ಪದ್ಮಾವತಿ

ಪದ್ಮಾವತಿ
ಪದ್ಮಾವತಿ
ಬೇತೇ ಪುದರ್ಲು	ಅಲಮೇಲು ಮಂಗ
Affiliation	ಲಕ್ಷ್ಮಿ, ವೈಷ್ಣವರು
ಇಪ್ಪುನ ಜಾಗೆ	ತಿರುಮಲ
ಪ್ರಾಣಿ	ಆನೆ
ವೈಯಕ್ತಿಕ ಇಸಯೊಲು
ಪೋಷಕೆರ್	ಆಕಾಶ ರಾಜ, ಧರಣಿ ದೇವಿ
ಸಂಗಾತಿ	ವೆಂಕಟೇಶ್ವರ

ಪದ್ಮಾವತಿ ಅಲಮೇಲು ಮಂಗಾ ಪಂದ್ ಲೆಪ್ಪುನ ಹಿಂದೂ ದೇವತೆ ಬೊಕ್ಕ ವಿಷ್ಣುನ ರೂಪವಾಯಿನ ವೆಂಕಟೇಶ್ವರನ ಬೊಡೆದಿ. ವಿಷ್ಣುನ ಬೊಡೆದಿ ಆಯಿನ ಲಕ್ಷ್ಮೀ ದೇವಿಯ ಅವತಾರ ಪಂದ್ ವಿವರಿಸಾದೆರ್.

ವೆಂಕಟೇಶ್ವರ ದೇವಸ್ಥಾನೊಗ್ ಭೇಟಿ ಕೊರ್ಪೀನೆಡ್ದು ದುಂಬು

ಪದ್ಮಾವತಿ ಅಮ್ಮನ ದೇವಸ್ಥಾನ, ತಿರುಚಾನೂರ್ ಡ್ ಉಂಡು, ಪ್ರಮುಖ ದೇವಸ್ಥಾನ ತಿರುಪತಿದ ಉಪನಗರವಾಯಿನ ತಿರುಚಾನೂರುಡ್ ಉಪ್ಪುನ ಪದ್ಮಾವತಿ ಅಮ್ಮಾನ ದೇವಾಲಯನ್ ಸಂಪ್ರದಾಯದ ಪ್ರಕಾರವಾದ್ ತಿರುಪತಿಕ್ ಪೋಪಿನ ಪ್ರತಿಯೊರಿಲ ಯಾತ್ರಿಕ ವೆಂಕಟೇಶ್ವರನ ಸಂಗಾತಿನ ಕೇಂದ್ರ ದೇವಸ್ಥಾನೊಗ್ ಪೂಜೆ ಸಲ್ಲಿಸಾವೊಡು.

