ಪಚ್ಚೆದ ಫೆಸೆಂಟ್ ಪಕ್ಕಿ

ಪಚ್ಚೆದ ಫೆಸೆಂಟ್ ಪಕ್ಕಿ
	ಜಪಾನ್ ದ ಆನ್ ಪಚ್ಚೆದ ಫೆಸೆಂಟ್
	ಜಪಾನ್ ದ ಪೊಣ‍್ಣು ಪಚ್ಚೆದ ಫೆಸೆಂಟ್
Scientific classification
Missing taxonomy template (fix):	ಪಚ್ಚೆದ
Species:	Template:Taxonomy/ಪಚ್ಚೆದಪ. ಫ. ಪಕ್ಕಿ
Binomial name
	Template:Taxonomy/ಪಚ್ಚೆದಪಚ ಫೆಸೆಂಟ್ ಪಕ್ಕಿ;

ಈ ಲೇಕನೊನ್ ವಿಕಿಪೀಡಿಯ ಏಷ್ಯನ್ ತಿಂಗೊಲು 2024 ಸಮಯೊಡ್ ಉಂಡ್ ಮಾನ್ತ್‌‍ನವು.

ಗ್ರೀನ್ ಫೀಸೆಂಟ್ (ಜಪಾನೀಸ್ ಗ್ರೀನ್ ಫೀಸೆಂಟ್) ಈ ಪಕ್ಕಿದ ವೈಜ್ಞಾನಿಕ ಪುದರ್ ಫಾಸಿಯನಸ್ ವರ್ಸಿಕಲರ್ .ಉಂದು ಜಪಾನಿನ ದ್ವೀಪಸಮೂಹೊಡು ಮಾತ್ರ ಉಪ್ಪುನ ಒಂಜಿ ಸ್ಥಳೀಯ ಪಕ್ಕಿ. ಕೆಲವು ವರ್ಗೀಕರಣ ಅಧಿಕಾರಿಲು ಉಂದೆನ್ ಸಾಮಾನ್ಯ ಫೆಸೆಂಟ್ ಫಾಸಿಯನಸ್ ಕೊಲ್ಚಿಕಸ್ ನ ಉಪಜಾತಿ ಪಂಡ್ದ್ ಪರಿಗಣಿಸವೆರ್. ಉಂದು ಜಪಾನ್ದ ರಾಷ್ಟ್ರ ಪಕ್ಕಿ..^[೧]

ವರ್ಗೀಕರಣ ಬೊಕ್ಕ ವ್ಯವಸ್ಥಾಪನೆ

ಕೆಲವು ಮೂಲೊಲು ಪಚ್ಚೆ ಫೆಸೆಂಟ್ ಸಾಮಾನ್ಯ ಫೆಸೆಂಟ್ ದ ಉಪಜಾತಿ ಪಂಡ್ದ್ ಪನ್ಪೆರ್, ಆಂಡ ಕೆಲವು ಮೂಲೊಲು ಅವು ಪ್ರತ್ಯೇಕವಾದುಂಡು ಪನ್ಪೆರ್. ಅವು ನಿಕಟ ಸಂಬಂಧೊಡು ಇತ್ತ್ಂಡಲಾ ಅವು ಬೇತೆ ಬೇತೆ ಜಾತಿಲು ಪಂದ್ ಅಕುಲು ಪನ್ಪೆರ್. ಪಚ್ಚೆ ಫೆಸೆಂಟ್ ಗ್ ಮೂಜಿ ಉಪಜಾತಿಲು ಉಂಡು. ನಾಮನಿರ್ದೇಶನ ಉಪಜಾತಿ 'ಪಿ. ವಿ. ವರ್ಸಿಕಲರ್' ನ್ ತೆಂಕ್ಯದ ಪಚ್ಚೆ ಫೆಸೆಂಟ್ ಅತ್ತ್ಂಡ ಕಿಜಿ ಪಂಡ್ದ್ ಲೆಪ್ಪುವೆರ್. ಪೆಸಿಫಿಕ್ ಪಚ್ಚೆ ಫೆಸೆಂಟ್, ಪಿ. ವಿ. ಟ್ಯಾಮೆನ್ಸಿಸ್ ಬೊಕ್ಕ ಉತ್ತರದ ಪಚ್ಚೆ ಫೆಸೆಂಟ್, ಪಿ. ಭೀ. ರೊಬಸ್ಟೈಪ್ಸ್, ಬೇತೆ ರಡ್ಡ್ ಉಪವರ್ಗೊಲು. ಪಚ್ಚೆ ಫೆಸೆಂಟ್ ಬೊಕ್ಕ ಕಾಪರ್ ಫೆಸೆಂಟ್ ಅತ್ತ್ಂಡ ಸಾಮಾನ್ಯ ಫೆಸೆಂಟ್ ನಡುಟು ಕೆಲವು ಮಿಶ್ರತಳಿಲು ಉಂಡು.^[೨]

