ಅನಂತ್ ನಾಗ್

ಅನಂತ್ ನಾಗ್
ಪುಟ್ಟು	ಅನಂತ್ ನಾಗರಕಟ್ಟೆ ಸೆಪ್ಟೆಂಬರ್-೦೪-೧೯೪೮ ಶಿರಾಲಿ, ಹೊನ್ನಾವರ (ಉತ್ತರ ಕನ್ನಡ ಜಿಲ್ಲೆ)
ದೇಶ	ಭಾರತೀಯ
ವೃತ್ತಿ	ನಟ/ರಾಜಕಾರಣಿ
Spouse	ಗಾಯತ್ರಿ (m. ೧೯೮೭)
ಜೋಕುಲು	ಅದಿತಿ ಅನಂತ್ ನಾಗ್

ಡಾ ಅನಂತ್ ನಾಗರಕಟ್ಟೆ (ಜನನೊ: 4 ಸೆಪ್ಟೆಂಬರ್ 1948) ಮೇರ್ ಭಾರತೀಯ ನಟೆ. ಮೇರ್ 200 ರ್ದ್ಲಾ ಜಾಸ್ತಿ ಕನ್ನಡ ಚಲನಚಿತ್ರೊಲೆನ್ ಅಂಚನೆ ಹಿಂದಿ, ತೆಲುಗು, ಮರಾಠಿ, ಮಲಯಾಳಂ ಬೊಕ್ಕ ಇಂಗ್ಲಿಷ್ ಬಾಸೆದ 300 ರ್ದ್ಲಾ ಜಾಸ್ತಿ ಚಲನಚಿತ್ರೊಲೆಡ್ ನಟನೆ ಮಲ್ದೆರ್. ಮೇರ್ ರಂಗಭೂಮಿ ನಾಟಕ ಸೀರಿಯಲ್‍ಡ್ಲಾ ಅಭಿನಯ ಮಲ್ದೆರ್. ಪ್ರೊ. ಪಿ.ವಿ.ನಂಜರಾಜ್ ಅರಸ್ ಮೆರೆನ ನಿರ್ದೇಶನೊದ ಸಂಕಲ್ಪ (1973) ಪನ್ಪಿನ ಚಿತ್ರೊದ ಮೂಲಕ ಮೇರ್ ಸಿನಿಮಾ ಲೋಕೊಗು ಪಾದಾರ್ಪಣೆ ಮಲ್ತೆರ್. ಸಂಕಲ್ಪ ಸಿನಿಮೊ ಕರ್ನಾಟಕಡ್ ಏಳ್ ರಾಜ್ಯ ಪ್ರಶಸ್ತಿನ್ ಗೆಂದ್‍ದ್ಂಡ್.

ಪುಟ್ಟು ಬೊಕ್ಕ ಬರವು

ಅನಂತನಾಗ್ ಮೇರ್ ಸೆಪ್ಟೆಂಬರ್ ೪, ೧೯೪೮ನೇ ಇಸವಿಡ್ ಆನಂದಿ ಬೊಕ್ಕ ಸದಾನಂದ ನಾಗರಕಟ್ಟೆ ದಂಪತಿಲೆಗ್ ಕರ್ನಾಟಕದ ಭಟ್ಕಳ ತಾಲೂಕುದ ಶಿರಾಲಿಡ್ ಪುಟ್ಟಿಯೆರ್ . ಅಕ್ಕ ಶ್ಯಾಮಲಾ ಬೊಕ್ಕೊಂಜಿ ಮೆಗ್ಗೆ ಶಂಕರ್ ನಾಗ್ ಮೆರೆನ ಅಕ್ಕಲಾ ಮೆಗ್ಗೆಲಾ . ಮೇರ್ ತನ್ನ ಆರಂಭಿಕ ಶಿಕ್ಷಣೊನು ಉಡುಪಿದ ಅಜ್ಜರಕಾಡ್‌‍ದ ಕ್ಯಾಥೋಲಿಕ್ ಶಾಲೆಡ್ ಪಡೆಯೆರ್ ಬೊಕ್ಕದ ಬರವುನು ದಕ್ಷಿಣ ಕನ್ನಡದ ಆನಂದ ಆಶ್ರಮ ಬೊಕ್ಕ ದುಂಬುದ ಮೈಸೂರು ರಾಜ್ಯೊದ (ಇತ್ತೆದ ಕರ್ನಾಟಕ) ಅಂಚನೆ ಉತ್ತರ ಕನ್ನಡ ಜಿಲ್ಲೆದ ಚಿತ್ರಾಪುರ ಮಠೊಟ್ಟು ಕಲ್ತೆರ್. 9ನೇ ತರಗತಿಡುಪ್ಪುನಗ, ನನ ದುಂಬುದ ಬರವು ಕಲ್ಪರೆ ಮುಂಬೈಗ್ ಕಡಪುರಿಯೆರ್.
ಅರೆಗ್ ಆರ್ಮಿ ಸೇರೊಡು ಪಂದ್ ಆಸೆ ಇತ್ತ್ಂಡ್ ಆಂಡ್ ಕಮ್ಮಿ ತೂಕೊ ಇತ್ತಿನೈರ್ದಾವರ ಅರೆನ್ ಆಯ್ಕೆ ಮಲ್ದಿಜೆರ್. ಮುಂಬೈಡ್ ರಂಗಭೂಮಿದಂಚಿ ಪೋಯ್ನ ಮೆರೆನ ಮನಸ್ಸ್ ಅವರು ಕೊಂಕಣಿ, ಕನ್ನಡ ಬೊಕ್ಕ ಮರಾಠಿ ಬಾಸೆದ ನಾಟಕೊಲೆಡ್ ಅಭಿನಯ ಮಲ್ಪರೆ ಆಯ್ಕೆ ಆಯೆರ್ ಅಂಚಾದ್ 22 ವರ್ಸ ಮುಟ್ಟ ಮೇರ್ ಅವೆನೇ ಮುಂದುವರಿಸಾಯೆರ್.

