ಉಬಾರ್

ವಿಕಿಪೀಡಿಯರ್ದ್
Jump to navigation Jump to search

ಉಬಾರ್ ಉಂದು ಪುತ್ತೂರು ತಾಲೂಕುಡು ಉಪ್ಪುನ ಒಂಜಿ ಎಲ್ಯ ಪೇಂಟೆ. ನೇತ್ರಾವತಿ ಬೊಕ್ಕ ಕುಮಾರಧಾರಾ ಸುದೆಕುಲು ಒಟ್ಟುಸೇರುನ ಜಾಗೆ ಉಂದು. ಈ ರಡ್ಡ್ ಸುದೆಕುಲು ಸೇರ್ ದ್ ನೀರ್ ದ ಮಟ್ಟ ದೇವರೆನ ಪಾದ ಮುಟ್ಟುನಗ ಉಂದೆನ್ "ಸಂಗಮ" ಪಂಡ್‍ದ್ ಲೆಪ್ಪುವೆರ್. ಉಂದು ಒಂಜಿ ವಿಶೇಷ ಸಂದರ್ಭ ಆದ್ ಉಂಡು. ಸುತ್ತು ಮುತ್ತಲ್‍ದ ಜನಕುಲು ಉಂದೆನ್ ತೂಯೆರೆ ಬೋಡಾದೇ ಬತ್ತ್ ಸೇರುವೆರ್. ಈ ಜಾಗೆಡ್ ಸಹಸ್ರಲಿಂಗೇಶ್ವರ ದೇವೆರೆ ದೇವಸ್ಥಾನ, ಕೈತಲ್‍ಡೇ ಮಾಲಿಕುದ್ದೀನಾರ್ ಪಳ್ಳಿ (ಮಸೀದಿ) ಬೊಕ್ಕ ಸಂತ ಬಾಲ ಯೇಸುನ ಚರ್ಚ್ (ಮಂದಿರ) ಮೂಲು ಉಂಡು. [೧]

ಇತಿಹಾಸೊ[ಸಂಪೊಲಿಪುಲೆ]

ಮುಲ್ಪದ ಇತಿಹಾಸೊದ ಪ್ರಕಾರ ೧೮೦೦ ಟ್ ಶ್ರೀರಂಗಪಟ್ಟಣದ ನಿರ್ನಾಮದ ಬೊಕ್ಕ ಸುಬ್ಬಾರಾವ್ ಬೊಕ್ಕ ವಿಟ್ಟಲ ಹೆಗ್ಗಡೆ ಪನ್ಪುನ ರಡ್ಡ್ ಜನ ಶಸ್ತ್ರಸಜ್ಜಿತರಾಗದ್ ಈ ಪೇಂಟೆನ್ ತನುಕುಲೆನ ವಸೊಕ್ಕು ದೆತೊನೆರೆ ಪ್ರಯತ್ನ ಮಲ್ತೆರ್. ಆ ಪೊರ್ತುಡು ಉಂದು ತಾಲೂಕು ಕೇಂದ್ರವಾದ್ ಇತ್ತ್ಂಡ್. ೧೮೮೨ಟ್ ತಾಲೂಕು ಕೇಂದ್ರನ್ ಪುತ್ತೂರಿಗೆ ಸ್ಥಳಾಂತರ ಮಲ್ತೆರ್. ಕುಡ್ಲ ಬಂದರ್ ಬೊಕ್ಕ ಉಲಯಿದ ಜಾಗೆಲಾಯಿನ ಹಾಸನ, ಸಕಲೇಶಪುರಲೆಗ್ ಸರಕು ಸಾಗಣೆದ ಪ್ರಮುಖ ಜಾಗೆ ಉಂದುವೆ ಆದ್ ಇತ್ತ್ಂಡ್.

ಸಾರಿಗೆ[ಸಂಪೊಲಿಪುಲೆ]

ಈ ಪೇಂಟೆ ಕುಡ್ಲ ಬೊಕ್ಕ ಬೆಂಗಳೂರುನು ಸಂಪರ್ಕ ಮಲ್ಪುನ ರಾಷ್ಟೀಯ ಹೆದ್ದಾರಿ ೪೮ ಟ್ ಇತ್ ದ್ ಎಡ್ಡೆ ರೀತಿದ ಸಂಪರ್ಕ ಪಡೆದುಂಡು. ಪ್ರಸಿದ್ಧ ಕ್ಷೇತ್ರೊಲಾಯಿನ ಕುಕ್ಕೆ ಸುಬ್ರಹ್ಮಣ್ಯ, ಕಾಜೂರು ದರ್ಗ ಷರೀಫ್ಗೆ ಉಂದಕ್ಕ್ ಪೂರ ಮುಲ್ಪರ್ದ್ ಸಂಪರ್ಕ ಆಪುಂಡು.

ಉಲ್ಲೆಕೊ[ಸಂಪೊಲಿಪುಲೆ]

  1. "Uppinangady Population Census 2011". www.census2011.co.in. Retrieved 7 December 2017.
"https://tcy.wikipedia.org/w/index.php?title=ಉಬಾರ್&oldid=111829"ಡ್ದ್ ದೆತ್ತೊಂದುಂಡು