ನಾರಾಯಣ ಗುರು
ಕೇರಳರಾಜ್ಯೊಡು ಜಾತಿ, ಮತಬೇಧಗಳು ಎಚ್ಚಾದ್ ಇತ್ತ್ನ ಕಾಲೊಡು 'ನಾರಾಯಣ ಗುರು,' ಪನ್ಪುನ, ಒರಿ ಸಮಾಜಕ ಸುಧಾರಕೆ, ಉದಯಿಸಾದ್, ಸಮಾಜದ ತಾರತಮ್ಯೊಲೆನ್‍ ಕಡಿಮೆ ಮಲ್ಪೆರೆ ಬೋಡಾದ್ ಇಡೀ ಜೀವನೊನೆ ಮುಡಿಪಾದ್‍ ದೀಯೆರ್. ಆರ್ ಪ್ರತಿಪಾದಿಸಾಯಿನ ತತ್ವ, ಜಗತ್ತ್‌ಡ್ ಉಪ್ಪುನೆ, "ಒಂಜೇ ಜಾತಿ, ಒಂದೇ ಮತ ಬೊಕ್ಕ ಒಂಜೇ ದೇವೆರ್," ಪನ್ಪುನ ಸತ್ಯವಾಕ್ಯೊನು ಸಂಸ್ಕೃತಭಾಷೆಡ್ ಅದ್ವಿತೀಯ ಪಂಡಿತೆರಾದ್ ಇತ್ತ್ನ ನಾರಾಯಣ ಗುರುಕುಲು, ಕೇರಳ ಸಮಾಜೊಡು ಅಸ್ಪೃಶ್ಯತೆತ ಪಿಡುಗುಗು ಅರೆನವೇ ಆಯಿನ ನಿಲುವುಡು, ಸಮಾಧಾನಕರವಾಯಿನ ಉಪಾಯೊಲೆನ್‍ ತೆರಿಯೊಂಡೆರ್. ಅರ್ ಬೋಧಿಸಯಿನೆ, ದೇಶಸೇವೆನೇ ಈಶ ಸೇವೆ ಪಂದ್.[೧][೨][೩][೪]
೧೨ನೆ ಶತಮಾನೊದ ಬಸವಣ್ಣನ ಕಾಲದ ಕ್ರೌರ್ಯರ್ದ್ ರಡ್ಡ್ ಪಟ್ಟ್, ಮೂಜಿ ಪಟ್ಟ್ ಕ್ರೌರ್ಯ, ದೌರ್ಜನ್ಯ, ಹಿಂಸೆ, ಬುದ್ಧಿ ಜೀವಿಲೆನ ನಾಡ್‌ ಆಯಿನ ಕೇರಳೊಡು ೧೯ನೆ ಶತಮಾನೊದ ಅಂತ್ಯ ಬೊಕ್ಕ ೨೦ನೆ ಶತಮಾನದ ಆರಂಭೊಡು ನಡತ್‌ದ್ ಇತ್ತ್ಮಡ್. ಆಪಗದ ಕೇರಳೊಡು ಇಡೀ ಭಾರತೊಡೇ ತೂದ್‌ ತೆರಿಯಂದಿನ ಅಮಾನುಷ ವರ್ತನೆ ನಂಬೂದರಿ ಪನ್ಪುನ ಬ್ರಾಹ್ಮಣ ವರ್ಗೊರ್ದು ಶೂದ್ರೆರೆನ ಮಿತ್ತ್, ಅಸ್ಪ್ರಷ್ಯೆರೆನ ಮಿತ್ತ್ ಬೊಕ್ಕ ಸ್ತ್ರೀಯೆರೆನ ಮಿತ್ತ್ ನಡತೊಂದು ಇತ್ತ್ಂಡ್. ಅಂಚಿನ ಜಾತೀಯತೆ, ಅಸ್ಪ್ರಶ್ಯತೆ ಪನ್ಪುನ ವಿಷ ವೃಕ್ಷ ಇಡೀ ಶೂದ್ರ ಜನಸಮೂಹೊನು ಉಸುಲು ಕಟ್ಟಾದ್ ಕೆರೊಂದು ಉಪ್ಪುನ ಘೋರ ಕ್ರೌರ್ಯದ ತುರಿಯಾವಸ್ಥೆಡ್ `ಈಳವ' ಪನ್ಪುನ ಅಸ್ಪ್ರಶ್ಯ ಜಾತಿಡ್ ನಾರಾಯಣ ಗುರು ಪನ್ಪುನ ಪವಿತ್ರಾತ್ಮನ ಜನ್ಮ ಆಂಡ್. ಇಂಚಿನ ಜಾತೀಯತೆ, ಅಸ್ಪ್ರಶ್ಯತೆ ಪನ್ಪುನ ಕೊಳಕ್‌ರ್ದ್ ಸಮಾಜ ಕೊಳೆವೊಂದು ಉಪ್ಪುನಗ ನಾರಾಯಣ ಗುರುಕುಲು ಅವತಾರ ಪುರುಷನಂಚ, ಪ್ರವಾದಿನಂಚ ಜನ್ಮೊಗು ಬರ್ಪೆರ್. ಅನ್ಯ ಧರ್ಮೊಲೆನ್ ಖಂಡಿಸಾದ್ ಅದ್ವೈತ ಮತ ಸ್ಥಾಪನಾಚಾರ್ಯೆರೆಂದ್ ಪ್ರಸಿದ್ಧಿ ಪಡೆಯಿನ ಶ್ರೀ ಶಂಕರಾಚಾರಾಚಾರ್ಯೆರ್ ಅರೆನ ಅದ್ವೈತ ಸಿದ್ಧಾಂತೊಗು ಓರಿ ಹರಿಜನ ಗುರು ಪಂಡ್‌ದ್ ಸ್ವೀಕಾರ ಮಲತೊಂಡೆರೆಂಡ, ಕಾಲಕ್ರಮೊಟ್ಟು ಅರೆನ ಪುಟ್ಟು ನಾಡಾಯಿನ ಕೇರಳ ಜಾತಿಭೇದ ಬೊಕ್ಕ ಅಸ್ಪ್ರಶ್ಯತೆದ ಮರ್ಲೆರೆನ ಸಂತೆ ಆದ್ ಪೋದಿತ್ಂಡ್. ಅಂಚಿನ ಗೊಂದಲಮಯ ವಾತಾವರಣೊಡು ನಾರಾಯಣ ಗುರುಕುಲೆನ ಜನನ ಅಂಡ್‍. ಈಳವ ಜಾತಿ ಕೇರಳದ ಅಸ್ಪ್ರಶ್ಯ ಜಾತಿಲೆಡ್‌ ಒಂಜಾದ್ ಇತ್ತ್ಂಡ್. ಕೇರಳೊಡು ಆ ಜಾತಿದ ಜನ ೩೦% ಇತ್ತೆರ್. ನಾರಾಯಣ ಗುರುಕುಲು ಕೇವಲ ಈಳವ ಜಾತಿದಕುಲೆನ್ ಮಾತ್ರ ಅತ್ತಂದೆ, ಸಮಸ್ತ ಅಸ್ಪ್ರಶ್ಯ, ನಿಮ್ನ ವರ್ಗದಕುಲೆನ್ ಮಾತ ಸ್ತರೊಟ್ಟುಲಾ ಮಿತ್ತ್ ಕನಯೆರೆ ಮಲ್ತ್‌ನ ಅರೆನ ಪ್ರಯತ್ನೊನು ಅರೆನ ಬದುಕ್‌‍ದ ಮಹತ್ಸಾಧನೆ ಪಂದ್ ಪನೊಲಿ. ನಾರಾಯಣ ಗುರುಕುಲೆನ್ ಒಂಜಿ ನಿರ್ದಿಷ್ಟ ಜಾತಿದ ಗುರು ಪಂದ್ ಭಾವಿಸಾಂಡ ಅವು ಸಂಕುಚಿತ ಮನೋಭಾವದ ಪ್ರತೀಕ ಪಂದ್ ಪನೊಡಾಪುಂಡು.
ಪ್ರಾಚೀನ ಮೌಲ್ಯಾದರ್ಶಲೆನ್, ಸತ್ಯೊನು, ನಾಡೊಂದು ಪೋದ್ ಇಲ್ಲ್‌ನ್ ತ್ಯಜಿಸಾದ್, ತಪಸ್ಸ್ ಮಲ್ತೊಂದು ಗುಡ್ಡೆ, ಗಿರಿ, ಬೆಟ್ಟ, ಕಂದರ, ದಟ್ಟಾರಣ್ಯ, ಗುಹೆ, ಪರ್ಣಶಾಲೆಲೆಡ್‌ ಮಸ್ತ್ ವರ್ಸೊ ಸಾಧನೆ ಮಲ್ತೆರ್.
