ಬಿ. ವಿ. ಕಕ್ಕಿಲಾಯ

ವಿಕಿಪೀಡಿಯರ್ದ್
Jump to navigation Jump to search

ಬೆವಿಂಜೆ ವಿಷ್ಣು ಕಕ್ಕಿಲಾಯ (ಬಿ. ವಿ. ಕಕ್ಕಿಲಾಯ) ಬಿ.ವಿ. ಕಕ್ಕಿಲ್ಲಾಯರು ಪೆರಿಯ ಸ್ವಾತಂತ್ರ್ಯ ಪೊಂರ್ಬಾಟದಾರ್, ಕರ್ನಾಟಕ ಏಕೀಕರಣ ಚಳುವಳಿದ ನಾಯೆಕೆರಾದಿತ್ತೆರ್, ಭಾರತ ಕಮ್ಯೂನಿಸ್ಟ್ ಪಕ್ಷದ ಹಿರಿಯ ನಾಯೆಕೆರ್(ಸಿ.ಪಿ.ಐ), ಅಖಿಲ ಭಾರತ ಟ್ರೇಡ್ ಯೂನಿಯನ್ ಕಾಂಗ್ರೆಸ್ (ಎಐಟಿಯುಸಿ) ಪೆರಿಯ ನಾಯೆಕೆರ್, ರಾಜ್ಯ ಸಭೆ ಬೊಕ್ಕ ಕರ್ನಾಟಕ ವಿಧಾನ ಸಭೆತ ಮಾಜಿ ಸದಸ್ಯೆರ್, ಕರ್ನಾಟಕ ಭೂಸುಧಾರಣಾ ಮಸೂದೆದ ರೂವಾರಿಲು, ಪ್ರಶಸ್ತಿ ವಿಜೇತ ಲೇಖಕೆರ್ ಬೊಕ್ಕ ಚಿಂತಕೆರ್.[೧]

ಪುಟ್ಟು ಬೊಕ್ಕ ಬಾಲ್ಯ[ಸಂಪೊಲಿಪುಲೆ]

ಎಪ್ರಿಲ್ ೧೧, ೧೯೧೯. ಕೇರಳಕಾಸರಗೋಡು ತಾಲೂಕ್‌ದ ಚೆರ್ಕಳದ ಕೈತಲ್‌ದ, ಪಯಸ್ವಿನಿ ಸುಧೆತಲ್ಪದ ಬೇವಿಂಜೆಡ್ ಭೂಮಾಲಕರಾಯಿನ ವಿಷ್ಣು ಕಕ್ಕಿಲ್ಲಾಯೆರ್‌ನ ಕಡೀರ ಮಗೆ ಬಿ. ವಿ. ಕಕ್ಕಿಲಾಯ

ಶಿಕ್ಷಣ[ಸಂಪೊಲಿಪುಲೆ]

ಕಾಸರಗೋಡು ಬಾಸೆಲ್ ಮಿಶನ್ ಶಾಲೆಡ್ ಮೆಟ್ರಿಕ್ ಅಧ್ಯಯನ. ೧೯೩೭-೧೯೩೯ ಇಂಟರ್‌ಮಿಡಿಯೆಟ್ ಬೊಕ್ಕ ೧೯೩೯-೧೯೪೨ ರಸಾಯನ ಶಾಸ್ತ್ರೊಡು ಬಿ.ಎ. ಅಧ್ಯಯನ ಕುಡ್ಲದ ಸೈಂಟ್ ಆಲೋಸಿಯಸ್ ಕಾಲೇಜ್‌ಡ್.[೨]

ಮದಿಮೆ[ಸಂಪೊಲಿಪುಲೆ]

