ಲಕ್ಷದ್ವೀಪ

ಲಕ್ಷದ್ವೀಪ (ಮಲಯಾಳೊಡು ̲ ಲಕ್ಷದ್ವೀಪ) ಭಾರತದ ಒಂಜಿ ಕೇಂದ್ರಾಡಳಿತ ಪ್ರದೇಶ. ಉಂದು 36 ದ್ವೀಪೊಲೆನ ಒಂಜಿ ದ್ವೀಪಸಮೂಹ ಆದುಂಡು, ಉಂದು ಪಶ್ಚಿಮೊಡು ಅರೇಬಿಯನ್ ಸಮುದ್ರ ಬೊಕ್ಕ ಪೂರ್ವೊಡು ಲಕ್ಕಾಡಿವ್ ಸಮುದ್ರೊದ ನಡುಟು ಕಡಲ ಗಡಿ ಆದ್ ಸೇವೆ ಮಲ್ಪುಂಡು. ಉಂದು ಭಾರತೊದ ಮಲಬಾರ್ ಕರಾವಳಿಡ್ದ್ 200 ರ್ದ್ 440 ಕಿ.ಮೀ (120 ರ್ದ್ 270 ಮೈಲ್) ದೂರೊಡು ಉಂಡು. ಲಕ್ಷದ್ವೀಪ ಪನ್ಪಿನ ಪುದರ್ ದ ಅರ್ಥ ಮಲಯಾಳಂ ಬೊಕ್ಕ ಸಂಸ್ಕೃತ ಭಾಷೆಡ್ ನೂದು ಸಾವಿರ ದ್ವೀಪೊಲು (ಲಕ್ಷದ್ವೀಪ; ಒಂಜಿ ಲಕ್ಷ ದ್ವೀಪೊಲು) ಪನ್ಪಿನ ಅರ್ಥ ಉಂಡು, ಬೊಕ್ಕ ಲಕ್ಕಡಿವ್ ದ್ವೀಪೊಲು ನೂದು ದ್ವೀಪೊಲೆನ ದ್ವೀಪಸಮೂಹೊದ ಒಂಜಿ ಭಾಗ ಮಾತ್ರ. ಈ ಪ್ರಾಂತ್ಯೊಡು ಜೆಸೇರಿ ಪ್ರಾಥಮಿಕ ಬೊಕ್ಕ ಮಸ್ತ್ ಪಾತೆರುನ ಮೂಲ ಭಾಷೆ.[೧][೨] ಈ ದ್ವೀಪೊಲು ಭಾರತೊದ ಬಜೀ ಎಲ್ಯ ಕೇಂದ್ರಾಡಳಿತ ಪ್ರದೇಶೊಲು ಬೊಕ್ಕ ಅಯಿತ ಒಟ್ಟು ಮೇಲ್ಮೈ ವಿಸ್ತೀರ್ಣ ಸುಮಾರ್ 32 ಕಿ.ಮೀ.2 (12 ಚದರ ಮೈಲಿ) ಆದುಂಡು. ಲಕ್ಷದ್ವೀಪ ಆವೃತ ಪ್ರದೇಶ ಸುಮಾರ್ 4,200 ಕಿ.ಮೀ. (1,600 ಚದರ ಮೈಲಿ) ಆದುಂಡು. 20,000 ಕಿ.ಮೀ. (7,700 ಚದರ ಮೈಲಿ) ಪ್ರಾದೇಶಿಕ ಜಲ ಪ್ರದೇಶ ಬೊಕ್ಕ 400,000 ಕಿ.ಮೀ. (150,000 ಚದರ ಮೈಲಿ) ದ ವಿಶೇಷ ಆರ್ಥಿಕ ವಲಯ ವಿಸ್ತೀರ್ಣ ಉಂಡು. ಈ ಪ್ರದೇಶೊ 10 ಉಪವಿಭಾಗೊಲೆನ್ ಒಟ್ಟು ಮಲ್ತ್ ದ್ ಒಂಜಿ ಭಾರತೀಯ ಜಿಲ್ಲೆನ್ ರೂಪಿಸವುಂಡು. ಕಾವರಟ್ಟಿ ಕೇಂದ್ರಾಡಳಿತ ಪ್ರದೇಸೊದ ರಾಜಧಾನಿ ಆದ್ ಸೇವೆ ಮಲ್ಪುಂಡು ಬೊಕ್ಕ ಈ ಪ್ರದೇಶ ಕೇರಳ ಉಚ್ಚ ನ್ಯಾಯಾಲಯದ ವ್ಯಾಪ್ತಿಗ್ ಬರ್ಪುಂಡು. ಈ ದ್ವೀಪೊಲು ಲಕ್ಷದ್ವೀಪ್-ಮಾಲ್ಡೀವ್ಸ್-ಚಾಗೋಸ್ ದ್ವೀಪೊಲೆನ ಗುಂಪುದ ಉತ್ತರ ತುದಿ,[೩] ಉಂದು ಒಂಜಿ ವಿಶಾಲ ಸಮುದ್ರದಡಿತ ಪರ್ವತ ಶ್ರೇಣಿದ ಶಿಖರೊಲು, ಚಾಗೋಸ್-ಲಕ್ಷದ್ವೀಪ್ ರಿಡ್ಜ್. ಲಕ್ಷದ್ವೀಪೊಡು ಮೂಲತಃ ೩೬ ದ್ವೀಪೊಲು ಇತ್ತ್ಂಡ್; ಆಂಡಲಾ, ಸಮುದ್ರದ ಸವೆತೊಡ್ದಾವರ, ಪರಾಲಿ ೧ ದ್ವೀಪ ಮುರ್ಕುದ್ ೩೫ ದ್ವೀಪೊಲು ಬುಡ್ದು ಪೋತುಂಡು.[೪]