ಗುರುಕುಲೆನ ಸಮಾಧಿರ್ದ್ ಬೊಕ್ಕ ಥಿಯೋಸೊಫಿಕಲ್ ಸೊಸೈಟಿದ ಅಧ್ಯಕ್ಷೆ ಆದ್ ಇತ್ತ್ನ ಎನಿಬೆಸಂಟ್ ಪತ್ರಿಕೆಡ್ ಇಂಚ ಬರೆದ್ ಇತ್ತೆರ್:` ನಾರಾಯಣ ಗುರುಕುಲೆನ ಬದುಕೇ ಸನಾತನ ಧರ್ಮದಂಚ ಇತ್ತ್ಂಡ್, ಅರೆನ ಸೇವಾ ವ್ಯಾಪ್ತಿ ವಿಶಾಲವಾದ್ ಇತ್ತ್ಂಡ್. ಚಿಂತನೆಲ ಅಮೂಲ್ಯವಾದ್ ಇತ್ತ್ಂಡ್. ಒವ್ವೇ ಲೋಪ ದೋಸೊಲು ಇಜ್ಯಂದಿ ಜನಪರ ಕಾಳಜಿ ಅರೆಗ್ ಇತ್ತ್ಂಡ್. ಇಂಚಿಪದ ಶತಮಾನೊಡು ಇಂಚಿತ್ತಿ ಗೌರವ, ಮಾನ್ಯತೆಲೆನ್ ಪಡೆಯಿನ ಸ್ವಾಮಿಲು ಏರ್‌ಲಾ ಇಜ್ಯಂಡ್. ಯೋಗೊಡು ಅರ್ ಪತಂಜಲಿ, ಜ್ಞಾನೊಡು ಶಂಕರೆ, ಅಹಿಂಸೆಡ್ ಬುದ್ಧೆ, ಮಾನವೀಯತೆಡ್ ಏಸು- ಮಪಕುಲು ಮಾತ ಇತ್ತ್‌ನಂಚ ಇತ್ತೆರ್. ಅರ್ ಒರಿ ದೇವೆರೆನ ಅವತಾರೊನೇ ಆದ್ ಇತ್ತೆರ್. ಭವಿಷ್ಯೊಡು ಅರೆನ್ ದೇವೆರ್ ಪಂದ್ ಆರಾಧಿಸುವೆರ್.
ಪುಟ್ಟು, ಬಾಲ್ಯ ಬೊಕ್ಕ ಸಮಾಜ ಸೇವೆ[ಸಂಪೊಲಿಪುಲೆ]
ಕೇರಳದ ತೀಯಾ ಸಮಾಜದಕುಲಾಯಿನ ಮದನ್ ಆಸನ್ ಬೊಕ್ಕ ಕುಟ್ಟಿ ಅಮ್ಮಾಳ್ ಪನ್ಪುನ ದಂಪತಿಲೆಗ್ ಮಗೆ ಆದ್ ಪುಟ್ಟಿಯೆರ್. ಅಪಗ ಕೇರಳೊಡು ಮಸ್ತ್ ಜಾತಿಪಂಥೊಲು ಇತ್ಯೊ. ಮೇಲ್ಜಾತಿ, ಕೆಳಜಾತಿ, ಅಸ್ಪೃಷ್ಯತೆ ಇಂಚಿತ್ತಿ ಸಾಮಾಜಿಕ ಸಮಸ್ಯೆಲು ಮಾತ ಜನಕುಲೆನ ಮನಸ್ಸ್‌ನ್ ಪರಿತ್‌ದ್ ತಿನೊಂದು ಇತ್ತ್ಂಡ್. ಅಪಗ ಅಯಿನ್ ಸರಿ ಮಲ್ಪುನವು ಎನ್ನ ಜೀವನೊದ ಧ್ಯೇಯ ಪಂದ್ ಪಣಕ್ಕ್ ಉಂತುದು ಶಪತ ಮಲ್ತೆರ್. ದೇವೆರೆನ ಪುದರ್‌ಡ್‍ ಪ್ರಾಣಿಹತ್ಯೆ ಅರೆಗ್ ಸರಿ ತೋಜಿಜಿ. ಇಂಚ ಸಮಾಜದ ವಿರೋಧಾಭಾಸೊಲೆಗ್ ಮುಟ್ಟುಗೋಲು ಪಾಡಿಯೆರೆ ಅರ್ ದೆತೊಂದುನ ಕ್ರಮೊಕುಲು, ಆಂದೋಳನೊಲು ಅನನ್ಯ. ಕೆಳವರ್ಗೊಡು ಜನಿಸಾಯಿನ ಜನಕುಲೆಗ್ ದೇವಸ್ಥಾನೊಲೆಗ್ ಪ್ರವೇಸೊಗು ಅನುಮತಿಕೊರ್ಲೆ ಪಂದ್ ಆರ್ ಬೇಡಿಯಿಜೆರ್ ಅತ್ತ್ಂಡ ಹಿಂಸಾಚಾರೊದಂಚಿನ ಚಳುವಳಿಲೆನ್ ನಡಪಾವಂದೆ, ಆರೇ ದೇವಾಲಯೊಕುಲೆನ್ ಸ್ಥಾಪನೆ ಮಲ್ಪುನ ಮೂಲಕ ಒಂಜಿ ಪೊಸ-ಅನನ್ಯ-ಆಲೋಚನಾಕ್ರಮೊನು ಪುಟ್ಟು ಪಾಡ್ಯೆರ್. ಕೇರಳದಾದ್ಯಂತ ಸುಮಾರು ೬೦ರ್ದ್‌ಲಾ ಎಚ್ಚ ದೇವಾಲಯೊಲೆನ್‌ ಸ್ಥಾಪನೆ ಮಲ್ತೆರ್.[೫][೬]
ಶಿವಗಿರಿರ್ದ್ ೪೫ ಕಿಲೋಮೀಟರ್ ಉತ್ತರೊಗು ತಿರುವನಂತಪುರೊರ್ದು ೧೨ ಕಿಲೋಮೀಟರ್ ದೂರದ ಉತ್ತರಪೂರ್ವ ಸೀಮೆಡ್ ಉಪ್ಪುನ ಚೆಂಬಳಾಂತಿ ಗ್ರಾಮೊಡು ನಾರಾಯಣ ಗುರುಕುಲು ಪುಟ್ಯೆರ್. ಅರ್ ಪುಟ್ಟ್‌ದ್ ಬುಲೆಯಿನ ಇಲ್ಲ್‌ನ್ ಇನಿಕ್ಕ್‌ಲಾ ಸುರಕ್ಷಿತವಾದ್ ಕಾಯ್ದಿರಿಸಾದ್ ಉಂಡು. ನಾರಾಯಣ ಗುರು ಪುಟ್ಟ್‌ನೆ 18-8-1854ತಾನಿ ಅರೆನ ಹೆತ್ತವರೆನ ಕುರಿತಾದ್ ಗುರು ನಟರಾಜೆರ್ ಈ ತಿರ್ತ್‌ದ ವಿವರೊಲೆನ್‌ ಪೊರ್ಪೆರ್‌: `` ಆ ಹಳ್ಳಿಡ್ ೧೮೫೫ತ ಸುಮಾರ್‌ಗ್ ಒಂಜಿ ಕೃಷಿ ಕುಟುಂಬ ಬಾಳೊಂದು ಇತ್ತ್ಂಡ್. ಅಮ್ಮೆ ಮಾದನ್ ಆಶನ್. ಆಶನ್ ಕೇವಲ ಕೃಷಿಕೆರ್ ಆದ್ ಇಜ್ಯಂಡ್. ಅರ್ ಖಗೋಲಶಾಸ್ತ್ರ, ಆಯುರ್ವೇದೊಡು ತಜ್ಞೆರ್ ಆದ್ ಇತ್ತೆರ್. ಆಶನ್ ಪಂಡ್ಂಡ ಆಚಾರ್ಯ ಪನ್ಪುನ ಅರ್ತೊ. ವಾರಗೊರ ಅರೆನ ಇಲ್ಲ್‌ದ ಚಾವಡಿಡ್ ಹಳ್ಳಿದ ಜನಕುಲು ಮಾದನ್ ಆಶನ್ ಅರೆನ ರಾಮಾಯಣ, ಮಹಾಭಾರತ ಪ್ರವಚನೊನು ಕೇನಿಯರೆ ಸೇರೊಂದು ಇತ್ತೆರ್. ನಾರಾಯಣ ಗುರುಕುಲೆನ್ ಮುದ್ದುಡು `ನಾಣು' ಪಂದ್ ಲೆತ್ತೊಂದು ಇತ್ತೆರ್. ಕೇರಳೊಡು ಸಾಂಪ್ರದಾಯಿಕ ಕಲಿಕೆ ಪಂಡ ಸಂಸ್ಕ್ರತೊನು ಕಲ್ಪುನವು ಆದ್ ಇತ್ತ್ಂಡ್. ನಾರಾಯಣ ಗುರು ಸುಲಭವಾಗದ್ ಸಂಸ್ಕ್ರತ ಭಾಷೆ ಬೊಕ್ಕ ವ್ಯಾಕರಣೊನು ಕಲ್ತೊಂಡೆರ್. `ಸಿದ್ಧ ರೂಪಮ್',`ಬಾಲಪ್ರಭೋದಮ್', ಬೊಕ್ಕ ಅಮರ ಕೋಶೊನು ಕಲ್ತೆರ್. ನಾಣು ಸಂಸ್ಕ್ರತ ಬೊಕ್ಕ ಮಲೆಯಾಳಮ್ ಮಾತ್ರ ಅತ್ತಂದೆ ತಮಿಳ್‌ನ್‌ಲಾ ಪೊರ್ಲುಡೆ ಕಲ್ತೆರ್. ಸ್ವಪ್ರಯತ್ನೊರ್ದು ತಮಿಳ್‌ದ ಶ್ರೇಷ್ಠ ಗ್ರಂಥೊಲಾಯಿನ `ತೋಲ್ಕಾಪ್ಪಿಯನ್', `ನನ್ನುಲ್', `ಸಿಲಪ್ಪದಿಕಾರಮ್', `ಮನಿಮೇಕಲಮ್', `ತಿರುಕ್ಕುರಲ್' ಬೊಕ್ಕ `ತಿರುವಾಚಕಮ್' ಅಭ್ಯಾಸ ಮಲ್ತೆರ್.