೧೯೬೪ಟ್ಟ್ ಬುಡೆದಿ ಅಹಲ್ಯಾ. ಜೋಕುಲು ಮಲ್ಲ ಮಗೆ ಶ್ರೀನಿವಾಸ ಕಕ್ಕಿಲಾಯ ಕುಡ್ಲಡ್ ವೈದ್ಯ ವೃತ್ತಿ. ರಡ್ಡನೆತ್ತಾರ್ ವೆಂಕಟಕೃಷ್ಣ ನ್ಯೂರೊಲೊಜಿಸ್ಟ್ ಡಲ್ಲಾಸ್ (ಯು. ಎಸ್.), ಮೂಜನೆತ್ತಾರ್ ಹರೀಶ್ ಲ್ಯಾಪ್ರಸ್ಕೋಪಿಕ್ ಸರ್ಜನ್ ಯು.ಎಸ್., ನಾಲನೆತ್ತಾರ್ ಸೂರ್ಯನಾರಾಯಣ ಸೈಕ್ರಿಯಾಟಿಸ್ಟ್, ಯು.ಕೆ.[೩]

ಜೀವನ[ಸಂಪೊಲಿಪುಲೆ]

  • ಸ್ವಾತಂತ್ರ್ಯ ಚಳುವಳಿ ಬೊಕ್ಕ ಕಮ್ಯುನಿಸ್ಟ್ ಸಿದ್ಧಾಂತದ ಆಕರ್ಷಣೆ ಕಾಲೇಜು ಕಲ್ಪುನಾಗನೇ ಇತ್ತ್ಂಡ್.[೪]
  • ೧೯೫೦ಟ್ಟ್ ಜೈಲ್‌ಡ್ ಉಪ್ಪುನಾಗ ಮಾರ್ಕ್ಸ್‌ವಾದ ವಿಚಾರದ ಅಧ್ಯಯನ.
  • ೧೯೬೮ಟ್ಟ್ ಸೋವಿಯತ್ ಒಕ್ಕೂಟ, ಪೋಲೆಚಿಡ್ ಬೊಕ್ಕ ಬಲ್ಗೇರಿಯಾ ಪ್ರವಾಸ.
  • ೧೯೭೨ಟ್ಟ್ ಬಂಟ್ವಾಳ ಕ್ಷೇತ್ರೊಡ್ದ್ ರಾಜ್ಯ ವಿಧಾನ ಸಭೆಕ್ಕ್ ೨ ಸರ್ತಿ ಆಯ್ಕೆ ಆದಿತ್ತೆರ್.
  • ಪಿ. ಕೆ. ಕೃಷ್ಣಪ್ಪ ಮೆರೆನ ಜತೆ ಇತ್ತ್‌ದ್ ಬೆವಿಂಜೆ ಇಲ್ಲ್ ಬುಡ್ದ್ ರಾಜಕೀಯೊಗ್ ಜತ್ತಿನಾರ್.

ಉದ್ಯೋಗ[ಸಂಪೊಲಿಪುಲೆ]

೧೯೫೨-೧೯೫೪ ಮುಟ್ಟ ೨ ವರ್ಸೊ ಮದ್ರಾಸ್ ಪ್ರಾಂತ್ಯೊಡ್ದ್ ರಾಜ್ಯಸಭೆತ ಸದಸ್ಯೆರಾದಿತ್ತೆರ್ ಬೊಕ್ಕ್ ೨ ಸರ್ತಿ ಕರ್ನಾಟಕ ವಿಧಾನಸಭೆಟ್ ಬಂಟ್ವಾಳದ ಶಾಸಕರಾದಿತ್ತೆರ್. ರಾಜ್ಯಸಭೆತ ಸದಸ್ಯೆರಾದುಪ್ಪುನಾಗ ಬರ, ಆಹಾರ ಕೊರತೆ ಇತ್ಯಾದಿಲೆನ ಮುಖ್ಯವಾಯಿನ ಸಮಸ್ಯೆಲೆನ್ ದೆರ್ತ್ ಪತ್ತಿಯೆರ್ ಬೊಕ್ಕ ಕೋಲಾರ ಗಣಿ ಕ್ಷೇತ್ರೊದ ರಾಷ್ಟ್ರೀಕರಣ, ಹಾಸನ-ಕುಡ್ಲಗ್ ರೈಲ್ ಪಾಡೆರೆ, ಕರ್ನಾಟಕ ರಾಜ್ಯೊನ್ ಏಕೀಕರಣ ಮಲ್ಪೆರೆ ಒತ್ತಾಯ ಮಲ್ತಿನಾರ್.

