ತಕ್ಷಿಲಾ ವಸ್ತುಸಂಗ್ರಹಾಲಯೊ

ತಕ್ಷಿಲಾ ವಸ್ತುಸಂಗ್ರಹಾಲಯೊ ಈ ವಸ್ತುಸಂಗ್ರಹಾಲಯೊ 1 ಡ್ದ್ 7ನೇ ಶತಮಾನೊದ ಸಾಮಾನ್ಯ ಯುಗೊದ ಗ್ರೀಕೋ-ಬೌದ್ಧ ಕಲೆತ ಗಮನಾರ್ಹ ಬೊಕ್ಕ ಸಮಗ್ರ ಸಂಗ್ರಹೊಗು ಉಂದು ಸಂಗ್ರಹಾಲಯೊ ನೆಲೆಯಾತುಂಡು. ಮುಲ್ಪೊದ ಸಂಗ್ರಹೊಡು ಉಪ್ಪುನ ಹೆಚ್ಚಿನ ವಸ್ತುಲೆನ್ ತಕ್ಷಿಲಾದಲ್ಪೊದ ಅವಶೇಷೊಡು ಉತ್ಖಲನ ಮಂದುಂಡು. ವಸ್ತುಸಂಗ್ರಹಾಲಯೊದ ಕೈತಲ್ಡ್ ಅವಿತೊ ಐತಿಹಾಸಿಕವಾಯಿನ ಜಾಗೊಲು ಉಲ್ಲ. ಪ್ರಾಚೀನ ಸ್ತೂಪೊಲು ಬೊಕ್ಕ ಅಯಿತ ಅವಶೇಷೊಲು ಅಯಿತ ಕೈತಲುಡೇ ಉಂಡು.

ಪರಿಚಯೊ

ತಕ್ಷಿಲಾ ವಸ್ತುಸಂಗ್ರಹಾಲಯೊ ರಾವಲ್ಪಿಂಡಿ ಜಿಲ್ಲೆದ ತಕ್ಷಶಿಲಾ ಡ್ ಉಂಡು. ಉಂದು ಸೈಟ್ ಮ್ಯೂಸಿಯಂ, ಬೊಕ್ಕ ಉಂದೆತ ಸಂಗ್ರಹೊ ಮುಖ್ಯವಾದ್ ಗಾಂಧಾರನ್ ಕಲೆತ ಮಿತ್ತು ಕೇಂದ್ರ ಆದುಂಡು. ತಕ್ಷಿಲಾದಲ್ಪದ ಈ ತಾಣೊಲು 600 ಅಥವೊ 700 BC ದಾತ್ ಪಿರಾವುದವು.

ತಕ್ಷಿಲಾ ವಸ್ತುಸಂಗ್ರಹಾಲಯೊದ 4ನೇ ಶತಮಾನೊದ ಧ್ಯಾನಸ್ಥ ಬುದ್ಧರೆನ ಪ್ರತಿಮೆ

ಇತಿಹಾಸೊ

ತಕ್ಷಿಲಾ ವಸ್ತುಸಂಗ್ರಹಾಲಯೊದ ನಿರ್ಮಾಣ 1918ಟ್ ಸುರು ಆಂಡ್. ನೆತ್ತ ಅಡಿಪಾಯೊನು ಲಾರ್ಡ್ ಚೆಲ್ಮ್ಸ್‌ಫೋರ್ಡ್, ಭಾರತೊದ ವೈಸರಾಯ್ 1918 ಡ್ ಪಾಡುದು ಇತ್ತೆರ್. ಉಂದೆತ ನಿರ್ಮಾಣ 1928ಟ್ ಮುಕ್ತಾಯ ಆಂಡ್. ಬೊಕ್ ಈ ವಸ್ತುಸಂಗ್ರಹಾಲಯೊನ್ ಸಾರ್ವಜನಿಕರೆಗ್ ಉದ್ಘಾಟಣೆ ಮಂದಿನಾರ್ ಅದಗೊದ ಶಿಕ್ಷಣ ಸಚಿವರಾಯಿನ ಮುಹಮ್ಮದ್ ಹಬೀಬುಲ್ಲಾ ಇಂಬೆರ್. ಸರ್ ಜಾನ್ ಮಾರ್ಷಲ್ ರ್ 1928 ಟ್ ಆರ್ಕಿಯಲಾಜಿಕಲ್ ಸರ್ವೇ ಆಫ್ ಇಂಡಿಯಾದ ಮಹಾನಿರ್ದೇಶಕ ಹುದ್ದೆಡ್ದ್ ನಿವೃತ್ತ ಆವರೆ ಇತ್ತೆರ್, ಅಂಚಾದ್ ಅಯಿತ ಮೂಲ ಯೋಜನೆಲೆನ್ ಪೂರ್ಣಗೊಳಿಸರೆ ಅರೆಡ್ದ್ ಸಾಧ್ಯ ಆಯಿಜಿ. ಪಾಕಿಸ್ತಾನೊ ಸರ್ಕಾರೊ 1998 ಟ್ ಉತ್ತರ ಗ್ಯಾಲರಿನ್ ನಿರ್ಮಾಣ ಮಂತುಂಡು.

