ಗುಜರಾತ್

ವಿಕಿಪೀಡಿಯರ್ದ್

ಗುಜರಾತ್ ಭಾರತ ದೇಶೊದ ಪಡ್ಡಾಯಿಡ್ ಉಪ್ಪುನ ರಾಜ್ಯ.[೧] ಈ ರಾಜ್ಯೊದ ರಾಜಧಾನಿ ಗಾಂಧಿನಗರ್. ಅಹ್ಮದಾಬಾದ್ ಮುಲ್ಪದ ಮಲ್ಲ ಊರು. ಈ ರಾಜ್ಯೊದ ಜನಕುಲು ಗುಜರಾತಿ ಭಾಷೆನ್ ಪಾತೆರುವೆರ್. ಗುಜರಾತ್‍ದ ಗಡಿ ಭಾಗೊದ ಅಂಚಿಗ್ ಪಾಕಿಸ್ತಾನ ದೇಶ ಅಂಚೆನೆ ಮಹಾರಾಷ್ಟ್ರ, ಮಧ್ಯಪ್ರದೇಶ ಅಂಚೆನೆ ರಾಜಸ್ಥಾನ ರಾಜ್ಯೊಲು ಉಂಡು.[೨]

ಸಬರ್ಮತಿ, ಟಪಿ ಅಂಚೆನೆ ನರ್ಮದ ನದಿ ಮುಲ್ಪ ಪರಪುಂಡು. ಸಬರ್ಮತಿ ಮುಲ್ಪ ಪರಪುಮ ಮಲ್ಲ ನದಿ. ಅಹ್ಮದಾಬಾದ್‍ಡ್ ಗುಜರಾತಿ ಜನಕುಲು ಜಾಸ್ತಿ ಉಲ್ಲೆರ್. ತೆಲುಗು, ತಮಿಳ್, ಕೊಂಕಣಿ, ಒರಿಯಾ, ಮಲಯಾಳ ಅಂಚೆನೆ ಪಂಜಾಬಿ ಪಾತೆರುನ ಜನಕುಲುಲಾ ಮುಲ್ಪ ಉಲ್ಲೆರ್.[೩]

ಹಿಂದು, ಇಸ್ಲಾಮ್, ಜೈನೆರ್, ಬೌದ್ಧೆರ್ ಅಂಚೆನೆ ಪೊರ್ಬುನಕುಲು ಈ ರಾಜ್ಯೊಡು ತೂಯೆರೆ ತಿಕ್ಕುವೆರ್.[೪]

ಈ ರಾಜ್ಯೊದ ಇತ್ತೆದ ಮುಖ್ಯ ಮಂತ್ರಿ ಆನಂದಿಬೆನ್ ಪಟೇಲ್. ಇಂಬೆರೆನೆರ್ದ್ ದುಂಬು ನರೇಂದ್ರ ಮೋದಿ ಮುಲ್ಪದ ಮುಖ್ಯ ಮಂತ್ರಿ ಆದಿತ್ತೆರ್. ಇತ್ತೆ ಆರ್ ಭಾರತ ದೇಶೊದ ಪ್ರಧಾನ ಮಂತ್ರಿ ಆದ್ ಅಧಿಕಾರೊಡು ಉಲ್ಲೆರ್.

ಜಿಲ್ಲೆಲು[ಸಂಪೊಲಿಪುಲೆ]

ಗುಜರಾತ್ ರಾಜ್ಯೊಡು ೨೫ ಜಿಲ್ಲೆಲು ಉಂಡು

  • ಅಹ್ಮದಾಬಾದ್
  • ಅಮ್ರೇಲಿ
  • ಅಣಂದ್
  • ಬನಸ್ಕಾಂತ
  • ಭರೂಚ್
  • ಭಾವನಗರ
  • ದಾಹೋಡ್
  • ಡಾಂಗ್ಸ್
  • ಗಾಂಧಿನಗರ
  • ಜಾಮ್ ನಗರ
  • ಜುನಾಗಡ್
  • ಖೇಡಾ
  • ಕಛ್
  • ಮೆಹಸಾನಾ
  • ನರ್ಮದಾ
  • ನವ್ಸಾರಿ
  • ಪಂಚಮಹಲ್
  • ಪಾಟನ್
  • ಪೋರ್ ಬಂದರ್
  • ರಾಜ್ ಕೋಟ್
  • ಸಬರ್ಕಾಂತ
  • ಸೂರತ್
  • ಸುರೇಂದ್ರನಗರ
  • ವಡೋದರಾ
  • ವಲ್ಸಾಡ್

ಪ್ರವಾಸಿ ಜಾಗೆಲು[ಸಂಪೊಲಿಪುಲೆ]