ಸ್ವತಂತ್ರದ ಪೊಂರ್ಬಾಟ[ಸಂಪೊಲಿಪುಲೆ]

  • ೧೯೪೨ ಟ್ ಸ್ವಾತಂತ್ರ್ಯ ಚಳುವಳಿಡ್ ಸಕ್ರೀಯ. ಆಗಸ್ಟ್‌ಡ್ ಕ್ವಿಟ್ ಇಂಡಿಯಾ ಚಳುವಳಿಗ್ ಸೇರ್‌ಯೆರ್. ನಿಷೇದ ಮಲ್ತಿನ ಸಾಹಿತ್ಯೊದ ಆರೋಪದ ಮಿತ್ತ್ ೯ ತಿಂಗೊಲು ಕುಡ್ಲದ ಸಬ್ ಜೈಲ್‌ಡ್ ಇತ್ತೆರ್.
  • ಗೋವಾ ವಿಮೋಚನೆದ ಹೋರಾಟೊಡು ಯಶಸ್ಸು. ೫೦ ಜನತ ಗುಂಪುದೊಟ್ಟು ಇತ್ತ್‌ದ್ ಪೊರ್ಚುಗೀಸ್ ಪೋಲಿಸೆರೆನ್ ಎದುರು ಮಲ್ಪೊಡಾಂಡ್.
  • ಭೂ ಸುಧಾರಣೆಗಾದ್ ರೈತೆರೆಗಾದ್ ಹೋರಾಟ ಸಂಬಂಧವಾದ್ ೪ನೇ ಸರ್ತಿ ಒಂಜಿ ವರ್ಸೊ ಬೆಂಗಳೂರುಡು ಬಂಧನವಾದಿತ್ತೆರ್. ಉಂದು ಡಿ. ದೇವರಾಜ ಅರಸ್ ಮುಖ್ಯಮಂತ್ರಿಯಾದುಪ್ಪುನಾಗ. [೫]

ಬರವುಲು[ಸಂಪೊಲಿಪುಲೆ]

೧೯೮೩-೮೬ ನಡುಟ್ಟು ಬೂಕುಲೆನ್ ಬರೆಯೆರ್[೬]

  • ಕಾರ್ಲ್ ಮಾರ್ಕ್ಸ್ ಬದುಕು ಬರಹ
  • ಫ಼್ರೆಡರಿಕ್ ಎಂಗೆಲ್ಸ್ ಜೀವನ ಚಿಂತನೆ
  • ಪ್ರಾಚೀನ ಭಾರತದಲ್ಲಿ ಬೌತಿಕವಾದ - ಅನುವಾದ
  • ೨೦೦೩ ಡು ಬರೆಯದ ದಿನಚರಿಯ ಮರೆಯದ ಪುಟಗಳು (ಆತ್ಮಕಥೆ)
  • ಅಸ್ವಸ್ಥ ಬಂಡವಾಳಶಾಹಿ ಸಮಾಜದ ನಿಜರೂಪ
  • ದಲಿತರ ಸಮಸ್ಯೆಗಳು ಮತ್ತು ಪರಿಹಾರ (2008, ಅನುವಾದ; ಮೂಲ: ಡಿ. ರಾಜಾ)
  • ಭಾರತೀಯ ದರ್ಶನಗಳು - (ಅನುವಾದ; ಮೂಲ: ಡಾ|ದೇವಿಪ್ರಸಾದ್ ಚಟ್ಟೋಪಾಧ್ಯಾಯ) (1994ರ ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ಉತ್ತಮ ಕೃತಿ [ಅನುವಾದ – 2] ಪ್ರಶಸ್ತಿ)
  • ಭೂಮಿ ಮತ್ತು ಆಕಾಶ (ಅನುವಾದ; ಮೂಲ: ವೋಲ್ಕೋವ್) (1963)
  • ಮಾನವನ ನಡಿಗೆ, ವಿಜ್ಞಾನದೆಡೆಗೆ
  • ದ್ವಂದ್ವಮಾನ ಚಾರಿತ್ರಿಕ ಭೌತಿಕವಾದ
  • ಪೂರಣ್ ಚಂದ್ರ ಜೋಶಿ-ಕಮ್ಯೂನಿಸ್ಟ್ ಚಳುವಳಿಯ ರೂವಾರಿ - ೧೩೨೯
  • ಪ್ರಾಚೀನ ಭಾರತದಲ್ಲಿ ಜಾತಿಗಳ ಉಗಮ
  • ಬಾಬ್ರಿ ಮಸೀದಿ, ರಾಮಜನ್ಮ ಭೂಮಿ ವಿವಾದ (1989) (ಅನುವಾದ; ಮೂಲ:ಸಿ. ರಾಜೇಶ್ವರ ರಾವ್)
  • ಭಾರತಕ್ಕೊಂದು ಬದಲು ದಾರಿ (1997)
  • ಸ್ವಾತಂತ್ರ್ಯ ಸಂಗ್ರಾಮದ ಹೆಜ್ಜೆಗಳು (1997)
  • ಭಾರತೀಯ ಚಿಂತನೆ, ಹಿಂದೂ ಧರ್ಮ, ಕಮ್ಯೂನಿಸಂ (1989)
  • ಭಾರತದ ಮುಸ್ಲಿಮರು (ಸಾಚಾರ್ ಸಮಿತಿ ವರದಿ) (2008, ಅನುವಾದ: ಮೂಲ: ಶಮೀಮ್ ಫೈಜೀ)
  • ಇರವು ಮತ್ತು ಅರಿವು (ಅನುವಾದ) (1988,2004)
  • ಕಮ್ಯೂನಿಸಂ[೭]
  • ಕೆಂಬಾವುಟ ಪತ್ರಿಕೆಗ್ ಬರವುಲು

