ಪ್ರಕಾಶ್ ರೈ

ಪ್ರಕಾಶ್ ರೈ / ಪ್ರಕಾಶ್ ರಾಜ್
ಪ್ರಕಾಶ್ ರೈ
ಪುಟ್ಟಿನ	ಮಾರ್ಚ್ ೨೬, ೧೯೬೫ ಪುತ್ತೂರು, ಕರ್ನಾಟಕ
ರಾಷ್ಟ್ರೀಯತೆ	ಭಾರತೀಯೆ
ವೃತ್ತಿ(s)	ಚಲನಚಿತ್ರ ನಟೆ, ನಿರ್ಮಾಪಕೆ, ನಿರ್ದೇಶಕೆ
ವರ್ಷಗಳು; ಸಕ್ರಿಯ	1986 ರ್ದ್ - ಇನಿಮುಟ್ಟ
ಸಂಗಾತಿ	ಪೋನಿ ವರ್ಮಾ
ಪ್ರಶಸ್ತಿಗಳು	ಮಾನಾದಿಗೆದ ಪಟ್ಟಿ

ಪ್ರಕಾಶ್ ರೈ (ಜನನ: 26 ಮಾರ್ಚ್ 1965) ಮೇರ್ ಭಾರತೀಯ ನಟೆ, ಚಲನಚಿತ್ರ ನಿರ್ದೇಶಕೆ, ನಿರ್ಮಾಪಕೆ, ದೂರದರ್ಶನ ನಿರೂಪಕೆ ಅಂಚನೆ ರಾಜಕಾರಣಿಲಾ ಅಮದ್. ತೆಲುಗು, ತಮಿಳ್, ಕನ್ನಡ, ಹಿಂದಿ ಬೊಕ್ಕ ಮಲಯಾಳಂ ಬಾಸೆದ ಚಲನಚಿತ್ರೊಲೆಡ್ ನಟನೆ ಮಲ್ದೆರ್. ಮೆರೆಗ್ ಐನ್ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಲು, ಎಡ್ಲ ನಂದಿ ಪ್ರಶಸ್ತಿಲು, ಎಡ್ಮ ತಮಿಳುನಾಡು ರಾಜ್ಯ ಚಲನಚಿತ್ರ ಪ್ರಶಸ್ತಿಲು, ಐನ್ ಫಿಲ್ಮ್‌ಫೇರ್ ಅವಾರ್ಡ್ ಸೌತ್, ನಾಲ್ ಸೈಮಾ ಪ್ರಶಸ್ತಿಲು ಇಂಚ ಸುಮಾರ್ ಪ್ರಶಸ್ತಿಲು, ಮೂಜಿ ಸಿನೆಮಾ ಪ್ರಶಸ್ತಿಲು ಅಂಚನೆ ಮೂಜಿ ವಿಜಯ್ ಪ್ರಶಸ್ತಿಲೆನ್ ಗೆಂದ್‍ದೆರ್.

ಪುಟ್ಟು ಬೊಕ್ಕ ಕಲ್ಪಾಟಿಕೆ

ನಮ್ಮ ಪುತ್ತೂರುದ ಪ್ರಕಾಶ್ ರೈ ಪುಟ್ಟಿನಿ 26 ಮಾರ್ಚ್ 1965ಗ್. ಪ್ರಸಾದ್ ರಾಜ್ ಮೆರೆನ ಮೆಗ್ಯೆ ಮೇರ್ಲಾ ಒರಿ ನಟೆ. ಪ್ರಕಾಶ್ ರೈ ಮೇರ್ ಸೇಂಟ್ ಜೋಸೆಫ್ಸ್ ಇಂಡಿಯನ್ ಹೈಸ್ಕೂಲ್‍ಡ್ ಸಾಲೆದ ಶಿಕ್ಷಣೊನ್ ಅಂಚನೆ ಬೆಂಗಳೂರ್‍ದ ಸೇಂಟ್ ಜೋಸೆಫ್ಸ್ ಕಾಲೇಜ್‍ಡ್ ಕಾಮರ್ಸ್ ವಿಭಾಗೊಡ್ ಅಧ್ಯಯನ ಮಲ್ತೆರ್. ಕೆ.ಬಾಲಚಂದ್ರ ತಮಿಳ್‍ದ ಪುದರ್ ಪೋತಿನ ನಿರ್ದೇಶಕೆ ಅರೆನ ಸಲಹೆದ ಪ್ರಕಾರೊ ಪ್ರಕಾಶ್ ರೈ ಅರೆನ ಪುದರ್ ನ್ ಪ್ರಕಾಶ್ ರಾಜ್ ಪಂಡ್‍ದ್ ಬದಲಾವಣೆ ಮಲ್ತೆರ್. ಆಂಡ ಕರ್ನಾಟಕೊಡ್ ಇತ್ತೆಲಾ ಮೆರೆನ್ ಪ್ರಕಾಶ್ ರೈ ಪಂಡ್‍ದೇ ಲೆಪ್ಪುವೆರ್.
ಮೇರ್ 1994ನೇ ಇಸವಿಡ್ ಲಲಿತಾ ಕುಮಾರಿ ಪನ್ಪಿನರೆನ್ ಮದಿಮೆ ಆಯೆರ್. ದಂಪತಿಲೆಗ್ ಮೇಘನಾ ಬೊಕ್ಕ ಪೂಜಾ ಪನ್ಪಿನ ರಡ್ಡ್ ಪೊಣ್ಣು ಜೋಕುಲು ಉಲ್ಲೆರ್. ದಂಪತಿಲೆಗ್ 2009ಡ್ ವಿಚ್ಛೇದನೆ ಆಂಡ್. ಅವೆರ್ದ್ ಬೊಕ್ಕ , ಮೇರ್ 24 ಆಗಸ್ಟ್ 2010 ನೆ ಇಸವಿಡ್ ನೃತ್ಯ ಸಂಯೋಜಕಿ ಪೋನಿ ವರ್ಮಾ ಪನ್ಪಿನರೆನ್ ವಿವಾಹವಾದರು. ದಂಪತಿಲೆಗ್ ವೇದಾಂತ್ ಪನ್ಪಿನ ಒರಿ ಮಗೆ ಉಲ್ಲೆ.