ಮದಿಮೆ ಬೊಕ್ಕ ಸಂಸಾರ ತ್ಯಾಗ[ಸಂಪೊಲಿಪುಲೆ]
ವಿಚಿತ್ರ ಪಂಡ್ಂಡ ನಾಣು ಸ್ವಾಮಿನ ಮನಸ್ಸ್‌ನ್ ತೆರಿಯಂದಿನ ಸಂಬಂಧಿಕೆರ್ ಅರೆಗ್ ಮದಿಮೆ ಆಯೆರೆಗ್ ಒತ್ತಾಯ ಮಲ್ತೆರ್. ನಾಣು, ರಾಮಕೃಷ್ಣ ಪರಮಹಂಸೆರ್ ಶಾರದಾ ದೇವಿನ್ ಮದಿಮೆ ಆಯಿನಂಚ ಮದಿಮೆ ಆಯೆರ್. ಆ ಕಾಲೊಡು ವರನ ಸಹೋದರಿ ವಧುಕ್ಕು `ಪುತವಾ', ಪಂಡ ಮದಿಮಾಲೆಗ್ ಪೂ ಸೀರೆ ಕೊರ್ಪುನ ಸಂಪ್ರದಾಯ ಇತ್ತ್ಂಡ್. ನಾರಾಯಣ ಗುರುಕುಲು ಮದಿಮೆಗ್ ಆರೇ ಸ್ವತಃ ಪೋತ್‌ಜೆರ್. ಮದಿಮೆ ೧೮೮೨ಟ್ ಆಂಡ್. ಸಂಸಾರ ಬಂಧನೊನು ಪರಿತೊಂದು ಪೋಯೆರೆ ಮದಿಮೆ ಒಂಜಿ ಅರೆಗ್ ಅಡ್ಡಿ ಆತ್‌ಜಿ. ಗುರುಕುಲು ಪಂಡೆರ್: ನಮ ಈ ಜಗತ್ತ್‌ಗ್ ಓವ್ವೋ ಒಂಜಿ ಉದ್ದೇಶೊಗು ಬೋಡಾದ್ ಬತ್ತ್‌ದ. ಎಂಕ್ ಎನ್ನ ಕೆಲಸ ಮಲ್ಪೆರೆ ಉಂಡು. ನಿಕ್ಕ್ ನಿನ್ನ ಕೆಲಸ ನಿರ್ವಹನೆ ಮಲ್ಪೆರೆ ಉಂಡು. ಎನ್ನ ಸಾದಿಡೇ ಯಾನ್ ಪೋಪೆ. ನಿನ್ನ ಸಾದಿಡೇ ಈ ಪೋಲ ಪಂಡ್‌ದ್ ಬುಡೆದಿಗ್ ಪಂಡ್‌ದ್, ಅರೆನ ಹಳ್ಳಿನ್‌ಲಾ, ಅರೆನ ಜನಕುಲೆನ್‌ಲಾ ತ್ಯಜಿಸಯೆರ್.
ಚಟ್ಟಾಂಬಿ ಸ್ವಾಮಿಕಲ್ ಬೊಕ್ಕ ದೈಕೋಡ್ ಅಯ್ಯಾವು[ಸಂಪೊಲಿಪುಲೆ]
ಶ್ರೀ ನಾರಾಯಣ ಗುರುಕುಲು ಕುಂಜನ್ ಪಿಳ್ಳೈ ಚಟ್ಟಾಂಬಿ ಸ್ವಾಮಿಕಲ್ ಅರೆನ್ ಭೇಟಿ ಆಯೆರ್. ಅರೆನ್ ಷಣ್ಮುಖದಾಸ್ ಪಂದ್ ಲೆತ್ತೊಂದು ಇತ್ತೆರ್. ಅಕುಲು ರಡ್ಡ್ ಜನಲಾ ವೇದಾಂತ ವಿಷಯೊಲೆನ್ ಚರ್ಚೆ ಮಲ್ತೊಂದು ಇತ್ತೆರ್ ಸಿದರು. ಚಟ್ಟಾಂಬಿದಾರೆನ್‌ ತನ್ನ ಗುರುಕುಲಾದ್‌ ಸ್ವೀಕಾರ ಮಲ್ತೆರ್. ಚಟ್ಟಾಂಬಿ ಸ್ವಾಮಿಕಲ್ ನಾರಾಯಣ ಗುರುಕುಲು ದೈಕೋಡ್ ಅಯ್ಯಾವುಗು ಗುರ್ತ ಮಲ್ತ್ ಕೊರಿಯೆರ್.
ಅಯ್ಯಾವು ಸುಬ್ರಹ್ಮಣ್ಯ ದೇವೆರೆನ ಆರಾಧಕೆರ್ ಆದ್ ಇತ್ತೆರ್ ಅತ್ತಂದೆ ಯೋಗ ಗುರುಕುಲುಲಾ ಆದ್ ಇತ್ತೆರ್. ದೈಕೋಡ್ ನಾಣು ಆಶನ್‌ರೆಗ್ ಏಕಾಂತ ಪ್ರದೇಶೊಗು ಲೆತೊಂದು ಪೋದ್ ಯೋಗೊನು ಕಲ್ಪಯೆರ್. ಈ ಯೋಗ ತರಬೇತಿರ್ದ್ ಪ್ರೇರೇಪಿತರಾಯಿನ ನಗರ್ ಕೊಯಿಲ್‌ದ ಕೈತಲ್‍ದ ಮರತು ಮಲೈ ಬೆಟ್ಟವೊಂಜೆಟ್ ಏಕಾಂತೊಕ್ಕಾದ್, ಧ್ಯಾನಕ್ಕಾದ್ ಆಶ್ರಯ ಪಡೆಯೆರ್. ಆರ್ ಗುಹೆಯೊಂಜೆಟ್ ಆಳವಾದ್ ಧ್ಯಾನೊಡು ತೊಡಗಿಯೆರ್. ಕಾಡ್ ಪ್ರಾಣಿಲು ಅರೆನ ಮಿತ್ರೆರಾದ್ ಇತ್ತ್ಂಡ್. ಅರ್ ಗಿಡ ಮೂಲಿಕೆಲೆನ ಇರೆಕುಲೆನ್ ತಿಂದ್‌ದ್ ನೀರ್ ಪರ್‌ದ್ ಬದುಕಿಯೆರ್. ಮರುತಮಲೈಡ್ ಅರೆಗ್ ಜ್ಞಾನೋದಯ ಆಂಡ್. ನಾರಾಯಣ ಗುರುಕುಲೆಗ್ ಶಂಕರೆರೆ ವೇದಾಂತ ಪೊಸತನೊರ್ದು ಕೂಡ್‌ದ್ ಇತ್ತ್‌ನಂಚ ತೋಜಿಂಡ್. ಮನುಷ್ಯನ ಜೀವನೊಗು ಅವಶ್ಯವಾಯಿನ ನ್ಯಾಯ ಬೊಕ್ಕ ಸಮಾನತೆದ ಕುರಿತಾದ್ ಅದ್ವೈತ ತತ್ವ ಉಂಡು ಪಂದ್ ತೆರಿಯೊಂಡೆರ್. ನರಮಾನಿ ನರಮಾನಿನ ನಡುತ್ತ ಸಂಬಂಧಲೊನ ಕುರಿತಾದ್ ಸಮಾನತೆ, ನ್ಯಾಯ, ಸ್ವಾತಂತ್ರ್ಯೊನು ಬಯಸುನ ಅದ್ವೈತ ನಾರಾಯಣ ಗುರುಕುಲೆನ ಆದ್ ಇತ್ತ್ಂಡ್. ಶ್ರೀ ನಾರಾಯಣ ಗುರುಕುಲೆನ ಅಧ್ಯಾತ್ಮಿಕ ಅನುಭಾವ ಅರೆನ ರಚನೆಲಾಯಿನ `ಆತ್ಮೋಪದೇಶ ಶತಕಂ', ಡು ವ್ಯಕ್ತವಾದ್ ಉಂಡು.
ಸುಮಾರ್ ೬೦ ದೇವಸ್ಥಾನೊಲೆನ ಸ್ಥಾಪನೆ[ಸಂಪೊಲಿಪುಲೆ]
ನಾರಾಯಣ ಗುರುಕುಲು ಅರುವಿಪ್ಪುರಂ ಪನ್ಪುನವುಲು ಆಳವಾದ್ ಧ್ಯಾನ ಮಲ್ತೊಂದು ಒಂತೆ ದಿನಕುಲೆನ್ ಕಳೆಯೆರ್. ಮುಲು ಅರ್ ಬೃಹತ್ ಸಮಾಜ ಕ್ರಾಂತಿದ ಬೀಜೊನು ಬಿತ್ತಿಯೆರ್. ಆರ್ ಬದುಕೊಂದು ಉಪ್ಪುನ ಸಮಾಜ ಜಾತಿ ಪನ್ಪುನ ರಕ್ಕಸನ ಬಲೆಟ್ಟ್ ತಿಕ್ಕ್‌ದ್ ಬೂರ್‌ದ್ ಇತ್ತ್ಂಡ್. ತಿರ್ತ ಜಾತಿದಕ್‌ಲೆಗ್‌ ದೇವಸ್ಥಾನೊಲೆಗ್ ಪ್ರವೇಶ ಇಜ್ಜಂಡ್. ಅಕುಲೆಗ್ ಅಲ್ಪ ಪೂಜೆ ಮಲ್ಪುನ, ಮಲ್ಪವುನ ಹಕ್ಕ್‌ನ್ ನಿರಾಕರಿಸಾದ್ ಇತ್ತ್ಂಡ್. ಶಿವರಾತ್ರಿದ ದಿನ ಶ್ರೀ ನಾರಾಯಣ ಗುರುಕುಲು ಅರುವಿಪ್ಪುರಂಡು ಮಾತ ವಿಜೃಂಭಣೆದೊಟ್ಟುಗು ಶಿವನಮೂರ್ತಿನ್ ಪ್ರತಿಷ್ಟಾಪಿಸಯೆರ್.