ವೈಶಿಷ್ಟ್ಯೊಲು

ಆನ್ ತೆಂಕ್ಯಿ ಪಚ್ಚೆ ಫೆಸೆಂಟ್, ಪಿ. ವಿ. ವರ್ಸಿಕಲರ್ ಡ್ ತಿಗಲೆ, ನಾಲಿ, ಬೆರಿ, ಬೊಕ್ಕ ಪಾರ್ಶ್ವೊಲೆಡ್ ಕಪ್ಪು ಬಣ್ಣೊದ ಗರಿಲು ಉಪ್ಪುಂಡು. ಆನ್ಲು ನೀಲಿ-ನೇರಳೆ ಬಣ್ಣೊದ ಕೊಟ್ಟು ಉಪ್ಪುಂಡು, ಉಂದೆಟ್ ಪ್ರಮುಖವಾದ್ ಕಿನ್ನಿದ ಗುಂಡುಲು, ಕೆಂಪು ಬಣ್ಣೊದ ಕಾಯಿಲು, ಬೊಕ್ಕ ಉದ್ದದ, ಲೈಟ್ ಗ್ರೇ-ಬ್ಯಾಂಡೆಡ್ ಬೀಲ ಉಪ್ಪುಂಡು.

ಪೊಣ್ಣು ಆನು ಲೆಡ್ದ್ ಎಲ್ಯ ಉಪ್ಪುಂಡು, ಬೀಲ ಕಮ್ಮಿ ಉಪ್ಪುಂಡು, ಬೊಕ್ಕ ಕಂದು-ಕಪ್ಪು ಬಣ್ಣೊದ ಗರಿ ಉಪ್ಪುಂಡು. ಕಂದು ಬಣ್ಣೊದ ಗರಿಕ್ ಬೊಲ್ದು ಕಂದು ಬಣ್ಣೊ ಉಪ್ಪುಂಡು. ಈ ಉಪಜಾತಿದ ಆನುಲೆಗ್ ಬಾರಿ ಕಪ್ಪು ಬಣ್ಣೊದ ಗರಿಲು ಉಪ್ಪುಂಡು, ಮುಖ್ಯವಾದ್ ಪಚ್ಚೆ ಬಣ್ಣೊಡು ಉಪ್ಪುಂಡು. ಆನ್ ಪೆಸಿಫಿಕ್ ಪಚ್ಚೆ ಫೆಸೆಂಟ್, ಪಿ. ವಿ. ಟ್ಯಾಮೆನ್ಸಿಸ್ ನಾಮಿನೇಟ್ ಉಪಜಾತಿಲೆಡ್ದ್ ಹಗುರವಾದ್ ಗರಿಲೆನ್ ಪಡೆಯೊಂದುಂಡು. ಅಯಿತ ಗರಿಲು ನೇರಳೆ ಬೊಕ್ಕ ನೀಲಿ ಬಣ್ಣೊಡು ಜಾಸ್ತಿ ಉಪ್ಪುಂಡು.

ಆನ್ ಬಡಕಯಿ ಪಚ್ಚೆ ಫೆಸೆಂಟ್ ಅಥವಾ ಪಿ. ವಿ. ರೊಬಸ್ಟಿಗ್ ಮಸ್ತ್ ಲೈಟ್ ಗರಿಲು ಉಪ್ಪುಂಡು ಬೊಕ್ಕ ಅಯಿತ ಕಿರೀಟ/ ಕೊಟ್ಟು ಬೊಕ್ಕ ಮ್ಯಾಂಟಲ್ ಬೇತೆ ಉಪಜಾತಿಲೆಡ್ದ್ ಕಂಚಿನ ಬಣ್ಣೊಡು ಉಪ್ಪುಂಡು. ಮೂಜಿ ಉಪಜಾತಿಲೆನ ಪೊಣ್ಣುಲುಲಾ ಒಂಜೇ ರೀತಿದವು, ಆಂಡಲಾ, ಆನುನಲೆಕನೆ, ಪಿ. ವಿ. ವರ್ಸಿಕಲರ್ ಪೊಣ್ಣುಲೆಗ್ ಸಾಮಾನ್ಯವಾದ್ ಕಪ್ಪು ಬಣ್ಣೊದ ಗರಿಲು ಉಪ್ಪುಂಡು ಬೊಕ್ಕ ಪಿ. ವಿ. ರೊಬಸ್ಟಿಟೈಪ್ಸ್ ದ ಪೊಣ್ಣುಲು ಹಗುರವಾದುಂಡು. ^[೩]

