ಕೊಂಡೇಲ್ತಾಯ ದೈವಸ್ಥಾನ

ಕೊಂಡೇಲ್ತಾಯ ದೈವಸ್ಥಾನ ಕಟೀಲುದ ಕೈತಲ್ದ ಅತ್ತೂರು, ಕೊಡೆತ್ತೂರು ಗ್ರಾಮೊಲೆಡ್ ಕೊಂಡೆಲ್ತಾಯ ದೈವೊದ ಸ್ಥಾನ ಉಂಡು. ಸಾಂಸ್ಕೃತಿಕ ಬುಕ್ಕೊ ದೈವಿಕ ಮಹತ್ವೊನು ಪಡೆಯಿನವು. ದೇವೆರೆನ ನೆಂಪುಗಾದ್ ವರ್ಷೊಡ್ ಒಂಜಿ ಸರ್ತಿ ನೇಮ ಆಚರಣೆ ನಡಪುಂಡು. ಊರುದ ಜನೊಕುಲೆಗ್ ದೈವಿಕ ಶಕ್ತಿ ಬುಕ್ಕೊ ಶ್ರೀಮಂತ ಪರಂಪರೆನ್ ಸಂಕೇತವಾದ್ ತೋಜಾವುನ ಕಲ್ಲ್ ದ ಮೂರ್ತಿ ತಿಕ್ಕಿ ಬುಕ್ಕೊ ದೈವೊದ ಪುನಃಸ್ಥಾಪನೆಗ್ ಮಸ್ತ್ ಮಹತ್ವ ಬತ್ತ್ಂಡ್.

ಕೊಂಡೇಲ್ತಾಯ ದೈವಸ್ಥಾನ

ಇತಿಹಾಸೊ

ಕಟೀಲುದ ಕೈತಲ್ದ ಅತ್ತೂರು-ಕೊಡೆತ್ತೂರು ಕುಂಜಿರಾಯ ದೈವೊಡು ವಾರ್ಷಿಕ ನೇಮದ ಪೊರ್ತುಡು ಕೊಂಡೆಲ್ತಾಯ ದೈವೊದ ನೇಮ ಸಾಂಕೇತಿಕವಾದ್ ಮಾತ್ರ ನಡಪುಂಡು. ಆಂಡಲಾ ಕೊಂಡೆಲ್ತಾಯ ದೈವದ ನೇಮನ್ ಪೂರ್ತಿ ತೂಯಿನಕುಲು ಏರುಲಾ ಇಜ್ಜೆರ್. ನೇಮ ನಡತ್ಂಡ್ ಪನ್ಪಿನೆಕ್ ದಾಲ ಸಾಕ್ಷಿಲು ಲಭ್ಯ ಇಜ್ಜಿ. ಇತ್ತೀಚಿನ ಕಾಲೊಡು ಭವಿಷ್ಯವಾಣಿಲೆನ ಪ್ರಶ್ನಾವಳಿಗ್ ಬುಕ್ಕೊ ಜೀರ್ಣೋದ್ಧಾರೊದ ಪೊರ್ತುಡು ಕೊಂಡೆಲ್ತಾಯ ದೈವೊದ ಮಾನವರೂಪಿ ಕಲ್ಲ್ ಮೂರ್ತಿನ್ ತೋಜುದು ಬತ್ತುಂಡು. ಈ ಅನ್ವೇಷಣೆ ಆಯಿಬುಕ್ಕೊ ಕೊಂಡೆಲ್ತಾಯ ದೈವಸ್ಥಾನೊನು ಪೊರ್ಲುಡು ಜೀರ್ಣೋದ್ಧಾರ ಮಲ್ತ್‌ದ್ ಸುಮಾರ್ ನಾಲ್ ಸಾರ ವರ್ಸೊಡ್ದು ಬುಕ್ಕೊ ಕೊಂಡೆಲ್ತಾಯ ದೈವೊನು ಪ್ರತಿಷ್ಠೆ ಮಲ್ತೆರ್.

ನೇಮೊದ ಆಯಾಮ

ಕೊಂಡೆಲ್ತಾಯ ದೈವೊದ ನೇಮೊಗು ಒಂಜಿ ವಿಶಿಷ್ಟ ಆಯಾಮ ಕೊರ್ಪೆರ್. ಕೊಡಮಣಿತ್ತಾಯ, ಕುಂಜಿರಾಯ ದೈವೊಲೆಗ್‌ಲಾ ಮೋನೆ ಚಿತ್ರಕಲೆ ಮಲ್ಪುವೆರ್, ಅಂಚನೆ ಕೊಂಡೆಲ್ತಾಯ ದೈವೊಗುಲಾ ಬಳಕೆ ಮಲ್ಪುವೆರ್. ದೈವೊನು ಭಾರಿ ಮಲ್ಲ ಗಾತ್ರೊಡು ಅಲಂಕಾರ ಮಲ್ತ್‌ದ್, ಬಾವುಟ ಪಾಡ್ದ್ ಮುಗ ಪಾಡುವೆರ್, ಮುಗ ದೆತ್ತ್‌ದ್ ಮುಂಡಾಸು, ಬಿಲ್ಲು ಬುಕ್ಕೊ ಕಪ್ಪು ತರೆ ಪಾಡುವೆರ್, ಸಂಧಿ ಆಧಾರಿತವಾದ್ ದೈವೊದ ನೇಮ ರಚನೆ ಆಪುಂಡು. ಸುರುಟು "ಮನೆಚಿಡ್" (ದರ್ಶನ), ಅಯಿಡ್ದ್ ಬುಕ್ಕೊ "ನಡು ಮಾನೆಚ್ಚಿಡ್" ಅಲಂಕಾರ ಆಯಿಬುಕ್ಕೊ ಬಲಿ, ಬದಿಕಾರದ ಬಲಿ, ಬುಕ್ಕೊ ಸಂಧಿ ಆಧಾರೊಡು ಪರಿ-ನುಡಿಗಟ್ಟು ಪೂರಾ ನಡಪುಂಡು. ಪರವ ಸಮುದಾಯದ ಕುಟುಂದಕುಲು ಈ ನೇಮ ಕರ್ತವ್ಯನ್ ಮಲ್ಪುವೆರ್. ಕೊಂಡೆಲ್ತಾಯ ದೈವ ಮಾಯ ಆತಿನ ನರಮಾನಿ ರೂಪದ ಕಲ್ಲ್ ಬುಕ್ಕೊ ವಿಶೇಷ ಗುಣೊತ ಸಿರಿಗೋಳಿ ಮರ ಭಕ್ತೆರೆಗ್ ಚರಿತ್ರೆದ ಕತೆನ್ ಪನ್ಪುಂಡು.