ಅನಂತರಾಮ ಬಂಗಾಡಿ

ಅನಂತರಾಮ ಬಂಗಾಡಿ ವಿದ್ವಾಂಸೆ, ಲೇಖಕೆ, ಬೊಕ್ಕ ಯಕ್ಷಗಾನೊದ ಪ್ರಸಂಗಕರ್ತೆ. ಜಾನಪದೊ ಬೊಕ್ಕ ಕಾಲ್ಪನಿಕ ಕಥೆಕುಲ್ನ ಬಗೆಟ್ ತುಳು ಬೊಕ್ಕ ಕನ್ನಡೊಡು ಯಕ್ಷಗಾನ ಪ್ರಸಂಗೊಲೆನ್ ಬರೆತೆರ್. ಇಂಬೆರ್ ಬರೆತಿನ ತುಳು ಪ್ರಸಂಗೊಲೆಡ್ ತುಳು ಪಾಡ್ದನದ ಕಥೆಕುಲು ಉಂಡು.

ಪರಿಚಯೊ

ಅನಂತರಾಮ ಬಂಗಾಡಿ ದಕ್ಷಿಣ ಕನ್ನಡ ಜಿಲ್ಲೆದ ಬೆಳ್ತಂಗಡಿ ತಾಲೂಕುದ ಬಂಗಾಡಿ ಅರಸುಲೆನ ಶ್ವೇತಛತ್ರ ಪತ್ತೊಂದಿತ್ತಿನ ಮಾಯಿಲ ಭಂಡಾರಿ ವಂಸೊದ ಕುತ್ರೊಟ್ಟು ಮಂಜು ಭಂಡಾರಿ ಬೊಕ್ಕ ಕಿನ್ಯಕ್ಕ ದಂಪತಿಲೆನ ಮಗೆ. ಇಂಬೆರ್ ಪ್ರಾಥಮಿಕ ವಿದ್ಯಾಭ್ಯಾಸೊನು ಬಂಗಾಡಿಡೆ ಪೂರೈಸುವೆರ್. ೧೫೦ಗುಲಾ ಎಚ್ಚ ಯಕ್ಷಗಾನೊ ಪ್ರಸಂಗೊಲೆನ್ ಕನ್ನಡ ಬೊಕ್ಕ ತುಳುಟ್ ಬರೆತೆರ್. ಕ್ರೈಸ್ತ ಸಂತೆರೆಲೆನ ಕತೆಕುಲುನು ಯಕ್ಷಗಾನಗು ಕಣಪಿನ ಪ್ರಯತ್ನೊ ಮಲ್ದೆರ್. ಆರ್ನ ಉಸ್ತುವಾರಿಡ್ ಸುರು ಆಯಿನ ‘ಸೌಹಾರ್ದ ಕಲಾವಿದರು, ಯಕ್ಷರಂಗ ಬಂಗಾಡಿ’ ಪನ್ಪಿನ ಒಂಜಿ ತಂಡೊ 15 ವರ್ಸೊ ಮುಟ್ಟ ರಾಜ್ಯೊದ ಬೇತೆ ಬೇತೆ ಕಡೆಟ್ ಯಕ್ಷಗಾನ ಪ್ರದರ್ಶನೊ ಕೊರ್ತುಂಡು.

ತುಳು ಪ್ರಸಂಗೊಲು

• ಮೂಲೆರ ಬೂಡುದ ಚಂದನ ಬಾಲೆ
• ಬಂಗವಾಡಿದ ಕೊಲ್ಲಿ ದುರ್ಗೆ
• ಬಂಗಾರ್ ಬಾಲೆ ಬೊಳ್ಳಿ ಕುಮಾರೆ
• ಬಾಲೆ ದುಗ್ಗು ಕೊಂಡೆ ಬಲ್ಲಾಳ್ತಿ
• ಮೂಜೂರ ಉಲ್ಲಾಕುಳ್ ಮೂವೆರ್ ದೈಯೊಂಕುಳು
• ಶೀಂತ್ರಿದ ಚೆನ್ನಕ್ಕೆ
• ಪಟ್ಟದ ಪದ್ಮಲೆ
• ಕಾಡ ಮಲ್ಲಿಗೆ
• ಪುಂಚದ ಪುರ್ಪ
• ಮರ್ಮಲ್ ಮಂದರೆ
• ಬಂಗಾರ್ ಕೇದಗೆ
• ನಾಗ ಸಂಪಿಗೆ
• ಸ್ವಾಮಿ ಭಕ್ತೆ ಅತಿಕಾಯೆ
• ಪದ್ಮ ತಾಮರೆ
• ಕೈ ಪತ್ತಿ ಕಂಡನಿ
• ಬೊಳ್ಳಿ ಗಿಂಡೈ
• ಮದ್ರೆಂಗಿ ಮದ್ಮಾಳ್
• ಸ್ವಾಮಿ ಭಕ್ತೆ ಕಾಜವೆ
• ಕಾನದ ತನಿಯೆ
• ಸಿಂಗಾರ್ದ ಸಿರಿಮುಡಿ
• ಮಗಳೆನ ಮದಿಪು

ಪ್ರಶಸ್ತಿಲು

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿತ ಪ್ರಶಸ್ತಿ, ಜ್ಯೋತಿಷ ಜ್ಞಾನ ರತ್ನ ಬಿರುದು, ಪುಳಿಂಚ ರಾಮಯ್ಯ ಶೆಟ್ಟಿ ಪ್ರತಿಷ್ಠಾನೊದ ಪ್ರಶಸ್ತಿಲು ಸೇರ್ದ್ ಬೇತೆ ಬೇತೆ ಸಮ್ಮಾನೊಲು ಆರೆಗ್ ತಿಕ್ದಂಡ್.