ಚಂದ್ರಗಿರಿ ಸುದೆ

ಚಂದ್ರಗಿರಿ ಸುದೆ ಪೆರುಂಪುಝ / ಪಯಸ್ವಿನಿ
ಕಣತ್ತೂರ್ದ ಕಾಸರಗೋಡುಡ್ದ ಚಂದ್ರಗಿರಿ ಸುದೆದ ಒಂಜಿ ನೋಟ
ಪುದರ್ ಬತ್ತಿನ ರೀತಿ	ಚಂದ್ರಗುಪ್ತ ಮೌರ್ಯ
ಜಾಗ
ದೇಶ	ಭಾರತ
ರಾಜ್ಯ	ಕೇರಳ, ಕರ್ನಾಟಕ
ಜಿಲ್ಲೆ	ಕಾಸರಗೋಡು, ದಕ್ಷಿಣ ಕನ್ನಡ, ಕೊಡಗು
ಪಟ್ಟಣೊಲು	ಸುಳ್ಯ, ಜಾಲ್ಸೂರು, ಚೆಂಗಳ, ಚೆಮ್ನಾಡು, ಕಾಸರಗೋಡು
ದೈಹಿಕ ಲಕ್ಷನೊಲು
Source	ಕಡಮಕಲ್ ರಿಸರ್ವ್ ಕಾಡ್, ಕರ್ನಾಟಕ
• ಜಾಗೆ	ಕೊಡಗು ಜಿಲ್ಲೆ, ಭಾರತ
• coordinates	12.45495°N, 75.67224°E
• elevation	1290m
ಸುದೆ ಸೇರುನ ಜಾಗ	ಅರಬಿ ಸಮುದ್ರ
• ಜಾಗ	ತಳಂಗರಡ್ ಪಕ್ಕಡ್, ಕಾಸರಗೋಡು, ಭಾರತ
• ಅಕ್ಷಾಂಶ ರೇಖಾಂಶ	12°28′25″N 74°59′04″E
• ಎತ್ತರ	0 m (0 ft)
ಉದ್ದೊ	105 km (65 mi)
Discharge
• ಜಾಗೆ	ಬಾಯಿ
ಸುದೆತ ವ್ಯವಸ್ಥೆ
ಉಪಸುದೆಕುಲು
• ಎಡ	ಕುಡುಂಬೂರು ಸುದೆ

ಚಂದ್ರಗಿರಿ ಸುದೆ ಕಾಸರಗೋಡು ಜಿಲ್ಲೆಡ್ ಇಪ್ಪುನ ಸುದೆಕುಲೆಡ್ ಒಂಜಿ ಉದ್ದದ ಸುದೆ. ನೆನ್ನ್ ಸುಳ್ಯ ಕಡೆಟ್ ಪಯಸ್ವಿನಿ ಸುದೆಂದ್ ಪಂಡ್ತ್ ಲೆಪ್ಪುವೆರ್. ಈ ಸುದೆನ್ ತುಳುನಾಡು ಬುಕ್ಕೊ ಗಡಿನಾಡು ಕಾಸರಗೋಡುನು ಭಾಗ ಮಲ್ಪುನ ಇಜ್ಜಿಂಡ ಸಾಂಪ್ರಾದಾಯಿಕವಾಯಿನ ಒಂಜಿ ಗಡಿ ಪಂದ್ ಪನೊಲಿ. ಈ ಸುದೆ ಕರ್ನಾಟಕೊದ ಕೊಡಗು ಜಿಲ್ಲೆದ ಪಶ್ಚಿಮ ಘಟ್ಟೊಡು ತಲಕಾವೇರಿ ವನ್ಯಜೀವಿ ಅಭಯಾರಣ್ಯೊಡು ಪುಟ್ಟುಂಡು. ಸುಳ್ಯ ಜಾಲ್ಸೂರು, ಪರಪ್ಪ, ಅಡೂರು, ಚೆಂಗಳ ಬುಕ್ಕೊ ಕಾಸರಗೋಡು ಸೇರ್ದ್ ಅರಬ್ಬಿ ಸಮುದ್ರೊಗು ಸೇರುಂಡು. ಸುಳ್ಯ ತಾಲೂಕುಡು ಗೃಹೊ ಬುಕ್ಕೊ ಕೃಷಿ ಉಪಯೋಗೊಲೆಗ್ ಪ್ರಮುಖವಾಯಿನ ನೀರ್ದ ಮೂಲೊ.

