್ಕ ಮಹಾವೀರ ಗಂಗಾ ನದಿಡ್ ತೇಲಾಯೆರ್. ಅಕೇರಿಗ್ ಈ ಕುಂಭ ಪೆರಿಂಜೆದ ಜೈನ ಕುಟುಂಬೊಗು ಬತ್ತ್ಂಡ್. ಆಯೆ ರಾತ್ರೆದ ಪೊರ್ತುಡು ಈ ಕುಂಭೊನು ದೆತ್ತೊಂದು ಇತ್ತಿನಗ ಆ ದೈವ ಪ್ರತ್ಯಕ್ಶ ಆದ್ , ಆ ದೈವೊಗು 'ಕುಂಭಕಂಠಿಣಿ' ಪನ್ಪಿನ ಪುದರ್ ಬತ್ತ್ಂಡ್.

ಕೊಡಮಣಿತ್ತಾಯ ತಿಬರ್‌ಗ್ ಬತ್ತಿನ ವಿಚಾರ

ತಿಬಾರ್ (ಶಿಬರೂರು) ಗುತ್ತುದ ತಿಮ್ಮತಿ ಕರಿವಾಳ್ ಮತ್ತು ಎಕ್ಕಾರಿನ ದುಗ್ಗಣ್ಣ ಕಾವೆರ್ ಇರವೈಲುದ ಶ್ರೀ ದುರ್ಗಾಪರಮೇಶ್ವರಿ ದೇವರ ದರ್ಶನ ಪಡೆಯಿ ಬೊಕ್ಕ 'ಪೊಸದೈವ' ಕೊಡಮಣಿತ್ತಾಯಗ್ ಪರಕೆ ಸಂದವಾರೆ ತಿರ್ತ ಬರ್ಕೆಗೆ ಬನ್ನಗ, ಅಲ್ಪ ಪರಕೆ ಕೊರ್ದು ಗಂಧಪ್ರಸಾದ ಪಡೆದ್, ತನ್ನ ಊರುಗು ಪಿರ ಪೊನಗ ಸಾದಿಡ್ ಬಜೆಲ್ ಆದ್ ಸಾಕಾಪುಂಡು. ಎರು-ಕೋರಿಲೆನ್ ಕೈತಲ್ದ ಅಶ್ವತ ಮರಕ್ ಕಟ್ಟ್‌ದ್ ನೀರ್ ಪರ್ರೆ ನಡ್ಡೋಡಿಗುತ್ತಿಗ್ ಪೋಪೆರ್. ಪಿರ ಬನ್ನಗ, ಎರುಕುಲು ಮೈಟ್ ಬತ್ತುದ್ ವಿಚಿತ್ರವಾದ್ ವರ್ತನೆ ಮಲ್ಪುವೆರ್. ಬಲ್ಯಾಯ ರೆಡ ಅಕ್ಲೆ ಆವೇಶದೊ ಕಾರಣ ತೆರಿಯೊನೆರೆ ವಿಚಾರಣೆ ಮಲ್ಪುನಗ ಒರಿ ಉಳ್ಳಾಯೆ ಬೊಕ್ಕ ಧರ್ಮ ದೈವ ಕೊಡಮಣಿತ್ತಾಯೆ ಅಕ್ಲೆನ ಒಟ್ಟುಗು ಉಲ್ಲೆರ್ ಪಂದ್ ತೆರಿಯುಂಡು. ಈ ದೈವೊಲೆನ್ ಸಾನ ಮಲ್ಪೊಡು ಪಂದ್ ಬಲ್ಯಾಯೆರ್ ಸೂಚನೆ ಕೊರ್ಪೆರ್. ಅಂಚನೇ ದೈವೊನು ದೇರಿಂಜಗಿರಿ (ಎಕ್ಕಾರು) ಮಠೊಡು ಸಾನ ಮಲ್ತ್‌ದ್ ಆರಾಧನೆ ನಡಪುಂಡು. ತಿಮ್ಮತಿ ಕರಿವಾಳ್ ಅರೆಗ್ ಕೊರಿನ ಉಡುಗೊರೆ ಆಯಿನ ಬೋರಿ ಬೊಕ್ಕ ಕೋರಿಲೆನ್ ತನ್ನ ಊರುಗು ಲೆತೊಂದು ಪೋದು ರಾತ್ರೆ ನಿದ್ರೆಡ್ ಉಪ್ಪುನಗ ಪೆತ್ತೊಲೆನ ಅರೆಬಾಯಿ ಕೇನ್ಪೆರ್. ಅಯಿತ್ತ ಕಾರಣೊಡ್ದಾವರ ಬಲಾಯ್ಯರ್ದ್ ದೈವದ ಬಗ್ಗೆ ಕೇನ್ದ್ ತಕ್ಷಣನೇ ತಿಬರುಡು ದೈವೊಲೆಗ್ ದೈವಸ್ಥಾನ ಕಟ್ಟೊಡು ಪಂದ್ ತೀರ್ಮಾನ ಮಲ್ಪುವೆರ್. ಈ ಕಾರ್ಯ ಮಲ್ಪರೆ ಸೂರಿಂಜೆಗುತ್ತುದ ತ್ಯಾಂಪ ಶೆಟ್ರಿ ಬೋಡಾಯಿನೆಡ್ದಾವರ ಆಯೆ ದೈವದ ಆಶೀರ್ವಾದೊಡು ಡು ದೈವಸ್ಥಾನ ಕಟ್ಟುವೇರ್.