ಕಮ್ಯೂನಿಸ್ಟ್ ಪಾರ್ಟಿದ ಸ್ಥಾಪಕೆರಾದ್[ಸಂಪೊಲಿಪುಲೆ]

  • ಕಮ್ಯೂನಿಸ್ಟ್ ಪಾರ್ಟಿನ್ ಭಾರತ ದೇಶೊಡು ಬೊಕ್ಕ ಆಯಿತ್ತ ವಿದ್ಯಾರ್ಥಿ ವಿಭಾಗೊನ್ ಸ್ಥಾಪನೆ ಮಲ್ತೆರ್.
  • ಅಖಿಲ ಭಾರತ ವಿದ್ಯಾರ್ಥಿಲೆನ ಒಕ್ಕೂಟ
  • ಸಿಪಿಐನ ಕರ್ನಾಟಕ ರಾಜ್ಯ ಸಮಿತಿದ ಕಾರ್ಯಾಂತೆರಾದಿತ್ತೆರ್.
  • ಅಖಂಡ ಕರ್ನಾಟಕ ರಾಜ್ಯ ನಿರ್ಮಾಣ ಪರಿಷತ್ ಇದರ ಪ್ರಧಾನ ಕಾರ್ಯಾಂತೆರಾದ್ ಸೇವೆ ಮಲ್ತಿನಾರ್.
  • ೧೯೮೬ ರ್ದ್ ೧೯೯೧ ತ ಮುಟ್ಟ ಪಕ್ಷದ ಮುಖವಾಣಿ ಕೆಂಬಾವುಟಾ ವಾರಪತ್ರಿಕೆದ ಸಂಪಾದಕೆರಾದ್ ಬೇಲೆ ಮಲ್ರಿನಾರ್.
  • ಬೆಂಗಳೂರು, ಕೋಲಾರ, ಶ್ರೀರಂಗಪಟ್ಟಣ, ಹಂಪಿ ಬೊಕ್ಕ ಗುಲ್ಬರ್ಗಡ್ ಅಖಿಲ ಭಾರತ ಕಿಸಾನ್ ಸಭಾ ಸಮಾವೇಶೊಲೆನ್ ಮಲ್ತೆರ್.

