ಬೆರ್ಮೆರೆ ಗುಂಡ
ತುಳುನಾಡ್‌ದ ಮೂಲ ದೇವೆರಾಯಿ ಬಿರ್ಮೆರೆ ತಾನೊಡು ಮೊಗೇರ ದೈವೊಲಾಯಿನ ಮುದ್ದ ಕಳಲೆರ್ ಮಾಯಕ ಆಯಿನ ಪುಣ್ಯದ ಜಾಗೆಯಾದುಂಡು.
ಬಿರ್ಮೆರೆ ಗುಂಡ ಪನ್ಪಿನ ಜಾಗೆ
[ಸಂಪೊಲಿಪುಲೆ]ಬಿರ್ಮೆರೆ ಗುಂಡ ಪನ್ಪಿನ ಜಾಗೆ ದಕ್ಷಿಣ ಕನ್ನಡ ಜಿಲ್ಲೆತ ಪುತ್ತೂರು ತಾಲೂಕು ನಿಡ್ಪಳ್ಳಿ ಗ್ರಾಮ ಪಂಚಾಯತ್ ವ್ಯಾಪ್ತಿಡ್ ಇಪ್ಪುನ ಜಾಗೆನೇ ಈ ಬಿರ್ಮೆರೆ ಗುಂಡ ಮುಲ್ಪ ಬೋರ್ಕರ್ ಕುಟುಂಬದ ತರವಾಡು ಇಲ್ ಉಂಡು
ಇತಿಹಾಸ
[ಸಂಪೊಲಿಪುಲೆ]ತುಳುನಾಡ್‌ದ ಮಾಂತ ದೈವೊಲೆನ ಶಕ್ತಿ ಮೂಲವಾಯಿನ ದೇವೆರ್ ಪಂಡ "ಬಿರ್ಮೆರ್". ಬಿರ್ಮೆರೆನ್ ಬೆಮ್ಮೆರ್, ಬ್ರಹ್ಮ, ನಾಗಬ್ರಹ್ಮ ಇಂಚಿತ್ತಿ ಬೇತೆ ಬೇತೆ ಪುದರ್‌ಡ್ ಲೆಪ್ಪುವೆರ್. ಮೊಗೇರ ದೈವೊಲೆನ ಸಂಧಿ ಪಾಡ್ದನೊಡು ಬಿರ್ಮೆರ್ ಏಳ್ ಕಡಲ್‌ದ ನಡುಡು ತೋಜಿನಗ "ತಾರಿದಾತ್ ಎತ್ತರೊಗು ಗೋಳಿದಾತ್ ಬಂಬಲಗ್ ತೋಜಿದ್ ಬತ್ತೆರೆಂದ್" ಪನ್ಪಿ ಉಲ್ಲೇಕೊ ಉಂಡು
ಕೆಂಪು ಕೇಪುಲಾಜೆ
[ಸಂಪೊಲಿಪುಲೆ]ಉಲ್ಲೇಕೊದ ಪ್ರಕಾರೊ ಪಡುಮಲೆಡ್ ನಡತಿನ ಕೆಡ್ಡಸ ಬೋಂಟೆಗ್ ಬತ್ತಿನ ಮೊಗೇರ ಅವಳಿ ವೀರೆರ್ ಬೋಂಟೆ ಮುಗಿಬೊಕ್ಕ ಮಾವೋರಿ ಗಂಗೆ ಸ್ನಾನ (ತೀರ್ಥ ಸ್ನಾನ) ಮಲ್ಪುವೆರ್. ಈ ಜಾಗೆ ಪಡುಮಲೆ ಭಾಗವಾಯಿನ ಕೆಂಪು ಕೇಪುಲಾಜೆ ಕಾಡ್ದ್ ಇಪ್ಪುಂಡು ಈ ಕಾಡ್‌‍ಡ್ ಬಂಟ ಕೇಪುಲ ದೈಕುಲು ದಿಂಜ ಇತ್ತುಂಡು. ಬಂಟ ಕೇಪುಲು ಪಂಡ ಮಲ್ಲ ಕೇಪುಲ ದೈ. ಬಂಟ ಕೇಪುಲಾಜೆ ಇತ್ತೆ ಬಂಟಾಜೆ ಕಾಡ್ ಪಂದ್ ಪುದರಾತುಂಡ್. ಪಡುಮಲೆ ದೇವಸ್ಥಾನೊಗು ಸಂಬಂಧಪಟ್ಟಿನ ಈ ಜಾಗೆಡ್ ಬಂಡೆ ಕಲ್ ದ ನಡುಟು ಒಂಜಿ ತೀರ್ಥ ಕಲ್ಲುಂಡು.ಉರುಂಟಾಯಿನ ಈ ಕಲ್ಲುದ ನಡುಟು ಕೊಡಪಾನದಂಚಿನ ಎಲ್ಯ ಬಾಯಿ ಉಂಡು.