ಮೇಲ್ಜಾತಿದಕುಲು ದೇವಸ್ಥಾನೊಲೆಗ್ ನಿರಾಕರಿಸಯಿನ ಪ್ರವೇಶೊ ಅರುವಿಪ್ಪುರಂಡು ಮಾತೆರೆಗ್‌ಲಾ ಮುಕ್ತವಾದ್ ದೆತ್ತ್ಂಡ್. ಈ ಧಾರ್ಮಿಕ ಕ್ರಿಯೆ ಹಿಂದೂ ಸಮಾಜೊಡು ಧರ್ಮ ಪುನರ್ ಪ್ರತಿಷ್ಟಾಪನೆಗೆ ಸಾದಿ ಮಲ್ತ್‌ದ್ ಕೊರ್ಂಡ್. ನಂಬೂದರಿ ಬ್ರಾಣೆ ಒರಿ `ಇರೆಗ್ ಮೂರ್ತಿ ಪ್ರತಿಷ್ಟಾಪನೆ ಮಲ್ಪೆರೆ ವಾ ಹಕ್ಕ್‌ ಉಂಡು?' ಪಂದ್ ಕೆನ್ನಗ ನಾರಾಯಣ ಗುರುಕುಲು ತಮಾಷೆಡ್ ಉತ್ತರಿಸಿಯೆರ್‌: `ಯಾನ್ ಕೇವಲ ಈಳವ ಶಿವನ್ ಪ್ರತಿಷ್ಟಾಪಿಸದೆ.' ಪನ್ಪುನ ಈ ಧಾರ್ಮಿಕ ಕ್ರಿಯೆದ ಸಮರ್ಥನೆನ್ ಕೊರಿಯೆರ್. ಇಡೀ ಭಾರತೊಡು ಸುರುತ ಸರ್ತಿಗ್ ಇತ್ತೆನೇ ಕೇವಲ ಬ್ರಾಣೆರೆಗ್ ಮಾತ್ರ ಮೀಸಲಾದ್ ಇತ್ತ್ನ ವಿಶೇಷ ಹಕ್ಕ್‌ನ್ ತಿರ್ತ ಜಾತಿದ ಸ್ವಾಮಿ ಪಡೆವೊಂಡೆರ್. ನಿಜವಾಯಿನ ಯೋಗಿಗ್ ಮೂರ್ತಿನ್‍ ಪ್ರತಿಷ್ಟಾಪೆನೆ ಮಲ್ಪುನ ಅಧಿಕಾರ ಪಂದ್ ನಾರಾಯಣ ಗುರುಕುಲು ಸ್ಥಾಪಿಸೆರ್. ಗುರುಕುಲು ಪನ್ಪೆರ್:``ಓವ್ವೆ ಧರ್ಮನೇ ಆವಡ್‌ ನರಮಾನಿನ್‌ ಎಡ್ಡೆಂತ್‌ನಾಯೆ ಆದ್ ಮಲ್ಪುನವೇ ಧರ್ಮ. ಶಿವ ದೇವಸ್ಥಾನೊನು ಸ್ಥಾಪಿಸಾಯಿನೆರ್ದ್ ಬೊಕ್ಕ `ಈ ದೇವಸ್ಥಾನೊನು ಓವ್ವೇ ಜಾತಿ, ಮತ, ಧರ್ಮದಕುಲು, ಸಮಾಜದ ಮಾತ ವರ್ಗದಕುಲು ಲಾಭ ಪಡೆಪುನಂಚ ಆದರ್ಶ ಜಾಗೆ ಆವೊಡು.' ಪಂದ್ ಘೋಷಿಸಯೆರ್. ಉಂದು ಮನುಷ್ಯನ ಕಲ್ಯಾಣೊಗಾದ್ ಬೊಕ್ಕ ಬಿಡುಗಡೆಗಾದ್ ಉಪ್ಪುನ ಅದ್ವೈತ ಧಾರ್ಮಿಕ ಮಾರ್ಗ. ಅರುವಿಪ್ಪುರಂಡು ಕೆಲವೇ ದಿನೊಕುಲೆಡ್‌ ಒಂಜಿ ಆಶ್ರಮ ಆಂಡ್. ೧೮೯೯ಟ್ ದೇವಸ್ಥಾನದ ಆಡಳಿತೊನು ತೂವೊನಿಯೆರೆ ಒಂಜಿ ಸೊಸೈಟಿನ್ ಸ್ಥಾಪಿಸಯೆರ್. ಆಯಿರ್ದ್ ಬೊಕ್ಕ ಅವು `ಶ್ರೀ ನಾರಾಯಣ ಗುರು ಧರ್ಮ ಪರಿಪಾಲನ ಯೋಗಮ್' ಪನ್ಪುನ ಸಂಸ್ಥೆಯಾಗದ್ ಪುನರ್ರಚನೆ ಆಂಡ್. ಅಯಿನ್ ಸಂಕ್ಷಿಪ್ತವಾದ್ ಎಸ್. ಎನ್. ಡಿ. ಪಿ. ಪಂದ್ ಲೆಪ್ಪುವೆರ್.
ಅಂಚ ಅರ್ ಸುರುಮಲ್ತ್‌‍ನ ಸುರುತ, ಲಿಂಗ ಪ್ರತಿಷ್ಠಾಪನೆ ೧೮೮೮ ಟ್, ಅರವೀಪುರಂ ಪನ್ಪುನ ಪ್ರದೇಶೊಡು ನಡತ್ಂಡ್. ೧೯೨೧ ಟ್ ನನೊಂಜಿ ಪೊಸ ವಿಧಾನೊನು ಜನಕುಲೆನ ಸಮ್ಮುಕೊಡು ಕೊನತೆರ್. ಸಮಾಜದ ವರ್ಗೊಲೆನ್‌ ಪೂರ ಒಂಜಿ ಕಡೆಟ್ಟ್‌ ಸೇರಾದ್, 'ಮಿಶ್ರ ಭೋಜನ,' ಕಾರ್ಯಕ್ರಮೊನು ಅನುಷ್ಠಾನೊಗು ಕೊನತ್ತ್‌ನ ```ವೀರಸಂತೆ```ಪನ್ಪುನ ಹೆಗ್ಗಳಿಕೆಗ್ ಪಾತ್ರರಾಯೆರ್. ಉಂದು ```ಸಹೋದರ ಸಮ್ಮೇಳನೊ``` ದ ಏರ್ಪಾಡ್‌ದ ಮೂಲಕ ಸಾಧ್ಯ ಆಂಡ್. ಅಸ್ಪೃಷ್ಯೆರೆನ್ ಸಮಾಜೊಡು ಹಿಂದುಳಿದ ವರ್ಗೊದಕುಲೆನ್ ಸಂಘಟಿಸದ್, ಪರೋಪಕಾರನೇ ಅರೆನ ಜೀವನದ ಧ್ಯೇಯ ಪಂದ್ ಪನ್ಪುನೆನ್ ಸಾರಿಯೆರ್. ಕೆಲವೆರ್ ಮತಾಂತರ, ಉಂದೆಕ್ಕ್‌ ಸಮಾಧಾನ ಪನ್ಪುನ ಪಾತೆರೊನು ಪಂಡೆರ್. ಆಂಡ, ನಾರಾಯಣೆರ್, ಉಂದೆಕ್ಕ್‌ ಒತ್ತ್‌ಜೆರ್. ```ಆಲ್ವಾಯಿ``` ಪನ್ಪುನವುಲು, ಫೆಬ್ರವರಿ, ೧೯೨೪ ಟ್, ೨ ದಿನೊತ್ತ ಸರ್ವಧರ್ಮೊಲೆನ ಸಮ್ಮೇಳನೊನು ಆಯೋಜನೆ ಮಲ್ತೆರ್. ನಾರಾಯಣಗುರುಗಕುಲೆಗ್ ಬ್ರಹ್ಮ ವಿದ್ಯಾಲಯ ಪನ್ಪುನ ಸಂಸ್ಥೆನ್ ಸ್ಥಾಪಿಸಾದ್, ಅಲ್ಪ, ಸರ್ವಧರ್ಮೊಲೆ ಬಗೆಟ್ಟ್, ಅಧ್ಯಯನ ಮಲ್ಪುನ ಒಂಜಿ ಅಭಿಯಾನೊನು ಸುರು ಮಲ್ಪುಡು ಪನ್ಪುನ ಮಹದಾಶೆ ಇತ್ತ್ಂಡ್. ಆಂಡ, ಅವು, ಅರೆನ ಜೀವಿತದ ಅವಧಿಡ್ ಸಾಕಾರ ಆಯಿಜಿ. ಗುರುಕುಲೆ ಮರಣೊರ್ದು