ಪಣಂಬೂರು

ಪಣಂಬೂರು
ಮಂಗಳೂರು ಮಹಾನಗರಪಾಲಿಕೆ
ನವಮಂಗಳೂರು ಬಂದರ,ಪಣಂಬೂರು ಮಂಗಳೂರು .
ರಾಷ್ಟ್ರ/ದೇಶ	ಇಂಡಿಯಾ
ರಾಜ್ಯ	ಕರ್ನಾಟಕ
ಜಿಲ್ಲೆ	ದಕ್ಷಿಣ ಕನ್ನಡ
ತಾಲೂಕು	ಮಂಗಳೂರು
ಮಹಾನಗರಪಾಲಿಕೆ	ಮಂಗಳೂರು
ಬಂದರ	ನವಮಂಗಳೂರು

ಪಣಂಬೂರು

ಕರ್ನಾಟಕ ರಾಜ್ಯದ ಕರಾವಳಿ ಉಪ್ಪುನು ನಮ್ಮ ಕನ್ನಡ ಜಿಲ್ಲೆಡ್. ಅವಟ್ಟ್ ದಕ್ಷಿಣ ಕನ್ನಡ ಜಿಲ್ಲೆದ ಕರಾವಳಿಲಾ ಒಂಜಿ. ಉಂದು ನಮೊ ಇನಿ ಮಂಗಳೂರುಂದು ಲೆಪ್ಪುಬಿ ಕುಡ್ಲನೆ. ಇಂದೆನ ಕೈತಲ್ದ ಊರು ಪಣಂಬೂರು. ಪಣಂಬೂರು ಪ್ರವಾಸಿ ತಾಣ ಆದ್ ಏತ್ ಪುದರ್ ಪಡೆತ್ಂಡಾ ಆತೇ ಪುದರ್ ಮುಲ್ತ ಬಂದರ್ಡ್ದಾದ್ಲಾ ಪಡೆತ್ಂಡ್. ಪಣಂಬೂರುಡು ಮುಖ್ಯವಾದ್ ಪೊರ್ಲುದ ಕಡಲಕರೆ(ಬೀಚ್) ಉಂಡು. ದಿನ ನಿತ್ಯ ಸಾವಿರಾರ್ ಜನೊ ಈಡೆ ಬರ್ಪೆರ್. ಮುಲ್ತ ನೀರ್ಡ್ ಗೊಬ್ಬುದು ತನ್ಕುಲೆನ ಸಂತೋಷ, ದುಕ್ಕೊಲೆನ್ ಮರಪುವೆರ್. ಈ ಬೀಚ್ ಎತ್ ಪೊರ್ಲ್ ಉಂಡೊ ಆತೆ ಅಪಾಯಲಾ ಅಂದ್. ಮುಲ್ಪ ಬಂದರ್ ಇಪ್ಪಿನೆಡ್ದಾವರ ನಮ್ಮ ಜಿಲ್ಲೆಗ್ ಬೇತೆಬೇತೆ ಕಂಪೆನಿಲು ಬೈದ. ಕುಡಲದ ಎಂಆರ್ ಪಿಎಲ್, ಹೆಚ್ ಪಿಸಿಎಲ್, ಬಿಎಎಸ್ ಎಫ್, ಒಎಂಪಿಎಲ್ ಉಂದು ಪ್ರಮುಖವಾಯಿನವು. ಬಂದರ್ದ ಮೂಲಕೊ ಈ ಕಂಪೆನಿಲೆಗ್ ಬೇತೆ ದೇಶೊಲೆಡ್ದ್ ಕಚ್ಛಾತೈಲ ಬರ್ಪುಂಡು ಅಂಚನೇ ಈ ನಾಡ್ಡ್ದ್ ಬೇತೆ ದೇಶೊಲೆಗ್ ಕರ್ಬೊದ ಅದಿರ್, ಪೆಟ್ರೋಲಿಯಂ ಉತ್ಪನ್ನೊಲು ಪೋಪ. ಉಂದು ಪಿರಾಕ್ಡೇ ಒಂಜಿ ಮಲ್ಲ ಬ್ಯಾರೊದ ಕೇಂದ್ರವಾದ್ ಬುಳೆದ್ಂಡ್. ಅವ್ವತ್ತಂದೆ ಮುಲ್ಪ ರಾಸಾಯಿನಿಕ ಗೊಬ್ಬರೊದ ಉತ್ಪಾದನಾ ಕೇಂದ್ರ (ಎಂ.ಸಿ.ಎಫ್- MCF- Mangalore Chemicals & Fertilizers Ltd) ಉಂಡು.

ನಿರ್ದೇಶಾಂಕೊಲು

ಪಣಂಬೂರುದ (ನವಮಂಗಳೂರು ಬಂದರ ಪ್ರಧಾನ ಪ್ರವೇಶ ದ್ವಾರ) ನಿರ್ದೇಶಾಂಕೊಲು(Coordinates) ಡಿಗ್ರಿ-ಮಿನಿಟ್-ಸೆಕೆಂಡುಲೆಡ್ ಇಂಚ ಉಂಡು:

• ಅಕ್ಷಾಂಶ 12° 56' 10.96" N
• ರೇಖಾಂಶ 74° 49' 06.19" E

ವಿಶೇಷೊಲು

• ಪಣಂಬೂರುಡು ಬಂದರ (ಹಡಗು ನಿಲ್ದಾಣ) ಉಂಡು. ಇಡೆಗ್ ನವ ಮಂಗಳೂರು ಬಂದರ (ಎನ್.ಎಮ್.ಪಿ.ಟಿ, NMPT- New Mangalore Port Trust) ಪನ್ಪೆರ್.
• ಪಣಂಬೂರು ಕಡಲ ಬರೀಟ್ ಉಂಡು.
• ಪಣಂಬೂರುಡ್ ಪ್ರತಿ ವರ್ಷ ಬೀಚ್ ಉತ್ಸವ ಅಪುಂಡು.
• ಹೋವರ್ ಕ್ರಾಫ್ಡ್ ಎರ್ಕುಶನ್ ಎಚ್-೯೧೬ ಕುಡ್ಲದ ಪಣಂಬೂರುಡ್ ಉಂಡು.
• ಪಣಂಬೂರು ಬೀಚ್ ಬಜೀ ಕೇವಲ ಪ್ರವಾಸಿಲೇನ್ ಆಕರ್ಷಣೆ ಮನ್ಪುನ ಮಾತ್ರ ಅತ್ ಬೇತೆ-ಬೇತೆ ಎಡ್ಡೆ-ಎಡ್ಡೆ ರುಚಿಕರ ಆಹಾರಲೇನ್ ಕೋರುಪಿನಾ ಒಂಜಿ ಫುಡ್ ಕೋರ್ಟ್ ಉಂಡು.

ಅಪಾಯ

ಕಡಲ ಕರೆ(ಬೀಚ್)ಟ್ ನೀಂದ್ಯೆರೆ ಪೋತಿನ ಮಸ್ತ ಜೋಕುಲು ನೀರಗ್ ಬೂರ್ದ್ ಪ್ರಾಣ ಬುಡ್ಯೆರ್.