ಜೈ ತುಳುನಾಡ್

ವಿಕಿಪೀಡಿಯರ್ದ್
Jump to navigation Jump to search
ಜೈ ತುಳುನಾಡ್
JAI TULUNAD 6x6.png
ತಾಪನೆ ಅಯಿನೆಮೂಲ್ಕಿ
ವೆಬ್ ಸೈಟ್http://jaitulunad.com

ಜೈ ತುಳುನಾಡ್ ಪನ್ಪಿನವು ತುಳುನಾಡ್‌ಡ್ ಉಪ್ಪುನ ತುಳುವೆರೆನ ಒಂಜಿ ಸಂಘಟನೆ. ಉಂದು ತುಳು ಬಾಸೆ ಬೊಕ್ಕ ತುಳು ಲಿಪಿ, ತುಳು ಸಂಸ್ಕೃತಿದ ಒರಿಪುಗೋಸ್ಕರ ಬೇಲೆ ಮಲ್ಪುನಂಚಿನ ಸಂಘಟನೆ. ಉಂದು ೨೦೧೪ ಆಗೋಸ್ತು ೧೦ ಕ್ಕ್ ಮೂಲ್ಕಿಡ್ ಸುರು ಆಂಡ್ ಅವೆಡ್ದ್ ಬೊಕ್ಕ ೨೦೧೫ ಅಗೋಸ್ತು ೧೦ ಕ್ಕ್ ನೊಂದಾವಣೆ ಆಂಡ್. ಅವೆಡ್ದ್ ಬೊಕ್ಕ ಇನಿ ಮುಟ್ಟ ತುಳುನಾಡ್‌ದ ತುಳುಬಾಸೆ, ತುಳುವೆರೆನ ಪರಪೋಕುಲೆನ ಒರಿಪುಗೋಸ್ಕರ ಪೊರಂಬೊಂದುಂಡು[೧]. ತುಳುಲಿಪಿ ಕಲ್ಪೆರೆ ಅಸಕ್ತಿ ಇತ್ತಿನಕುಲೆಗ್ ಅನ್ಲೈನ್ ಅಂಚನೆ ಆಫ್ಲೈನ್ ಮುಖಾಂತರ ತುಲುಲಿಪಿ ಕಲ್ಪಾಪಿನಂಚಿನ ಮಾಮಲ್ಲ ಕಜ್ಜೊನು ಜೈ ತುಳುನಾಡ್ ಮಲ್ತೊಂದುಂಡು

ಗುರ್ಕಾರ್ಲು[ಸಂಪೊಲಿಪುಲೆ]

ಪುದರ್ ವರ್ಷ
ಜೈ ತುಲುನಾಡ್ ಸ್ಥಾಪಕ ಸಮಿತಿ ಆಗೋಸ್ತು 2014 ಡ್ದ್ ಮೇ 2015
ಪ್ರಶಾಂತ್ ಸಾಲಿಯಾನ್ ಮೇ 2015 ಡ್ದ್ ಆಗೋಸ್ತು 2016
ಅಶ್ವಥ್ ತುಲುವೆ ಆಗೋಸ್ತು 2016 ಡ್ದ್ ಸೆಪ್ಟೆಂಬರ್ 2017
ಅರುಣ್ ತುಲುವೆ ಸೆಪ್ಟೆಂಬರ್ 2017 ಡ್ದ್ ಫೆಬ್ರವರಿ 2020
ಸುದರ್ಶನ್ ಸುರತ್ಕಲ್ ಫೆಬ್ರವರಿ 2020 ಡ್ದ್ ಜನವರಿ 2021
ಅಶ್ವಥ್ ತುಲುವೆ ಫೆಬ್ರವರಿ 2022(ಇತ್ತೆದ)

ಉದ್ದೇಸೊ[ಸಂಪೊಲಿಪುಲೆ]

ತುಳುಲಿಪಿ

ನಂಬೊಲಿಗೆದ ರಕ್ಷಣೆ[ಸಂಪೊಲಿಪುಲೆ]

