ಜಾಪನ್ದ ಭಾಷೆಲು

ಜಪಾನ್ ಡ್ ವ್ಯಾಪಕವಾದ್ ಪಾತೆರುನ ಭಾಷೆ ಜಪಾನಿಸ್ ಆದುಂಡು, ಬೊಕ್ಕ ಉಂದೆನ್ ಮಸ್ತ್ ಉಪಭಾಷೆ ಆದ್ ವಿಂಗಡಿಸಲಾತುಂಡು. ಟೋಕಿಯೊದ ಉಪಭಾಷೆ ನ್ ಸ್ಟ್ಯಾಂಡರ್ಡ್ ಜಪಾನೀಸ್ ಪಂದ್ ಪರಿಗಣಿಸಲಾತುಂಡು.

ಜಪಾನೀಸ್ ಭಾಷೆದ ಜೊತೆಗ್ ರ್ಯೋಕ್ಯುಯಾನ್ ಭಾಷೆಲೆನು (Ryūkyūan languages) ಓಕಿನಾವ ಬೊಕ್ಕ ಕಾಗೋಶಿಮ ಪುದರ್ದ ರೋಕ್ಯೋ ದ್ವೀಪೊಲೆಡ್ ಪಾತೇರುವೆರ್. ಈ ಭಾಷೆಲು ಜಪಾನೀಸ್ ಭಾಷೆದ ಜೊತೆಗ್ ಜಪೋಮಿಕ್ ಭಾಷಾ ಕುಟುಂಬೊದ ಸದಸ್ಯರಾತುಂಡು. ಉಂದು ಪೂರಾ ರ್ಯೋಕ್ಯನ್ ಭಾಷೆಲೆನ್ ಯುನೆಸ್ಕೊ ಅಳಿವಿನ ಅಂಚಿಗ್ ಬೈದಿನ ಭಾಷೆಲು ಪಂದು ಗುರುತಿಸಾದೆರ್.

ಹೊಕ್ಕೈಡೊಡು ಐನು ಭಾಷೆದ ಪ್ರಯೋಗ ಉಂಡು. ಈ ದ್ವೀಪೊದ ಸ್ಥಳೀಯ ಜನರಾದ ಐನೂ ಜನರು ಉಂದೆನ್ ಪಾತೆರುವೆರ್. ಹೊಕ್ಕೈಡೋ ಐನು ಮಾತ್ರ ಅಸ್ತಿತ್ವೊಡು ಉಪ್ಪುನ ಭಾಷೆ. ವೈವಿಧ್ಯವಾಯಿನ ಐನು ಭಾಷೆಲು ಪ್ರತ್ಯೇಕವಾದುಂಡು ಬೊಕ್ಕ ಒವ್ವೇ ಭಾಷಾ ಕುಟುಂಬೊಗು ಉಂದು ಸೇರುಜಿ. ಮೆಯಿಜಿ ಕಾಲೊಡ್ದುಲಾ , ಜಪಾನೀ ಭಾಷೆನ್ ಐನು ಜನೊಕುಲು ವ್ಯಾಪಕವಾದ್ ಗಳಿಸುವೆರ್ ಬೊಕ್ಕ ಉಂದೆತ ಪರಿಣಾಮವಾದ್ ಐನು ಭಾಷೆಲೆನು ವಿಶ್ವಸಂಸ್ಥೆದ ಶೈಕ್ಷಣಿಕ, ವೈಜ್ಞಾನಿಕ ಬೊಕ್ಕ ಸಾಂಸ್ಕೃತಿಕ ಆಯೋಗ ಯುನೆಸ್ಕೋ ತೀವ್ರವಾದ್ ಅಳಿವಿದ ಅಂಚುಡು ಉಪ್ಪುನ ಭಾಷೆಲು ಪಂದ್ ವರ್ಗೀಕರಣ ಮಂದೆರ್.