ವರ್ತನೆ

ಆಹಾರೊ ಕ್ರಮೊ

ಕಾಡ್ಡ್ ಜೀವನ ಮಲ್ಪುನ ಪಚ್ಚೆ ಫೆಸೆಂಟ್ ಲು ಎಲ್ಯ ಎಲ್ಯ ಪ್ರಾಣಿಲೆನ್ ಉದಾಹರಣೆಗೆ ಪುರಿಲು ಬೊಕ್ಕ ಕೀಟೊಲೆನ್, ಧಾನ್ಯೊಲೆನ್ ಬೊಕ್ಕ ಸಸ್ಯೊಲೆನ್ ತಿನ್ಪ. ಅಕ್ಲೆಗ್ ಬೀಜೊಲು, ಸಸ್ಯೊಲು, ಬೊಕ್ಕ ಜೀವಂತ ಆಹಾರೊನು ಸೆರೆಟ್ ದೆತೊನುನಗ ಕೊರ್ಪೆರ್.^[೩]

ಸಂತಾನೋತ್ಪತ್ತಿ

ಪಚ್ಚೆ ಫೆಸೆಂಟ್ ಲೆನ ಸಂತಾನೋತ್ಪತ್ತಿ ಮಾರ್ಚ್ ಋತು ಅತ್ತ್ಂಡ ಏಪ್ರಿಲ್ ಡ್ ಸುರು ಆದ್ ಜೂನ್ ಡ್ ಮುಗಿಪುಂಡು. ಪಚ್ಚೆ ಫೆಸೆಂಟ್ ಲು ಸುಮಾರ್ ಒಂಜಿ ವರ್ಷದ ಪ್ರಾಯೊಡು ಸುರುಕು ಸಂತಾನೋತ್ಪತ್ತಿ ಮಲ್ಪುಂಡು. ಪೊಣ್ಣು ದೀಪಿನ ತೆತ್ತಿದ ಗುಂಪುಗ್ ಕ್ಲಚ್ ಪನ್ಪೆರ್. ಒಂಜಿ ಕ್ಲಚ್ ಡ್ ಆಜಿ ರ್ದ್ ಪದಿನೈನ್ ತೆತ್ತಿಲು ಉಪ್ಪುಂಡು. ತೆತ್ತಿಲೆನ್ 23 ರ್ದ್ 25 ದಿನ ಮುಟ್ಟ ಬೆಚ್ಚ ಮಲ್ಪುವ.^[೩]

ಸಂಸ್ಕೃತಿಡ್

ಜಪಾನ್ ಡ್ ಪಚ್ಚೆ ಪೆಸೆಂಟ್ ಭೂಕಂಪೊಗು ಜಅನಕುಲೆನ ಗೊಬ್ಬೆಗ್ 'ಪೋಡುಂಡು' ಪಂದ್ ಮಸ್ತ್ ಜನ ಪನ್ಪೆರ್. ಅವು ಜಪಾನ್ ದೇಶದ ರಾಷ್ಟ್ರೀಯ ಪಕ್ಕಿ. ಜಪಾನುದ 10,000 ಯೆನ್ ನೋಟುಡು ಉಂದೆತ ಚಿತ್ರ ಉಂಡು.^[೪]

