ಅವನಿ ಚತುರ್ವೇದಿ
ಅವನಿ ಚತುರ್ವೇದಿ | |
|---|---|
 | |
| ಪುಟ್ಟಿನ | ೨೭ ಅಕ್ಟೋಬರ್ ೧೯೯೩ ರೇವ, ಮಧ್ಯಪ್ರದೇಶ, ಭಾರತ |
| ರಾಷ್ಟ್ರೀಯತೆ |  ಭಾರತ Indian |
| ಶಿಕ್ಷಣ | ಬನಸ್ಥಾಲಿ ವಿಶ್ವವಿದ್ಯಾಲಯ, ರಾಜಸ್ಥಾನ, ಭಾರತ (ಬಿ.ಟೆಕ್) |
| ವೃತ್ತಿ | ಫೈಟರ್ ಪೈಲೆಟ್ |
| ವರ್ಷಗಳು; ಸಕ್ರಿಯ | ೨೦೧೬-ಇನಿಮುಟ್ಟ |
_Arjan_Singh_along_with_the_Chief_of_the_Air_Staff,_Air_Chief_Marshal_Arup_Raha_(cropped).jpg)
ಅವನಿ ಚತುರ್ವೇದಿ (ಪುಟ್ಟುದಿನಿ ೨೭ ಅಕ್ಟೋಬರ್ ೧೯೯೩) ಮಧ್ಯಪ್ರದೇಶದ ರೇವಾ ಜಿಲ್ಲೆದ ಭಾರತೀಯ ಪೈಲಟ್. ಮೋಹನ ಸಿಂಗ್, ಭಾವನಾ ಕಾಂತ್ ಬೊಕ್ಕ ಮೇರೆನ್ ಜೂನ್ ೨೦೧೬ ಟ್ಟ್ ಭಾರತೀಯ ವಾಯುಪಡೆತ ಫೈಟರ್ ಸ್ಕ್ವಾಡ್ರನ್‌ಗೆ ಸೇರಿಸಾಯೆರ್. ಮೆರೆನ್ ಅದಗದ ರಕ್ಷಣಾ ಸಚಿವೆ ಮನೋಹರ್ ಪರಿಕ್ಕರ್ ಮೇರ್ ೧೮ ಜೂನ್ ೨೦೧೬ ಕ್ಕ್ ದೇಶದ ಸೇವೆ ಮಲ್ಪರೆ ನಿಯೋಜಿಸಿಸಾಯೆರ್.[೧]
ಯುದ್ಧ ವಿಮಾನನು ಬುಡಿನ ಸುರುತ್ತ ಪೋಂಜೊವು ಅಧಿಕಾರಿ ಪನ್ಪಿನ ಗೌರವ ಫ್ಲೈಯಿಂಗ್ ಆಫೀಸರ್ ಆಯಿನ ಮೇರೆಗ್ ತಿಕ್ಕ್ ಂದ್ಂಡ್, ಒರ್ತಿಯೇ ಯುದ್ಧವಿಮಾನ ರಾಪಾವುನ ಮೂಲಕ ಅಂಜೊವೊಲೆಗ್ ಮಾತ್ರ ಪಂಡ್ದ್ ಇತ್ತಿನ ಸಾಮ್ರಾಜ್ಯೊಗು ಪ್ರವೇಶ ಮಲ್ತೆರ್. ಬನಸ್ಥಾಲಿ ವಿದ್ಯಾಪೀಠಡ್ದ್, ೭ ಅಕ್ಟೋಬರ್ ೨೦೧೮ ಡ್ ಮೇರ್ ಡಾಕ್ಟರೇಟ್ ಪದವಿ ಪಡೆಯೆರ್.
ಸುರುತ್ತ ಜೀವನ[ಸಂಪೊಲಿಪುಲೆ]
ಅವನಿ ೨೭ ಅಕ್ಟೋಬರ್ ೧೯೯೩ ದಾನಿ ಪುಟ್ಟಿಯೆರ್. ಮೆರೆನ ಅಮ್ಮೆರ್ ದಿನಾರ್ ಚತುರ್ವೇದಿ, ಎಂ.ಪಿ.ದ ಜಲ ಸಂಪನ್ಮೂಲ ಇಲಾಖೆಡ್ ಅಧೀಕ್ಷಕ ಎಂಜಿನಿಯರ್ ಆದಿತ್ತೆರ್. ಆರೆನ ಅಮ್ಮ ಗೃಹಿಣಿ. ಅವನಿನ ಅಣ್ಣೆಲಾ ಸೇನೆಡ್ ಅಧಿಕಾರಿ. ಚತುರ್ವೇದಿ ಮೆರೆಗ್ ಚೆಸ್, ಟೇಬಲ್ ಟೆನಿಸ್, ಸ್ಕೆಚಿಂಗ್ ಬೊಕ್ಕ ಪೇಂಟಿಂಗ್ ಮಸ್ತ್ ಇಷ್ಟ. ಆಂಡ ಅವನಿ ಆರೆನ ಅಣ್ಣಡ್ದ್ ಸ್ಫೂರ್ತಿ ಪಡೆಯೆರ್ ಬೊಕ್ಕ ಆರೆನ ಕಾಲೇಜು ಬನಸ್ಥಾಲಿ ವಿಶ್ವವಿದ್ಯಾಲಯೊದ ಫ್ಲೈಯಿಂಗ್ ಕ್ಲಬ್‌ಡ್ ಕೆಲವು ಗಂಟೆ ರಾಪಿನ ಅನುಭವ ಪಡೆದಿತ್ತೆರ್, ಉಂದು ಆರೆಗ್ ಐಎಎಫ್‌ಗ್ ಸೇರರೆ ಪ್ರೇರಣೆ ಆಂಡ್.[೨]
ಶಿಕ್ಷಣ[ಸಂಪೊಲಿಪುಲೆ]
ಅವನಿ ಚತುರ್ವೇದಿ ಮೇರ್ ಆರೆನ ೨೫ ನೇ ಪ್ರಾಯೊಡು ಹೈದರಾಬಾದ್ ವಾಯುಪಡೆತ ಅಕಾಡೆಮಿಡ್ ತನ್ನ ತರಬೇತಿನ್ ಮುಗಿತ್ತೆರ್. ಆರ್ ಮಧ್ಯಪ್ರದೇಶದ ಶಹ್ದೋಲ್ ಜಿಲ್ಲೆದ ಡಿಯೋಲೊಂಡ್ ಪನ್ಪಿನ ಎಲ್ಯ ಪಟ್ಟಣೊಡು ಶಾಲಾ ಶಿಕ್ಷಣನ್ ಮುಗಿತೆರ್.[೩] ೨೦೧೪ ಡ್ ರಾಜಸ್ಥಾನದ ಬನಸ್ಥಾಲಿ ವಿಶ್ವವಿದ್ಯಾಲಡ್ದ್ ತಂತ್ರಜ್ಞಾನೊಡು ಪದವಿ ಪಡೆಯಿನ ಮೇರ್ ಎಎಫ್‌ಸಿಎಟಿ ಪಾಸಾಯೆರ್.