ಶಾಸಕೆರಾದ್ ಬೇಲೆ[ಸಂಪೊಲಿಪುಲೆ]

  • ರಾಜ್ಯ ವಿಧಾನಸಭೆಟ್ ಜನಸಾಮಾನ್ಯೆರೆನ್ ಪರವಾದ್ ಪಾತೆರ್‌ನಾರ್, ಕ್ಷೇತ್ರ ಮಾತ್ರ ಅತ್ತಂದೆ ಬೆನ್ಪಿನ ಕಾರ್ಮಿಕೆನಕ್ಲೆಗಾದ್, ರೈತರ್‌ನಕ್ಲೆಗ್ ಬೊಕ್ಕ ರಾಜ್ಯೊದ ದಲಿತೆನಕ್ಲೆಗ್ ಬೋಡಾದ್ ವಿಧಾನಸಭೆಟ್ ಪಾತೆರ್‌ನಾರ್.
  • ಬಂಟ್ವಾಳಡ್ ಬೊಲ್ಲ ಬತ್ತಿಪ್ಪ್‌ನಾಗ ಬೋಡಾಯಿನ ಬೇಲೆ ಮಲ್ತ್‌ದೆರ್, ಭೂ ಸುಧಾರಣಾ ಕಾಯ್ದೆ ಅನುಷ್ಠಾನ ಮಲ್ಪೆರೆ ಒತ್ತಾಯ ಮಲ್ತ್‌ದ್ ರಾಜ್ಯೊಡ್ ಆಂದೋಲನಗ್ ಕಾರಣ ಆಂಡ್.
  • ಬಂಟ್ವಾಳಡ್ ಭೂ ನ್ಯಾಯಮಂಡಳಿದ ಸದಸ್ಯೆರಾದ್ ಭಾರಿ ಬೇಲೆ ಮಲ್ತ್‌ನಾರ್.
  • ನರಗುಂದಡ್ ರೈತರೆ ಮಿತ್ತ್ ಬಂದೂಕು ಪ್ರಯೋಗ ಮಲ್ತ್‌ನೆಕ್ಕ್ ವಿರುದ್ದವಾದ್ ಮೆರವಣಿಗೆಡ್ ದೇವರಾಜ್ ಅರ್‌ಸ್ ಬೊಕ್ಕ್ ಡಿ.ಬಿ.ಚಂದ್ರಗೌಡ ಮೊಕ್ಲೆನೊಟ್ಟು ದುಂಬುಂತುದು ಬೇಲೆ ಮಲ್ತ್‌ನಾರ್.

ಸದಸ್ಯತ್ವ[ಸಂಪೊಲಿಪುಲೆ]

೧೯೪೦ಟ್ಟ್ ಭಾರತ ಕಮ್ಯುನಿಸ್ಟ್ ಪಕ್ಷದ ಸದಸ್ಯತ್ವ. ಕುಡ್ಲ ಘಟಕದ '''ಅಖಿಲ ಭಾರತ ವಿದ್ಯಾರ್ಥಿ ಫೆಡರೇಶನ್'''ಡ್ ಕಾರ್ಯಂತೆರಾದ್ ಸೇವೆ ಮಲ್ತಿನಾರ್.

ಸಂಘಟನೆಲು[ಸಂಪೊಲಿಪುಲೆ]

೧೯೪೩-೪೫ ಅವಧಿಡ್ ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆ (ದಕ್ಷಿಣ ಕೆನರಾ) ಕರಾವಳಿದೊರ್ಮೆ ಬೀಡಿ, ಓಡು, ನೂಲು ಮಲ್ಪುನ ಕಾರ್ಮಿಕೆರ್ ಬೊಕ್ಕ ಕೊರಂಟ್‌ದ ಕಾರ್ಖಾನೆದ ಕಾರ್ಮಿಕೆರೆ ಸಂಘಟನೆದ ಬೇಲೆ ಮಲ್ತ್‌ದಿತ್ತೆರ್. ೧೯೪೪ ಟ್ಟ್ ಮುಂಬಯಿಡ್ ವಿಜಯಲಕ್ಷ್ಮಿ ಪಂಡಿತ್ ಮೆರೆನ ಗುರ್ಕಾರ್ಮೆಡ್ ನಡತ್ತಿನ ಸೋವಿಯಟ್ ಸಾಂಸ್ಖ್ಟತಿಕ ಸಂಘದ ಸಂಸ್ಥಾಪನಾ ಸಮ್ಮೇಳನೊಡು ಕರ್ನಾಟಕದ ಪ್ರತಿನಿಧಿಯಾದಿತ್ತೆರ್.

