ಕಾಟ್ ಗುಲಾಬಿ

ವಿಕಿಪೀಡಿಯರ್ದ್
ಕಾಟ್ ಗುಲಾಬಿ

ಕಾಟ್ ಗುಲಾಬಿ ದಯಿತ ಮೂಲ ದಕ್ಷಿಣ ಅಮೆರಿಕ ಆಂಡಾ ನಮೊ ಭಾರತ ದೇಶೊಡುಲ ಪೊರ್ಲುಗೋಸ್ಕರ ನಡ್ಪುನ ಒಂಜಿ ಮರ್ದ್‌ದ ಉಪಯೋಗ ಇತ್ತಿನ ದಯಿ. ೧೮ನೇ ಶತಮಾನೊಡು ಪೋರ್ಚುಗೀಸೆರ್ ಈ ದಯಿನ್ ಭಾರತೊಗು ಪತ್ತೋಂದು ಬತ್ತ್‌‌‌ದ್ ಪೊರ್ಲುಗು ಬೋಡಾದ್ ನಡ್‌ದ್ ಬುಲೆಪಾಯೆರ್.

ಬೇತೆ ಬೇತೆ ಪುದರುಲು[ಸಂಪೊಲಿಪುಲೆ]

  • ವೈಜ್ಞಾನಿಕ ಪುದರ್ - ಲಾಂಟಾನ ಕ್ಯಾಮರ
  • ಕನ್ನಡ - ಕಸೂತಿ ಹೂ, ಕಾಡುಜೋಳ, ರೋಜಣ್ ಗಿಡ, ಹೇಸಿಗೆ ಹೂ, ಲಂಟಾನ
  • ತಮಿಳು- ಉಣ್ಣೆಚಡಿ
  • ತೆಲುಗು- ಮಕ್ಕಡಮು, ಪುಲಿಕಂಪ
  • ಇಂಗ್ಲೀಷ್ - ಲಾಂಟಾನಬುಷ್[೧]

ದಯಿತ ಬುಳೆಚ್ಚಿಲ್ ಬೊಕ್ಕ ರೂಪ[ಸಂಪೊಲಿಪುಲೆ]

ಈ ದೈ ಸಾಮಾನ್ಯವಾದ್ ಮಾಂತ ರೀತಿದ ವಳಚ್ಚಿಲ್ ಜಾಗಡ್ ಪುದೆಲಾದ್ ಬುಳೆಪುಂಡು. ಕೆಲವು ಜಾಗೆಡ್ ಬೇಲಿ ದಯಿಯಾದ್ ಲಾ ಉಪಯೋಗ ಮಲ್ಪುವೆರ್. ಪುದೆಲ್ದ ಲೆಕ್ಕ ಬಳತಿನ ದಯಿತ ಮುದೆಲ್ಡ ದಂಡ್ ಉರುಟಾದ್ ಇತ್ತ್ಂಡ ಲಾತ್ತ್ ದಂಡ್‌‍ಡ್ ನಾಲ್ ಮೂಲೆಲು ಉಪ್ಪುಂಡು. ದಂಡ್‌‍ಡ್ ತಿರ್ತ್ ಬಗ್ಗ್‌ನ ಎಲ್ಯ ಮುಳ್ಳುಲು ಉಪ್ಪುಂಡು. ಉರುಟಾದ್ ಉದ್ದ ಅಂಡಾಕಾರದ ಇರೆಕುಲು ಉಪ್ಪುಂಡು ಅಂಚನೆ ಕೆಂಪು, ಮಂಜಲ್, ಗುಲಾಬಿ ಬೇತೆ ಬೇತೆ ಬಣ್ಣದ ಪೂಕುಲು ಆಪುಂಡು. ಈ ದಯಿಟ್ ಮುತ್ತುದಂಚಿನ ಪಚ್ಚೆ ಬಣ್ಣದ ಕಾಯಿ ಆದ್ ಪರ್ಂದ್‍ನಗ ಕಪ್ಪು ಬಣ್ಣ ಆಪುಂಡು ತಿನಿಯೆರೆ ಭಾರಿ ರುಚಿಯಾದುಂಡು.

ಮರ್ದ್‌ದ ಉಪಯೋಗ[ಸಂಪೊಲಿಪುಲೆ]

  • ಪರಿತದ ಆಯುದೊಡ್ಡ್ ಗಾಯ ಆದಿತ್ತ್ಂಡ ಕಾಟ್ ಗುಲಾಬಿ ದಯಿತ ಇರೆನ್ ಅರೆತ್‌‌‌‌ದ್ ಸುಣ್ಣ ಸೇರ್ಸಾದ್ ಪೂಜಿಂಡ ಗಾಯ ಬೇಗ ಗುಣ ಅಪುಂಡು.
  • ಧನುರ್ವಾಯು, ಸಂಧಿವಾತ ಬೊಕ್ಕ ಮಲೇರಿಯ ಸುರುವಾನಗ ಕಾಟ್ ಗುಲಾಬಿ ದಯಿತ ಕಷಾಯ ಪರ್ಂಡ ಕಡಿಮೆ ಆಪುಂಡು.

ಉಲ್ಲೇಕೊ[ಸಂಪೊಲಿಪುಲೆ]

  1. http://indiabiodiversity.org/species/show/32676