ರಾಜಸ್ಥಾನ
ರಾಜಸ್ಥಾನ ಉತ್ತರ ಭಾರತದ ಒಂಜಿ ರಾಜ್ಯೊ. ಉಂದೆತ ರಾಜಧಾನಿ ಜೈಪುರ. ನಮ ದೇಸೊಡು ಇಪ್ಪುನ ಮಾತಾ ರಾಜ್ಯೊಲೆಡ್ ಮಾಮಲ್ಲ ರಾಜ್ಯ ಪಂಡ ರಾಜಸ್ಥಾನ. ಈ ರಾಜ್ಯೊದ ಒಟ್ಟು ಇಸ್ತೀರ್ನೊ ೩,೨೪,೨೩೯ ಕಿಲೋಮೀಟರ್. ಅಂಚನೆ ಈ ರಾಜ್ಯೊದ ಒಟ್ಟು ಜನಸಂಖ್ಯೆ ೬೮,೫೪೮,೪೩೭ ಜನಸಂಖ್ಯೆ ಲೆಕ್ಕಡ್ ರಾಜಸ್ಥಾನ ೭ನೇ ಸ್ತಾನೊಡು ಉಂಡು. ರಾಜಸ್ಥಾನದ ವಾಯುವ್ಯ ಬಾಗೊಡು ಥಾರ್ ಮರುಭೂಮಿ ಉಂಡು. ಉಂದುವೇ ಬಾಗೊಡು ಭಾರತ-ಪಾಕ್ ಗಡಿ ಉಂಡು ಅತ್ತಂದೆ, ಪಾಕಿಸ್ತಾನದ ಪಂಜಾಬ್ ಪ್ರಾಂತ್ಯೊದೊಟ್ಟುಗು ಥಾರ್ ಮರುಭೂಮಿ ಗಡಿನ್ ಪಟ್ಟೊಂದುಂಡು. ಈ ರಾಜ್ಯೊದ ಬಡಕಾಯಿಗ್ ಪಂಜಾಬ್, ಈಶಾನ್ಯೊಗು ಹರ್ಯಾಣ ಬುಕ್ಕ ಉತ್ತರ ಪ್ರದೇಶ, ಆಗ್ನೇಯಗ್ ಮಧ್ಯಪ್ರದೇಶ ಬುಕ್ಕ ನೈರುತ್ಯೊಡು ಗುಜರಾತ್ ರಾಜ್ಯೊಲು ಉಲ್ಲ. ರಾಜಸ್ಥಾನೊದ ಅಧೀಕೃತ ಬಾಸೆ ರಾಜಸ್ಥಾನಿ. ಉಂದು ಅತ್ತಂದೆ ಹಿಂದಿ, ಮೇವಾರಿ, ಮಾರ್ವಾರಿ, ಪಂಜಾಬಿ, ಬೃಜ್ ಬಾಸೆಲೆಡ್ ಮುಲ್ಪದ ಜನಕುಲು ಪಾತೆರುವೆರ್.
ಬ್ರಿಟಿಷೆರೆನ ಆಡಳಿತ ಇಪ್ಪುನಗ ಇತ್ತಿನ ರಜಪೂತ ರಾಜವಂಸೊದ ಪ್ರಾಂತೊಲೆನ್ ಒಟ್ಟಿಗೆ ಸೇರಾದ್ ರಾಜಸ್ಥಾನ ರಾಜ್ಯೊನು ಉಂಡು ಮಲ್ತೆರ್. ೩೦ನೇ ಮಾರ್ಚ್ ೧೯೪೦ನೇ ಇಸವಿಡ್ ರಾಜಸ್ಥಾನ ರಾಜ್ಯೊ ಉದಿತ್ ಬತ್ಂಡ್.[೧] ರಾಜಸ್ಥಾನ ರಾಜ್ಯೊಡು ಒಟ್ಟು ೫೦ ಜಿಲ್ಲೆಲು ಉಲ್ಲ. ಆಡಳಿತ ಮಲ್ಪರ ಸುಲಭ ಆವರಗಾದ್ ರಾಜ್ಯೊನು ೧೦ ಬಾಗವಾದ್ ವಿಬಾಗಿಸಾದೆರ್.
ಉಲ್ಲೇಕೊಲು[ಸಂಪೊಲಿಪುಲೆ]
- ↑ R.K. Gupta; S.R. Bakshi (1 January 2008). Studies in Indian History: Rajasthan Through The Ages The Heritage Of Rajputs (Set Of 5 Vols.). Sarup & Sons. pp. 143–. ISBN 978-81-7625-841-8. Retrieved 15 November 2015.