ಕಂಬೆರ್ಲು
ಕಾನದ ಕಾಟದೆರೆನ್ ಕಂಬೆರ್ಲುಂದು ಪನ್ಪೆರ್. ಮುಕುಲೆನ್ ಸತ್ಯಸಾರಮಾನಿಲು ಪಂಡ್‌ತ್‌ಲ ಲೆಪ್ಪುವೆರ್. ಮನ್ಸ ಜನಾಂಗದಕ್ಲೆಗ್ ಕುಲ ದೇವೆರಾದ್, ಕುಲ ದೈವಲ ಆದ್ ಒಲಿದ್ ಬತ್ತ್‌ನ ಸತ್ಯೊಲು. ಪದಿನಾಜಿ ಬರಿತ ಕುಲ ದೈವ ಆದ್ ಮೆರೆಯಿನ ಅಪ್ಪೆ ಬೊಲ್ಲೆನ ಜೋಕುಲು ತುಳುನಾಡ ಸಾರಮಾನಿ ಸತ್ಯೊಲಾಯಿನ ಕಾನದ ಕಟದೆರ್. ಸಮಾಜದ ಶೋಷಣೆದ ವಿರುದ್ಧ ಸುರುಕು ಸೊರ ಲಕ್ಕಯಿನ ವೀರೆರ್.
ಆರಾಧನೆ
[ಸಂಪೊಲಿಪುಲೆ]ಮನ್ಸ ಜನಾಂಗೊಡು ಕಂಬೆರ್ಲೆಗ್ ಬೆಮ್ಮೆರೆ ಮಾನಾದಿಗೆ ಉಂಡು. ಕಂಬೆರ್ಲೆಗ್ ಮುಗ, ಮೂರ್ತಿ, ಪಾಪೆ ಇಜ್ಜಿ. ಕಾಲಿ ಆಯುಧ ಮಾತ್ರ. ಬೆಮ್ಮೆರೆ ಕಂಬೆರ್ಲು ಪಂಡ್‌‍ದ್‌ಲ ಪನ್ಪೆರ್. ಬಬ್ಬುನ ಕಲೊಟು ಹೆಚ್ಚಾದ್ ಕಂಬೆರ್ಲೆಗ್ ಆರಾಧನೆ ಉಂಡು. ಬಬ್ಬು ಮುಂಡಾಲ ಜನಾಂಗ ದೈವೊ. ಕೆಲವು ಗುತ್ತು ಬರ್ಕೆಲೆಡ್ ಬಬ್ಬುನ ಕೊಟ್ಯ ಇತ್ತ್ ದ್ ಮುಂಂಡಾಲೆರ್ ಬಬ್ಬುನ ಚಾಕಿರಿಗುಂತುವೆರ್. ಸುರೂತ ಹಕ್ಕ್ ಅವು ಕಂಬೆರ್ಲೆಗ್. ಕಲ್ಲ್ ದಾಂತಿ ಕಲಟ್, ಕಲೆ ನಿಲೆಟ್ ಮೆರೆಯೊಂದು ಸಂತಾನ ಬಾಗ್ಯೊನು ಕೊರ್‌ಪುನಾ ಅದುಲ್ಲ ಒನ್ಪಿ ನಂಬಿಕೆ ಉಂಡು. ಗೊಲಂಬುರ ದಂಟ್ ಡ್ ಪಾದೆನ್ ಪುಡತ್ ದ್ ತೀರ್ಥ ದೆಯ್ದ್ ನ ಮೊಕುಲು ಸಾರಮುಪ್ಪನ್ನೆರ್ .
