ಬಾಲ ಗಂಗಾಧರ ತಿಲಕ

ಲೋಕಮಾನ್ಯ ಬಾಲ ಗಂಗಾಧರ ತಿಲಕ
ಬಾಲ ಗಂಗಾಧರ ತಿಲಕ್, ಸುಮಾರು 1900
ಪುಟ್ಟು	ಕೇಶವ ಗಂಗಾಧರ ತಿಲಕ್ (1856-07-23)23 ಜುಲೈ 1856 Ratnagiri, ಬಾಂಬೆ ಪ್ರೆಸಿಡೆನ್ಸಿ, ಬ್ರಿಟಿಷ್ ಭಾರತ
ಸಾವು	1 August 1920(1920-08-01) (aged 64) Bombay, ಬಾಂಬೆ ಪ್ರೆಸಿಡೆನ್ಸಿ, ಬ್ರಿಟಿಷ್ ಭಾರತ (ಇತ್ತೆದ ಮುಂಬೈ, ಮಹಾರಾಷ್ಟ್ರ, ಭಾರತ)
ಬೇತೆಪುದರ್ಲು	ಭಾರತೀಯ ಅಶಾಂತಿಯ ತಂದೆ ಆಧುನಿಕ ಭಾರತದ ನಿರ್ಮಾತ
ಬೇಲೆ ಲು	ಲೇಖಕ, ರಾಜಕಾರಣಿ, ಸ್ವಾತಂತ್ರ್ಯ ಹೋರಾಟಗಾರ
ರಾಜಕೀಯ ಪಕ್ಷೊ	ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್
ಚಳುವಳಿ	ಭಾರತೀಯ ಸ್ವಾತಂತ್ರ್ಯ ಚಳವಳಿ ಭಾರತೀಯ ಹೋಂ ರೂಲ್ ಚಳವಳಿ
ಸಂಗಾತಿ	ಸತ್ಯಭಾಮಾಬಾಯಿ ತಿಲಕ್
ಜೋಕುಲು	೩
ದಸ್ಕತ್

ಬಾಲ ಗಂಗಾಧರ ತಿಲಕ್ ((ಪುಟ್ಟು: ಕೇಶವ ಗಂಗಾಧರ ತಿಲಕ (ಉಚ್ಚಾರಣೆ: [keʃəʋ ɡəŋɡaːd̪ʱəɾ ʈiɭək]); ೨೩ ಜುಲೈ ೧೮೫೬ – ೧ ಆಗಸ್ಟ್ ೧೯೨೦), ಭಾರತದ ರಾಷ್ಟ್ರೀಯ ರಾಷ್ಟ್ರೀಯ ಕಾರ್ಯಕರ್ತೆ ಬೊಕ್ಕ ಸ್ವಾಯತ್ತ ಕಾರ್ಯಕರ್ತೆ ಆದಿತ್ತೆರ್ ಸ್ವಾತಂತ್ರ್ಯ ಚಳುವಳಿ. ಲಾಲ್ ಬಾಲ್ ಪಾಲ್ ಟ್ರಯಂವೈರೇಟ್ ದ ಮೂಜಿ ಭಾಗೊಡ್ ಒಂಜಿ ಭಾಗೊ ಆದಿತ್ತೆರ್. ಗೌರವಾನ್ವಿತ "ಲೋಕ್ಮನ್ಯ" (ಅರ್ಥ "ಜನಕುಲು ಅಕ್ಲೆನ ನಾಯಕೆರಾದ್ ಸ್ವೀಕಾರ ಮಲ್ತೆರ್") ನ್ ಅರೆನ ಬೆಂಬಲಿಗೆರ್ ಅರೆಗ್ ಅನ್ವಯಿಸಯೆರ್.

