ಗೋಪಾಲಕೃಷ್ಣ ಅಡಿಗ

ವಿಕಿಪೀಡಿಯರ್ದ್
ಇಡೆಗ್ ಪೋಲೆ: ಸಂಚಾರೊ, ನಾಡ್‍ಲೆ
ಗೋಪಾಲಕೃಷ್ಣ ಅಡಿಗ

ಪುರೋಹಿತ ಮನೆತನೊಗು ಸೇರ್‌ನ ಎಂ. ಗೋಪಾಲಕೃಷ್ಣ ಅಡಿಗ ಅಮ್ಮೆರ್ ಸಂಸ್ಕೃತೊಡು ಶ್ಲೋಕೊಲೆನ್, ಕನ್ನಡೊಡು ದೇಶಭಕ್ತಿ ಗೀತೆಲೆನ್ ಬರೆವೊಂದಿತ್ತೆರ್‌ಗೆ. ಅವಿಭಜಿತ ದಕ್ಷಿಣಕನ್ನಡ ಜಿಲ್ಲೆ ಯಕ್ಷಗಾನೊದ ಅಪ್ಪೆ ಇಲ್ಲ್‌. ಅಡಿಗೆರ್ ಬಾಲ್ಯೊಡು ಯಕ್ಷಗಾನೊ ಪ್ರಸಂಗೊಲು ಸುತ್ತಮುತ್ತ ಒಲ್ಪ ನಡತ್ತ್ಂಡಲಾ ತಪ್ಪಾವಂದೆ ತೂವೊಂದಿತ್ತೆರ್‌ಗೆ. ಆ ಪದ್ಯೊಲೆಡ್, ಮಟ್ಟ್‌ಲೆ ಕುಣಿತೊದ ಭಂಗಿಲು ಆರೆನ ಮನಸ್ಸ್‌ಡ್ ಯಾಪೊಲ ರೂಪು ಪಡೆವೊಂದಿತ್ತ್ಂಡ್‍ಗೆ. "ಈ ವಾತಾವರಣೊಡು ಯಾನ್ ಎನ್ನ ೧೩ನೆ ಪ್ರಾಯೊಡು ಪದ್ಯೊ ರಚನೆಗ್ ಕೈ ಪಾಡ್‌ನೆಂದ್ ತೋಜುಂಡು. ಭಾಮಿನಿ ಷಟ್ಪದಿ, ವಾರ್ಧಕ ಷಟ್ಪದಿ, ಕಂದ ಪದ್ಯೊಲೆನ್ ಬರೆವೊಂದಿತ್ತೆ"ಂದ್ ಆರೇ ಪನ್ತೆರ್. ಸಾಕ್ಷಿ ಪತ್ರಿಕೆಡ್ ಸಂಪಾದಿಕರಾದ್ ಸೇವೆ ಮಲ್ತ್‌ದೆರ್. ಕರಿಯಿನ ಐನ್‍ ದಶಕೊಲೆಡ್ ಆಧುನಿಕ ಕನ್ನಡ ಸಾಹಿತ್ಯೊಡು ಬರೆಯರ ಸುರು ಮಾಲ್‌ತ್ತೆರ್. ಪ್ರಬಂದೊ, ಅನುವಾದೊ, ಬುಕ್ಕೊ ಪದ್ಯೊದ ಮೂಲಕೊ ಪ್ರಭಾವೊ ತೋಜುಂಡ್. "ಆಧುನಿಕ ಸಾಹಿತ್ಯ ಚಳುವಳಿ"ಡ್ ಬರೆಪುನ ಅಡಿಗೆರ್ ಇಂಗ್ಲ್‌ಸ್ ಸಾಹಿತ್ಯೊನು ಬೋಧಿಸದೆರ್. ಆರ್ನ ಕಾವ್ಯೊದ ಶೈಲಿ 1957 ಪದ್ಯ ಪ್ರಾರ್ಥನೆದ ಮೂಲಕೊ ಪಿದಯಿ ಬತ್ತ್ಂಡ್.

ಸ್ವಂತ ಇವರೊ[ಸಂಪೊಲಿಪುಲೆ]

ಜನನೊ[ಸಂಪೊಲಿಪುಲೆ]

  • ೧೮ ಫೆಬ್ರುವರಿ, ೧೯೧೮.
  • ಗೋಪಾಲ ಕೃಷ್ಣ ಆಡಿಗ ಕರ್ನಾಟಕ ರಾಜ್ಯೊದ ಉಡುಪಿ ಜಿಲ್ಲೆದ ಕುಂದಾಪುರೊ ತಾಲೂಕುದ ಮೋಗೇರಿ ಪುಟ್ಟುದೆರ್.
  • ಅಡಿಗೆರ್‌ನ ಬುಡದಿನ ಪುದರ್ ಲಲಿತ. ಅಡಿಗೆರ್‌ಗ್ ಐನ್ ಜೊಕುಲು ಉಲ್ಲೆರ್.