ಸೇನಾ ಜೀವನ[ಸಂಪೊಲಿಪುಲೆ]
ದುಂಡಿಗಲ್ (ಹೈದರಾಬಾದ್) ಡುಪ್ಪುನ ಏರ್ ಫೋರ್ಸ್ ಅಕಾಡೆಮಿಡ್ ಒಂಜಿ ವರ್ಷದ ಕಠಿಣ ತರಬೇತಿನ್ ಮುಗಿತ್ತಿ ಬೊಕ್ಕ, ಆರ್ ಜೂನ್ ೨೦೧೬ ಡ್ ಫೈಟರ್ ಪೈಲಟ್ ಆಯೆರ್. ಬೊಕ್ಕ ಕರ್ನಾಟಕದ ಬೀದರ್‌ಡ್ ಹಂತ III ತರಬೇತಿನ್ ಮುಗಿತ್ತಿ ಬೊಕ್ಕ ಆರೆಗ್ ಫೈಟರ್ ಜೆಟ್‌ ಲೆಕ್ಕ ರಾವೆರ ಆಪುಂಡು. .[೪][೫] ೨೦೧೮ ಡ್, ಅವನಿ ಚತುರ್ವೇದಿ ಗುಜರಾತ್‍ದ ಜಮ್‍ನಗರೊಡ್ದ್ ಎಮ್‍ಐಜಿ-೨೧ ಬೈಸನ್ ವಿಮಾನ ರಾಪಾವರೆ ಸುರು ಮಲ್ದಿನತ್ತಂದೆ, ರಷ್ಯೊಡು ತಯಾರಾತಿನ ಸೂಪರ್ ಸೋನಿಕ್ ಯುದ್ಧವಿಮಾನೊಡು ಸುಮಾರು ೩೦ ನಿಮಿಷ ಮುಟ್ಟ ಯಶಸ್ವಿಯಾಗದ್ ಹಾರಾಟ ಮಲ್ತೆರ್. ಈ ಮೂಲಕ ಅವನಿ ಒರ್ತಿಯೇ ಯುದ್ಧವಿಮಾನ ರಾಪಾಯಿನ ಸುರುತ್ತ ಪೊಂಜೊವಾಯೆರ್. ೨೦೧೮ ಡ್ ಅವಾನಿಗ್ ಫ್ಲೈಟ್ ಲೆಫ್ಟಿನೆಂಟ್ ಪದವಿ ಕೊರಿಯೆರ್.[೬]
ಉಲ್ಲೇಕೊಲು[ಸಂಪೊಲಿಪುಲೆ]
- ↑ Gurung, Shaurya Karanbir (17 July 2019). "IAF pilots test F-21 simulator". The Economic Times. Retrieved 9 March 2020.
- ↑ "Interesting Facts about Avani Chaturvedi, First Female Pilot To Fly Mig-21". SSBToSuccess. 23 February 2018. Retrieved 9 March 2020.
- ↑ "MP girl Avani Chaturvedi to be one amongst India's first three women fighter pilots". archive.news18.com. 10 March 2016. Archived from the original on 25 May 2021. Retrieved 9 March 2020.
{{cite web}}: Unknown parameter|dead-url=ignored (help) - ↑ "The first Indian woman to fly a fighter jet". BBC News. 22 February 2018. Retrieved 9 March 2020.
- ↑ Mohammed, Syed (14 July 2018). "For IAF's first women fighter pilots Mohana Singh, Bhawana Kanth & Avani Chaturvedi, sky is no limit". The Economic Times. Retrieved 9 March 2020.
- ↑ "Avani Chaturvedi becomes first woman fighter pilot to undertake solo flight in MiG-21". The Indian Express. 22 February 2018. Retrieved 9 March 2020.