ಬಾಲ್ಯ ಬುಕ್ಕೊ ವಿದ್ಯಾಭ್ಯಾಸೊ

ತಿಲಕೆರ್ ಪುಟ್‌ದಿನಿ ೧೮೫೬ನ ಜುಲೈ ೨೩ನಾನಿ ಮಹಾರಾಷ್ತ್ರದ ರತ್ನಗಿರತ ಮಧ್ಯಮ ವರ್ಗದ ಕುಟುಂಬವೊಂಜೆಡ್. ಚತುರ ವಿದ್ಯಾರ್ಥಿಯಾದಿತ್ತಿನ ತಿಲಕೆರ್ ಗಣಿತೊಡು ವಿಶೇಷ ಪ್ರತಿಭೆಯಿತ್ತ್ಂಡ್. ಕಾಲೇಜ್ ಶಿಕ್ಷಣ ಪಡೆಯಿನ ಪೊಸ ಪೀಳಿಗೆದ ಜವ್ವನೆರೆಡ್ ಬಾಲ ಗಂಗಾಧರ ತಿಲಕೆರ್‌ಲ ಒರಿಯಾದಿತ್ತೆರ್. ಪದವಿ ವಿದ್ಯಾಭ್ಯಾಸೊಡ್ದು ಬುಕ್ಕೊ ಪೂಣಾಡ್ ಖಾಸಗೀ ಶಾಲೆ ಒಂಜೆಡ್ ಗಣಿತ ಶಿಕ್ಷಕರಾದ್ ಸೇರ್ದ್ ಅವೆನ್ ಬುಡ್ದು ಬುಕ್ಕೊ ಪತ್ರಕರ್ತರಾಯೆರ್. ಪಾಶ್ಚಿಮಾತ್ಯ ಶಿಕ್ಷಣ ಪಧ್ಧತಿ ಭಾರತೀಯ ಪರಂಪರೆನ್ ಅವಹೇಳನ ಮನ್ಪುನಂಚಿನ ಅಂಚನೆ ಭಾರತದ ವಿದ್ಯಾರ್ಥಿಲೆನ್ ಕೀಳು ಮಟ್ಟಡ್ ತೂಪಿನಂಚಿನವು ಪನ್ಪಿ ನಿರ್ಧಾರೊಗು ಬತ್ತಿನ ಆರ್ ಈ ಪಧ್ಧತಿನ್ ಟೀಕೆ ಮಲ್ಪುನಾರಾಯೆರ್. ವಿದ್ಯಾರ್ಥಿಲೆಗ್ ಎಡ್ಡೆ ಶಿಕ್ಷಣ ತಿಕ್ಕೊಡು ಪನ್ಪಿನ ಉದ್ದೇಶೊಡು ಪುಣೆಡ್ ಡೆಕ್ಕನ್ ಎಜುಕೇಶನ್ ಸೊಸೈಟಿನ್ ತಾಪನೆ ಮಲ್ತೆರ್.