ಸಂಗ್ರಹಣೆ ಬೊಕ್ಕ ಪ್ರದರ್ಶನೊಲು

ಕಲ್ಲು, ಗಾರೆ, ಟೆರಾಕೋಟಾ, ಬೊಳ್ಳಿ, ಬಂಗಾರ್, ಕರ್ಬೊ ಬೊಕ್ಕ ಅರೆಬೆಲೆತ ಕಲ್ಲುಲು ಸೇರುದು ಒಂಜಿ ಸುಮಾರು 4000 ವಸ್ತುಲೆನ್ ಪ್ರದರ್ಶನ ಮನ್ಪುವೆರ್. ಮುಖ್ಯವಾದ್ ಈ ಪ್ರದರ್ಶನೊಡು 600 B.C ಡ್ದು 500 AD ದ ಅಪೆದ ವಸ್ತುಲು ತೋಜುದು ಬರ್ಪುಂಡು. ಬೌದ್ಧ, ಹಿಂದೂ ಬೊಕ್ಕಜೈನ ಧರ್ಮ ಮೂಜಿ ಪ್ರಾಚೀನ ನಗರೊಲು ಬೊಕ್ಕ ರಡ್ಡ್ ಡಜನ್‌ ಡ್ದುಲಾ ಜಾಸ್ತಿ ಬೌದ್ಧ ಸ್ತೂಪೊಲು ಬೊಕ ಆ ಪ್ರದೇಶೊದ ಮಠೊಕುಲು, ಗ್ರೀಕ್ ದೇವಾಲಯೊಡು ತಿಕ್ಕುದಿನ ಈ ಪೂರಾ ವಸ್ತುಲೆನ ಮೂಲಕಾದ್ ಬಾರೀ ಪೊರ್ಲುಡು ನಿರೂಪಣೆ ಮಂದೆರ್.

ಗಾಂಧಾರನ್ ಕಲೆ

ತಕ್ಷಿಲಾ ವಸ್ತುಸಂಗ್ರಹಾಲಯೊ ಇತ್ತೆದ ಪಾಕಿಸ್ತಾನೊಡು ದುಂಬುಡದುಲಾ ಏಳನೇ ಶತಮಾನದೊ ಮುಟ್ಟ ಕಲ್ಲುದ ಬೌದ್ಧ ಶಿಲ್ಪೊದ ಭಾರೀ ಮಹತ್ವೊದ ಬೊಕ್ಕ ಸಮಗ್ರ ಸಂಗ್ರಹೊಲೆನ್ ಹೊಂದುದುಂಡು. ಗ್ರೀಕೋ-ಬೌದ್ಧ ಕಲೆ/ ಗಾಂಧಾರನ್ ಕಲೆ ತಕ್ಷಿಲಾ ಕಣಿ, ವಿಶೇಷವಾದ್ ಸರ್ ಜಾನ್ ಮಾರ್ಷಲ್ ಅರೆನ ಉತ್ಖಲನೊಲು ಬೇತೆ ಕಡೆ ಉತ್ಖಲೊನ ಮಂದಿನೊ ಜಾಗೋಡ್ದು ಬ್ಯದಿನಿ. ಗಂಧನ್ರಾ, ರಾಮ್ ದಾಸ್ ಸಂಗ್ರಹೊದಂಚಿನ ದೇಣಿಗೆಡೊ ಅತ್ತುಡ ಪೊಲೀಸೆರ್ ಬೊಕ್ಕ ಕಸ್ಟಮ್ ಅಧಿಕಾರಿಲು ವಶ ಮಂತುದಿನ ವಸ್ತುಲೆಡ್ ಇಡೀ ಸಂಗ್ರಹಣೆ 1400 ಕ್ಕೂ ಜಾಸ್ತಿ ವಸ್ತುಲೆನ್ ಒಳಗೊಂಡುದುಂಡು.