ಸುದೆತ ಚಲನೆ

ಕೇರಳದ ಅಧೂರುಡು ಚಂದ್ರಗಿರಿ( ಪಯಸ್ವಿನಿ) ಸುದೆ

ಚಂದ್ರಗಿರಿ ಸುದೆ ೧೦೫ಕಿಮೀ ಉದ್ದ ಉಂಡು. ಈ ಸುದೆ ಪುಷ್ಪಗಿರಿ ವನ್ಯಜೀವಿ ಅಭಯಾರಣ್ಯನ್ ದಾಂಟ್ದ್ ದಕ್ಷಿಣ ಕನ್ನಡದ ಅಡ್ಯಡ್ಕ, ಬಿಳಿಯಾರ್, ಪರಿವಾರಕಾನ, ಪಾಲಡ್ಕ, ಸುಳ್ಯ, ಪಿಲಿಕೋಡಿ ಬುಕ್ಕೊ ಕನ್ಯಾನದ ಗುಡ್ಡೆಡ್ ಪರಪುಂಡು. ಕೇರಳನ್ ಪ್ರವೇಶ ಮಲ್ತಿ ಬುಕ್ಕೊ ಕಾಸರಗೋಡು ಜಿಲ್ಲೆದ ಪೂರ್ವ ಭಾಗೊಡು ಇಪ್ಪುನ ಪಂಜಿಕ್ಕಲ್, ಕೊಟ್ಟ್ಯಾಡಿ, ಅದ್ದೂರು, ಪೂವಡ್ಕ, ಕೊಟ್ಟಂಕುಝಿ, ಬೇತೂರ್ಪುಳ, ಕುಂಡಂಕುಝಿ, ಕೊಳತ್ತೂರು, ಮುಳಿಯಾರ್ ಬುಕ್ಕೊ ಬೋವಿಕ್ಕಾನ ಜಾಗೆಗ್ ಸೇರುಂಡು. ತೆಕ್ಕಿಲ್, ಚೆಂಗಳ, ಚಟ್ಟಂಚಲ್, ಪೆರುಂಬಳ, ಚೆಮ್ನಾಡ್ ಬುಕ್ಕೊ ಕಾಸರಗೋಡು ಸೇರ್ದ್ ತಳಂಗರಾ ಪನ್ಪಿನಲ್ಪ ಅರಬ್ಬೀ ಸಮುದ್ರೊಗು ಸೇರುಂಡು.

ಉಪನದಿಲು

ಉಪನದಿ ಪಂಡ ಪ್ರದಾನ ಸುದೆ ಇಜ್ಜಿಂಡ ಮಲ್ಲ ಸುದೆ ಪರಪ್ಪುನಗ ಉಂಟಾಪಿನ ಎಲ್ಯ ಸುದೆಕುಲು. ಚಂದ್ರಗಿರಿ ಸುದೆತ ಮಲ್ಲ ಉಪನದಿ ಕುಡುಂಬೂರ್ ಸುದೆ. ಉಂದು ಕಾಸರಗೋಡುದ ಚಟ್ಟಂಚಲ್‌ನ ಪೂರ್ವೊಡು ಪಯಸ್ವಿನಿ ಸುದೆನ್ ಸೇರುಂಡು.

ನನಾತ್ ಓದರ

• S. Jayashanker (2001). Temples of Kasaragod District. Controller of Publications. p. 4.

• Adoor K. K. Ramachandran Nair (1986). Kerala State Gazetteer. State Editor, Kerala Gazetteers. p. 9.

• "Namboothiri Rulers (Naaduvaazhikal)". www.namboothiri.com. Archived from the original on 7 May 2021. Retrieved 12 July 2021.|name_etymology=Chandragupta Maurya
• "Kasaragod Rivers". www.keralatourism.org. Retrieved 2021-01-23.