ಬೊಕ್ಕ, ಅರೆನ ಹಿಂಬಾಲಕೆರ್ ಆ ಕನೊನು ಸಾಕಾರಗೊಳಿಸಯೆರ್‌. ವಿಶ್ವದ ಮಸ್ತ್ ಭಾಗೊಲೆಡ್‌ ಪ್ರವಾಸಮಲ್ತ್‌‍ದ್ ಅಪಾರ ಅನುಭವೊಲೆನ್‌ ಪಡೆದ್ ಪೋಯಿನವುಲು ಪೂರ ```ವಿಶ್ವ ಮಾನವತ್ವ```ನು ಬೋಧಿಸಯೆರ್. ಸನ್ಯಾಸಿಲು, ಮಹರ್ಷಿಲೆನ ಒಟ್ಟುಗು ಸಂಪರ್ಕೊನು ದೀವೊಂದು ಇತ್ತೆರ್. ಅರ್ ಪನೊಂದು ಇತ್ತ್ನ ವಾಕ್ಯೊಲು ಇನಿಕ್ಕ್‌ಲಾ ಅತ್ಯಂತ ಅರ್ಥಗರ್ಭಿತವಾದ್ ಉಂಡು. "ದೇವೆರೆನ ಸೇವೆಮಲ್ತ್ಂಡ, ತನ್ನ ಒರಿಯನವೇ ಏಳಿಗೆ, ಉದ್ಧಾರ ಆಯೆರೆ ಸಾಧ್ಯ ಉಪ್ಪು ; ಆಂಡ, ದೇಶ ಸೇವೆ ಮಲ್ತ್ಂಡ, ಹಲವೆರೆ ಕಲ್ಯಾಣ ನಿಶ್ಚಯ" ಆಂಚಾದ್ ದೇಶಸೇವೆ ಬೊಕ್ಕ ಈಶಸೇವೆಲೆನ ಸಮನ್ವಯನೇ ನಮ್ಮ ಗುರಿ ಆದ್ ಉಪ್ಪೊಡು ಪಂದ್ ಆರ್ ಜೀವನದ ಉದ್ದೊಗುಲಾ ಒತ್ತ್‌ದ್-ಒತ್ತ್‌ದ್ ಪಂಡೊಂದು ಇತ್ತೆರ್.[೭][೮]
ಶಿವಗಿರಿ ಬೊಕ್ಕ ನಾರಾಯಣ ಗುರುಕುಲು[ಸಂಪೊಲಿಪುಲೆ]
ವರ್ಕಲ ಬೆಟ್ಟೊಲೆನ್ ಶಿವಗಿರಿ ಪಂದ್ ಲೆಪ್ಪುವೆರ್. ವರ್ಕಲ ತ್ರಿವೇಂದ್ರಂರ್ದ್ ಉತ್ತರೊಗುಕ ೨೦ ಮೈಲ್‌ದಾತ್ ದೂರೊಡು ಉಪ್ಪುನ ಕರಾವಳಿ ತೀರದ ಪಟ್ಟಣ ಆದ್ ಉಂಡು. ಶಿವಗಿರಿ ಶಿವ ಬೊಕ್ಕ ಶಕ್ತಿಗ್ ಪಂಡ್ಂಡ ಶಾರದಾ ದೇವಿಗ್ ಅರ್ಪಿತ ಆಯಿನ ಪವಿತ್ರ ಕ್ಷೇತ್ರ. ಗುರುಕುಲು ದಕ್ಷಿಣ ಕಾಶಿ ಆಯಿನ ವರ್ಕಲೊಗು ಬತ್ತ್‌‍ದ್ ೧೯೦೪ಟ್ ಧಾರ್ಮಿಕ ಮಠವೊಂಜೆನ್ ಸ್ಥಾಪನೆ ಮಲ್ತೆರ್. ಎಸ್. ಎನ್. ಡಿ. ಪಿ. ಸ್ಥಾಪನೆ ಮಲ್ತ್‌ನ ೧೮ ವರ್ಸೊಲೆರ್ದ್ ಬೊಕ್ಕ ೧೯೧೨ಟ್ ಶಿವಗಿರಿಟ್ಟ್ ಶಾರದಾ ದೇವಸ್ಥಾನನ್ ಸ್ಥಾಪನೆ ಮಲ್ತೆರ್. ಗುರುಕುಲೆಗ್ ಮಾತಾ ಸಮುದಾಯೊರ್ದುಲಾ ಶಿಷ್ಯೆರ್ ಇತ್ತೆರ್. ಹರಿಜನಕುಲುಲಾ ಗೀತೆದ ಶ್ಲೋಕೊಲೆನ್ ಪಠಿಸವುನಲೆಕೊ ಆಂಡ್. ಉಪನಿಷತ್ತುಗಳನ್ನು ಪಠಿಸವೊಲಿ; ದೇವಸ್ಥಾನೊಲೆಡ್ ಪೂಜೆ ಮಲ್ಪೊಲಿ ಆದ್ ಇತ್ತ್ಂಡ್. ಗುರುಲೆನ ದೃಷ್ಟಿಡ್ ಬಡವೆರೆ, ದುರ್ಬಲೆರೆ ಸೇವೆನೇ ದೇವೆರೆನ ಸೇವೆ ಆದ್ ಇತ್ತ್ಂಡ್. ಎಸ್. ಎನ್. ಡಿ. ಪಿ. ನ್ ಬಸವಣ್ಣನ ಅನುಭವ ಮಂಟಪಗು ಹೋಲಿಸವೊಲಿ.
ಗುರುಕುಲು ಬೊಕ್ಕ ಅದ್ವೈತ ಆಶ್ರಮ[ಸಂಪೊಲಿಪುಲೆ]
ಗುರುಕುಲು ಶಿವಗಿರಿನ್ ಸ್ಥಾಪಿಸಾಯಿ ಬೊಕ್ಕ ಅಲವೇಯಿಗ್ ವಾಸ್ತವ್ಯನು ಬದಲಾಯಿಸಿಯೆರ್, ಅಯಿನ್ ಪ್ರಧಾನ ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಕೇಂದ್ರವಾದ್ ಮಲ್ತೆರ್. ಅರೆನ ಶ್ರೇಷ್ಠ ಗುರುಕುಲಾಯಿನ ಶಂಕರಾಚಾರ್ಯೆರೆನ ನೆಂಪುಗಾದ್‌ ಅಲವೇಯಿಡ್ ೧೯೧೩ಟ್ ಅದ್ವೈತ ಆಶ್ರಮೊನು ಸ್ಥಾಪನೆ ಮಲ್ತೆರ್. ಅಲವೇಯಿ ಅದ್ವೈತ ಆಶ್ರಮ ಸಂಸ್ಕೃತ ಬೊಕ್ಕ ಅದ್ವೈತ ತತ್ವ ಶಾಸ್ತ್ರೊನು ಪ್ರಚಾರಪಡಿಸವುನ ಬೊಕ್ಕ ಅಭ್ಯಾಸ ಮಲ್ಪುನ ಕೇಂದ್ರ ಆಂಡ್. ಗುರುಕುಲು ೧೯೧೨ತ ಪೊರ್ತುಗು ಅರೆನ ಮುಖ್ಯ ಕಚೇರಿನ್ ಬದಲಾವಣೆ ಮಲ್ತೆರ್. ಆರ್ ಅಯಿರ್ದ್ ಬೊಕ್ಕ ಉತ್ತರೊಗು ಅಲೆದಾಡಿಯೆರ್. ಹಲವಾರು ಗಂಟೆಗುಲೆನ ಪ್ರವಾಸರ್ದ್ ಬೊಕ್ಕ ಕೇಪ್ ಕೊಮೋರಿರ್ದ್ ಮಂಗಳೂರು ಮುಟ್ಟ ಅರ್ ಮಾತೆರೆರ್ದ್‌ಲಾ ಗುರು ಪಂದ್ ಗೌರವಗ್ ಬಾಜನೆರಾಯೆರ್. ಆರ್ ಅಲವೇಯಿನ್ ಅರೆನ ವಾಸ ಸ್ಥಾನವಾದ್ ಮಲ್ತೊಂಡೆರ್. ಸುದೆತ್ತ ತೀರೊಡು ಉನ್ಂಗ್‌ನ ತಾರಿದ ಒಲಿಕುಲೆರ್ದ್ ಮಲ್ತ್‌ನ ಸರಳ ಮಾಡ್‌ದ ಅಡಿಟ್ಟ್ ಆರ್ ಪಿರ ಧ್ಯಾನೊಡು ಮಗ್ನರಾಯೆರ್.