ವರ್ಶೊದ ಮಾಂತ ಕಾಲೊಡ್ಲಾ ಮುಲ್ಪ ನೀರುಂಡು, ಅವೆಕ್ 'ತೀರ್ಥೋದಕ' ಪಂದ್ ಪುದರ್ ಪಡೆದುಂಡ್. ದುಂಬುದ ಕಾಲೊಡು ಕುಂಭ ಮಾಸದ ಹುಣ್ಣಿಮೆದಾನಿ ವಾದ್ಯ, ಕಹಳೆ ದೊಟ್ಟುಗು ಅಡೆಗ್ ಪೋದು ಪಡುಮಲೆ ದೇವಸ್ಥಾನೊಗು ತೀರ್ಥ ಕನೊವೊಂದು ಇತ್ತೆರ್ಗೆ
ಮೊಗೇರ ದೈವೊಲೆನ ಕಥಾನಕ
[ಸಂಪೊಲಿಪುಲೆ]ಮೊಗೇರ ದೈವಲೆನ ಕಥಾನಕದ ಪ್ರಕಾರೋ ಕೆಡ್ಡಸೊದ ಬೋಂಟೆಗಾದ್ ಪಡುಮಲೆಗ್ ಬತ್ತಿನ ತುಳುನಾಡ್‌ದ ಜೋಡಿ ವೀರೆರ್ ಆಯಿನ "ಮುದ್ದ ಕಳಲೆರ್ ಕೆಡ್ಡಸೊದ ಮೂಜಿ ದಿನ ಕಾಡಬೋಂಟೆ,ಮೂಜಿ ದಿನ ನೀರಬೋಂಟೆ ಮುಗಿತುದು ತನುಕುಲು ಪುಟ್ಟಿನ ಬಗ್ಗೆಟ್ ಬಿರ್ಮೆರೆಗ್ ಪಂಡಿನ ಪರಕೆ ಬೂಟ್ಯರದಾದ್ ಆ ಕಾಲೊದ ಕಾಣಿಕ ಶಕ್ತಿಯಾಯಿನ "ಕೆಂಪು ಕೇಪುಲಾಜೆ" ಬೆಮ್ಮೆರೆ ಗುಂಡದ "ಬಿರ್ಮೆರ್"ರೆಗ್ ಪುಂಡಿ ಪಣವು ಪರಕೆ ಪಾಡ್ಯರ ಬೋಡಾದ್ "ಕೆಂಪು ಕೇಪುಲಾಜೆ" ಕಾಡ್ ದ ತೀರ್ಥದ ಕಲ್‌ಡ್ "ಮಾವೋರಿ ತೀರ್ಥಸ್ನಾನ" ಮಾಲ್ತುದು, ಕೆಂಪು ಕೇಪುಲಾಜೆ ಬೆಮ್ಮೆರೆ ಗುಂಡಡ್ “ಬಿರ್ಮೆರ್"ಗ್ ಮಾಯಾ ಪೂಜೆಡ್ ಪುಂಡಿ ಪನವು ಪರಕೆ ಸಂದಾವೆರ್ ಮುದ್ದ-ಕಳಲರ್ ಮಾಯಾ ಪೂಜೆದ ಶಬ್ದ ಕೇಂದ್ ಜನಕೊಲು ಬರ್ಪೆರ್. ಮುದ್ದ-ಕಳಲರ ಕಾರ್ಣಿಕ ಶಕ್ತಿ ತೂದು ಅಚ್ಚರಿ ಪಡೆದ್ ಬಕ್ತಿಡ್ ನಮಿಪೆರ್.
-
ತೀರ್ಥ ಕಲ್ಲ್ -
ಕೇಪುಲಾಜೆ