ದಂತಕಥೆ

ನಾರದೆರ್ ಒರ ಕೆಲವು ಋಷಿನಕುಲು ಪವಿತ್ರ ಯಜ್ಞ ಮನ್ಪುನೇನ್ ಗಮನಿಸಾಯೆರ್. ನಡೆಪಿನ ಯಜ್ಞಕ್ ಯೋಗ್ಯ ದೇವತೆ ಏರ್ ಪಂದ್ ಗೊತ್ತಾವಂದೆ, ನಿರ್ಧಾರ ಮನ್ಪರೆ ಸಾಧ್ಯ ಆವಂದೆ, ಭೃಗು ಋಷಿನ್ ಆ ಕಾರ್ಯಕ್ ನೇಮಿಸಾಯೆರ್. ಭೃಗು ಋಷಿ ಮೂಜಿ ಲೋಕೊಲೆನ್ ಸುತ್ತುದು ಅಯಿಕ್ ಯೋಗ್ಯ ದೇವತೆನ್ ನಾಡರೆ ಪೋಯೆರ್. ಸತ್ಯಲೋಕಗ್ ಭೇಟಿ ಕೊರಿಯೆರ್ , ಬ್ರಹ್ಮನ ಒಂಜಿ ಮೋನೆಡ್ದು ವೇದಲೆನ್ ಪಠಿಸೊಂದು ಇತ್ತೆರ್ , ಕುಡೊಂಜಿ ಮೋನೆಡ್ದ್ ನಾರಾಯಣನ ಪುದರ್ ಉಚ್ಚರಿಸೊಂದು ಇತ್ತೆರ್, ಬೊಕ್ಕ ಮೂಜಿನೇ ಮೋನೆಡ್ ಸರಸ್ವತಿ ದೇವಿನ್ ಒಂದೇ ದೃಷ್ಟಿ ಡ್ ತೂವೊಂದು ನಿರತರಾದ್ ಇತ್ತೆರ್. ಅಂಚಾದ್ ಭೃಗು ಋಷಿನ ಆಗಮನ ಆರ್ ಗಮನಿಸಂದೆ ಪೋಯೆರ್. ಬ್ರಹ್ಮ ಗ್ ಪೂಜೆದಾಂತೆ ಪೋವಡ್ ಪಂದ್ ಶಾಪ ಕೊರ್ದ್ ಭೃಗು ಋಷಿ ಕೈಲಾಸಗ್ ಪೋಯೆರ್ ಅಲ್ಪಲ, ಈಶ್ವರೆ ಬೊಡೆದಿ ಪಾರ್ವತಿನೊಟ್ಟುಗು ಗೊಬ್ಬೊಂದು ಇತ್ತುದು , ಋಷಿ ಲೆನ್ ಗಮನಿಸಂದೆ ಇತ್ತೆರ್. ಗರ್ವ ಬತ್ತಿನ ಭೃಗು ಋಷಿ ಶಿಲಾ ಲಿಂಗಕ್ ಮಾತ್ರ ಪೂಜೆ ಸಲ್ಲಡ್ ಪಂದ್ ಶಾಪ ಕೊರಿಯೆರ್, ಸೀದಾ ವೈಕುಂಠನ್ ತಲುಪಿಯೆರ್. ಅಲ್ಪ ವಿಷ್ಣು ಒರಗುದಿನ ಭಂಗಿಡ್ ತೆಲ್ತೊಂದು ಧ್ಯಾನಿಸುವೊಂದು ಬೊಕ್ಕ ಅರೆನ ಬೊಡೆದಿ ಲಕ್ಷ್ಮೀ ಅರೆನ ಪ್ರೀತಿಡ್ ಸೇವೆ ಮಂತೊಂದು ಇತ್ತೆರ್. ಭೃಗು ಋಷಿ ನ್ ಗಮನಿಸಂದಿನೇಕ್, ಕೋಪ ಬತ್ತಿನ ಭೃಗು ಋಷಿ ವಿಷ್ಣುನ ತಿಗಲೆಗ್ (ಲಕ್ಷ್ಮೀ ನ ಇಲ್ಲ್) ದೊಂಕುದು ಲಕ್ಷ್ಮೀ ನ್ ಕೆರಳಿಸಾಯೆರ್. ಆಂಡಾ ಶಾಂತನಾಯಿನ ವಿಷ್ಣು ಭೃಗು ಋಷಿಡ ಕ್ಷಮೆ ಕೇಂದ್ ಅರೆನ ಕಾರ್ ಒತ್ತುನ ಮೂಲಕ ಋಷಿಗ್ ಸೇವೆ ಸಲ್ಲಿಸಾಯೇರ್. ಉಂದು ಲಕ್ಷ್ಮೀ ಗ್ ನಿರಾಸೆ ಮೂಡುವುದು, ಕೋಪ ಬತ್ತುದು, ವೈಕುಂಠನ್ ಬುಡುದು ಭೂಮಿಗ್ ಪಿದಾಡಿಯೆರ್. ಅತೆಟ್ ವಿಷ್ಣು ವೆಂಕಟೇಶ್ವರನಾದ್ ತಿರುಮಲ ಬೆಟ್ಟೊಡು ಬತ್ತುದು ಲಕ್ಷ್ಮೀನ್ ಧ್ಯಾನಿಸಿಯೆರ್. ಲಕ್ಷ್ಮೀ ಆಕಾಶರಾಜನ ಮಗಳ್ ಪದ್ಮಾವತಿಯಾದ್ ಅವತಾರ ಆಯೆರ್. ರಾಜಕುಮಾರಿ ಪದ್ಮಾವತಿ ಮಸ್ತ್ ಪೊರ್ಲು ಆದ್ ಸುಂದರ ಕನ್ಯೆಯಾದ್ ಬೆಳೆಯೆರ್. ಒಂಜಿ ದಿನ ನಾರದ , ಪದ್ಮಾವತಿ ನ ಅಂಗೈ ತೂದು, ಓದುದು, ಪದ್ಮಾವತಿ ವಿಷ್ಣುವಿನ ಸಂಗಾತಿಯಾಪೊಲು ಪಂದ್ ಭವಿಷ್ಯ ಪನ್ಪೇರ್. ವಿಷ್ಣುನ ಅವತಾರ ಆಯಿನ ಶ್ರೀನಿವಾಸ ಬೇಟೆಗ್ ಕಾಡುಗು ಬತ್ತು ಇತ್ತೆರ್, ಕಾಡ್ಡ್ ಕಾಡಾನೆನ್ ಗಿಡತೊಂದು ಬನ್ನಗ, ಆನೆ ಶ್ರೀನಿವಾಸನ್ ರಾಜಕುಮಾರಿ ಪದ್ಮಾವತಿ ಬೊಕ್ಕ ಆಳೆನ ದಾಸಿನಕುಲು ಗೊಬ್ಬೊಂದಿತ್ತಿನ ಉದ್ಯಾನವನೊಕು ಲೆತ್ತೋಂದು ಪೋಂಡು. ಆನೆದ ನೋಟ ರಾಜಕುಮಾರಿನ್ ಬೊಕ್ಕ ಅರೆನ ಸಖಿನಕಲೆನ್ ಪೂರಾ ಪೋಡಾದ್ ಬುಂಡು. ಶ್ರೀನಿವಾಸ ಆನೆದ ಎದುರು ತೋಜಿನಾಗ, ಅವು ತಕ್ಷಣ ತಿರುಗುದು ನಮಸ್ಕಾರ ಮಂತುದು ಕಾಡ್ ಡ್ ಮರೆಯಾದ್ ಪೋಂಡು. ಶ್ರೀನಿವಾಸ ರಾಜಕುಮಾರಿ ಪದ್ಮಾವತಿನ್ ತೂದು ಅಳೆನ ಬಗ್ಗೆ ದಾಸಿನಕಲೆಡ ವಿಚಾರ ಮಂತೆರ್. ಪದ್ಮಾವತಿನ ಮೋಡಿ ಮನ್ಪುನ ಸೌಂದರ್ಯನ್ ತೂದು ಆಕರ್ಷಿತನಾದ್ ಅಳೆನ್ ಮದುಮೆ ಆಪೆ ಪಂದ್ ಎನ್ನುದು. ಬೊಕ್ಕ ಮದುಮೆದ ಸಮಾರಂಭಗ್ ಕುಬೇರ ದೇವರೆಡ ಸಾಲ ಕೇಂದ್ , ಕಲಿಯುಗದ ಅಂತ್ಯದುಲಯಿ ಅವೆನ್ ಮರು ಪಾವತಿ ಮನ್ಪುವೆರ್ ಪಂದ್ ಭರವಸೆ ಕೊರಿಯೆರ್. ಬೊಕ್ಕ ಶ್ರೀನಿವಾಸನ ಪದ್ಮಾವತಿನ್ ಬಾರೀ ವೈಭವೊಡು ಮದುಮೆ ಆಪೆರ್.