ನಾರಾಯಣ ಗುರುಕುಲು ಬೊಕ್ಕ ಸಾಮಾಜಿಕ ಸುಧಾರಣೆಲು[ಸಂಪೊಲಿಪುಲೆ]
ಅಧ್ಯಾತ್ಮಿಕ ಸಾಧನೆಯಾಯಿನ ಬ್ರಹ್ಮನ್- ಆತ್ಮನ್ ಸಾಕ್ಷಾತ್ಕಾರೊರ್ದು ಬೊಕ್ಕಲಾ ಗುರುಕುಲು ಮಾನವ ಜನಾಂಗೊದ ಉನ್ನತಿಗಾಗದ್ ಸಮಾಜ ಸೇವೆನ್ ಕೈಕ್ ದೆತೊಂಡೆರ್. ಎಸ್. ಎನ್. ಡಿ. ಪಿ. ಯ ಯೋಗಂ ಸಂಸ್ಥೆ ಶಿಕ್ಷಣ ಬೊಕ್ಕ ಗುರುಕುಲೆನ ಸಿದ್ಧಾಂತವಾಯಿನ ಒಂಜೇ ಜಾತಿ, ಒಂಜೇ ದೇವೆರ್, ಒಂಜೇ ಧರ್ಮ ಉಂದೆತ್ತ ಮೂಲಕ ಮಾನವ ಸಮಾಜೊನು ಎತ್ತರೊಗು ಕೊಂಡೊಯೆರೆ, ಉತ್ತಮಿಸಿಯೆರೆ, ವಿಶೇಷವಾದ್ ಮೂಲ್ಭೂತಮಾನವ ಹಕ್ಕುಲೆನ ಸಂರಕ್ಷಣೆಗಾದ್ ಅಸ್ಪ್ರಶ್ಯತಾ ನಿರ್ಮೂಲ ಮಲ್ಪುನೆ - ಇಂಚಿತ್ತಿನ ಉಂದುವೇ ಗುರಿಕುಲೆನ್ ದೀವೊಂದು ಇತ್ತ್ಂಡ್. ಸುರುತವಾದ್‍ ತನ್ನ ಆಧ್ಯಾತ್ಮಿಕ ಜ್ನಾನೊನು ಶ್ರೀಮಂತಗೊಳಿಸವುನೆ ಬೊಕ್ಕ ಅಯಿನ್ ಜನಕುಲೆನ ಕಲ್ಯಾಣಭಿವೃದ್ಧಿಗಾಗದ್ ಬಳಸುನೆ. ರಡ್ಡನೆತ ಹೆಜ್ಜೆ ಪಂಡ್ಂಡ ಜನಕುಲೆನ ಒಟ್ಟುಗು ವ್ಯಕ್ತಿಗತ ಸಂಪರ್ಕೊನು ಹೊಂದ್‌ದ್‍ ಉಪ್ಪುನೆ. ನೊಂದ್‌ದ್ ಉಪ್ಪುನ ಜನಕುಲೆನ ಹೃದಯೊಲೆನ್ ಸಾಂತ್ವನದ ಪಾತೆರೊದ ಮೂಲಕ ತಣಿಸವುನೆ, ಅಕುಲೆನ ಮನಸ್ಸ್‌ಗ್ ನೆಮ್ಮದಿನ್ ಕೊರ್ಪುನೆ. ಕಡೇತವಾದ್ ಚಟುವಟಿಕೆಲು ಪಂಡ ಎಸ್. ಎನ್. ಡಿ. ಪಿ. ಯೋಗಮ್ ಬೊಕ್ಕ ಅಧ್ಯಾತ್ಮಿಕ ಅರಸುವಿಕೆಡ್ ತೊಡಗ್‌ದ್ ಉಪ್ಪುನ ಶಿಷ್ಯೆರೆನ ಆಮಂತ್ರಣೊಗುಕ ಸೀಮಿತ ಆಂಡ್. ೧೮೮೪ ರ್ದ್ ೧೯೦೪ ಮುಟ್ಟ ಗುರುಕುಲು ಅರುವಿಪ್ಪುರಂ ಡೇ ವಾಸ್ತವ್ಯ ಹೂಡಿಯೆರ್. ಈ ಅವಧಿಡೇ ಎಸ್. ಎನ್. ಡಿ. ಪಿ. ಯೋಗಮ್ ಸ್ಥಾಪನೆ ಆಂಡ್. ಯೋಗಮ್ ಆರ್ಥಿಕವಾದ್ ಬೊಕ್ಕ ಸಾಮಾಜಿಕವಾದ್ ತುಳಿತೊಗು ಒಳಗಾಯಿನ ಜನಕುಲೆನ ಶಕ್ತಿಶಾಲಿ ದನಿ ಆಂಡ್. ಗುರುಕುಲು ದುರ್ಬಲ ವರ್ಗದಕುಲೆನ ಏಳಿಗೆಗ್ ಅಯಿಟ್ಟ್‌ಲಾ ಹರಿಜನಕುಲೆನ ಏಳಿಗೆಗಾದ್ ಸಮಾಜ ಸುಧಾರೆಕೆರೆಗ್ ಸರಿಯಾಯಿನ ನಿರ್ದೇಶನೊಲೆನ್‌ ಕೊರ್ದು ಉನ್ನತ ಆದರ್ಶೊಲೆನ್ ಪ್ರಚಾರ ಮಲ್ಪೆರೆ ಪ್ರೇರಣೆ ಕೊರಿಯೆರ್. ಬೋಧಕೆರೆಗ್ ಶಿಕ್ಷಣ, ಧರ್ಮ, ನೀತಿ ತತ್ವಲು, ನೀತಿ ನಿಯಮೊಲು, ಪದ್ಧತಿಲು, ಉದ್ದಿಮೆ ಉಂದೆತ್ತ ಬಗ್ಗೆ ಒತ್ತ್ ಕೊರ್ಪುನಂಚ ಸೂಚಿಸಯೆರ್. ಗುರುಕುಲೆನ ಸಂದೇಶ ಇಂಚ ಉಂಡು:` ಶಿಕ್ಷಣ ಪಡೆಲೆ; ನಿಕುಲು ಸ್ವತಂತ್ರೆರಾದ್ ಉಪ್ಪುಲೆ. ಸಂಘಟಿತರಾದ್ ಉಪ್ಪುಲೆ; ನಿಕುಲು ಬಲಿಷ್ಟರಾಪರ್. ಔದ್ಯೋಗಿಕವಾದ್ ಉದ್ದಿಮೆಲೆನ್ ಸ್ಥಾಪಿಸಾದ್; ನಿಕುಲೆನ ಆರ್ಥಿಕ ಪರಿಸ್ಥಿತಿಲಾ ಸುಧಾರಿಸವುಂಡು. ಗುರುಕುಲು ಆರ್ ಉದ್ದೇಶಿಸಾಯಿನ ಸಮಾಜ ಸುಧಾರಣೆ ಜನಕುಲೆಗ್ ತಲಪುನಂಚ ವಿವೇಕೋದಯಮ್ ಪನ್ಪುನ ಮಾಸಿಕ ಪತ್ರಿಕೆನ್ ಪಿದಯಿ ಕನಪುನಂಚ ಸೂಚಿಸಯೆರ್. ೧೬ನೆ ಒಕ್ಟೋಬರ್ ೧೯೦೫ ತಾನಿ ಪರವುರ್ ನ್ ಸಭೆಟ್ಟ್ ಅಧ್ಯಕ್ಷತೆ ವಹಿಸಾದ್ ಮದಿಮೆದ ಸಮಾರಂಭೊಗು ಕೆಲವು ಪೊಸ ನಡೆಕುಲೆನ್ ಪರಿಚಯಿಸಿಯೆರ್. ಅತ್ತಂದೆ ತಾಳಿಕೆಟ್ಟು, ತಿರ್ಂಡು ಕಲ್ಯಾಣಮ್ ಅಂಚಿನ ಕೆಟ್ಟ ಸಾಂಪ್ರದಾಯೊಲೆನ್ ನಿರ್ಮೂಲನೆ ಮಲ್ಪುನಂಚ ಕರೆ ಕೊರಿಯೆರ್.
ತಾಳಿಕೆಟ್ಟು, ಮಿನ್ನು ಕೆಟ್ಟು ಅತ್ತ್ಂಡ ಕೆಟ್ಟು ಕಲ್ಯಾಣಮ್ ಉಂದು ಪಿರ ಒರಿನ ವರ್ಗದಕುಲೆಡ ಉಪ್ಪುನ ದುಂದು ವೆಚ್ಚೊಗು ಸಾದಿ ಮಲ್ತ್ ಕೊರಪುನ ಅರ್ಥ ಇಜ್ಜಂದಿ ಕೆಟ್ಟ ಸಂಪ್ರದಾಯ. ಇಂಚಿನ ಹಲವಾರ್ ಸಂಪ್ರದಾಯೊಲೆಡ್‌ ತಾಳಿ ಕಟ್ಟುನ ಆಚರಣೆಲಾ ಒಂಜಿ. ಒಂಜಿ ಪೊಣ್ಣು ಬಾಲೆಗ್ ಸುಮಾರ್ ೫ ವರ್ಸೊ ದಿಂಜಿದಾನಗ ಪ್ರಾಯೊಗು ಬರ್ಪುನೆಗ್ ದುಂಬೇ ಮಲ್ಪುನ ಅಣಕು ಮದಿಮೆ ಉಮದು ಆದ್ ಇತ್ತ್ಂಡ್. ಪೊಣ್ಣನ ಕೆಕ್ಕಿಲ್‌ಗ್ ಒರಿ ಆಣ್, ಕೆಲವು ಸರ್ತಿ ಏರಾಂಡಲಾ ಒರಿ ಜವ್ವನೆ ತಾಳಿ ಕಟ್ಟುನೆ. ಭವಿಷ್ಯೊಡು ಮದಿಮೆ ಮಲ್ಪುವ ಪನ್ಪುನೆತ ಸಂಕೇತವಾದ್ ಈ ಅಣಕು ಮದಿಮೆಗ್ ಓವ್ವೇ ಕಾನೂನುದ ಆಧಾರ ಇಜ್ಜಿ. ಇಂಚ ತಾಳಿ ಕಟ್ಟ್‌ನಾಯೆನೇ ಮದಿಮೆ ಆಪೇ ಪನ್ಪುನ ನಿಯಮ ದಾಲಾ ಇಜ್ಜಿ. ನಿಜವಾಯಿನ ಮದಿಮೆಗ್ ಮಲ್ಪುನ ಮಾತ ಕಾರ್ಯಕ್ರಮೊಲಾ ಈ ಅಣಕು ಮದಿಮೆಡ್‍ಲಾ ನಡಪುಂಡು.