ರಾಜಕೀಯ ಜೀವನ

ತಿಲಕೆರ್ ಸುರು ಮಲ್ತಿನ "ಕೇಸರಿ" ಮರಾಠಿ ಪತ್ರಿಕೆ ಮಸ್ತ್ ಬೇಗನೆ ಜನಸಾಮಾನ್ಯರೆ ಬಾಯಿಡ್ ಯಾಪಲ ಒರಿಪಿಲೆಕ್ಕಾಂಡ್. ಭಾರತದ ನಾಗರೀಕೆರೆನ್, ಸಂಸ್ಕೃತಿನ್, ಪರಂಪರೆನ್ ತೆಗಳುನ ಬ್ರಿಟಿಷ್ ಅಧಿಕಾರೊದ ಬಗ್ಗೆ ಟೀಕೆನ್ ಕೇಸರಿ ಪತ್ರಿಕೆದ ಮುಖಾಂತರ ಮಲ್ತೊಂದಿತ್ತೆರ್. ಭಾರತೊದಕುಲೆಗ್ ಸ್ವರಾಜ್ಯದ ಹಕ್ಕನ್ ಬುಡ್ದು ಕೊರೊಡುಂದು ಅರೆನ ವಾದನು ಪ್ರತಿಪಾದಿಸಿದೆರ್. ೧೮೯೦ ತ ದಶಕಕೊಡು ತಿಲಕೆರ್ ಕಾಂಗ್ರೆಸ್ ಸೇರ್ದೆರ್, ಮಸ್ತ್ ಬೇಗ ಸ್ವಾತಂತ್ರ್ಯ ಪೊರಂಬಾಟೊಡು ಅಯಿತ ಉದಾರೀ-ಸೌಮ್ಯವಾದೀ ಧೋರಣೆದ ವಿರೋಧಕೆರಾಯೆರ್. ಗೋಪಾಲ ಕೃಷ್ಣ ಗೋಖಲೆನ ಸೌಮ್ಯವಾದೀ ನೀತಿದ ಕಟು ಟೀಕಾಕಾ್ರೆರಾಯೆರ ಉಂದೆಟ್ ತಿಲಕೆರೆಗ್ ಬಂಗಾಳದ ಬಿಪಿನ ಚಂದ್ರ ಪಾಲ್ ಬುಕ್ಕೊ ಪಂಜಾಬ್‌ದ ಲಾಲ್ ಲಜಪತ ರಾಯ್‌ರ್ ಬೆರಿಸಹಯೊ ಕೊರಿಯೆರ್.೧೯೦೭ಡ್ ಸೂರತ್ ಅಧಿವೇಶನೊಡು ಕಾಂಗ್ರೆಸ್ ತಿಲಕ,ಪಾಲ್ ಬುಕ್ಕೊ ರಾಯ್ ನೇತ್ಳತ್ವೊಡು "ಗರಂ ದಳ" ("ಬಿಸಿ ಗುಂಪು") ಬುಕ್ಕೊ ಗೋಖಲೆನ ನೇತ್ಳತ್ವಡು "ನರಂ ದಳ" ("ಮೆದು ಗುಂಪು") ಪಂದ್ ರಡ್ಡ್ ಭಾಗವಾಂಡ್. ರಾಜದ್ರೋಹದ ಆರೋಪದ ಮಿತ್ತ್ ೧೯೦‍೬ಡ್ ಬಂಧನ ಆಯಿನ ತಿಲಕೆರ್ ತಮ್ಮ ಪರವಾದ್ ವಕಾಲತ್ತು ವಹಿಸೊನಿಯೆರೆ ಯುವ ವಕೀಲ ಮಹಮದ್ ಆಲಿ ಜಿನ್ನೆರೆಡ ಕೇಡೊಂನಿಯೆರ್. ಆಂಡಲ, ಬ್ರಿಟಿಷ್ ನ್ಯಾಯಾಧೀಶೆರೆಡ್ದ್ ಅಪರಾಧಿ ಪನ್ಪಿನ ತಿರ್ಮನೊಡು, ೧೯೦೮ ರಿಂದ ೧೯೧೪ರಮುಟ್ಟ ಬರ್ಮಾ ದೇಶದ ಮಂಡಾಲೆಡ್ ಸೆರೆವಾಸ ಅನುಭವಿಸದೆರ್. ಬುಡುಕಟ್ಟ್ ಆಯಿನೆಡ್ದ್ ಬುಕ್ಕೊ ಸಹ- ರಾಷ್ಟ್ರೀಯವಾದಿಲೆನೊಟ್ಟುಗು ಸೇರೊಂದು ತಿಲಕೆರ್, ೧೯೧೬ಡ್ ಕಾಂಗ್ರೆಸ್ಸನ್ನು ಪಿರ ಒಟ್ಟುಗೂಡಿಸಿದೆರ್. ಅಖಿಲ ಭಾರತ ಹೋಂ ರೂಲ್ ಲೀಗನ್ ತಾಪನೆ ಮಲ್ಪೆರೆ ಆನಿ ಬೆಸೆಂಟ್ ಬುಕ್ಕೊ ಮಹಮದ್ ಆಲಿ ಜಿನ್ನೆರೆಗ್ ಸಹಕಾರ ಕೊರಿಯೆರ್. ಉಂದೆತ ಮುಖಾಂತರ ಸ್ವಾತಂತ್ರ ಹೋರಾಟ ಶುರು ಮಲ್ತೆರ್.