ಜೈ ತುಳುನಾಡ್ ಸಂಘಟನೆ ತುಳುವೆರೆನ ನಂಬಿಕೆದ ಭೂತಾರಾಧನೆ ಬೊಕ್ಕ ನಾಗಾರಾಧನೆನ್ ನಿಂದನೆ ಮಲ್ಪುನಕುಲೆನ ವಿರುದ್ಧ ಕಾನೂನು ರೀತಿದ ಪೊರಂಬಾಟ ಮಲ್ತೊಂದು ನಮ್ಮ ಸಂಪ್ರದಾಯ, ದರ್ಮೊನು ಒರಿಪುನ ಕೆಲಸ ಮಲ್ತೊಂದುಂಡು. [೨]

ತುಳುಭಾಷೆ ಅಧಿಕೃತ ಭಾಷೆ ಆವೊಡು[ಸಂಪೊಲಿಪುಲೆ]

ತುಳುಬಾಸೆ ರಾಜ್ಯದ ಅಧಿಕೃತ ಬಾಸೆ ಆವೊಡು ಪನ್ಪಿನ ನೆಲೆಟ್ ಜೈ ತುಳುನಾಡ್ ಮಸ್ತ್ ಬೆಲೆ ಮಲ್ತೊಂದುಂಡು ಸಾಮಾಜಿಕ ಜಾಲತಾಣದ ಮುಖಾಂತರ ೪ ಲಕ್ಷ ಜನೊಕುಲು ಒಂಜೆ ದಿನೊಟು ಟ್ವಿಟರ್ ಅಭಿಯಾನೊಡು ಪಾಲ್ ಪಡೆಪಿಲೆಕ್ಕ ಮಲ್ತ್‌ದ್ ತುಳು ಬಾಷೆ ಅಧಿಕೃತ ಆವೊಡು ಪನ್ಪಿನ ಬೇಡಿಕೆ ತುಳುನಾಡ್‌ದ ಶಾಸಕೆರೆನ, ಸಚಿವೆರೆನಕುಲೆನ ಗೇಣೊಗು ಕನಪಿನ ಮಾಮಲ್ಲ ಬೇಲೆನ್ ಈ ಸಂಘಟನೆ ಮಲ್ತ್ಂಡ್[೩]

ಸಂವಿಧಾನೊಡು ತುಳುಭಾಷೆ ಸೇರ್ಪಡೆ[ಸಂಪೊಲಿಪುಲೆ]

ತುಳು ಬಾಸೆಗ್ ಸಂವಿಧಾನೊದ ೮ನೇ ಪರಿಚ್ಚೇದೊಡು ಸ್ಥಾನಮಾನಾ ತಿಕ್ಕೊಡು ಪನ್ಪಿ ಬೇಡಿಕೆನ್ ಸಾಮಾಜಿಕ ಜಾಲ ತಾಣದ ಮುಖಾಂತರ ಅಭಿಯಾನ ಮಲ್ತ್‌ದ್ ಸಂಬಂಧ ಪಟ್ಟಿನ ತುಳುನಾಡ್‌ದ ಅಂಚನೆ ಮಾತ ರಾಜಕೀಯ ಮುಖಂಡೆರೆನ,ಶಾಸಕೆರೆನ ಗೇಣೊಗು ಕನಪಿನ ಕೆಲಸೊನು ಜೈ ತುಳುನಾಡ್ ಮಲ್ತ್ಂಡ್

ತುಳುಭಾಷೆದ ಕಲ್ಪಾಟಿಕೆ[ಸಂಪೊಲಿಪುಲೆ]

ದೇಸೊ ವಿದೇಸೊಡು ಇತ್ತ್‌ದ್ ತುಳು ಕಲ್ಪೆರೆ ಆಸಕ್ತಿ ಇತ್ತಿನಕುಲೆಗ್ ಮಸ್ತ್ ವರ್ಸೊಡ್ದಿಂಚಿ ಜೈ ತುಲುನಾಡ್ ಆನ್ಲೈನ್ ಮುಖಾಂತರ ತುಳು ಭಾಷೆ ಕಲ್ಪಾವೊಂದುಂಡು. ವಿದೇಶೊಡು ಇತ್ತಿನಕುಲು ಸಮೇತ ಅಪ್ಪೆ ಭಾಸೆ ತುಳು ಕಲ್ಪೆರೆ ಉಮೇದ್ ತೋಜಾಪಿನವು ಒಂಜಿ ಎಡ್ಡೆ ವಿಚಾರ