ಕಂಬೆರ್ಲು ಬುಕ್ಕ ಬೆರ್ಮೆರ್
[ಸಂಪೊಲಿಪುಲೆ]ಬೆರ್ಮೆರೆ ಆರಾಧನೆ ಕಂಬೆರ್ಲೆನ ಕಲೊಟ್ಲ ನಡಪುಂಡು. ಬೆಮ್ಮೆರ್ ಇಪ್ಪುನಲ್ಪ ಕಂಬೆರ್ಲೆ ಕಲ ಇತ್ತ್ಂಡಲ ಅವ್ಲು ಕಂಬೆರ್ಲೆಗ್ ಬೇತೆನೇ ಆರಾಧನೆ. ಬೆಮ್ಮೆರೆಗ್ ಬೇತೆನೆ ಆರಾದನೆ ನಡಪುಂಡ್. ಮನ್ಸ ಜನಾಂಗೊಡು ಕಂಬೆರ್ಲೆಗ್ ಬೆಮ್ಮೆರೆ ಮಾನಾದಿಗೆ ಉಂಡು. ಕಂಬೆರ್ಲೆಗ್ ಮುಗ, ಮೂರ್ತಿ, ಪಾಪೆ ಇಜ್ಜಿ. ಕಾಲಿ ಆಯುಧ ಮಾತ್ರ.[೧]ಮುಂಡಾಲ ಜನಾಂಗೊಡು ಕಂಬೆರ್ಲೆಗ್ ಬೆಮ್ಮೆರೆ ಮಾನಾದಿಗೆ ಉಂಡು . ಕಂಬೆರ್ಲೆಗ್ ಮುಗ, ಮೂರ್ತಿ ,ಪಾಪೆ ಇಜ್ಜಿ. ಕಾಲಿ ಆಯುಧ ಮಾತ್ರ . ಬೆರ್ಮೆರೆ ಕಂಬೆರ್ಲು ಪಂಡ್ ದ್ ಕೆಲವೆರ್ನ ಅಭಿಪ್ರಾಯ . ಕಂಬೆರ್ಲು ಪಂಡಲ ಒರಿಯೆ .ಮಾನಾದಿಗೆಡ್ ಕಂಬೆರ್ಲು ಪನ್ ಪೆರ್ . ಬಬ್ಬುನ ಕಲೊಟು ಹೆಚ್ಚಾದ್ ಕಂಬೆರ್ಲೆಗ್ ಆರಾಧನೆ ಉಪ್ಪುಂಡು.
ಒಂಜೇ ಕಲೊಟ್ಟು ರಡ್ಡ್ ಪುದರ್ ಲೆತ್‍ದ್ ಆರಾದನೆ
[ಸಂಪೊಲಿಪುಲೆ]ಬಬ್ಬುಲ ಮುಂಡಾಲ ಜನಾಂಗದಾಯೆ .ಕೆಲವು ಗುತ್ತು ಬರ್ಕೆಲೆಡ್ ಬಬ್ಬು ಕೊಟ್ಯ ಇತ್ತ್ದ್ ಮುಂಡಾಲೆರ್ ಬಬ್ಬುನ ಚಾಕಿರಿಗ್ ಉಂತುವೆರ್ . ಒಡಿಪು ಕುಡ್ಲದ ಕಡಲ ಬರಿಟ್ ಮುಂಡಾಲ ಜನಾಂಗ ಹೆಚ್ಚಾದಿತ್ತ್ದ್ ಅಕ್ಲೆಗ್ ಗುರು ಇತ್ತ್ ಲೇಕ ಬಬ್ಬು ಉಪ್ಪುವೆ . ಬಬ್ಬುಗು ಉಂತ್ನಾರೆ ಉಂದೆಕ್ಲಾ ಮಾನೆಚ್ಚಿಲ್ಗ್ ಉಂತುನಿ . ಕಂಬೆರ್ಲೆಗ್ ಮುಗ ಮೂರ್ತಿ ಇಜ್ಜಂದಿಲೆಕನೆ ಬೆರ್ಮೆರೆಗ್ಲ ಮುಗ ಮೂರ್ತಿ ಇಜ್ಜಿ . ಆಂಡ ಒಂಜಿ ಬಾರೆದ ಬಂಬೆದ ಗುಂಡ ಕಟ್ಟ್ದ್ ಬೆಮ್ಮೆರೆ ಆರಾಧನೆ ನಡತೊಂತ್ ನ್ಡ್ . ಇನಿಕ್ಲಾ ಮುಗೇರ ಸತ್ಯೋಲೆನ ನೇಮೊಡು ಬಾರೆದ ಬಂಬೆದ ಸುತ್ಯೆ ದೀದ್ ಬೆರ್ಮೆರೆನ್ ನಾಟಾವುನ ಬಾರೀ ಪೊರ್ಲುದ ಆರಾಧನೆ . ಇನಿ ಸರಿಯಾಯಿನ ಬೇರ್ಮೆರೆ ಆರಾಧನೆ ಒರಿದ್ನಿ ಮುಗೇರ ಸತ್ಯೋಲೆನ ನೇಮೊಡು ಮಾತ್ರ . ಒಂಜೇ ಸತ್ಯೊಲೆನ್ ಒಂಜೇ ಕಲೊಟು ರಡ್ಡ್ ಪುದರ್ಡ್ ಲೆತ್ತ್ದ್ ಆರಾದನೆ ಮಲ್ಪುನೆಕ್ ಉಂದೊಂಜಿ ಎಡ್ಡೆ ಉದಾರ್ಮೆ,ಬೆರ್ಮೆರ್/ಕಂಬೆರ್ಲು.
