ಬೆಳ್ತಂಗಡಿ

ವಿಕಿಪೀಡಿಯರ್ದ್

ಬೆಳ್ತಂಗಡಿ ಕರ್ನಾಟಕೊ ರಾಜ್ಯೊದ ದಕ್ಷಿಣ ಕನ್ನಡ ಜಿಲ್ಲೆದ ಒಂಜಿ ತಾಲೂಕು. ಕುಡ್ಲಡ್ದ್ ಅಂದಾಜ್ ೬೦ ಕಿ.ಮೀ. ದೂರೊಡುಪ್ಪುನ ಬೆಳ್ತಂಗಡಿ ಮಂಗಳೂರು-ಚಿಕ್ಕಮಗಳೂರು ಹೆದ್ದಾರಿಡುಂಡು.

ಪುದರ್‌ದ ಹಿನ್ನೆಲೆ[ಸಂಪೊಲಿಪುಲೆ]

ಬೆಲ್ಲೊದ+ಅಂಗಡಿ=ಬೆಳ್ತಂಗಡಿ ರೂಪೊ ಪಡೆದಿಪ್ಪು. ಅತ್ತ್ಂಡ ಬೊಲ್ ತೇರ್ ದ ರೂಪಾಂತರ ಬೆಳ್ತಂಗಡಿ ಆತ್ಂಡ್.(ದುಂಬು ಬೊಲ್ತೆರ್ ಪಂದ್ ಲೆತ್ತೊಂದಿತ್ತೆರ್) ಬೇಲೆಕ್ಲು ಸೇರುನ ಜಾಗೆ, ಬಲಾವುದ ಕಲ್ಲ್‌ ಮಾರುನ ಅಂಗಡಿ ಇಂಚ ಪೂರ ಅರ್ಥೊ ಬತ್ತಿಪ್ಪು.

ಕೃಷಿ-ಕಸುಬು[ಸಂಪೊಲಿಪುಲೆ]

ಬೆಳ್ತಂಗಡಿದಕ್ಲೆನ ಕಸುಬು ಕೃಷಿ. ಬಜ್ಜೆಯಿ, ಕಂಡೊ ಬೇಸಾಯೊ, ತಾರಾಯಿ, ಕೊಕ್ಕೊ, ಬೀಜೊ ಮುಲ್ಪದ ಮಲ್ಲ ಬುಲೆಕ್ಕುಲು.

ತೂವೊಡಾಯಿನ ಜಾಗೆ[ಸಂಪೊಲಿಪುಲೆ]

  1. ಬೆಳ್ತಂಗಡಿಡ್‍ದ್ ಕಿಲ್ಲೂರುಗು ಪೋನಗ ಗಡಾಯಿಕಲ್ಲ್ ತಿಕ್ಕುಂಡು.
  2. ಬೆಳ್ತಂಗಡಿರ್ದ್ ಕಿಲ್ಲೂರು ಪೋನಗ, ನಾಲ್ ಕಿಲೋಮೀಟರ್ ದೂರಡು ಎಡತ್ತ್ಗ್ ಪೊನ್ಡ 'ಚದ್ಕೂರ್ ದುರ್ಗಾಪರಮೇಶ್ವರಿ ದೇವಸ್ಥಾನ' ಉಂಡು. ಈ ಜಾಗ ಕಾರ್ಣಿಕದ ಜಾಗ. 1996 ಇಸವಿಡ್ ಅಯುತ ಚಂಡಿಕಾ ಯಾಗ ಆಯಿನ ಜಾಗ ಉಂದು.
  3. ಉಜಿರೆಡ್‍ದ್ ದುಮಬು ಪೋನಗ ಧರ್ಮಸ್ಥಳೊ ತಿಕುಂಡು. ಧರ್ಮಸ್ಥಳೊಗು ಪಿರಾಕ್‍ದ ಪುದರ್ ಕುಡುಮ ಪದವು.
  4. ಧರ್ಮಸ್ಥಳೊಡು ಭಗವಾನ್ ಬಾಹುಬಲಿ ಬೆಟ್ಟ ಉಂಡು.
  5. ಧರ್ಮಸ್ಥಳೊಡು ಅಣ್ಣಪ್ಪನ ತಾನೊ ಉಂಡು.
  6. ಪವಿತ್ರ ನೇತ್ರಾವತಿ ಸುದೆ ಉಂಡು.
  7. ದಿವ್ಯಾಶಿರ್ವಾದ ಚರ್ಚ್, ಬೆಳ್ತಂಗಡಿ (ಫ್ರೊಟೆಸ್ಟಂಟ್ ಕ್ರೈಸ್ತೆರೆ ದೇವಾಲಯ)