ಕೊಡಮಣಿತ್ತಾಯ 'ವೈದ್ಯನಾಥ' ಆಯಿನಿ

ಸೂರಿಂಜೆಗುತ್ತುದ ತ್ಯಾಂಪ ಶೆಟ್ರು ಪನ್ಪಿ ಧರ್ಮನಿಷ್ಠೆ ತನ್ನ ವಿಷ ಮರ್ದ್‌ದ ಪರಂಪರೆನ್ ಮುಂದುವರಿಸರೆ ಸೂಕ್ತವಾಯಿನ ಶಿಷ್ಯೆ ಇಜ್ಜೆರ್ಂದ್ ಅರಿತ್‌ದ್ ತನ್ನ ಗಿಳಿ ಚಿರವಿಡ್ ವಿಷ ಹೀರೊಂದಿಪ್ಪುನ ಕಲ್ಲ್‌ನ್ , ದೈವೊಲೆನ್ ನೆನೆತ್‌ದ್, ಸಾಂಕೇತಿಕವಾದ್ ತಿಬರಗುತ್ತುದ ಗುವೆಲ್‌ಡ್ ಪಾಡ್ದು . ತಿಬರುದ ಈ ಪುಣ್ಯದ ಗುವೆಲ್ದ ನೀರ್ ನ್ ತೀರ್ಥ ಪಂದ್ ಭಕ್ತಿಡ್ ಸ್ವೀಕಾರ ಮಲ್ತ್ಂಡ ದೇವೆರೆನ ಗಂಧ ಪ್ರಸಾದೊ ಆದ್, ವಿಷ ಗುಣ ಮಲ್ಪುಂಡು. ಇಂಚ ಪನ್ಪಿನ ನಂಬಿಕೆ ದುಂಬೇ ಉಂಡು. ಇಂದೆನ್ ಬುಡ್ದು, ಗುವ್ವೆಲ್ದ ತೀರ್ಥ ಬೊಕ್ಕ ದೇವೆರೆನ ಗಂಧೊ ಪ್ರಸಾದೊನು ಸೇವನೆ ಮಲ್ಪುನಕುಲು ನಾಗ ದೋಷ, ಚರ್ಮದ ಕಾಯಿಲೆ, ಆಸ್ತಮಾ, ಬೊಕ್ಕ ಸಂತಾನ ಸಂಕಟ ಸಮಸ್ಯೆಲೆನ್ ದೂರ ಮಲ್ಪುವೆರ್ ಪನ್ಪಿನ ನಂಬಿಕೆನ್ ಭಕ್ತೆರ್ ನಂಬುವೆರ್. ಈ ಉಗ್ಗೆಲ್ದ ನೀರ್ ವಿಷಕಾರಿ ಜೀವಿಲೆನ ದಾಳಿಡ್ದ್ ಬಳಲೊಂದಿತ್ತಿನ ಮಸ್ತ್ ಜನೊಕ್ಲೆನ್ ರಕ್ಷಣೆ ಮಲ್ತ್ಂಡ್ ಬೊಕ್ಕ ಇನಿಕ್ಲಾ ಮಸ್ತ್ ಉದಾರ್ಮೆಲೆನ್ ತೂವೊಲಿ. ಈ ಗುವೆಲ್ದ ಪುಣ್ಯದ ನೀರ್ ನ್ ಏತೊದ ವ್ಯವಸ್ಥೆದ ಮೂಲಕ ಏರಾವೆರ್, ಬೊಕ್ಕ ಪ್ರತಿ ವರ್ಷ ನೇಮದ ಪೊರ್ತುಡು ಈ ಪ್ರದೇಶೊಡು ಐವ್ವ ಸಾವಿರೊಡ್ದ್ ಜಾಸ್ತಿ ಭಕ್ತೆರ್ ಭೇಟಿ ಕೊರ್ದು ಈ ತೀರ್ಥೊನುಪರ್ಪೆರ್.ಇಲ್ಲಗ್ ಪತ್ತೊಂದು ಪೋಪೆರ್. ಅಂಚಾದ್ ಕೊಡಮಣಿತ್ತಾಯ ದೈವೊಗು ‘ವೈದ್ಯನಾಥ’ ಪನ್ಪಿನ ಪುಗರ್ತೆ ಬತ್ತ್ಂಡ್.

