ನುಂಗೆಲ್ ಎಟ್ಟಿ
ಎಟ್ಟಿ ಕಡಲ್‍ಡ್ ತಿಕ್ಕುನ ತಿನ್ಪಿನ ಸೊತ್ತು. ಮರಿಯಾಲದ ಪೊರ್ತುಡ್ ಬೆಚ್ಚ ಬೆಚ್ಚ ಉರ್ಪೆಲ್ ಅರಿತ ಗಂಜಿದ ಒಟ್ಟಿಗೆ ನುಂಗೆಲ್ ಎಟ್ಟಿದ ಚಟ್ನಿ ಬಾರಿ ರುಚಿ, ತವುತೆ, ಕೇಂಬುಡೆ, ಇಂಚ ತರಕಾರಿ ಕಜಿಪುದ ಒಟ್ಟಿಗೆಲ ಬೆರೆಕೆ ಪಾರ್ದ್ ಗಸಿ ಮನ್ಪುವೆರ್.[೧]
ಗಲಸುನು[ಸಂಪೊಲಿಪುಲೆ]
ಅರೇಗಲಡ್ ಪಜ್ಜಿ ಎಟ್ಟಿನ್ ನುಂಗವೆರ್, ಒಂತೆ ತಿಂಗೊಳ್ ಆಯಿ ಬೊಕ್ಕ ಅವೆನ್ ಮಾರ್ಕೆಟ್ ಡ್ ಮಾರುವೆರ್, ಮರಿಯಾಲದ ಪೊರ್ತುಡ್ ಜೋರು ಬರ್ಸ ಬನ್ನಗ ಕಜಿಪುಗ್ ದಾಲ ಇಜ್ಜಿಂಡ ಈ ಎಟ್ಟಿನ್ ಚಟ್ನಿ ಮನ್ಪರೆ ಗಳಸುವೆರ್. ದುಂಬು ಬಂಗ ಇಪ್ಪುನಗ ಮೀನ್ ಮಾಸ ಕನವೆರೆ ಕಾಸ್ ಇಪ್ಪುಜಿ ಅಂಚಿನ ಪೊರ್ತುಡ್ ಈ ನುಂಗೆಲ್ ಎಟ್ಟಿಡ್ ಗಂಜಿ ವನಸ್ ಮಂತೊಂದು ಇತ್ತೆರ್.
ಬೊಡಾಪಿನ ಸಾಮಗ್ರಿಲು[ಸಂಪೊಲಿಪುಲೆ]
- ನುಂಗೆಲ್ ಎಟ್ಟಿ
- ತಾರಯಿದ ಪೂ
- ಉಪ್ಪು
- ಮಂಜೋಲ್ದ ಪೊಡಿ
- ಕೊತ್ತಂಬರಿ
- ಪುಲಿ
- ಮುಂಚಿ
- ನಿರುಳ್ಳಿ
- ತಾರೆದ ಎಣ್ಣೆ
ಮಲ್ಪುನ ವಿದಾನೊ[ಸಂಪೊಲಿಪುಲೆ]
ಉಪ್ಪು,ಮಂಜೋಲ್ದ ಪೊಡಿ,ಕೊತ್ತಂಬರಿ,ಪುಲಿ,ಮುಂಚಿ ಉಂದೆಲ್ ಮಾತ ಕಡೆಪಿನ ಕಲ್ಲ್ ಡ್ ಕಡೆದ್, ಐಕ್ ತಾರಯಿದ ಪೂ ಪಾರ್ದ್ ಮುರೆಪೊಡ್. ಅಯಿರ್ದ್ ಬೊಕ್ಕ ಬಣಲೆಗ್ ತಾರಯಿದ ಎಣ್ಣೆ, ನಿರುಳ್ಳಿ ಪಾಡ್‌ರ್ದ್ ಕಲಪುನು ಬೊಕ್ಕ ಕಡೆತಿನ ಮಸಾಲೆ,ನುಂಗೆಲ್ ಎಟ್ಟಿ ಪಾರ್ದ್ ಮುರೆಪೊಡ್.
ಉಲ್ಲೇಕೊ[ಸಂಪೊಲಿಪುಲೆ]
- ↑ Shreeraksha. "ಕರಾವಳಿ ಸ್ಪೆಷಲ್ ಒಣಮೀನು ಚಟ್ನಿ ರೆಸಿಪಿ". kannada.boldsky. Retrieved January 30, 2021.