ಕೈತಲ್‍ದ ಪೇಂಟೆ[ಸಂಪೊಲಿಪುಲೆ]

ಬೆಳ್ತಂಡಿಗ್ ಕೈತಲ್‍ದ ಪೇಂಟೆ ಗುರುವಾಯನ ಕೆರೆ ೮ ಕಿ.ಮೀ., ಉಜಿರೆಗ್ ೪ ಕಿ.ಮೀ.

ಬೆಳ್ತಂಗಡಿ ಇಸೇಸೊ[ಸಂಪೊಲಿಪುಲೆ]

  1. ಗಡಾಯಿಕಲ್ಲ್ : ಬೆಳ್ತಂಗಡಿದ ಮಲ್ಲ ಆಕರ್ಷನೆ ಗಡಾಯಿಕಲ್ಲ್. ಗಡಾಯಿಕಲ್ಲ್‌ಗ್ ಚಾರಣೊ ಪೋಪುನ ಸಾಹಸಿಲೆಗ್ ಪಂಡಿನ ಜಾಗೆ. ಇಂದು ಕಡಲ್‍ಡ್ದ್ ೧೭೮೮ ಅಡಿ ಎತ್ತೊರೊಡುಂಡು. ಇಂದೆನ ಮೇಲ್‍ಡ್ ನರಸಿಂಹಗಡ ಅತ್ತಂಡ ಜಮಲಾಗಡ ಪನ್ಪಿನ ಕೋಟೆ ಉಂಡು. ಅಂಚಾದ್ ಇಂದೆನ್ ಜಮಲಾಬಾದ್ ಪನ್ಪೆರ್. ಸುಮಾರ್ ೨೮೦೦ ಮೊಟ್ಟು ಬಡತ್ತ್‌ಂಡ ಜಮಗಲಾಗಡೊಕ್ಕು ಮುಟ್ಟೊಲಿ.
  2. ಬೆಳ್ತಂಗಡಿದ ಕೈತಲ್‍ದ ಧಾರ್ಮಿಕ ಕ್ಷೇತ್ರೊ ಧರ್ಮಸ್ಥಳೊ ದಾನೊ ಧರ್ಮೊಗು ಪುದರ್ ಪಡೆದ್‍ಂಡ್.[೧]
  3. ಕುತ್ಯಾರ್‍ಡ್ ಸೋಮನಾಥೇಶ್ವರ ದೇವಸ್ಥಾನೊ ಉಂಡು.[೨]
  4. ಸೂರ್ಯ ಗ್ರಾಮಡ್ ಸದಾಶಿವ ದೇವಸ್ಥಾನೊ ಉಂಡು.
  5. ಕಾಜೂರುದ ಮಸೀದಿ ಪುದರ್ ಪಡೆವೊಂದ್ಂಡ್.
  6. ಬೆಳ್ತಂಗಡಿ ಪೇಂಟೆಡ್ ಬಾಸೆಲ್ ಮಿಶನ್ ದಕುಳು ಸ್ಥಾಪನೆ ಮಲ್ತಿನ ದಿವ್ಯಾರ್ಶೀವಾದ ದೇವಾಲಯ
  7. ರಡ್ಡ್ ಇಂಜಿನಿಯರಿಂಗ್ ಕೋಲೇಜ್, ಒಂಜಿ ಮೆಡಿಕಲ್ ಕೋಲೇಜ್, ಒಂಜಿ ಆಯುರ್ವೇದೊ ಕೋಲೇಜ್ ಉಂಡು.

ಉಲ್ಲೇಕೊಲು[ಸಂಪೊಲಿಪುಲೆ]