ತಾಳಿ ಕಟ್ಟಿ ಬೊಕ್ಕ ಆಣ್ ಆಯಾನಾತೆಗ್ ಆಯನ ಜೊತೆಗಾರೆರೆನ ಒಟ್ಟುಗು ಪೋಪೆ. ಆ ಆಣಗ್ ಪೊಣ್ಣನ ಕಡೆತಅಕುಲು ಬೋಡಾಪುನಾತ್ ದುಡ್ಡು, ಪೊಸ ಕುಂಟು, ತಾರಾಯಿಲೆನ್ ಕೊರ್ಪೆರ್. ಪರ್ಬದ ವಾತಾವರಣೊ, ಭೂರಿ ಭೋಜನ, ಉಡುಗೊರೆ ಇಂಚಿತ್ತಿ ಕಾರ್ಯಕ್ರಮೊಕುಲೆನ್‌ ವೈಭವೊರ್ದು ನಡಪುಂಡು. ಪೊಣ್ಣು ಅಲೆನ ಅಪ್ಪೆನ ಇಲ್ಲಗ್ ಪೋದ್ ತಾಳಿನ್ ದೆಪ್ಪವೆರ್. ದುಂಬುಗು ಋತುಮತಿ ಆಯಿನೆರ್ದ್ ಬೊಕ್ಕ ಆಣನ್ ನಾಡ್‌ದ್ ಸುರುಕು ತಾಳಿ ಕಟ್ಟ್‌ನಾಯೆನೆ ಆದ್ ಉಪ್ಪೆರೆ ಯಾವು ವ್ಯವಸ್ಥಿತವಾದ್ ನಿಜವಾಯಿನ ಮದಿಮೆನ್ ಏರ್ಪಡ್ ಮಲ್ಪುವೆರ್. ಈ ಅರ್ಥಹೀನ, ಲಜ್ಜಾಸ್ಪದ ಆಚರಣೆಲೆನ್ ಗುರುಕುಲು ವಿರೋಧಿಸಾಯೆರ್. ಶ್ರೀಮಂತ ಬೊಕ್ಕ ಸಂಪ್ರದಾಯಸ್ಥೆರ್ ಉಂದು ಪ್ರತಿಷ್ಟೆದ ಪ್ರಶ್ನೆ, ಉಂತಾಂಡ ಸಮಾಜೊಗು ಕೇಡ್ ಉಂಡಾಪುಂಡು ಪನ್ಪುನ ವಾದೊನು ದುಂಬು ದೀಯೆರ್ ಅವು ಒಯಿನ್‍ಲಾ ಗುರುಕುಲು ಕೇನಂದೆ ಅರೆನ ಹೋರಾಟೊನು ದುಂಬುವರಿಸಾಯೆರ್. ಎಸ್. ಎನ್. ಡಿ. ಪಿ. ಯೋಗಂದ ಮುಖವಾಣಿಯಾಯಿನ `ವಿವೇಕೋದಯಂ' ಪತ್ರಿಕೆದ ಮಾತ ಸಂಚಿಕೆಲೆಡ್ ಈ ಆಚರಣೆರ್ದ್ ಅಪುನ ಕೆಡುಕುಲೆನ್ ಪ್ರಕಟಿಸಾವೊಂದೇ ಬತ್ತೆರ್. ೧೯೦೬ಟ್ ಚೇರ್ತಲ ತಾಲೂಕುದ ಮಲ್ಲ ಶ್ರೀಮಂತೆಲಾ, ಗುರುಕುಲೆನ ಭಕ್ತೆಲಾ ಆದ್ ಇತ್ತ್ನ ಕೊಚ್ಚು ರಾಮನ್ ವೈದ್ಯರ್ ಪನ್ಪುನಾರೆನ ಕುಟುಂಬೊಡು ಒರ್ತಿ ಪೊಣ್ಣಗ್ ತಾಳಿ ಕಟ್ಟುವ ಸಮಾರಂಭದ ಬಗೆಟ್ಟ್ ತೆರಿನ ಗುರುಕುಲು ಆಯಿತ್ತ ಬಾಧಕಲೆನ ಬಗೆಟ್ಟ್ ವಿವರಿಸಾದ್, ಇತ್ತೆ ಉಂದೆನ್ ತ್ಯಜಿಸವುನೆರ್ದ್ ನಮ್ಮಕುಲೆನ ಮನಸ್ಸ್‌ಗ್ ಬೇನೆ ಅಂಡಲಾ ನನ ದುಂಬುದ ಪೀಳಿಗೆಗ್ ಉಂದೆತ್ತ ಫಲೊನು ಸಂತೋಸೊಡು ಅನುಭವಿಸವಡ್ ಪಂದ್ ಕಾಕಜಿ ಬರೆಯೆರ್. ಕಾಕಜಿನ್ ಓದ್‌ನ ಕೊಚ್ಚು ರಾಮನ್ ವೈದ್ಯೆರ್ ತಾನ್ ಏರ್ಪಡ್ ಮಲ್ಪೆರೆ ನಿರ್ಧಾರ ಮಲ್ತ್‌ನ ಸಮಾರಂಭೊನು ರದ್ದ್ ಮಲ್ತೆರ್. ಇಂಚ ಒರಿ ವ್ಯಕ್ತಿಗ್ ಶಾಂತವಾಯಿನ ಕೆಲವು ಹಿತೋಪದೇಶೊರ್ದು ಸಮಾಜೊಡು ಇಂಚಿತ್ತಿ ಪರಿವರ್ತನೆ ಆಪುಂಡುಂದು ಆಂಡ, ಈ ಮಹಾಮಹಿಮನ ಅಸಾಮಾನ್ಯ ಶಕ್ತಿದ ಅರಿವು ಏರೆಗಾಂಡಲಾ ಆವಂದೆ ಉಪ್ಪೆರೆ ಸಾಧ್ಯನಾ? ಅಂತೆಯೇ ಅಳಿಯ ಸಂತಾನ ಪದ್ಧತಿಯ ಬಾಧಕಗಳನ್ನು ವಿವರಿಸಿ ಅದನ್ನು ತಡೆಹಿಡಿದ ಖ್ಯಾತಿ ಇವರದು. ಸೀಮಂತ ಕಾರ್ಯಕ್ರಮದಲ್ಲಿ ಆಗುವ ದುಂದು ವೆಚ್ಚಕ್ಕೆ ತಡೆ ಹ್ಶಾಕಿದರು. ವಿವಾಹ ವಿಚ್ಛೇದನ ಹಾಗೂ ಪುನರ್ರವಿವಾಹ ಅನಿವಾರ್ಯವಾದಲ್ಲಿ ಮಾಡಿಕೊಳ್ಳಬಹುದು ಎಂದರು. ಬಹು ಪತ್ನಿತ್ವ ಹಾಗೂ ಬಹು ಪತಿತ್ವ ಸಮಾಜಕ್ಕೆ ಹಿತವಲ್ಲ ಎಂದು ಅದಕ್ಕೂ ತಡೆಹಾಕಿದರು. ಸರಳ ವಿವಾಹಕ್ಕೆ ಒತ್ತು ನೀಡಿದರು. ಅಂತ್ಯ ಕ್ರಿಯೆಯಲ್ಲಿ ಮಾಡುವ ದುಂದು ವೆಚ್ಚಕ್ಕೆ ವಿರೋಧ ವ್ಯಕ್ತ ಪ್ಡಿಸಿದರು. ಹೊಸ ದೇವಸ್ಥಾನಗಳ ನಿರ್ಮಾಣವನ್ನು ವಿರೋಧಿಸಿದರು.
ಮಹಿಳಾ ಶೋಷಣೆದ ದುಷ್ಟ ಪದ್ಧತಿಲೆನ್ ಉಂತಯಿನ ಒಂಜಿ ಸನ್ನಿವೇಶ[ಸಂಪೊಲಿಪುಲೆ]
ಈಳವ ಬೊಕ್ಕ ಒರಿನ ಇತರ ನಿಮ್ನ ವರ್ಗದ ಸ್ತ್ರೀಯೆರ್ ಎದೆತ್ತ ಭಾಗೊನು ರವಕೆರ್ದ್‌/ಕುಪ್ಪಸೊರ್ದು ಮುಚ್ಚಂದೆ, ಉಚ್ಚ ಜಾತಿದಕುಲು ಎದುರಾಯಿನಪಗ, ಸೆರಂಗ್‌ನ್ ಜಾರದ್, ಅಕುಲೆಗ್ ಗೌರವ ತೋಜಾವುನ ಕೆಟ್ಟ ಸಂಪ್ರದಾಯ ಇತ್ತ್ಂಡ್. ಉಂದೊಂಜಿ ಪೊಣ್ಣನ ಶೋಷಣೆದ ನಿಕೃಷ್ಟ ಪದ್ಧತಿ ಪಂದ್, ಗುರುಕುಲು ಆ ಕ್ರಮೊನು ಉಂತಯೆರೆ ಅಪ್ಪಣೆ ಕೊರಿಯೆರ್. ಇಂಚ ಗುರುಕುಲು ತಾನ್ ಬೋಧಿಸಾಯಿ ವಿಷಯೊಲೆನ್ ಪೂರ ಸ್ವತಃ ಆಚರಿಸಾವೊಂದು ಇತ್ತೆರ್. ತಾನ್ ಪ್ರತಿಷ್ಟಾಪಿಸಾಯಿ ದೇವಸ್ಥಾನೊಲೆನ ಬಾಕಿಲ್ ನರಮಾನಿಗ್ ಪೂರ ದೆತ್ತ್‌ದ್ ಉಪ್ಪೊಡು ಪನ್ಪುನವು ಅರೆನ ಇಚ್ಛೆಯಾದ್ ಇತ್ತ್ಂಡ್. ಅಂತರ್ಧರ್ಮೀಯೆರೆನ ವಿವಾಹೊಗು ಗುರುಕುಲು ಪ್ರೋತ್ಸಾಹ ಕೊರಿಯೆರ್.