ವಿದ್ಯಾಬ್ಯಾಸೊ[ಸಂಪೊಲಿಪುಲೆ]

  • ಅಡಿಗೆರ್ ಪ್ರಾಥಮಿಕ ಮೊಗೇರಿಡ್ ಬೊಕ್ಕ ಪ್ರೌಢ ಶಿಕ್ಷಣೊನು ಬೈಂದೂರುಡ್ ಮಲ್ತೆರ್.
  • ಉನ್ನತ ಶಿಕ್ಷಣೊಗು ಆರ್ ಮೈಸೂರುದ ಮಹಾರಾಜ ಕಾಲೇಜಗ್ ಸೇರ್‌ಯೆರ್. ಇಂಗ್ಲೀಸ್‌ನ್ ಮುಕ್ಯೊ ವಿಸಯೊ ಆದ್ ದೆತೊಂದು ಐತ ಬಗೆಟ್ ಜಾಸ್ತಿ ಅಧ್ಯಯನೊ ಮಲ್ತ್‌ದ ಮೈಸೂರು ವಿಶ್ವವಿದ್ಯಾಲಯೊಡ್ದ್ ಬಿ.ಎ. ಆನರ್ಸ್ ಪದವಿನ್ ಪಡೆಯೆರ್‍.
  • ನಾಗ್ಪುರೊ ವಿಶ್ವವಿದ್ಯಾನಿಲಯೊಡ್ ಇಂಗ್ಲಿಸ್ ಎಂ.ಎ. ಪದವಿ ಪಡೆಯೆರ್.

ಉದ್ಯೋಗೊ[ಸಂಪೊಲಿಪುಲೆ]

  • ಮೈಸೂರು ಶಾರದ ಕಾಲೇಜುಡ್ ಇಂಗ್ಲೀಸ್‍ಡ್ ಉಪನ್ಯಾಸಕರಾದ್ ಸೇವೆ ಮಲ್ತ್‌ದೆರ್.
  • ಸಂತ ಫಿಲೋಮಿನ ಕಾಲೇಜಿಡ್‍ ಪತ್ತ್ ವರ್ಸೊ ಸೇವೆ ಮಲ್ತೆ‌ರ್.
  • 1960ಡ್ ಸಾಗರೋದ ಲಾಲ್ ಬಹದ್ದೂರ್ ಶಾಸ್ತ್ರಿ ಕಾಲೇಜಿಡ್ ಪ್ರಾಂಶುಪಾಲೆರಾದ್ ಸೇವೆ ಮಲ್ತ್‌ದೆರ್.
  • ಉಡುಪಿದ ಪೂರ್ಣಪ್ರಜ್ಞಾ ಕಾಲೇಜಿಡ್‌ ಸೇವೆ ಮಲ್ತ್‌ದೆರ್.

ಮರಣೊ[ಸಂಪೊಲಿಪುಲೆ]

  • ೧೪ ನವಂಬರ್, ೧೯೯೨.

ಸಾಹಿತ್ಯ ಸೇವೆ[ಸಂಪೊಲಿಪುಲೆ]

ಅಡಿಗೆರ್ ಕಬಿತೆ, ಕತೆ, ಕಾದಂಬರಿ, ಇಮರ್ಸೆ, ಪ್ರಬಂದೊಲೆನ್ ಬರೆತೆರ್.

ಕಬಿತೆಲೆನ ಕೋಪೆ[ಸಂಪೊಲಿಪುಲೆ]

  • ಭಾವತರಂಗ - ೧೯೪೬
  • ಅನಂತೆ- ೧೯೫೪( ಕಾದಂಬರಿ )
  • ಭೂಮಿ ಗೀತಾ - ೧೯೫೯
  • ಮಣ್ಣಿನ ವಾಸನೆ( ಪ್ರಬಂಧಗಳ ಪುಸ್ತಕ ) - ೧೯೬೬
  • ವರದಮಾನ-೧೯೭೨
  • ಇದನ್ನು ಬಯಸಿರಲ್ಲಿಲಾ ( ಕವನಗಳು ) - ೧೯೭೨
  • ಕೊರಗ ಕಾವ್ಯ ( ಕವಿತೆಗಳ ಸಂಗ್ರಹ ) - ೧೯೭೬
  • ಸಾಕ್ಷಿ ( ಮ್ಯಾಗಜೀನ್ ) - ೧೯೬೨
  • "ಇರುವುದೆಲ್ಲವ ಬಿಟ್ಟು ಇರದುದರೆಡೆಗೆ ತುಡಿವುದೆ ಜೀವನ "
  • ಮೌನ ತಬ್ಬಿತು ನೆಲವ "

ಅಡಿಗೆರೆಗ್ ಸಂದ್‍ನ ಪ್ರಶಸ್ತಿಲು[ಸಂಪೊಲಿಪುಲೆ]