ಅತ್ತಂದೆ, ದುಂಬು ಜಪಾನಿನ ನಿಯಂತ್ರಣೊಡು ಇತ್ತಿನ ದಕ್ಷಿಣ ಸಖಾಲಿನ್ ದ್ವೀಪೊಲೆಡ್ ಪಾತೆರುನ ಒರೊಕ್, ಎವೆಂಕಿ ಬೊಕ್ಕ ನಿವ್ಖ್ ಭಾಷೆಲು ಮಸ್ತ್ ಅಳಿವಿನಂಚಿನ ಆವೊಂದುಂಡು. ಸೋವಿಯೆತ್ ಒಕ್ಕೂಟ ಈ ಪ್ರದೇಶೊನು ನಿಯಂತ್ರಣೊಗು ದೆತೊನುನ ಬುಕ್ಕೊ ಈ ಬಾಸೆಲೆನ್ ಪಾತೆರುನಕುಲು ಬೊಕ್ಕ ಅಕ್ಲೆನ ವಂಶಸ್ಥೆರ್ ಜಪಾನ್ ದೇಶೊಗು ವಲಸೆ ಬತ್ತೆರ್ ಬೊಕ್ಕ ಇತ್ತೆಲಾ ಕಮ್ಮಿ ಸಂಖ್ಯೆಡ್ ಉಲ್ಲೆರ್.

ಇತಿಹಾಸ

ರಡ್ಡನೆ ಶತಮಾನೊದ ಸುರುತ ಒಂತೆ ಸಮಯೊಡ್ದು ಬೊಕ್ಕ ಚೀನೀ ಗ್ರಂಥೊಲೆಡ್ ಭಾಷೆದ ಸೂಚನೆಲು ತೋಜಿದ್ ಬತ್ತ್ಂಡ್. ಚೀನೀ ಅಕ್ಷರೊಲೆನ್ ಅಳವಡಿಸಯೆರ್ ಬೊಕ್ಕ ಜಪಾನ್ ಡ್ ಪಾತೆರುನ ಬಾಸೆದ ದಾಖಲೆಲೆನ್ ತಯಾರ್ ಮಲ್ತೆರ್. ಚೀನೀ ಅಕ್ಷರೊಲೆನ ಶಬ್ದೊಲೆನ್ ತೋಜಾವುನ ಒಂಜಿ ತುಲನಾತ್ಮಕವಾದ್ ನಿಖರವಾದ್ ಹಿರಗಾನ ಬೊಕ್ಕ ಕಟಕನಾ ಅಕ್ಷರೊಲೆನ್ ಸೇರಾವೊಂಡೆರ್

ರ್ಯುಕ್ಯುನ್ ಭಾಷೆಲು   

ಚೀನೀ ಅಕ್ಷರೊಲೆನ್ ಸುರುಕು ರ್ಯುಕ್ಯುನ್ ಭಾಷೆಲೆಡ್ 13ನೆ ಶತಮಾನೊಡು ಪರಿಚಯಿಸಯೆರ್. ಅಯಿಡ್ದ್ ದುಂಬು ಆ ಬಾಸೆಗ್ ಸಂಬಂಧ ಪಟ್ಟಿನ ವಿವರೊಲು ಅತ್ ಗೊತ್ತುಜ್ಜಿ. ರ್ಯುಕ್ಯು ದ್ವೀಪೊಲೆಡ್ದ್ ಚೀನಾಗ್ ಕಡಪುಡುನ ಉಡುಗೊರೆಲೆಗ್ ಹಿರಾಗಾನೊನು ಬಳಕೆ ಮಲ್ಪುನವು ೧೪ನೆ ಶತಮಾನೊದ ದಾಖಲೆಲೆಡ್ ತೋಜುಂಡು. ಈ ಭಾಷೆಲು ಆ ಕಾಲೊಡು ಜಪಾನಿನ ಭಾಷೆಗ್ ಸಂಬಂಧ ಪಟ್ಟಿನವು ಪನ್ಪಿನೆನ್ ಉಂದು ಸೂಚಿಸವುಂಡು.