ತಿಲಕೆರೆನ ಕೊಡುಗೆ

ಸ್ವರಾಜ್ಯ ಬುಕ್ಕೊ ರಾಜಕೀಯ ಸ್ವಾತಂತ್ರ್ಯೊಗೋಸ್ಕರ ಪೊರಂಬಾಟೊನು ಜನೊಕುಲೆನಾಡೆ ಮುಟ್ಟ ಕೋನಯಿನ ತಿಲಕೆರೆನ್ ಸ್ವಾತಂತ್ರ್ಯ ಚಳುವಳಿದ ಜನಕೆ ಪಂದ್ ಜನೊಕುಲು ಎನ್ನಿದಿತ್ತೆರ್. ಭಾರತದ ಸಂಸ್ಕೃತಿ, ಇತಿಹಾಸ ಬುಕ್ಕೊ ಧರ್ಮದ ಬಗೆತ ಲೇಖನೊಲೆಡ್ದ್ ಲಕ್ಷಾಂತರ ಭಾರತೀಯೆರೆಗ್ ನಮ್ಮ ಭವ್ಯ ಪರಂಪರೆತ ಅಂಚನೆ ನಾಗರೀಕತೆತ ಬಗ್ಗೆ ತಿಳುವಳಿಕೆ ಮಲ್ತ್ ಕೊರಿಯೆರ್ ಅಂಚನೆ ಅಕುಲೆಗ್ ನಮ್ಮ ನಾಡ್‌ದ ಮಿತ್ತ್ ಮೋಕೆ ಪುಟ್ಟುಲೆಕ್ಕ ಮಲ್ತೆರ್. ಬಾಲ ಗಂಗಾಧರ ತಿಲಕೆರೆನ್ ಭಾರತದ ರಾಜಕೀಯ ಅಂಚನೆ ಆಧ್ಯಾತ್ಮಿಕ ನಾಯಕೆರಾದ್‌ಲ, ಮಹಾತ್ಮಾ ಗಾಂಧಿನ್ ಅರೆನ ಉತ್ತರಾಧಿಕಾರಿಂದ್ ಮಸ್ತ್ ಜನೊಕುಲು ಎನ್ನಿದಿತ್ತೆರ್. ೧೯೨೦ರಲ್ಲಿ ತಿಲಕರು ತೀರಿಕೊಂಡಾಗ, ಅವರ ಅಂತ್ಯಕ್ರಿಯೆಡ್ ಪಾಲ್ ಪಡೆತಿನ ೨೦೦,೦೦೦ ಜನೊಕುಲೆಡ್ ಮಹಾತ್ಮಾ ಗಾಂಧಿ ಮಾತ್ರ ತಿಲಕೆರೆನ್ "ಭಾರತೊಡು ಚಳುವಳಿದ ಜನಕ" (Father of Unrest in India) ಪಂದ್ ವರ್ಣನೆ ಮಲ್ತೆರ್. ಇನಿಕ್‌ಲ ಹಿಂದೂ ರಾಷ್ಟ್ರೀಯವಾದೊಗು ಮೂಲ ಪಂಡ ತಿಲಕೆರ್ಂದೇ ಪನೊಂದುಲ್ಲೆರ್.

ಗ್ರಂಥೊಲು

೧೯೦೩ಡ್ ಬಾಲ ಗಂಗಾಧರ ತಿಲಕೆರ್ Arctic Home in the Vedas ಪನ್ಪಿ ಗ್ರಂರ್ಥೊನು ಬರೆತ್, ಅವೆಟ್ ಖಗೋಳಶಾಸ್ತ್ರದ ಆಧಾರದ ಮಿತ್ತ್ ವೇದಲೆನ್ ಧ್ರುವ ಪ್ರದೇಶೊಡು ಮಾತ್ರ ಸೃಷ್ಟಿ ಮಲ್ತ್‌ದುಪ್ಪೆರೆ ಸಾಧ್ಯ ಪಂದ್ ವಾದಿ ಮಲ್ಪುವೆರ್. ಕಡೆತ ಮಂಜಿನ ಯುಗ ಶುರುವಾಯಿ ಬುಕ್ಕೊ ಅಲ್ಪಡ್ದ್ ದಕ್ಷಿಣದ ಕಡೆ ಬತ್ತಿನ ಆರ್ಯರೆ ಮುಖಾಂತರ ಅವು ದಕ್ಷಿಣ ದೇಶೊಲೆಗ್ ಮುಟ್ಟ್ಂಡ್ಂದ್ ಆರ್ ಪ್ರತಿಪಾದಿಸದೆರ್. The Orion, ಅತ್ತ್ಂಡ ವೇದೊಲೆನ ಪ್ರಾಚೀನತೆದ ಸಂಶೋಧನೆಲು ಪನ್ಪಿ ಬೂಕುಡು ವೇದ ಕಾಲದ ಜನೊಕುಲು ಕ್ರಿ.ಪೂ. ೪ನೆತ ಸಹಸ್ರಮಾನದಾತ ದುಂಬೆ ಭಾರತೊಡು ನೆಲೆಯಾದಿತ್ತೆರ್ ಪಂದ್ ಖಗೋಳಶಾಸ್ತ್ರದ ಆಧಾರದ ಮಿತ್ತ್ ಪ್ರತಿಪಾದಿಸದೆರ್ ತಿಲಕೆರೆನ "ಗೀತಾರಹಸ್ಯ ಅತ್ತ್ಂಡ ಜೀವನಧರ್ಮ ಯೋಗ" ಪನ್ಪಿ ಭಗವದ್ಗೀತೆದ ತಾತ್ಪರ್ಯ ಮಸ್ತ್ ಪ್ರಸಿಧ್ಧಿ ಆಯಿನ ಕೃತಿ.