ನಿಟ್ಟೆ ವಿದ್ಯಾಸಂಸ್ಥೆ ಬೊಕ್ಕ ನಿಟ್ಟೆ ವಿಶ್ವವಿದ್ಯಾಲಯ

ನಿಟ್ಟೆ ವಿದ್ಯಾಸಂಸ್ಥೆ ರಾಷ್ಟ್ರೀಯ ಬೊಕ್ಕ ಅಂತರಾಷ್ಟ್ರೀಯ ಮಟ್ಟೊಡು ಪುದರ್ ಪೋಯಿನ ವಿದ್ಯಾಸಂಸ್ಥೆ. ನಿಟ್ಟೆ ವಿದ್ಯಾಸಂಸ್ಥೆನ್ ಲೋಕಸಭೆತ್ತ ಸಭಾಪತಿ ಬೊಕ್ಕ ಸುಪ್ರೀಂ ಕೋರ್ಟ್ ದ ನ್ಯಾಯಾಧೀಶೆರಾದಿತ್ತಿನ ಜಸ್ಟಿಸ್ ಕೌಡೂರು ಸದಾನಂದ ಹೆಗ್ಡೆರ್ ೧೯೭೯ಟ್ ದಕ್ಷಿಣ ಕನ್ನಡ ಜಿಲ್ಲೆದ ಸ್ಥಾಪನೆ ಮಲ್ತೆರ್. ಬೊಕ್ಕ ಉಡುಪಿ ಜಿಲ್ಲೆ ಆನಗ ಉಂದು ಉಡುಪಿ ಜಿಲ್ಲೆಗ್ ಬತ್ತ್ ಡ್. ಇತ್ತೆ ಈ ಸಂಸ್ಥೆ ನಿಟ್ಟೆ, ಕುಡ್ಲ ಬೊಕ್ಕ ಬೆಂಗಳೂರುಡ್ ಶಾಲೆ ಕಾಲೇಜುಲೆನ್ ನಡಪಾವೊಂದು ಉಂಡು. ಇಂದೆನ್ ನಿಟ್ಟೆ ವಿಶ್ವವಿದ್ಯಾಲಯದ ಕುಲಪತಿ ಶ್ರೀ ವಿನಯ ಹೆಗ್ಡೆ ನಡಪಾವೊಂದುಲ್ಲೆರ್. ಈ ಸಂಸ್ಥೆಡ್ ೧೫೦೦೦ಡ್ದ್ ಜಾಸ್ತಿ ವಿದ್ಯಾರ್ಥಿಲು ಕಲ್ತೊಂದುಲ್ಲೆರ್. ೩೫೦೦ ಡ್ದ್ ಜಾಸ್ತಿ ಸಿಬ್ಬಂದಿ ವರ್ಗದಕುಲು ಬೇಲೆ ಮಲ್ತೊಂದುಲ್ಲೆರ್.

ನಿಟ್ಟೆ ವಿದ್ಯಾಸಂಸ್ಥೆದ ಆರೋಗ್ಯ ಸಂಸ್ಥೆಲು ೨೦೦೮ ಡ್ ನಿಟ್ಟೆ ವಿಶ್ವವಿದ್ಯಾಲಯದ ಅಡಿಟ್ಟ್ ಆಂಡ್. ಶ್ರೀ ವಿನಯ್ ಹೆಗ್ಡೆ ಇಂದೆತ್ತ ಕುಲಾಧಿಪತಿ, ಡಾ. ಎಸ್. ರಮಾನಂದ್ ಶೆಟ್ಟಿ ಕುಲಪತಿ ಬೊಕ್ಕ ಡಾ. ಶಾಂತಾರಾಮ್ ಶೆಟ್ಟಿ ಸಹ ಕುಲಾಧಿಪತಿ ಆದ್ ಉಲ್ಲೆರ್. ನಿಟ್ಟೆ ವಿಶ್ವವಿದ್ಯಾಲಯ ಬೊಕ್ಕ ನಿಟ್ಟೆ ವಿದ್ಯಾಸಂಸ್ಥೆದಡಿಟ್ ಉಪ್ಪುನ ವಿದ್ಯಾಸಂಸ್ಥೆಲು:

ಆರೋಗ್ಯ ವಿಜ್ಞಾನ ಸಂಸ್ಥೆಲು, ಆಸ್ಪತ್ರೆಲು ಬೊಕ್ಕ ಸಂಶೋಧನಾ ಕೇಂದ್ರೊಲು

ಕೆ.ಎಸ್.ಹೆಗ್ಡೆ ಮೆಡಿಕಲ್ ಅಕಾಡೆಮಿ, ಮಂಗಳೂರು

ಕುಡ್ಲಡ್ ಉಪ್ಪುನ ಒಂಜಿ ಮೆಡಿಕಲ್ ಕಾಲೇಜ್ ಉಂದು. ಎಲ್ಯೆಡ್ ಕ್ಷೇಮಾ ಪಂಡ್‍ದ್‍ಲಾ ಪುದರುಂಡು. ಕುಡ್ಲದ ಪೇಂಟೆಡ್ದ್ ೧೩ ಕಿ.ಮೀ. ದೂರೊಡುಪ್ಪುನ ದೇರಳಕಟ್ಟೆಡ್ ಈ ಕಾಲೇಜ್ ೧೯೯೯ಡ್ ಸುರು ಆಂಡ್. ಸುರುಟು ಡಾ. ಶಾಂತಾರಾಮ ಶೆಟ್ರ್ ಡೀನ್ ಆದಿತ್ತೆರ್. ಇತ್ತೆ ಡಾ. ಸತೀಶ್ ಕುಮಾರ್ ಭಂಡಾರಿ ಉಂದೆತ್ತ ಡೀನ್ ಆದುಲ್ಲೆರ್. ಭಾರತದ ಬೇತೆ ಬೇತೆ ರಾಜ್ಯೊದಲೆಡ್ದತ್ತಂದೆ, ಪಿದಯಿ ದೇಶಲೆದ ವಿದ್ಯಾರ್ಥಿಲುಲಾ ಮೂಲು ಕಲ್ತೊಂದುಲ್ಲೆರ್.

ಎಂಜೀಯರಿಂಗ್ ವಿದ್ಯಾಸಂಸ್ಥೆಲು

ಮ್ಯಾನೇಜ್ಮೆಂಟ್ ಸಂಸ್ಥೆಲು

ತಾಂತ್ರಿಕ ಸಂಸ್ಥೆಲು

ವಿಜ್ಞಾನ ಬೊಕ್ಕ ವಾಣಿಜ್ಯ ಸಂಸ್ಥೆಲು

ಶಾಲೆಲು

ಆರೋಗ್ಯ ಕೇಂದ್ರೊಲು

ಉಲ್ಲೇಕೊ