ಕುಂಬಳೆ ಸುಂದರ ರಾವ್
ಕುಂಬಳೆ ಸುಂದರ ರಾವ್ ಅಥವಾ ಕುಂಬ್ಳೆ ಸುಂದರ ರಾವ್ (ಜನನ: ೨೦ ಮಾರ್ಚ್ ೧೯೩೪ – ಮರಣ: ೩೦ ನವೆಂಬರ್ ೨೦೨೨)[1] ಭಾರತದ ರಾಜಕೀಯ ನಾಯಕ ಬೊಕ್ಕ ಯಕ್ಷಗಾನ ಬೊಕ್ಕ ತಾಳಮದ್ದಳೆ ಕಲಾವಿದ ಆದು ಇತ್ತೆರ್. ಆರ್ ಯಕ್ಷಗಾನೊದ ತೆಂಕುತಿಟ್ಟು ಶೈಲಿದ ಪ್ರಸಿದ್ಧ ಅರ್ಥಧಾರಿಯಾತೆರ್. ಆರ್ ಕರ್ನಾಟಕದ ದಕ್ಷಿಣ ಕನ್ನಡ ಜಿಲ್ಲೆದಾರ್. ೧೯೯೪ ದ ೧೯೯೯ ಮುಟ್ಟ ಸುರತ್ಕಲ್ ವಿಧಾನಸಭಾ ಕ್ಷೇತ್ರದ ಪ್ರತಿನಿಧಿಯಾದ್ ಭಾರತೀಯ ಜನತಾ ಪಕ್ಷೊದ ಅಭ್ಯರ್ಥಿಯಾದ್ ಕರ್ನಾಟಕ ವಿಧಾನಸಭೆಗ್ ಆಯ್ಕೆ ಆತಿನಾರ್.
ಆರಂಭಿಕ ಜೀವನ
[ಸಂಪೊಲಿಪುಲೆ]ಕಾಯರ್ಕಾಡಿ ಕುಂಞಕಣ್ಣ ಬೊಕ್ಕ ಕಲ್ಯಾಣಿ ದಂಪತಿದ ಮಗೆ ಆದ್ ಕೇರಳ ರಾಜ್ಯದ ಕಾಸರಗೋಡು ಜಿಲ್ಲೆದ ಕುಂಬಳೆಡ್ ಜನಿಸಿಯೆರ್.
ರಾಜಕೀಯ ಜೀವನ
[ಸಂಪೊಲಿಪುಲೆ]೧೯೯೪ ದ ೧೯೯೯ ವರೇಗು ಸುರತ್ಕಲ್ ವಿಧಾನಸಭಾ ಕ್ಷೇತ್ರದ ಶಾಸಕರಾದ್ ಸೇವೆ ಮಲ್ತೆರ್. ಪತ್ತನೇ ಕರ್ನಾಟಕ ವಿಧಾನಸಭೆದ ಸದಸ್ಯರಾಯೆರ್ ಬೊಕ್ಕ ಭಾರತೀಯ ಜನತಾ ಪಕ್ಷದ ಅಭ್ಯರ್ಥಿಯಾದ್ ಗೆಲುವು ಆದು ಇತ್ತೆರ್.
ಯಕ್ಷಗಾನ ಸೇವೆ
[ಸಂಪೊಲಿಪುಲೆ]ಆರ್ ಸುರತ್ಕಲ್, ಧರ್ಮಸ್ಥಳ ಬೊಕ್ಕ ಇರಾ ಯಕ್ಷಗಾನ ಮೇಳೊಲೆಡ್ ಕಲಾವಿದರಾದ್ ಸೇವೆ ಮಲ್ತೆರ್. ಐವ್ವಗ್ ಮಿಗಿಲಾದ್ ವರ್ಷೊಲೆ ಯಕ್ಷಗಾನ ಬೊಕ್ಕ ತಾಳಮದ್ದಲೆ ಕ್ಷೇತ್ರದ್ ಸೇವೆ ಮಲ್ತ್, ತೆಂಕುತಿಟ್ಟು ಶೈಲಿದ ಪ್ರಸಿದ್ಧ ಅರ್ಥಧಾರಿಯಾದ್ ಪರಿಚಿತೆರಾಯೆರ್. ಅಯೆರ್ ಕರ್ನಾಟಕ ರಾಜ್ಯ ಯಕ್ಷಗಾನ ಅಕಾಡೆಮಿದ ಅಧ್ಯಕ್ಷರಾಯಿನ ಸೇವೆಲಾ ಮಲ್ತೆರ್.[2]
ಗೌರವೊಲು
[ಸಂಪೊಲಿಪುಲೆ]೨೦೧೮–೨೦೧೯ ನೇ ಸಾಲ್ದ್ ಮಂಗಳೂರು ವಿಶ್ವವಿದ್ಯಾನಿಲಯದ ಪಿ. ದಯಾನಂದ ಪೈ ಬೊಕ್ಕ ಪಿ. ಸತೀಶ್ ಪೈ ಯಕ್ಷಗಾನ ಅಧ್ಯಯನ ಕೇಂದ್ರೊಡ್ದ್ ಯಕ್ಷಮಂಗಳ ಪ್ರಶಸ್ತಿನ ಪಡೆಯೆರ್.[3]
ನಿಧನ
[ಸಂಪೊಲಿಪುಲೆ]೩೦ ನವೆಂಬರ್ ೨೦೨೨ ಕ್ ಅರ್ ನಿಧನ ಆಯೆರ್.[4]
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "Yakshagana artist Kumble Sundar Rao passes away". Deccan Herald. 30 November 2022.
- ↑ "Udupi: Kumble Sundar Rao Frustrated over Neglect of Yakshagana Academy". Daijiworld. Retrieved 9 January 2020.
- ↑ "Yakshamangala award for renowned artistes". Deccan Herald. 10 March 2019. Retrieved 9 January 2020.
- ↑ "Yakshagana artist Kumble Sundar Rao passes away". Deccan Herald. 30 November 2022.