ಅಕ್ರೂರ

ಅಕ್ರೂರ
ಕೃಷ್ಣೆ ಬುಕ್ಕ ಬಲರಾಮೆರ್ ಇತ್ತಿನ ರಥೊತ್ತ ಸಾರಥಿ ಆದ್ ಅಕ್ರೂರೆ
ಪಟ್ಯೊ	ಪುರಾಣೊ, ಮಹಾಭಾರತ
ವೈಯಕ್ತಿಕ ಇಸಯೊಲು
ಪೋಷಕೆರ್	ಶ್ವಪಲ್ಕ (ಅಮ್ಮೆ), ಗಾಂಧಿನಿ (ಅಪ್ಪೆ)
ಸಹೋದರ/ರಿ	Upasanja, Mangu, Mridura, Arimejaya, Girikshipa, Upiksha, Shatruha, Arimardana, Dharmabhrit, Yatidharma, Gridhra, Bhoja, Andhaka, Suvahu, and Prativahu (brothers), Sundari (sister)
ಸಂಗಾತಿ	ಉಗ್ರಸೇನಿ
ಸಂತತಿ	Sudeva and Upadeva (sons)
ರಾಜವಂಸೊ	ಯದುವಂಸೊ

ಅಕ್ರೂರೆ ಕಂಸನ ೮ ಜನ ಮಂತ್ರಿಲೆಡ್ ಒರಿ. ಕೃಷ್ಣನ ಸಿದ್ಯಮ್ಮೆ. ಯದುವಂಶದ ಒರಿ ರಾಜಕುಮಾರೆ. ಇಂಬ್ಯನ ಅಮ್ಮೆ ಶ್ವಫಲ್ಕ, ಅಪ್ಪೆ ಗಾಂಧಿನಿ. ಮಥುರೆದ ರಾಜೆ ಕಂಸೆ ವರ ಧನುರ್ಯಾಗ ಮಲ್ಪನಗ ಕೃಷ್ಣ ಬುಕ್ಕ ಮಲರಾಮೆರೆನ್ ಈ‌ ಲೆತೊಂದು ಬರೊಂಡುಂದು ಅಕ್ರೂರಡ ಪನ್ಪೆ. ಅಂಚ ಕೃಷ್ಣ-ಬಲರಾಮೆರಡೆ ಪೋದು ಅಕ್ಲೆನ್ ತನ್ನ ತೇರ್‌ಡ್ ಲೆತೊಂದು ಬರ್ಪುನ ನಡುಟು ಯಮುನಾ ತುದೆಟ್ ಅಕ್ರೂರೆ ಮೀಯರ ಜಪ್ಪುವೆ. ಅಪಗ ನೀರ್‌ದ ಅಡಿಟ್ ಕೃಷ್ಣೆ ವಿಷ್ಣು ದೇವರೆನ ರೂಪೊಡು ಬುಕ್ಕ ಬಲರಾಮೆ ಆದಿಶೇಷನ ರೂಪೊಡು ಅಕ್ರೂರಗ್ ವಿಶ್ವರೂಪ ದರ್ಶನ ಮಲ್ಪಾವೆರ್.

ಬಗೆಟ್

ಅಕ್ರೂರನ ಅಪ್ಪೆ ಗಾಂಧಿನಿ ಮಾಮಲ್ಲ ಮಾಯದ ಪೊಂಜವು ಪನೊಲಿ. ಮೋಲು ಅಪ್ಪೆನ‌ ಬಂಜಿಡ್ ೧೨ ವರ್ಸೊ ಇತ್ತೊಲುಗೆ. ತನ್ನ ಬುಡೆದಿ ನನಲಾ ಪೆದ್ದಂದೆ ಇಪ್ಪರ ದಾಯ್ತ ಕಾರನ ಪಂದ್ ಆಸ್ಥಾನೊದ ಪೊರೋಯಿತೆರೆಡ ರಾಜೆ ಕೆಣನಗ ಆರ್ ಯದುವಂಸೊದ ಶ್ವಫಲ್ಕನ್ ಬರ್ರ ಪನ್ಪೆರ್. ಶ್ವಪಲ್ಕಗ್ ಗರ್ಬೊಡಿತ್ತಿನ ಬಾಲೆ ಪೊಣ್ಣು ಪಂದ್ ತೆರಿವುಂಡು. ಈ ನನಲ ಬೂಮಿಗ್ ದಾಯೆ ಬತ್ತಿಜ ಪಂದ್ ಗರ್ಬೊಡು ಇತ್ತಿನ ಬಾಲೆಡ ಕೇನ್ಬೆ. ಅಪಗ ಏನ್ ಪುಟ್ಟಿ ಬೊಕ್ಕ ಎನ್ನ ಅಪ್ಪೆಮ್ಮೆ ಪ್ರತಿದಿನ ಒಂಜೊಂಜಿ ಪೆತ್ತನ್ ದಾನ ಮಲ್ಪೊಡು, ಅಂಚಾಂಡ ಮಾತ್ರ ಬೂಮಿಗ್ ಬರ್ಪೆ ಪಂದ್ ಬಾಲೆ ಪನ್ಪುಂಡು. ಇಂದೆಕ್ ರಾಜ ದಂಪತಿಲು ಒಪ್ಪುವೆರ್. ಕಾಲ ಸಂದಿಬೊಕ್ಕ ಆ ಪೊಣ್ಣನ್ ಶ್ವಪಲ್ಕಗ್ ಕೊರ್ದು ಮದಿಮೆ ಮಲ್ಪುವೆರ್.

ಅಕ್ರೂರಗ್ ರಡ್ ಜನ ಬುಡೆದಿಯರ್ಲು. ಒರ್ತಿ ಉಗ್ರಸೇನನ‌ ಮಗಲ್ ಉಗ್ರಸೇನಿ. ನನೊರ್ತಿ ಆಹುಕನ ಮಗಲ್ ಭುತನು. ಉಗ್ರಸೇನಿಡ್ ರಡ್ ಜನ ಜೋಕುಲು- ಸುದೇವ ಬುಕ್ಕ ಉಪದೇವ. ಅಂಚನೆ ಭುತನುಡು ರಡ್ ಜನ ಜೋಕುಲು-ದೇವಕ ಬುಕ್ಕ ಉಪದೇವಕ.