ಕಟೀಲ್ ಕ್ಷೇತ್ರ ಬೊಕ್ಕ ತಿಬರ್ (ಶಿಬರೂರು) ಕ್ಷೇತ್ರದ ನಡುಟು ಉಪ್ಪುನ ಸಂಬಂಧ

ಶ್ರೀಕ್ಷೇತ್ರ ಕಟೀಲು ಬೊಕ್ಕ (ಶಿಬರೂರುದ) ತಿಬರ್‌ದ ಕೊಡಮಣಿತ್ತಾಯ ದೈವೊಲೆನ ನಡುಟು ಅನನ್ಯವಾಯಿನ ಸಂಬಂಧ ಉಂಡು, ಜಾತ್ರೆದ ಪೊರ್ತುಡು ಕಟೀಲು ಕ್ಷೇತ್ರೊಗು ಕೊಡಮಣಿತ್ತಾಯನ ಭಂಡಾರ ಬರ್ಪುಂಡು.

ಭಕ್ತರೆನ ಕರ್ತವ್ಯ

ತಿಬರ್ ದ ತೀರ್ಥ ಪವಿತ್ರ ತೀರ್ಥ ಪನ್ಪಿ ಪ್ರಸಿದ್ಧತೆ ಉಂಡು ಅಂಚನೆ ಈ ತೀರ್ಥದ ನೀರ್ ಪರ್ಪಿನಕ್ಲೆಗ್ ವಿಷ ನಿರೋಧಕ ಶಕ್ತಿ ಬರ್ಪುಂಡು, ನಾಗ ದೋಷ ದೂರ ಆಪುಂಡು, ಚರ್ಮರೋಗ ದೂರ ಆಪುಂಡು, ಜನ್ಮ ದೋಷ ದೂರ ಆಪುಂಡು ಪನ್ಪಿನ ನಂಬಿಕೆ ಉಂಡು. ನಾಗ ದೋಷೊನು ತಪ್ಪಾವರೆ ತಿಬರುಡು ವಿಶೇಷ ಪ್ರಾರ್ಥನೆ ಮಲ್ಪುವೆರ್, ತೀರ್ಥ, ಅಯಿತ ಬಾವಿ, ಅಯಿತ ಸುತ್ತಮುತ್ತದ ಪವಿತ್ರತೆನ್ ಒರಿಪಾವುನವು ತಿಬರುದ ಭಕ್ತೆರೆನ ಕರ್ತವ್ಯ.