ಪೆಲತ್ತರಿ

ಪೆಲತ್ತರಿ

ಪೆಲತ್ತರಿ ಪೆಲಕಾಯಿದ ಉಲಾಯಿ ಇಪ್ಪುನಂಚಿನ ಬಿತ್ತ್. ಉಂದೆನ ಬಡವೇರ್ನ ತೆತ್ತಿ ಪಂದ್ ಪನ್ಪೆರ್.

ಉಪಯೋಗುಲು

• ಉಂದೆನ್ ಬೇತೆ ಬೇತೆ ತರಕಾರಿ ದೊಟ್ಟು ಬೆರಕೆ ಪಾಡುವೆರ್.
• ಪೆಲತ್ತರಿನ್ ಕಾಯದ್ ತಿನ್ಪೇರ್. ಬೆಯ್ಪದ್ ಲಾ ತಿನ್ಪೆರ್.
• ಆಟಿ ಅಮಾಸೆ ದಾನಿ ಮರ್ದ್ ದೊಟ್ಟು ತಿನ್ಪೆರ್,
• ಮರಿಯಾಲ ಗ್ ಹೆಚ್ಚಾದ್ ಉಂದೆತ್ತ ಕಜಿಪು ಮಲ್ಪುವೆರ್.
• ಅಂಚನೆ ಉಂದೆತ್ತ ಜ್ಯೂಸ್ ಲಾ ಮಲ್ಪುವೆರ್.
• ಮರಿಯಾಲಡ್ ದಿಕ್ಕೆಲ್ ದ ಮಿತ್ ಪಾಡ್ದ್ ಅವ್ವೇನ್ ನುಂಗಾದ್ ಬರ್ಸ ಬರ್ಪಿನ ವೇಲೆಡ್ ತಿನ್ಪೇರ್

ಕಜಿಪು

ಪೆಲತ್ತರಿನ ಬೇತೆ ಬೇತೆ ನಟ್ಟಿಕಾಯಿದೊಟ್ಟುಗ್ ಪಾಡ್ದ್ ಕಜಿಪು ಮಲ್ಪುವೇರ್

• ತೌತೆದ ಒಟ್ಟುಗು ಬೆರಕೆ ಪಾಡುವೇರ್

ತೌತೆದ ಕಜಿಪುಗು ಅರೆಪು ಕೂಟುನ ದುಂಬು ಐಕ್ ಪೆಲತ್ತರಿನ್ ಗುದ್ದುದು ಪಾಡೋಡು. ತೌತೆ ಬುಕ್ಕೊ ಅವ್ವೆನ್ ಒಟ್ಟಿಗೆ ಬೇಯ್ಪಾದ್ ಐಕ್ ಅರೆಪು ಕೂಟೊಡು.

• ಬಸಳೆದೊಟ್ಟುಗ್ ಪಾಡ್ದ್ ಕಜಿಪು ಮಲ್ಪುವೇರ್

ಬಸಳೆದ ದಂಟ್ ಬುಕ್ಕೊ ಪೆತ್ತರಿನ್ ಒಟ್ಟಿಗೆ ಬೇಯ್ಪಾವೋಡು. ಅವ್ ಬೇಯೋಂದು ಬನ್ನಾಗ ಐಕ್ ಅರೆಪುನು ಕೂಟೊಡು.

• ತೊಜಂಕ್ ದೊಟ್ಟುಗು ಪಾಡ್‌ದ್ ಸುಕ್ಕ ಮಲ್ಪುವೇರ್

ತೊಜಂಕ್ ನ್ ಸುರುಕ್ಕು ಬೇಯ್ಪಾವೋಡು. ಆಯ್ ಬುಕ್ಕೊ, ಐತ್ತೊಟ್ಟಿಗೆ ಪೆಲತ್ತರಿನ್ ಲಾ ಬೇಯ್ಪಾದ್ ಪಾಡೋಡು. ಬುಕ್ಕೊ ಸಾಮಾನುಲೇನ್ ಕಡೆತ್ತಿನ ಅರೆಪ್ಪುನು ಸುಕ್ಕೊಗು ಪಾಡೋಡು. ಬುಕ್ಕೊ ಒಗ್ಗರಣೆ ದಿಯೋಡು.

• ಪೆಲತ್ತರಿಡ್ ಆಜಾವೇರ್

ಪೆಲತ್ತರಿನ್ ಸಣ್ಣ ಗುದ್ದುಡು ನೀರ್ ಡ್ ಬೇಯ್ಪಾವೋಡು. ಬುಕ್ಕೊ ಐಕ್ ಜೀರಿಗೆ, ದಾಸೆಮಿ, ತಾರಾಯಿ, ಮುಂಚಿ ಪಾಡ್ದ್ ಅರೆಪು ಮಲ್ಪೊಡು. ಬುಕ್ಕೊ ಅವ್ವೇನ್ ಪೆಲತ್ತರಿಗ್ ಪಾಡೋಡು. ರುಚಿಕ್ ಬೋಡಾಯಿನಾತ್ ಉಪ್ಪು ಪಾಡೋಡು.