ವಸತಿಲು

ಉಂದು ಹೊನ್ಶು, ಶಿಕೊಕು, ಬೊಕ್ಕ ಕ್ಯುಶು ಬೊಕ್ಕ ಕೆಲವು ಎಲ್ಯ ದ್ವೀಪೊಲೆಡ್ ಉಪ್ಪುಂಡು. ಉಂದು ಅಮೇರಿಕ ಸಂಯುಕ್ತ ಸಂಸ್ಥಾನೊಡು ಹವಾಯಿ ಗ್ ತೂಕೊನೊಡಾಪುಂಡು. ಬೊಕ್ಕ (ಉತ್ತರ ಅಮೆರಿಕ) ಒಂಜಿ ಆಟೊದ ಪಕ್ಕಿ ಪಂಡ್ದ್ ಪರಿಚಯಿಸವೊಂಡುಂಡು ಉಂದು ಕಾಡುಲೆಡ್ ಬೊಕ್ಕ ಕಾಡುದ ಅಂಚುಲೆಡ್, ಹುಲ್ಲುಗಾವಲುಲೆಡ್ ಬೊಕ್ಕ ಉದ್ಯಾನವನೊಲೆಡ್ ಜೀವನ ಮಲ್ಪುಂಡು.^[೫] ಈ ಜಾತಿ ಅಯಿತ ಮೂಲ ವ್ಯಾಪ್ತಿಡ್ ಸಾಮಾನ್ಯವಾದುಂಡು. ಉಂದು ಆಪೊಗ ಅಪೊಗ ಕೃಷಿ ಭೂಮಿ ಬೊಕ್ಕ ಮಾನವ ವಸತಿಲೆಗ್ ಭೇಟಿ ಕೊರ್ಪುಂಡು. ಹವಾಯಿಡ್ ಪರಿಚಯಿಸಾಯಿನ ಪಕ್ಕಿಲೆನ ಸಂಖ್ಯೆ ಸ್ಥಿರವಾದ್ ಉಂಡು. ಪಶ್ಚಿಮ ಯುರೋಪ್ ದ ಜನಸಂಖ್ಯೆ ಕೆಲವು ವರ್ಷೊಡ್ದಿಂಚಿ ಸಾಮಾನ್ಯ ಫೆಸೆಂಟ್ ಲೆಡ್ದ್ ತುಂಬಿದ್ ಉಂಡು ಬೊಕ್ಕ ಅಲ್ಪ ಪಚ್ಚೆ ಫೆಸೆಂಟ್ ಲು ಇಜ್ಜಿ. ಈ ಜಾತಿನ್ ಬಡಕಯಿ ಅಮೆರಿಕೊಡು ಕೆಲವು ಆಟೊದ ಫಾರ್ಮ್ ಲೆಡ್ ಸಾಮಾನ್ಯ ಫೆಸೆಂಟ್ ನೊಟ್ಟುಗು ಸಂತಾನೋತ್ಪತ್ತಿ ಮಲ್ಪೆರೆ ಬುಡುಗಡೆ ಮಲ್ಪುವೆರ್.^[೩] ಪಚ್ಚೆ ಫೆಸೆಂಟ್ ಬೊಕ್ಕ ಸಾಮಾನ್ಯ ಫೆಸೆಂಟ್ ಜಾತಿಲೆನ ನಡುಟು ನಿಕಟ ಸಂಬಂಧ ಇತ್ತ್ಂಡಲಾ, ಪಚ್ಚೆ ಫೆಸೆಂಟ್ ಜಪಾನ್ ಡ್ ಅಯಿತ ಮೂಲ ವ್ಯಾಪ್ತಿಡ್ ಜಾಸ್ತಿ ಸಾಮಾನ್ಯವಾದುಂಡು. ಸಾಮಾನ್ಯ ಫೆಸೆಂಟ್ ಲೆನ್ ಜಪಾನ್ ಗ್ ಕನತ್ ಂಡಲಾ, ಪಚ್ಚೆ ಫೆಸೆಂಟ್ ಲು ಮುಲ್ಪ ಮಸ್ತ್ ಉಪ್ಪುಂಡು. ಅವು ಬೇತೆ ಬೇತೆ ಪರಿಸರ ಅಗತ್ಯೊಲೆನ್ ಪಡೆಯಿನೆಡ್ದಾವರ ಬೊಕ್ಕ ಪಚ್ಚೆ ಫೆಸೆಂಟ್ ಡ್ದ್ ಸಾಮಾನ್ಯ ಫೆಸೆಂಟ್ ನ ವ್ಯಾಪ್ತಿದ ಪರಿಸರೊಗು ಕಮ್ಮಿ ಹೊಂದಾಣಿಕೆ ಆಪುನೆರ್ದಾತ್ರ ಉಂದು ಆಪುಂಡು ಪನ್ಪಿನ ನಂಬಿಕೆ ಉಂಡು.

ಸಂರಕ್ಷಣೆ

ಪಚ್ಚೆ ಫೆಸೆಂಟ್ ಲೆನ ಸಂಖ್ಯೆ ಕಮ್ಮಿ ಆವೊಂದುಂಡು ಆಂಡಲಾ, ಉಂದು ತೀವ್ರವಾದ್ ಇಜ್ಜಿ. ಸ್ಥಳೀಯ ಬೊಕ್ಕ ರಾಷ್ಟ್ರೀಯ ಮಟ್ಟೊಡು, ಪಚ್ಚೆ ಫೆಸೆಂಟ್ ಲೆನ್ ಕ್ರೀಡಾ ಬೇಟೆ, ಮಾದರಿ ಸಂಗ್ರಹ, ಬೊಕ್ಕ ಸಾಕುಪ್ರಾಣಿ ಅತ್ತಂಡ ಪ್ರದರ್ಶನ ಪ್ರಾಣಿಲೆನ ರೂಪೊಡು ಬಳಕೆ ಮಲ್ಪುವೆರ್. ಈ ಕ್ರಮೊಕುಲೆಡ್ ಒವ್ವೆಲಾ ಅಂತರರಾಷ್ಟ್ರೀಯ ಮಟ್ಟೊಡು ತೋಜುಜಿ. ಜಪಾನ್ ಡ್ 29 ಗೊತ್ತುಪಡಿಸಾಯಿನ 'ಆಟೊದ ಪ್ರಾಣಿಲೆಡ್' ಒಂಜಿ ಪಚ್ಚೆ ಫೆಸೆಂಟ್. ಕಾನೂನುಬದ್ಧವಾದ್ ಬೇಟೆ ಮಲ್ಪೆರೆ ಸಾಧ್ಯ ಆಪಿನ ಒಂಜೇ ಒಂಜಿ ಜಾತಿ ಉಂದು. ಅವೆನ್ ಬೇಟೆ ಮಲ್ಪೆರೆ ಒಂಜಿ ಪರವಾನಗಿ ಬೋಡಾಪುಂಡು.^[೬]

ಉಲ್ಲೇಕೊಲು

↑ "Kokucho (The national bird)". japanlink.co.jp. Archived from the original on 13 September 2014. Retrieved 25 July 2014.
↑ Ramel, Gordon. "Green Pheasants aka Japanese Green Pheasants". Earthlife.net. Retrieved 2016-03-20.
↑ ^೩.೦ ^೩.೧ ^೩.೨ ^೩.೩ Ramel, Gordon. "Green Pheasants aka Japanese Green Pheasants". Earthlife.net. Retrieved 2016-03-20.Ramel, Gordon.
↑ Nicol, C.W. (2005-04-07). "Birds of fine feather -- and taste". The Japan Times. Retrieved 2024-06-10.
↑ Brazil, Mark (2009). Birds of East Asia. Christopher Helm. pp. 40–41. ISBN 978-0-7136-7040-0.
↑ "Wildlife Protection System and Hunting Law, Wildlife Conservation in Japan". Ministry of environment(government of Japan). Retrieved 2020-01-02.

[japanlink-1] "Kokucho (The national bird)". japanlink.co.jp. Archived from the original on 13 September 2014. Retrieved 25 July 2014.

[BoB-2] Ramel, Gordon. "Green Pheasants aka Japanese Green Pheasants". Earthlife.net. Retrieved 2016-03-20.

[auto-3] ೩.೦ ^೩.೧ ^೩.೨ ^೩.೩ Ramel, Gordon. "Green Pheasants aka Japanese Green Pheasants". Earthlife.net. Retrieved 2016-03-20.Ramel, Gordon.

[4] Nicol, C.W. (2005-04-07). "Birds of fine feather -- and taste". The Japan Times. Retrieved 2024-06-10.

[BEA-5] Brazil, Mark (2009). Birds of East Asia. Christopher Helm. pp. 40–41. ISBN 978-0-7136-7040-0.

[6] "Wildlife Protection System and Hunting Law, Wildlife Conservation in Japan". Ministry of environment(government of Japan). Retrieved 2020-01-02.

[೧]

[೨]

[೩]

[೪]

[೫]

[೬]