ಐನು ಭಾಷೆಲು   

೧೬ನೆ ಶತಮಾನೊದ ದಾಖಲೆಲು ಐನು ಭಾಷೆಲೆಗ್ ಲಿಪಿ ಇಜ್ಜಿ ಪನ್ಪಿನವು ತೋಜುಂಡು.ಟೆಂಪ್ಲೇಟ್:ಸತ್ಯ

ಯುರೋಪಿಯನ್ ಭಾಷೆಲು   

ಮಧ್ಯ ಯುಗೊಡ್ದ್ ಬೊಕ್ಕ, ಯುರೋಪಿಯನ್ ಲೆನ ಭೇಟಿಡ್ದ್, ಜಪಾನಿಯೆರ್ ಮಸ್ತ್ ವಿದೇಶಿ ಪದೊಕುಲೆನ್ ಅಳವಡಿಸಯೆರ್.

ಪೋರ್ಚುಗೀಸ್ ೧೫೪೩ಡ್ದ್ ಬೊಕ್ಕ ಯುರೋಪಿಯನ್‍ಲೆನೊಟ್ಟುಗು ಸುರುತ ಸಂಪರ್ಕ ಬಾಸೆ. ಆಂಡ ಜಪಾನಿಯೆರ್ ಪೋರ್ಚುಗೀಸ್ ಜನೊಕ್ಲೆನ್ ದೇಶೊರ್ದು ದೆತ್ತ್ ದ್ ಬುಡ್ತಿನ ಬುಕ್ಕೊ ಉಂದೆನ್ ಡಚ್ ಪಂಡ್ದ್ ಬದಲ್ ಮಲ್ತೆರ್. ಜಪಾನ್ ಸರ್ಕಾರ ೧೮೭೦ ಮುಟ್ಟ ಡಚ್ ಡ್ ಪಾಶ್ಚಾತ್ಯ ಅಧಿಕಾರಿಲೆನೊಟ್ಟುಗು ಮಾತುಕತೆ ಮಲ್ತೊಂದಿತ್ತ್ಂಡ್. ಅಪಗಡ್ದ್ ಇಂಗ್ಲಿಷ್ ಪಾಶ್ಚಾತ್ಯೊಲೆನೊಟ್ಟುಗು ಸಂವಹನ ಮಲ್ಪುನ ಪ್ರಾಥಮಿಕ ಭಾಷೆ ಆತ್ಂಡ್.

ಭಾಷೆದ ವರ್ಗೀಕರಣೊಲು

ಇತ್ತೆದ ಬೊಕ್ಕ ದಾಖಲಾತಿನ ಇತಿಹಾಸೊಡು ದ್ವೀಪಸಮೂಹೊದ ಜಪಾನ್ ಮೂಲ ನಿವಾಸಿಲು ಪಾತೆರುನ ಮೌಖಿಕ ಭಾಷೆಲು ಮಾನವ ಭಾಷೆಲೆನ ರಡ್ಡ್ ಪ್ರಾಥಮಿಕ ವರ್ಗೊಲೆಡ್ ಒಂಜಿ.

• ಜಪಾನೀಸ್ ಭಾಷೆಲು
  • ಜಪಾನೀಸ್ ಭಾಷೆ (ಜಪಾನೀಸ್ ಉಪಭಾಷೆಲೆನ್ಲಾ ತೂಲೆ)
    • ಹಾಚಿಜೊ ಪಂಡ ಜಪಾನಿ
    • ಪೂರ್ವ ಜಪಾನೀಸ್
    • ಪಾಶ್ಚಾತ್ಯ ಜಪಾನೀಸ್
    • ಕ್ಯುಶು ಪಂಡ ಜಪಾನಿ
  • ರ್ಯುಕ್ಯುನ್ ಭಾಷೆಲು
    • ಉತ್ತರ ರ್ಯುಕ್ಯುವಾನ್ ಭಾಷೆಲು
      • ಅಮಿಯಮ್ಮ.
      • ಕುಣಿಗಮಿ
      • ಒಕಿನಾವಾ
    • ದಕ್ಷಿಣ ರ್ಯುಕ್ಯುಯಿನ್ ಭಾಷೆಲು
      • ಮಿಯಾಕೊ
      • ಯಮು.
      • ಯೋನಗುಣಿ
• ಐನು ಭಾಷೆಲು
  • ಹೊಕ್ಕೈಡೊ ಐನು ಭಾಷೆ
  • ಸಖಾಲಿನ್ ಐನು ಭಾಷೆ (ಅಳಿವಿನ)
  • ಕುರಿಲ್ ಐನು ಭಾಷೆ (ಅಳಿವಿನ)