ಸ್ತೋತ್ರೊಲು

ಪದ್ಮಾವತಿ ಹಿಂದೂ ಧರ್ಮದ ಪ್ರಮುಖ ದೇವತೆಯಾದುಲ್ಲೇರ್, ಆರ್ ಲಕ್ಷ್ಮಿ ದೇವೀನ ರಡ್ಡನೇ ಅಂಶವಾದ್ ಭೂಮಿಡ್ ಪೂರೆರ್ಲಾ ಪೂಜೆ ಮನ್ಪುವೆರ್. ಭಗವಂತನ ಅನುಗ್ರಹೊನ್ ಪಡೆಯೆರೆ ಲಕ್ಷ್ಮೀ ನ ಮಧ್ಯಸ್ಥಿಕೆ ಅನಿವಾರ್ಯವಾಗಿದುಂಡು ಪಂದ್ ನಂಬುದೆರ್.ಲಕ್ಷ್ಮೀ ಸರ್ವವ್ಯಾಪಿ, ಅಪರಿಮಿತ ಬೊಕ್ಕ ಶ್ರೀ ವೈಷ್ಣವರೆನ ಅಕೊಲುಟ್ಟುಗ್ ವಿಷ್ಣುನ ಒಟ್ಟುಗ್ ಮೋಕ್ಷ ಕೊರ್ಪಿನಕುಲುಲ ಪಂದ್ ನಂಬುದೆರ್. ಉಂದು ನಮ್ಮಾಳ್ವಾರ್ ಅರೆನ ತಿರುವಾಯ್ಮೊಳಿಡ್ ಪದ್ಮಾವತಿಯನ್ನು ಇಂಚಾ ಪುಗರುದೆರ್. ರತ್ನಖಚಿತ ಭಗವಂತೆ ತಂಪಾದ ವಾತಾವರಣೊರಡು ಒರಗುದು ಕುಲ್ಲುದೆರ್. ಅರೆನ ಕಾಂತಿಯುತವಾಯಿನ ತಿಗಲೆದ ಮಿತ್ತು, ಕಮಲೊಡು ಲಕ್ಷ್ಮೀ ವಾಸ ಮ೦ತೊ೦ದು ಉಲ್ಲೆರ್, ಯೋಗ್ಯವಾಯಿನ ಗರುಡನೊಟ್ಟುಗ್ ಸಂತೋಷದ ಸವಾರಿ ಮಂತುದು, ಅವೇತೊ ಅಸುರೆರ್ ನ್ ನಾಶಮಂದಿನಾರ್, ನಮ್ಮ ದೆವೆರ್.

ಪೊಸ ಸುಪ್ರಭಾತೊ

ಉಂದು ಪೊಸ ಸುಪ್ರಭಾತೊನು ಪದ್ಮಾವತಿಯ ಪೂಜೆಕ್ ಸೂಕ್ತವಾದ್ ಕೊರ್ತೆರ್.

मातस्समस्तजगतां मधुकैटभारेः वक्षोविहारिणि मनोहरदिव्यमूर्ते । श्रीस्वामिनि श्रितजनप्रियदानशीले

श्रीवेङ्कटेशदयिते तव सुप्रभातम्

ಮಾತಸ್ಸಮಸ್ತಜಗತಾಂ ಮಧುಕೈಟಭಾರೇಃ ವಕ್ಷೋವಿಹಾರಿಣಿ ಮನೋಹರದಿವ್ಯಮೂರ್ತೇ । ಶ್ರೀಸ್ವಾಮಿನಿ ಶ್ರಿತಜನಪ್ರಿಯದಾನಶೀಲೆ

ಶ್ರೀವೇಂಕಟೇಶದಯಿತೇ ತವ ಸುಪ್ರಭಾತಮ್