ನಾಣ್ಯಶಾಸ್ತ್ರೊದ ಸಂಗ್ರಹೊ

ತಕ್ಷಿಲಾ ವಸ್ತುಸಂಗ್ರಹಾಲಯೊ ತಕ್ಷಿಲಾಡು ಪುರಾತತ್ತ್ವ ಶಾಸ್ತ್ರದೊ ಕೆಲಸದೊ ಸಮಯೊಡು ತೋಜುದು ಬರ್ಪಿನ ಬಹುಪಾಲು ನಾಣ್ಯಶಾಸ್ತ್ರೊದ ವಸ್ತುಲೆನ ಭಂಡಾರವಾದುಂಡು. ಈ ಉತ್ಖಲನೊ 1917ಟ್ ಭಾರತೊದ ಪುರಾತತ್ವ ಸರ್ವೇಕ್ಷಣೆದ ನಿರ್ದೇಶಕರಾದು ಇತ್ತಿನ ಜಾನ್ ಮಾರ್ಷಲ್ ಅರೆನ ನೇತೃತ್ವೊಡು ಪ್ರಾರಂಭವಾತುಂಡು ಬೊಕ್ಕ ಉಂದು 1934 ಮುಟ್ಟ ಮುಂದುವರೆಯೊಂದು ಬತ್ತುಂಡು. ಆ ಒಂಜಿ ಉತ್ಖನನೊಡ್ದು, ಇತ್ತೆದ ಮುಟ್ಟ ಕೆಲಸ ಮುಂದುವರಿದೇ ಉಂಡು. ವಸ್ತುಸಂಗ್ರಹಾಲಯೊ ಇಂಡೋ-ಗ್ರೀಕದಕುಲು ಅಂತ್ಯೊದ ಮುಟ್ಟ ಕುಶಾನೆರೆನ ನಾಣ್ಯೊದ ಮಾ ಮಲ್ಲ ಸಂಗ್ರಹೊನು ಹೊಂದುದುಂಡು. ಉಂದೆಟ್ ಕೆಲವು ಮಾರ್ಷಲ್‌ಡ್ ಪ್ರಕಟವಾದುಂಡು. ಮೂಲ ಉತ್ಖನನ ವರದಿಗಳು, ಮತ್ತು ಪೂರ್ಣ ಸಂಗ್ರಹವನ್ನು ಪ್ರಕಟಿಸಲು ನಡೆಯುತ್ತಿರುವ ಯೋಜನೆಯು ಅಸ್ತಿತ್ವದಲ್ಲಿದೆ..

ಸಾಹಿತ್ಯೊಲು

• Khan, G R (2007) "Kanishka Coins from Taxila" in Gandharan Studies Vol.1: 119ff
• Khan, G R (2008) "Gold Coins in the Cabinet of Taxila Museum, Taxila" in Gandharan Studies Vol.2: 39-61
• Khan, G R (2009) "Huvishka Coins from Taxila", Gandharan Studies, Vol. III, Peshawar, pp. 75–125.
• Khan, G R (2010) "Copper Coins of Vasudeva and His Successors from Taxila", Gandharan Studies Vol. IV, Peshawar, pp. 139–261.
• Khan, M A (2005) A Catalogue of the Gandhara Stone Sculptures in the Taxila Museum, 2 Volumes
• Marshall, J H (1951) Taxila: An Illustrated Account of Archaeological Excavations Carried out at Taxila under the Orders of the Government of India between the years 1917 and 1934. 3 Volumes. Cambridge University Press.
• Marshall, S.J. (2007) A Guide to Taxila, Karachi, 2007 (Rep.).
• Walsh, E.H.C. (1939) Punch – Marked Coins from Taxila, Memoirs of the Archaeological Survey of India, No. 59, Delhi.
• sohaib Afzal, (2017)

ಉಂದೆನುಲಾ ತೂಲೆ

• List of World Heritage Sites in Pakistan
• List of museums in Pakistan
• Taxila Museum article on the Pakistani government heritage site
• Taxila Museum article on the government tourism site