ಈ ರಡ್ಡ್ ಸ್ಥಳೀಯ ಭಾಷೆದ ಕುಟುಮೊಲೆನ ಜೊತೆಗೆ, ಜಪಾನಿನ ಸಂಕೇತ ಭಾಷೆಲಾ ಉಂಡು. ಉಂದು ಜನಾಂಗೀಯ ಕೊರಿಯನ್ ಬೊಕ್ಕ ಚೀನೀ ಜನಾಂಗದ ಮಹತ್ವದ ಅಲ್ಪಸಂಖ್ಯಾತೆರ್ನ ಭಾಷೆಲಾ ಆದುಂಡು, ಆಂಡ ಅಕುಲು ದೇಶದ ಜನಸಂಖ್ಯೆಡ್ ಕ್ರಮಾಂಕೊಡು 0.5% ಬೊಕ್ಕ 0.4% ನ್ ಮಲ್ಪುವೆರ್, ಬೊಕ್ಕ ಅಯಿಟ್ ಮಸ್ತ್ ಜನ ಅಕ್ಲೆನ ಜನಾಂಗೀಯ ಭಾಷೆನ್ ಖಾಸಗಿಯಾದ್ ಪಾತೆರೊಂದುಲ್ಲೆರ್. ಜಪಾನ್ ಡ್ ಸಾಹಿತ್ಯ ಬೊಕ್ಕ ರಾಜತಾಂತ್ರಿಕತೆದ ಭಾಷೆ ಆದ್ ``ಕನ್ಬನ್ (ಶಾಸ್ತ್ರೀಯ ಚೀನೀ) ನ್ ಬಳಕೆ ಮಲ್ಪುನ ಒಂಜಿ ಮಹತ್ವದ ಇತಿಹಾಸಲಾ ಉಂಡು, ಉಂದು ಮಧ್ಯಕಾಲೀನ ಯುರೋಪ್ ಡ್ ಲ್ಯಾಟಿನ್ ಭಾಷೆ ದ ಸ್ಥಾನಮಾನೊಡು ಹೋಲಿಕೆ ಆಪುಂಡು. ಜಪಾನಿ ಭಾಷೆದ ಶಬ್ದಕೋಶೊಡು ಉಂದು ಒಂಜಿ ಅಳಿಯಂದಿನ ಗುರುತುನ್ ಬುಡ್ದು ಪೋಂಡು. "ಕನ್ಬನ್" ಪಂಡ ಜಪಾನಿನ ಪ್ರೌಢಶಾಲೆಲೆನ ಪಠ್ಯಕ್ರಮೊಡು ಒಂಜಿ ಕಡ್ಡಾಯ ವಿಷಯ.

ಉಂದೆನ್ಲ ತೂಲೆ

• ಜಪಾನ್ ದ ಜನಸಂಖ್ಯೆ
• ಜಪಾನಿ ಜನಕುಲು
  • ಯಮಟೊ ಜನ
  • ರ್ಯುಕ್ಯುವಾನ್ ಜನಕುಲು
  • ಐನು ಜನಾಂಗ]
• ಜಪಾನ್ ಡ್ ಫಿಲಿಪಿನೋಲು
• ಜಪಾನ್ ಡ್ ಕೊರಿಯನ್ ಲು
• ಜಪಾನ್ ಡ್ ಚೀನೀ
• ಜಪಾನ್ ಡ್ ಬ್ರೆಜಿಲಿಯನ್ ಲು
• ಜಪಾನ್ ದ ಸಾಹಿತ್ಯಿಕ ಭಾಷೆ ಆದ್ ಶಾಸ್ತ್ರೀಯ ಚೀನೀ ಭಾಷೆ
• ಪೂರ್ವ ಏಷ್ಯಾದ ಬಾಸೆಲು
• ಜಪಾನ್ ಡ್ ಕಿವುಡತ್ವ