ಆಟ

ಆಟೊದ ವೇಷಧಾರಿ

ಆಟ - ನೃತ್ಯ, ಭಾಗವತಿಕೆ, ಪಾತೆರ, ವೇಷಭೂಷಣಲು ಸೇರ್ದ್ ಆಪುನಂಚಿನ ಒಂಜಿ ಶಾಸ್ತ್ರೀಯ ಕಲೆ ನೆನ್ನ್ ಯಕ್ಷಗಾನ ಪನುವೇರ್. ಕರ್ನಾಟಕೊದ ಬುಕ ಕೆರಳದ ಕಾಸರಗೋಡ್ದ ಸಂಪ್ರದಾಯಿಕ ಕಲಾ ಪ್ರಕಾರೊಲೆಡ್ ಪ್ರಮುಖವಾದುಂಡು. ಕರ್ನಾಟಕೊದ ಕರಾವಳಿ ಜಿಲ್ಲೆಲೆಡ್ (ಉತ್ತರ ಕನ್ನಡ, ದಕ್ಷಿಣ ಕನ್ನಡ ಉಡುಪಿ) ಅಂಚೆನೆ ಈ ಜಿಲ್ಲೆಲೆಗ್ ಕೈತಲುಪ್ಪುನ ಶಿವಮೊಗ್ಗ, ಚಿಕ್ಕಮಗಳೂರ್ ಬೊಕ್ಕ ಕಾಸರ್ಗೋಡ್ ಜಿಲ್ಲೆಲೆಡ್ ಆಟ ಜಿಂಜ ಪುದರ್ ಪೋತಿನ ಕಲೆಯಾದುಂಡು.ಕಾಸರ್ಗೋಡ್ ಜಿಲ್ಲೆಡುಪ್ಪುನ ಕಣಿಪುರದ (ಕುಂಬ್ಳೆ) ಪತಿನೆನ್ಮನೆ ಶತಮಾನೊದ ಕವಿ ಪಾರ್ತ್ತಿ ಸುಬ್ಬರೆನ್ ಆಟ್ಟೊದ ಪಿತಾಮಹೆ ಪಂಡ್ ಲೆಪ್ಪುವೆರ್.

ಆಟದ ಮುಖ್ಯ ಅಂಶೊಲು

ಆಟ ಅತ್ತ್ಂಡ ಬಯಲಾಟೊ ಪಂಡ ಒಂಜಿ ರಂಗಕಲೆ ಆದುಂಡು. ಅವು ಪುರಾಣದ ಒಂಜಿ ಭಾಗೊದ ಪ್ರಸಂಗನ್ ಜನೊಕ್ಲೆನ ಎದುರು ಅಬಿನ ಮಲ್ತ್ ತೋಜಾವುಂಡು. ಆಂಡ ಐಟ್ ಶಾಸ್ತ್ರಬದ್ಧವಾಯಿನ ಅಂಶೊಲು ಉಲ್ಲ. ಅವು ಇಂಚ ಉಂಡು.

ಪ್ರಸಂಗ

ಆಟೊಲೆಡ್ ಒವ್ವಾಂಡಲ ಒಂಜಿ ಕತೆನ್ ಅಭಿನ ಮಲ್ತ್ ತೋಜಾವೆರ್. ಮೂಲೊಡ್ ಪುರಾಣದ ಕತೆಕ್ಲೆನ್ ಮಾತ್ರ ಗೊಬ್ಬುದ್ ತೋಜಾವೊಂದಿತ್ತೆರ್. ಇಂಚೊಗ್ ಅವು ಬದಲಾತ್ಂಡ್. ಜನಕ್ಲೆನ ರುಚಿಗ್ ತಕ್ಕ ಚರಿತ್ರೆ, ಬೊಕ್ಕ ಸಾಮಾಜಿಕ ವಿಷಯೊಲೆಗ್ ಸೇರ್ದಿನ ಕತೆಕ್ಲೆನ್ ಗೊಬ್ಬುವೆರ್. ಇಂಚ ಆಟೊ ಗೊಬ್ಬೆರೆ ಜತ್ತ್ ದೈದಿನ ಕತೆತ ಬಾಗೊನ್ 'ಪ್ರಸಂಗ' ಪನ್ಪೆರ್. ಈ ಪ್ರಸಂಗೊಲೆನ್ ಪದ ರೂಪೊಡ್ ತೆರಿದಿನಕ್ಲು ಬರೆದುಪ್ಪುವೆರ್. ಈ ಪದೊಕೂ ತಾಳ, ರಾಗ ಬದ್ಧವಾದುಪ್ಪುಂಡು. ಇಂಚ ಪ್ರಸಂಗ ಪುಸ್ತಕೊಲೆನ್ ಬರೆಪುನಕುಎನ್ 'ಪ್ರಸಂಗ ಕರ್ತೆರ್' ಪನ್ಪೆರ್.

ವೇಷದಕುಲು

ಆಟೊದ ಕತೆಕ್ ತಕ್ಕ ಪಾತ್ರ ಮಲುನಕ್ಲೆನ್ ವೇಷದಕೂ ಪನ್ಪೆರ್.

ವೇಷೊಲು

ಆಟೊದ ಬೇತೆ ಬೇತೆ ಪಾತ್ರೊಲೆಗ್ ಬೇತೆ ಬೇತೆ ನಮುನೆದ ವೇಷೊಲು ಉಪ್ಪುವೆ.

ಭಾಗವತೆರ್

ಆಟೊಡು ಮುಖ್ಯವಾಯಿನವು ಭಾಗವತಿಕೆ.

ಹಿಮ್ಮೇಳ

ಭಾಗವತೆರ್ನ ಪದೊಕ್ ಸಕಾಯ ಕೊರುನವು 'ಹಿಮ್ಮೇಳ'

ಆಟೊದ ಮೇಳೊಲು

ಕಟೀಲು ಶ್ರೀ ದುರ್ಗಾಪರಮೇಶ್ವರಿ ಯಕ್ಷಗಾನ ಮೇಳ ೧-೬