ಬೆರ್ಮೆರೆನ್ಲಾ ಬೇತೆ ಬೇತೆ ಪುದರ್ಡ್ ಆರಾಧನೆ ಮಲ್ಪುವೆರ್ . ಕೆಲವು ಗರಡಿಲೆಡ್ ಉರಿ ಬೆರ್ಮೆರ್ ಇತ್ತ್ ನ್ಡ ಕೆಲವು ತಿಕ್ಡ್ ಉದಿಪನ ಜಲ ಬೆರ್ಮೆರಂದ್ ,ಕೆಲವು ಕಡೆಟ್ ಜಯವುಳ್ಳ ಲಕ್ಕಣ್ಣ ಬೆರ್ಮೆರಂದ್ ,ಕೆಲವು ತಿಕ್ಡ್ ಕೆಮ್ಮಲೆತ ಬೆರ್ಮೆರಂದ್ ಪನ್ಪೆರ್.ಕೆಲವೆರೆ ಅಭಿಪ್ರಾಯ ಪ್ರಕಾರ ಆದಿಡ್ ಬತ್ತ್ನಕ್ಲ್ ಆದಿ ಮುಗೆರ್ಲ್ ಪಂಡ ಮುದ್ದ ಕಳಲೆರ್ , ಕೋಟಿ ಚೆನ್ನಯೆರ್ ,ಕಾನದ ,ಕಟದೆರ್ ,ಉಳ್ಳಾಕ್ಲು ಪಂಡ ಕಿನ್ನಿಮಾನಿ , ಪೂಮಾನಿ ,ಕಾಂತಬಾರೆ ,ಬುದಬಾರೆ, ಅಬ್ಬಗ ದಾರಗ . ಮೊಕ್ಲು ಪೂರಾ ಸಮಕಾಲೀನೇರಾದಿತ್ನ ಅಮರ್ಜೋಕುಲು .ಆಂಡ ಸೊನ್ನೆ ಗಿಂಡೆ ಅಮರ್ ಜೋಕ್ಲತ್ತ್. ಸೊನ್ನೆ ಸಿರಿನ ಮಗಲಾಂಡ ಗಿಂಡೆ ಒರಿ ಬಿರಣನ ಮಗಳಾದಿತ್ತ್ದ್ ಕಾನ ಬೊಟ್ಟುದ ಅಜ್ಜೆರ್ ಈ ರಡ್ಡ್ ಜೋಕ್ಲೆನ್ ಸಾಂಕುನಿ . ಕಾನದ ಕಟದೇರೆನ್ ಸತ್ಯ ಸಾರಮಾನಿ ,ಸತ್ಯ ಪದಿನಾಜಿ ,ಕಲೊಟು ಕಂಬೆರ್ಲು ,ಸಾರ ಮುಪ್ಪಣ್ಯೇರ್,ಕಿನ್ನಿಮಾನಿ ಪೂಮಾನಿ ,ತುಳುನಾಡ್ ದ ಸತ್ಯ ದೈವೊಲುಂದು ಆರಾಧನೆ ಮಲ್ಪುವೆರ್ . ಕಾನದ ಕಟದೇರೆನ್ ಬೇತೆ ಸಮುದಾಯದಕ್ಲ್ ಒತ್ತಂದಿನೆರ್ದಾತ್ರ ಅಕ್ಲೆ ಚರಿತ್ರೆ ಮಾಯಕಾತ್ ನ್ಡ್ . ತುಳುನಾಡ್ಗ್ ಅತಿಕಾರೆ ಬಿದೆನ್ ಕನತಿನಕ್ಲ್ ಕೋಟಿ ಚೆನ್ನಯೆರೆ ಸಮಕಾಲೀನೆರಾಯಿನ ಮನ್ಸ ಜನಾಂಗದ ಕಾನದ ಕಟದ ಸತ್ಯೋಲು .[೨]
ಉಲ್ಲೇಕೊ
[ಸಂಪೊಲಿಪುಲೆ]- ↑ "'ನಮ್ಮ ನಡೆ ಅಲೇರಿ ಕಡೆ'; ಕಾನದ ಕಟದರ ಮೂಲಕ್ಷೇತ್ರದಲ್ಲಿ ಅ.24ಕ್ಕೆ ನಡೆಯಲಿದೆ ಬೃಹತ್ ಸಮಾರಂಭ". Vijay Karnataka (in ಕನ್ನಡ).
- ↑ Templates, Borneo. "ಕಂಬೆರ್ಲು".