ತುಳು ಲಿಪಿ ಕ್ಲಾಸ್[ಸಂಪೊಲಿಪುಲೆ]

ಜೈ ತುಲುನಾಡ್ ಕೋವಿಡ್ ಲಾಕ್‌ಡೌನ್‌ದ ಸಮಯೋಡು ತುಲುಲಿಪಿ ಆನ್ಲೈನ್ ಕ್ಲಾಸ್‌ದ ಮುಖಾಂತರ ದೇಸೊ ವಿದೇಸೊದ ೧೦೦೦೦ ಜಾಸ್ತಿ ಜನೊಕುಲೆಗ್ ತುಲುಲಿಪಿ ಕಲ್ಪಾದ್ ೨೦೦೦ಡ್ದ್ ಜಾಸ್ತಿ ಜನೊ ಪರೀಕ್ಷೆ ಬರೆತೆರ್.

ಕಲ್ಪಾದಿಲೆಗ್ ತರಬೇತಿ[ಸಂಪೊಲಿಪುಲೆ]

ಜೈ ತುಳುನಾಡ್ ಮಸ್ತ್ ವರ್ಸೊಡ್ದಿಂಚಿ ತುಲು ಲಿಪಿ ಕಲ್ಪಾವೊಂದಿತ್ತ್ಂಡ್ ಅಂಚನೆ ಕರಿನ ಒಂಜಿ ವರ್ಸೊಡ್ದಿಂಚಿ ನೂದು ನೂತ್ತೈವ್ವ ಲಿಪಿ ಕಲ್ಪಾದಿಲೆಗ್ ತರಬೇತಿ ಕೊರ್ದು ತುಲು ಲಿಪಿ ಕಲ್ಪಾದಿಲೆನ್ ಮುಖಾಂತರ ಇತ್ತೆ ಮಸ್ತ್ ಆನ್ಲೈನ್ ಅಂಚನೆ ಅಫ್ಲೈನ್ ಕ್ಲಾಸ್ ನಡಪಾದ್ ದೇಸೊ ವಿದೇಸೊದ ಕಲ್ಪಾರ್ತಿಲೆಗ್ ತುಳುಲಿಪಿ ಕಲ್ಪಾದ್ ಕೊರ್ದು ಪರೀಕ್ಷೆ ಬರೆಪಿನಂಚಿನ ಅವಕಾಶ ಮಲ್ತ್ ಕೊರೊಂದುಂಡು

ತುಳು ಬರವು ಫಾಂಟ್[ಸಂಪೊಲಿಪುಲೆ]

ಜೈ ತುಳುನಾಡ್ದ ಮುತಾಲಿಕೆಡೆ "ತುಲು ಬರವು" ಪನ್ಪಿ ಫಾಂಟ್ ಬೊಲ್ಪುಗು ಬೈದ್ಂಡ್.ಈ ಫಾಂಟ್‌ನ್ ನಮ್ಮ ಮೊಬೈಲ್ ಬೊಕ್ಕ ಕಂಪ್ಯೂಟರ್‌ಡ್ ಪಾಡ್ದಿತ್ತ್ಂಡ ನಮ ತುಲು ಲಿಪಿ ಟೈಪ್ ಮಲ್ಪೊಲಿ. ಈ ಫಾಂಟ್ ಗಳಸೊಂದು ಬ್ಯಾನರ್, ಆಮಂತ್ರಣ ಪತ್ರಿಕೆ,ಪುದರ್ ಪಲವೆ ಮಾತ ತಯಾರ್ ಮಲ್ಪೊಲಿ. ತುಲು ಸಾಹಿತ್ಯ ಅಕಾಡೆಮಿ ತಯಾರ್ ಮಲ್ತಿನ ಯುನಿಕೋಡ್ ಲಿಪಿಡ್ದ್ ಈ ಬರವು ಫಾಂಟ್‌ನ್ ಉಂಡು ಮಲ್ತ್‌ದೆರ್. ತುಳು ಬರವು ಫಾಂಟ್ ದ ಡೆವೆಲಪರ್ ದೀಪಕ್ ಪಡುಕೋಣೆ ಬೊಕ್ಕ ಪ್ರಹ್ಲಾದ ತಂತ್ರಿ.