ಸಿನಿಮೊಲು

ಅನಂತನಾಗ್ ಮೇರ್ ಕನ್ನಡ ಚಿತ್ರರಂಗೊಗ್ ಬೈದಿನಿ ೧೯೭೩ನೇ ಇಸವಿಡ್ ಪಿ.ವಿ. ನಂಜರಾಜ ಅರಸ್ ಮೆರೆನ ‘ಸಂಕಲ್ಪ’ ಚಿತ್ರೊದ ಮೂಲಕ. ಮೇರ್ ಹಂಸಗೀತೆ, ‘ಕನ್ನೇಶ್ವರ ರಾಮ’, ‘ಬರ’, ‘ಅವಸ್ಥೆ’, ‘ಉದ್ಭವ’, ‘ಮಿಂಚಿನ ಓಟ’, ‘ಆಕ್ಸಿಡೆಂಟ್’, ‘ಬೆಳದಿಂಗಳ ಬಾಲೆ’, ‘ಮತದಾನ’, ‘ಮೌನಿ’, ‘ಅನುರೂಪ’, ‘ರಾಮಾಪುರದ ರಾವಣ’, ‘ಸಿಂಹಾಸನ’, ‘ಅನ್ವೇಷಣೆ’, ‘ಮಾಲ್ಗುಡಿ ಡೇಸ್’ ಇಂಚಿನ ಸೀರಿಯಲ್‍ಡ್ಲಾ ಅಭಿನಯ ಮಲ್ದೆರ್. ‘ಬೆಂಕಿಯ ಬಲೆ’, ‘ಚಂದನದ ಗೊಂಬೆ’, ‘ಇಬ್ಬನಿ ಕರಗಿತು’, ಮುದುಡಿದ ತಾವರೆ ಅರಳಿತು, ‘ಮಕ್ಕಳಿರಲವ್ವ ಮನೆತುಂಬ’, ‘ನೋಡಿ ಸ್ವಾಮಿ ನಾವಿರೋದು ಹೀಗೆ’, ‘ನಾ ನಿನ್ನ ಬಿಡಲಾರೆ’, ‘ಧೈರ್ಯಲಕ್ಷ್ಮಿ’, ‘ಬಿಡುಗಡೆಯ ಬೇಡಿ’ ಇಂಚಿನ ಸುಮಾರ್ ಸಿನಿಮೊಲೆಡ್ ಅಭಿನಯ ಮಲ್ದೆರ್.

ಮಾನಾದಿಗೆಲು

ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿಲು

• ಅತ್ಯುತ್ತಮ ನಟೆ - ಮಿಂಚಿನ ಓಟ (1979-80)

• ಅತ್ಯುತ್ತಮ ನಟೆ - ಹೊಸ ನೀರು (1985-86)

• ಅತ್ಯುತ್ತಮ ನಟೆ - ಅವಸ್ಥೆ (1987-88)

• ಅತ್ಯುತ್ತಮ ನಟೆ - ಗಂಗವ್ವ ಗಂಗಾಮಾಯಿ (1994-95)

• ರಡ್ಡನೇ ಅತ್ಯುತ್ತಮ ಚಲನಚಿತ್ರೊ - ಮಿಂಚಿನ ಓಟ (1979-80) [ಶಂಕರ ನಾಗ್ ಜೊತೆ]

• ವಿಷ್ಣುವರ್ಧನ ಪ್ರಶಸ್ತಿ (2010)

ಫಿಲಂಫೇರ್ ಅವಾರ್ಡ ಕನ್ನಡ

• ಅತ್ಯುತ್ತಮ ನಟೆ - ನಾ ನಿನ್ನ ಬಿಡಲಾರೆ (1979)

• ಅತ್ಯುತ್ತಮ ನಟೆ - ಬರ (1982)

• ಅತ್ಯುತ್ತಮ ನಟೆ - ಹೆಂಡ್ತಿಹೇಳ್ಬೇಡಿ (1989)

• ಅತ್ಯುತ್ತಮ ನಟೆ - ಉದ್ಭವ (1990)

• ಅತ್ಯುತ್ತಮ ನಟೆ - ಗೌರಿ ಗಣೇಶ (1991)

• ಅತ್ಯುತ್ತಮ ನಟೆ - ಗೋದಿ ಬಣ್ಣ ಸಾಧಾರಣ ಮೈಕಟ್ಟು (2016)

• ಕರ್ನಾಟಕ ಸಾಹಿತ್ಯ ಅಕಾಡೆಮಿ ಪುಸ್ತಕ ಬಹುಮಾನ - "ನನ್ನ ತಮ್ಮ ಶಂಕರ"

• ರಾಜ್ಯೋತ್ಸವ ಪ್ರಶಸ್ತಿ (2007)