ಕಾರ್ಮಿಕೆರೆ ಸಂಘಟನೆಲೆಗಾದ್ ಬೇಲೆ[ಸಂಪೊಲಿಪುಲೆ]

  • ಕಾರ್ಮಿಕೆರೆ ಸಂಬಳ, ಸವಲತ್ತ್‌ಗಾದ್ ಪೊಂರ್ಬಾಟ ಮಲ್ತ್‌ದ್ ಪರಪ್ಪ, ವೆಲ್ಲೂರ್, ಕಣ್ಣಾನೂರ್ ಜೈಲ್‌ಡ್ ಇತ್ತೆರ್.
  • ೧೯೪೭ ಆಗಸ್ಟ್ ೧೫ಕ್ಕ್ ಜೈಲ್‌ಡ್ದ್ ಬಿಡುಗಡೆ ಆದ್ ಪಿರ ಕಾರ್ಮಿಕ ಸಂಘಟನೆದ ಬೇಲೆ ಮಲ್ತ್‌ದ್ ೧೯೫೦ಡ್ ಪರಪ್ಪ್‌ಡ್ ಕೈದಿಯಾದಿತ್ತೆರ್.
  • ೧೯೬೪-೭೨ ಪಕ್ಷದ ಒಟ್ಟುಗು ಕಾರ್ಮಿಕೆರೆನ ಬೊಕ್ಕ ರೈತರೆನ ಆಂದೋಲನಲೆನ್ ಗಟ್ಟಿ ಮಲ್ಪುನ ಕೆಲಸ ಮಲ್ತಿನಾರ್.

ಪ್ರಶಸ್ತಿ[ಸಂಪೊಲಿಪುಲೆ]

  • ೨೦೦೬ ಡು ತುಳು ಸಾಹಿತ್ಯ ಸೇವೆಗ್ ತುಳು ಸಾಹಿತ್ಯ ಅಕಾಡೆಮಿಡ್ದ್ ಮಾನಾದಿಗೆ.
  • ಸೋವಿಯತ್ ಲ್ಯಾಂಡ್ ನೆಹರೂ ಪುರಸ್ಕಾರ ಕಾರ್ಲ್ ಮಾರ್ಕ್ಸ್ ಬದುಕು ಬರಹ ಬರೆಯಿನೆಕ್ಕ್.
  • ಕರ್ನಾಟಕ ಸಾಹಿತ್ಯ ಅಕಾಡೆಮಿಡ್ದ್ ಮಾನಾದಿಗೆ Materialism in Ancient Indiaನ್ ಕನ್ನಡೊಗ್ ಅನುವಾದ ಪ್ರಾಚೀನ ಭಾರತದಲ್ಲಿ ಬೌತಿಕವಾದ ಮಲ್ತಿನೆಕ್ಕ್.

https://www.bvkakkilaya.in/

  • ಅಕ್ಟೋಬರ್ ೨, ೨೦೧೦ಗ್ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಮಾರ್ಕ್ಸ್‌ವಾದಿ ಥಿಯರಿ ಅಂಡ್ ಪ್ರಾಕ್ಟೀಸ್, ಧಾರವಾಡ ಕಮ್ಯೂನಿಸ್ಟ್ ಚಳುವಳಿಗಾದ್ ಮಲ್ತಿನ ಬೇಲೆಗ್ ಕಾರ್ಲ್ ಮಾರ್ಕ್ಸ್ ಪ್ರಶಸ್ತಿ ಕೊರ್ತೆರ್.
  • ಸುವರ್ಣ ಏಕೀಕರಣ ಪುರಸ್ಕಾರ ೨೦೦೬

ಮರಣ[ಸಂಪೊಲಿಪುಲೆ]

ಜೂನ್ ೪, ೨೦೧೨ ಸ್ವರ್ಗಸ್ಥರಾಯೆರ್. ೯೩ ವರ್ಸೊ ಪ್ರಾಯದಾರಾದಿತ್ತೆರ್.

ಉಲ್ಲೇಕೊ[ಸಂಪೊಲಿಪುಲೆ]