ಜನ್ಮ ದಿನೊತ್ತ ಬಗೆಟ್ಟ್ ಭಕ್ತಾದಿಲೆನ ಭಿನ್ನಾಭಿಪ್ರಾಯೊಲು[ಸಂಪೊಲಿಪುಲೆ]
ಮಲಯಾಳಂ ಪಂಚಾಂಗೊದ ಪ್ರಕಾರ, ಶ್ರೀ ನಾರಾಯಣ ಗುರುಕುಲು, 'ಕೊಲ್ಲಂ ವರ್ಷ', ೧೦೩೦, ಸಿಂಹಮಾಸ, ಶತಭಿಷಾ ನಕ್ಷತ್ರದಾನಿ ಪುಟ್ಟುದೆರ್ ಪಂದ್ ಬಹುತೇಕ ಜನ ಒಪ್ಪುವೆರ್. ಈ ಪವಿತ್ರದಿನೊನು ಇಂಗ್ಲೀಷ್ ಕ್ಯಾಲೆಂಡರ್‌ಗ್, ಪರಿವರ್ತಿಸಾದ್ ಆ ದಿನೊನು ೨೬-೦೮-೧೯೫೪ ಪಂದ್ ಗುರುತಿಸುನ ಮೂಲಕ ವ್ಯತ್ಯಾಸ ತೋಜುಂಡು. ಕೆಲವೆರ್ ೨೬-೦೮-೧೮೫೪ ಪಂದ್ ಪನ್ಪುನ ಮೂಲಕ, ೧೮೫೪ ಟ್ ಪುಟ್ಟ್‌ಯೆರ್ ಪನ್ಪುನೆನ್ ಖಾತ್ರಿ ಮಲ್ಪುವೆರ್. ೧೮-೦೯-೧೮೫೪ ಪಂದ ಬಹುಶಃ ಅರೆನ 'ನಾಮಕರಣದ ದಿನ,' ಪುದರ್ ದೀಪುನ ದಿನೊನು ಪನ್ಪೆರ್ ಪಂದ್ ತೋಜುಂಡು. ಕುಡ್ಲದ ಪತ್ರಿಕೆಯೊಂಜೆಟ್ ೨೮-೦೮-೧೮೫೫ ಪಂದ್ ಬರೆತೆರ್‌. ನಾರಾಯಣ ಗುರುಕುಲು ೨೮-೦೮-೧೮೫೫ 'ಇಲ್ ಲ್ಯು ಸ್ಟ್ರೇಟೆಡ್ ವೀಕ್ಲಿ,' ಪತ್ರಿಕೆ ದಾಖಲಾದ್ ಉಂಡು. ಮಲಯಾಳಂ ಬಾಸೆದ ಹಿರಿಯಪಂಡಿತೆರ್ ಒರಿಯನ ಪ್ರಕಾರ, ೧೮೫೬ ಸರಿ ಪಂದ್ ಪಂತೆರ್. ಅಂಚ ೧೮೫೪, ೧೮೫೫, ೧೮೫೬ ಪನ್ಪುನ ಮೂಜಿ ಉಲ್ಲೇಕೊಲು ಉಂಡು. ಗುರುಕುಲು ಬದುಕ್‌ದ್ ಉಪ್ಪುನಗನೇ ಅರೆನ ೬೦ ನೇ ವರ್ಸೊನು ೧೯೧೬ ಟ್, ಆಚರಿಸಶದೆರ್. ಆಂಚಾದ್ ಅವು ೧೮೫೬ ಉಪ್ಪು ಪನ್ಪುನವು ಸಾಮಾನ್ಯ ಪ್ರಜ್ಞೆದ ಸಂಕೇತವಾದ್ ಉಂಡು.[೯]
| ಶ್ರೀ ನಾರಾಯಣ ಗುರು (ಸುಮಾರ್ 1856 – 20 ಸೆಪ್ಟೆಂಬರ್ 1928) ಪಂದ್ ಲೆಪ್ಪವೊನುನ ನಾರಾಯಣ ಗುರು, ಭಾರತೊದ ಸಾಮಾಜಿಕ ಸುಧಾರಣಾಧಿಕಾರಿ ಆದ್ ಇತ್ತೆರ್. ನಾರಾಯಣೆರ್ ಅರುಪುಪುರಾಮ್‌ಗ್ ಭೇಟಿ ಕೊರಿಯೆರ್, ಅಲ್ಪ ಅರ್ ಬೊಕ್ಕ ಅರೆನ ಅನುಯಾಯಿಲು 1888 ಟ್ ಶಿವಗ್ ಅರ್ಪಿಸಾದ್ ದೇವಾಲಯನ್ ಕಟ್ಟ್‌ಯೆರ್, |
| ನವೆಂಬರ್ 1922 ಟ್ ಶಿವಗಿರಿತ್ತ ಬೊಕ್ಕದ ಆಶ್ರಮೊಡು ರವೀಂದ್ರನಾಥ್ ಟ್ಯಾಗೋರ್ ನಾರಾಯಣ ಗುರುಕುಲೆನ್ ಭೇಟಿ ಆಯೆರ್. ಬೊಕ್ಕ ನಾರಾಯಣ ಗುರುಕುಲೆನ ಬಗೆಟ್ಟ್,ಇಂಚ ಪನ್ಪೆರ್ - "ಸ್ವಾಮಿ ನಾರಾಯಣ ಗುರುಕುಲೆರ್ದ್ ಆಧ್ಯಾತ್ಮಿಕವಾದ್ ಹೆಚ್ಚಿನಾಯೆ ಆದ್ ಉಲ್ಲೆ ಅತ್ತ್ಂಡ ಆಧ್ಯಾತ್ಮಿಕ ಸಾಧನೆದೊಟ್ಟುಗು ಅರೆನೊಟ್ಟುಗು ಸಮಾನವಾದ್ ಉಂತುನ ನನ ಒರಿ ವ್ಯಕ್ತಿನ್ ಯಾನ್ ಏಪಲಾ ತೂತ್‌ಜಿ". |
| (1922ಟ್ ರವೀಂದ್ರನಾಥ್ ಟ್ಯಾಗೋರ್ ನಾರಾಯಣ ಗುರುಕುಲೆನ್ ಭೇಟಿ ಮಲ್ತೆರ್. 20 ಸೆಪ್ಟೆಂಬರ್ 1928 ನಾರಾಯಣ ಗುರುಕುಲು ದೇವೆರೆನ ಪಾದೊ ಸೇರ್‌ಯೆರ್. ಪಂಡಿ ಬೊಕ್ಕ ಅಯಿರ್ದ್ ಬೊಕ್ಕ ಶ್ರೀ ನಾರಾಯಣ ಗುರು ೧೮-೦೯-೧೯೫೪ ಅತ್ತ್ಂಡ ೨೬-೦೮-೧೯೫೪ಟ್ ಪುಟ್ಟಿಯೆರ್ ಪನ್ಪುನವು ಅರ್ಥ ಇಜ್ಜಂದಿನ ಪಾತೆರೊ) |
| [೧೦] |
ನಾರಾಯಣ ಗುರು - ಚಿತ್ರದರ್ಶಿನಿ[ಸಂಪೊಲಿಪುಲೆ]
Sree Narayana guru at Meditation
Sree narayana guru 5 rupee Coin
Asan with guru
Krishna sings Narayanaguru 2021
Gmessage
ಉಲ್ಲೇಕೊ[ಸಂಪೊಲಿಪುಲೆ]
- ↑ Pullapilly, Cyriac K. (1976). "The Izhavas of Kerala and their Historic Struggle for Acceptance in the Hindu Society". In Smith, Bardwell L. Religion and social conflict in South Asia. International studies in sociology and social anthropology. 22. BRILL. pp. 24–46. ISBN 978-90-04-04510-1.
- ↑ Pullapilly, Cyriac K. (1976). "The Izhavas of Kerala and Their Historic Struggle for Acceptance in the Hindu Society". In Smith, Bardwell L. Religion and Social Conflict in South Asia. Leiden: BRILL. pp. 35–36. ISBN 9789004045101.
- ↑ Ramachandran, V. K. (1997). "On Kerala's Development Achievements". In Drèze, Jean; Sen, Amartya. Indian development: selected regional perspectives. Delhi and New York: Oxford University Press. p. 309. ISBN 0-19-829204-X.
- ↑ Younger, Paul (2002). Playing host to deity : festival religion in the South Indian tradition. New York: Oxford University Press. p. 127. ISBN 0-19-514044-3.
- ↑ "Elavumthitta – the birthplace of Sivagiri pilgrimage". The Hindu. 4 January 2013. Retrieved 19 October 2014.
- ↑ Bhattacharya, Sabyasachi (31 December 2011). "The Other Tagore". Frontline (Volume 28 – Issue 27). Retrieved 9 February 2015.
- ↑ "Stamps 1947–2000". Postage Stamps. India Post. Retrieved 7 June 2015.
- ↑ "All registered stamps issued by Sri Lanka: LK032.09". Universal Postal Union. Retrieved 12 May 2015.
- ↑ "Kerala Gazette" (PDF). General Administration (Coordination) Department, Government of Kerala. Archived from the original (PDF) on 6 February 2015. Retrieved 9 February 2015.
- ↑ http://www.frontline.in/static/html/fl2827/stories/20120113282702200.htm