ಕೇಪುಳ

ಕೇಪುಲ

ಕೇಪುಲ ಕೇಫುಳ ಇಂಚ ಲೆಪ್ಪುನ ಈ ದಯ್ಯ್‌‍ಕ್ ಇಂಗ್ಲೀಷ್‌ಡ್ jungle geranium or jungle flame ಪಂಡ್ಧ್ ಪನ್ಪೆರ್. ಪೊರ್ಲುದ ಪು ಬುಡ್ಪಿನ ಈ ದಯ್ಯ್ ಟ್ ರುಚಿಯಾಯಿನ ಪಂರ್ದ್ ಲಾ ಆಪುಂಡು. ಇಂದು ಸಾಮಾನ್ಯವಾದ್ ದಕ್ಷಿಣ ಭಾರತ, ಶ್ರೀಲಂಕಾ ಬೊಕ್ಕ ಬಾಂಗ್ಲಾ ದೇಶೊಡ್ ತೂವರೆ ತಿಕ್ಕುಂಡು.

ವಿವರೊ

ಉಂದು ಮಸ್ತ್ ಗೆಲ್ಲ್ ಇತ್ತಿನ ಪುದೆಲ್ದ ಲೆಕ್ಕ ಇಪ್ಪುನ ದಯ್ಯಿ. ಈ ದಯ್ಯಿ ವರ್ಷೊದ ಪೂರಾ ಕಾಲೊಡು ಪಚ್ಚೆನೆ ಉಪ್ಪುಂಡು. ಸಾಮಾನ್ಯವಾದ್ ೪-೬ ಫೀಟ್ ಎತ್ತರೊಗು ಬುಲೆಪಿನ ಈ ದಯ್ಯಿ ಕೆಲವು ಸರ್ತಿ ೧೨ ಫೀಟ್ ದಾತ್ ಎತ್ತರೊಲಾ ಆಪಿನ ಉಂಡು. ನೆತ್ತ ಇರೆ ಪಚ್ಚೆ. ಇಡೀ ವರ್ಷೊಡುಲಾ ಪೂ ಬುಡ್ಪಿನ ಈ ದಯ್ಯ್ ತ ಪೂ ಸಾಮಾನ್ಯವಾದ್ ಕೆಂಪು ಬಣ್ಣೊದ ಆದುಪುಂಡು. ದಯ್ಯಿಟ್ ಆಪಿನ ಪಚ್ಚೆ ಕಾಯಿಲು ಪಂರ್ದ್‌‍ನಗ ಕೆಂಪು ಬಣ್ಣೊಗು ತಿರ್ಗುಂಡು. ಉಂದೆತ್ತ ಪಂರ್ದ್ ಬಾರೀ ತೀಪೆ ಉಪ್ಪುಂಡು. ಪ್ರತೀ ಪಂರ್ದ್‌ದ ಉಲಾಯಿ ಬಿತ್ತ್ ಉಪ್ಪುಂಡು.

ಕೇಪುಲದ ಪರ್ಂದ್

ವಿಧೊಕುಲು

1. ಕಾಟ್ ಕೇಪುಲ
2. ಕಸಿ ಕೇಪುಲ

ಉಪಯೋಗ

• ಉಂದೆತ್ತ ಇರೆ,ಪೂ, ಕಾಯಿ ಬೊಕ್ಕ ಬೇರ್ ನ್ ಬೇತೆ ಬೇತೆ ಮರ್ದ್‌ಡ್ ಉಪಯೋಗ ಮಲ್ಪುವೆರ್.
• ಭಾರತೊಡು ಆಯುರ್ವೇದ ಬೊಕ್ಕ ಜನಪದ ವೈದ್ಯೊಡು ಉಂದೆಕ್ ಭಾರೀ ಮಹತ್ವ ಉಂಡು.
• ದಕ್ಷಿಣ ಕನ್ನಡೊಡ್ ಜೊಕುಲೆಗ್ಗ್ ಬಂಜಿ ಬೇನೆಗ್ ಉಂದೆತ್ತ ಇರೆ ಬೊಕ್ಕ ಕಾಯಿದ ರೆಸ ದೆತ್ತದ್ ಕೊರ್ಪೆರ್.
• ಕಾಟ್ ಕೇಪುಲದ ಪೂ ದೈವಾರಾಧನೆ, ದೇವೆರೆನ ಪೂಜೆಡ್ ಭಾರೀ ಮಹತ್ವ ಪದೆದ್ಂಡ್.

ಚಿತ್ರ ಸಂಪುಟ

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•