೧೯೬೮ಡ್ ಅಡಿಗೆರೆಗ್ ೫೦ ಒರ್ಸೊ ದಿಂಜಿನ ಸಂದರ್ಬೊಡು ಉಡುಪಿಡ್ ಕು.ಶಿ.ಹರಿದಾಸ ಬಟ್ರ್ ಬುಕ್ಕೊ ವಿಜಯನಾಥ ಶೇಣೈಯೆರ್ ಇಂಚಿತಿ ಸಾಹಿತ್ಯಾಭಿಮಾನಿಲು ಒಂಜಿ ಅಪೂರ್ಪೊದ ಜಂಬರೊ ಲಕ್ಕವೆರ್. ಅಯಿಟ್ ಪೊಸ ಪೀಲಿಗೆದ ಮಹತ್ವೊದ ಕವಿ, ಸಾಹಿತಿ, ವಿಮರ್ಶಕೆರಾಯಿನ ಲಂಕೇಶ್, ಚಂದ್ರಶೇಖರ ಕಂಬಾರ, ಎಂ.ಜಿ. ಕೃಷ್ಣಮೂರ್ತಿ, ಶಾಂತಿನಾಥ ದೇಸಾಯಿ, ಜಿ. ಎಚ್. ನಾಯಕ, ಕಿ ರಂ. ನಾಗರಾಜ. ಗಿರಡ್ಡಿ ಗೋವಿಂದರಾಜ, ಬನ್ನಂಜೆ ಗೋವಿಂದಾಚರ್ಯ, ಡಿ. ಎಸ್. ರಾಯಕರ್ ಇಂಚಿನಕುಲು ಸೇರ್ದಿತ್ತೆರ. ವಿಮರ್ಶಕೆ ನಿಸ್ಸಿಂ ಇಝೆಕಿಲ್ ಪನ್ಪಿನಾರ್ 'ಅಡಿಗೆರ್ ಕನ್ನಡೊಡು ಬರೆಪ್ಪುನ ಒರಿ ಮಲ್ಲ ಭಾರತೀಯ ಕವಿ' ಪಂಡ್‍ದ್ ಕೊಂಡಾಟೊ ಮಲ್ತೆರ್.

  1. ೧೯೭೪ಡ್ ರಾಜ್ಯೊ ಸಾಹಿತ್ಯ ಆಕಾಡೆಮಿ ಪ್ರಶಸ್ತಿ ಬತ್ತ್ಂಡ್.
  2. ೧೯೭೫ಡ್ ಅಡಿಗೆರೆಗ್ `ವರ್ಧಮಾನ'ಕವನೊ ಸಂಕಲನೊಗು ಕೇಂದ್ರ ಸಾಹಿತ್ಯ ಆಕಾಡೆಮಿ ಪ್ರಶಸ್ತಿ ಬತ್ತ್ಂಡ್.
  3. ೧೯೭೯ಡ್ ಕೇರಳೊದ ಪ್ರತಿಷ್ಠಿತೊ `ಕುಮಾರ್ ಸಮ್ಮಾನ್' ಪ್ರಶಸ್ತಿ ಲಬ್ಯೊ ಆಂಡ್.
  4. ೧೯೮೦ಡ್ `ಸಮಗ್ರ ಕಾವ್ಯೊ'ಗು ಮೂಡಬಿದ್ರೆದ `ವರ್ಧಮಾನ' ಪ್ರಶಸ್ತಿ ತಿಕ್ಂಡ್.
  5. ೧೯೮೨ಡ್ ಪ್ಯಾರಿಸ್, ಯುಗೋಸ್ಲಾವಿಯಡ್ ನಡತ್ತ್‌ನ ವಿಶ್ವಕವಿ ಸಮ್ಮೇಳನೊದ ಆಹ್ವಾನಿತೆರಾದ್ ಭಾಗವಹಿಸದೆರ್.
  6. ೧೯೮೬ಡ್ ಮಧ್ಯಪ್ರದೇಸೊದ ಸರಕಾರೊ ಆರಂಭಿಸಯಿನ ಸುರುತ `ಕಬೀರ್ ಸನ್ಮಾನ್' ಅಡಿಗೆರೆ ಪಾಲ್‍ಗ್ ಬತ್ತ್ಂಡ್.
  7. ೧೯೮೮ಡ್ ಥ್ಯಾಲಂಡ್‍ದ ಬ್ಯಾಂಕಾಕ್ ನಗರೊಡು ನಡತ್ತ್‌ನ ಜಾಗತಿಕ ಕವಿ ಸಮ್ಮೇಳನೊಡು 'ವರ್ಲ್ಡ್ ಅಕಾಡೆಮಿ ಆಫ್ ಆರ್ಟ್ ಎಂಡ್ ಕಲ್ಚರ್' ಸಂಸ್ಥೆ ಆರೆಗ್ 'ಡೊಕ್ಟರ್ ಆಫ್ ಲಿಟರೇಚರ್' ಪ್ರಶಸ್ತಿ ಕೊರ್‌ದ ಗೌರವಿಸಾಂಡ್.
  8. 'ರಾಜ್ಯೋತ್ಸವ ಪ್ರಶಸ್ತಿ'
  9. 'ಪಂಪ ಪ್ರಶಸ್ತಿ'.

ಉಲ್ಲೇಕೊ[ಸಂಪೊಲಿಪುಲೆ]