ತುಳು ಲಿಪಿ ಯೂನಿಕೋಡ್‌ಗ್ ಸೇರ್ಪಡೆ[ಸಂಪೊಲಿಪುಲೆ]

ತುಳು ಲಿಪಿ ಯೂನಿಕೋಡ್ ಸೇರ್ಪಡೆ ಆಂಡ ತುಳು ಲಿಪಿನ್ ಮೊಬೈಲ್ ಬೊಕ್ಕ ಕಂಪ್ಯೂಟರ್‌ಡ್ ಸುಲಬೊಡು ಟೈಪ್ ಮಲ್ಪೊಲಿ ಒವ್ವೆ ಆಪ್‌ ಗಳಸೊಡಾಯಿನ ಅಗತ್ಯ ಇಜ್ಜಿ. ತುಳುನು ಯೂನಿಕೋಡ್‍ ಸೇರಾಪಿನಂಚಿನ ಮಾಮಲ್ಲ ಕಜ್ಜೊಗು ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆರಾದಿತ್ತಿನ ಡಾ.ಆಕಾಶ್‌ರಾಜ್ ಜೈನೆರ್ ಮಸ್ತ್ ದಿನೋಡ್ದಿಂಚಿ ಪೊರಂಬಾಟ ಮಲ್ತೊಂದುಲ್ಲೆರ್.ಅರೆನ ಈ ಕಜ್ಜೊಗು ಜೈ ತುಳುನಾಡ್‌ಲ ಕೈ ಜೋಡಾದ್ ಬೆರಿ ಸಹಾಯವಾದ್ ಉಂತುದು ಮಸ್ತ್ ಬೇಲೆ ಮಲ್ತೊಂದುಂಡು‌.[೪]

ಕೊಪ್ಪರಿಗೆ ತುಳು ಆನ್ಲೈನ್ ಡಿಕ್ಷನರಿ[ಸಂಪೊಲಿಪುಲೆ]

೨೦೨೧ ಜುಲೈ ೨ಕ್ಕ್ ಜೈ ತುಲುನಾಡ್ ಸಂಘಟನೆ ಕೊಪ್ಪರಿಗೆ ಪನ್ಪಿ ಪುದರ್ ದ ಆನ್ಲೈನ್ ಡಿಕ್ಷನರಿನ್ ಬೊಲ್ಪುಗು ಕನತ್ಂಡ್ ತುಳು ಶಬ್ದೊಗು ಇಂಗ್ಲೀಷ್, ಹಿಂದಿ, ಮಲಯಾಳಂ, ಕನ್ನಡ ಇಂಚ ಬೇತೆ ಬೇತೆ ಭಾಷೆದ ಅರ್ಥೊನು ಈ ಡಿಕ್ಷನರಿಡ್ ನಾಡೊಲಿ. ಕೊಪ್ಪರಿಗೆ ತುಲು ಆನ್ಲೈನ್ ಡಿಕ್ಷನರಿದ ಡೆವೆಲಪರ್ ಸುಮಂತ್ ಹೆಬ್ರಿ. [೫]

ಉಲ್ಲೇಕೊ[ಸಂಪೊಲಿಪುಲೆ]

  1. https://mangaloremerijaan.com/the-jai-tulunadu-organisation-preserving-everything-that-is-tulu/
  2. Apr 14, TNN /; 2017; Ist, 23:03. "Tulu organization to fight against modern depiction of local rituals, customs | Mangaluru News - Times of India". The Times of India (in ಇಂಗ್ಲಿಷ್). Retrieved 2021-11-22.
  3. https://vijaykarnataka.com/lavalavk/languages/tulu/-/articleshow/29453015.cms
  4. https://kannada.asianetnews.com/whats-new-technology/tulu-academy-launch-tulu-baravu-unicode-font-in-mangalore-qfrxuw
  5. https://newskarnataka.com/karnataka/coastal/mangaluru/kopparige-tulu-online-dictionary-released/

ಪಿದಯಿದ ಕೊಂಡಿ[ಸಂಪೊಲಿಪುಲೆ]