  • ಏಕತೆಯ ಪ್ರತಿಮೆ: ಉಂದು ಜಗತ್ ದ ಮಾ ಮಲ್ಲ ಪ್ರತಿಮೆ (182 ಮೀಟರ್) ಆತಂಡ್. ಮೂಲು ಭಾರತ ದೇಸೊದ ಸುರುತ್ತ ಉಪಪ್ರಧಾನಮಂತ್ರಿ ಬೊಕ್ಕ ಗೃಹ ಸಚಿವೇರ್, ಉಕ್ಕಿನ ಮನುಷ್ಯ ಪಂಡ್ದ್ ಪುಗಾರ್ತೆ ಪಡೆಯಿನ ಸರ್ದಾರ್ ವಲ್ಲಭಭಾಯಿ ಪಟೇಲ್ ಮೆರೆನ ಮೂರ್ತಿ ಉಂಡು.[೫]
  • ​ಸಪುತರ ಗಿರಿಧಾಮ: ಗುಜರಾತ್ ರಾಜ್ಯೋದ ಸಪುತರ, ಪಶ್ಚಿಮ ಘಟ್ಟೋಡ್ ಇಪ್ಪುನ ವಿಶಿಷ್ಟ ಗಿರಿಧಾಮ ವಾತಂಡ್. ಮರಿಯಾಲಡ್ ಉಂದು ಗಿರಿಧಾಮಗ್ ಜಾಸ್ತಿ ಪ್ರವಾಸಿಗೇರ್ ಬರ್ಪೆರ್. ಪ್ರತಿ ವರ್ಷ ಮರಿಯಾಲಡ್ ಮುಲ್ಪ ಮಾನ್ಸೂನ್ ಫೆಸ್ಟಿವಲ್ ಲಾ ಆಪುಂಡು.
  • ​ರಾನ್ ಆಫ್ ಕಚ್: ರಾನ್ ಆಫ್ ಕಚ್ ಗುಜರಾತ್‌ದ ಇಂಡೋ-ಪಾಕ್ ಗಡಿಟ್ ಇಪ್ಪುನ ಜಾಗೊ. ಉಂದೆನ್ ಗ್ರೇಟ್ ರಾನ್ ಬೊಕ್ಕ ಲಿಟಲ್ ರಾನ್ ಪಂಡ್ದ್ ವಿಂಗಡಣೆ ಮಲ್ತ್ದೇರ್. ಪ್ರತಿ ವರ್ಷ ಚಳಿಗಾಲಡ್ ರಾನ್ ಆಫ್ ಕಚ್ ಪುದರ್ಡ್ ವಿಶೇಷ ಉತ್ಸವ ಆಪುಂಡು.
  • ​ಎಂಜಾಯ್ ಸಿಟಿ: ಗುಜರಾತ್‌ ರಾಜ್ಯೊದ ವಾಲ್ವೋಡ್ ಗ್ರಾಮೊಡು 200 ಎಕರೆ ಪ್ರದೇಶೊಡು ಎಂಜಾಯ್ ಸಿಟಿ ಉಂಡು.
  • ​ಸಸ್ಯಾಹಾರಿ ನಗರ ಪಲಿಟಾನಾ: ಜಗತ್ ದ ಸುರುತ್ತ ಸಸ್ಯಾಹಾರಿ ನಗರ ಗುಜರಾತ್‌ಡ್ ಉಂಡು. ಉಂದೆತ್ತ ಪುದರ್ ಪಲಿಟಾನಾ.
  • ​ತುಳಸಿ ಶ್ಯಾಮ್: ಗುಜರಾತ್ ದ ಅಮ್ರೆಲಿ ಜಿಲ್ಲೆ ಬೊಕ್ಕ ಗಿರ್ ಸೋಮನಾಥ್ ಜಿಲ್ಲೆದ ಗಡಿಟ್ ತುಳಸಿ ಶ್ಯಾಮ್ ಬೆಟ್ಟ ಉಂಡು.
  • ​ದುಮಾಸ್ ಬೀಚ್: ಉಂದು ಸೂರತ್ ಡ್ ಇಪ್ಪುನ ಬೀಚ್ ದ ಪುದರ್.

ಉಲ್ಲೇಕೊ[ಸಂಪೊಲಿಪುಲೆ]

  1. kn:ವರ್ಗ:ಭಾರತದ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳು
  2. kn:ಗುಜರಾತ್
  3. en:Gujarat
  4. http://censusindia.gov.in/Census_Data_2011/Census_data_finder/C_Series/Population_by_religious_communities.htm
  5. https://vijaykarnataka.com/travel/weekend-getaways/gujarat-attractions-which-you-should-not-miss/articleshow/75475756.cms?story=1