ಸಿನಿಮೊಲು

ಪ್ರಕಾಶ್ ರೈ ಮೇರ್ ದೂರದರ್ಶನೊದ ಬಿಸಿಲು ಕುದುರೆ ಪನ್ಪಿನ (ಕನ್ನಡ) ಬೊಕ್ಕ ಗುಡ್ಡದ ಭೂತ (ತುಳು ಬೊಕ್ಕ ಕನ್ನಡ) ಧಾರಾವಾಹಿಲೆಡ್ ಬಣ್ಣೊ ಪೂಜಿದ್ ವೃತ್ತಿಜೀವನೊನ್ ಸುರು ಮಲ್ತೆರ್. ಅವೆರ್ದ್ ಬೊಕ್ಕ ರಾಮಾಚಾರಿ, ರಣಧೀರ, ನಿಷ್ಕರ್ಷ ಬೊಕ್ಕ ಲಾಕಪ್ ಡೆತ್ ಇಂಚಿನ ಸಿನಿಮೊಲೆಡ್ ಅಭಿನಯ ಮಲ್ದೆರ್. ಇಂಚ ಸಿನಿಮೊಲೆಡ್ ನಟೆ ಮಾತ್ರ ಅತ್ತಂದೆ ನಿರ್ದೇಶಕೆ ಬೊಕ್ಕ ನಿರ್ಮಾಪಕೆ ಆದ್ಲಾ ಬೇಲೆ ಮಲ್ದೆರ್.

ಮಾನಾದಿಗೆಲು

ನಂದಿ ಪ್ರಶಸ್ತಿಲು

ವರ್ಷ	ಸಿನಿಮೊ	ವರ್ಗೊ	ಪಲಿತಾಂಸ	ಉಲ್ಲೇಕೊ
1996	ಗನ್‍ಶಾಟ್	ಬೆಸ್ಟ್ ವಿಲನ್	ಗೆಂದ್ಯೆರ್
1998	ಅಂತಹಪುರಂ	ಅತ್ಯುತ್ತಮ ನಟೆ	ಗೆಂದ್ಯೆರ್
2000	ಆಝಾದ್		ಗೆಂದ್ಯೆರ್
2002	ಖಡ್ಗಂ	ಅತ್ಯುತ್ತಮ ನಟೆ	ಗೆಂದ್ಯೆರ್
2003	ಅಮ್ಮ ನನ್ನ ಒ ತಮಿಲಾ ಅಮ್ಮಾಯಿ	ಅತ್ಯುತ್ತಮ ನಟೆ	ಗೆಂದ್ಯೆರ್
	ಗಂಗೋತ್ರಿ	ಬೆಸ್ಟ್ ವಿಲನ್	ಗೆಂದ್ಯೆರ್
2006	ಬೊಮ್ಮಾರಿಲ್ಲು	ಅತ್ಯುತ್ತಮ ಪೋಷಕ ನಟೆ	ಗೆಂದ್ಯೆರ್
2011	ದೂಕುಡು		ಗೆಂದ್ಯೆರ್

ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಲು

ವರ್ಷ	ಸಿನಿಮೊ	ಬಾಸೆ	ವರ್ಗೊ	ಪಲಿತಾಂಸ	ಉಲ್ಲೇಕೊ
1997	ಇರುವರ್	ತಮಿಳ್	ಅತ್ಯತ್ತಮ ನಟೆ	ಗೆಂದ್ಯೆರ್
1998	ಅಂತಹಪುರಂ	ತೆಲುಗು	ಸ್ಪೆಷಲ್ ಮೆನ್ಶನ್	ಗೆಂದ್ಯೆರ್
2002	ಧಯ	ತಮಿಳ್	ಸ್ಪೆಷಲ್ ಜ್ಯೂರಿ ಪ್ರಶಸ್ತಿ	ಗೆಂದ್ಯೆರ್
2007	ಕಾಂಚಿವರಂ		ಅತ್ಯುತ್ತಮ ನಟೆ	ಗೆಂದ್ಯೆರ್
2010	ಪುಟ್ಟಕ್ಕನ ಹೈವೇ	ಕನ್ನಡ	ಕನ್ನಡದ ಅತ್ಯುತ್ತಮ ಚಲನಚಿತ್ರೊ (ನಿರ್ಮಾಪಕೆ ಆದ್)	ಗೆಂದ್ಯೆರ್