ಭಾರತೀಯ ಸೇನೆಡ್ ಪೊಂಜೊವುಲು
ಭಾರತೀಯ ಸಶಸ್ತ್ರ ಪಡೆತ ಪೂರಾ ವಿಭಾಗೊಡುಲಾ ಇತ್ತೆ ಪೊಂಜೊವುಲು ಬೇಲೆ ಮಲ್ತೊಂದು ಉಲ್ಲೆರ್. ಇಂಚಪ, ನಮ ದೇಸೊದ ಸುಪ್ರಿಂ ಕೋರ್ಟ್ ಪೊಂಜೊವುಲೆಗ್ ಕಮಾಂಡ್ ಪೋಸ್ಟ್ ಕೊರೊಡು ಪನ್ಪಿನ ಸೂಚನೆನ್ ಭಾರತ ಸರ್ಕಾರೊಗು ಕೊರ್ದು[೧], ಅಸಮಾನತೆನ್ ಕಡಿಮೆ ಮಲ್ಪುನಂಚಿ ಮಲ್ಲ ಹೆಜ್ಜೆ ದೀತ್ಂಡ್.
ಭಾರತೀಯ ಸೈನ್ಯೊಡು ದುಂಬು ಸೈನ್ಯದ ಮಾತಾ ವಿಭಾಗೊಡುಲಾ ಪೊಂಜೊವುಲೆಗ್ ಸ್ಥಾನ ಇಜ್ಜಾಂಡ್. ಇತ್ತೆ ಮಲ್ಲ ಬೊಕ್ಕ ಅಪಾಯಕಾರಿ ಸ್ಥಾನೊಗುಲಾ ಪೋಪಿನ ಅವಕಾಶೊನು ಸುಪ್ರಿಂ ಕೋರ್ಟ್ ಪೊಂಜೊವುಲೆಗ್ ಕೊರ್ತುಂಡು.[೨] ಪೊಂಜೊವು ಪನ್ಪಿನ ಕಾರಣೊಗು ಅವಕಾಶ ಕೊರಂದೆ ಉಪ್ಪೆರೆ ಆಪುಜಿ. ೧.೪ ಮಿಲಿಯನ್ ಸೈನಿಕೆರುಪ್ಪುನ ಭಾರತೊದ ಸೈನ್ಯೊಡು ಉಪ್ಪುನ ಪೊಂಜೊವುಲೆನ ಸಂಖ್ಯೆ ಬಾರೀ ಕಮ್ಮಿ. ರಕ್ಷಣಾ ಸಚಿವಾಲಯದ ಮಾಹಿತಿದ ಪ್ರಕಾರ, ಸೇನೆಡುಪ್ಪುನ ವೈದ್ಯಕೀಯ ಬೊಕ್ಕ ದಂತ ವೈದ್ಯಕೀಯ ಸೇವೆಡ್ ಉಪ್ಪುನ ಪೊಂಜೊವುಲೆನ್ ಬುಡ್ದ್, ಭೂಸೇನೆ ಡ್ ೦.೫೬%, ವಾಯು ಪಡೆಟ್ ೧.೦೮% ಬೊಕ್ಕ ನೌಕಾ ಪಡೆಟ್ ೬.೫% ಪೊಂಜೊವುಲು ಮಾತ್ರ ಉಲ್ಲೆರ್[೩].
ಇತಿಹಾಸೊ[ಸಂಪೊಲಿಪುಲೆ]
೧೯೮೮ನೇ ಇಸವಿಡ್ ಬ್ರಿಟಿಷೆರ್ ಆಳೋಂದುಪ್ಪುನ, ಪೊಂಜೊವುಲೆಗಾದ್ ಭಾರತೀಯ ಸೇನೆಡ್ ಭಾರತೀಯ ಮಿಲಿಟರಿ ನರ್ಸಿಂಗ್ ಸೇವೆ ಸುರು ಮಲ್ತೆರ್. [೪] ಮೊಕುಲು ೧೯೧೪-೪೫ ತ್ತ ನಡುಟ್ಟ್ ನಡತಿನ ವಿಶ್ವ ಯುದ್ಧ-೧ ಬೊಕ್ಕ ವಿಶ್ವ ಯುದ್ಧ-೨ ಟ್ಟ್ ಪಾಲ್ ದೆತೊಂದಿತ್ತೆರ್. ನೇತಾಜಿ ಸುಭಾಸ್ ಚಂದ್ರ ಬೋಸ್ ಮೆರೆನ ಇಂಡಿಯನ್ ನ್ಯಾಷನಲ್ ಆರ್ಮಿ ಡ್ ಪೊಂಜುವುಲೆಗಾದೇ ರಾನಿ ಕಿ ಝಾನ್ಸಿ ಪನ್ಪಿನ ದಳ ಇತ್ತ್ಂಡ್.
ಗಮನಾರ್ಹ ಸಾಧನೆ ಮಲ್ದಿನ ಪೊಂಜೊವುಲು[ಸಂಪೊಲಿಪುಲೆ]
ಪುನೀತ ಅರೋರ[ಸಂಪೊಲಿಪುಲೆ]
ಸರ್ಜನ್ ವೈಸ್ ಅಡ್ಮಿರಲ್ ಪುನಿತಾ ಅರೋರಾ ಪಿವಿಎಸ್ಎಂ, ಎಸ್‌ಎಂ, ವಿಎಸ್‌ಎಂ ಭಾರತೊದ ನೌಕಾಪಡೆ ಬೊಕ್ಕ ಭಾರತೀಯ ಸೇನೆದ ದುಂಬುದ ೩ ಸ್ಟಾರ್ ಧ್ವಜ ಅಧಿಕಾರಿ. ಮೇರ್ ಭಾರತೊದ ರಡ್ಡನೇ ಉನ್ನತ ಶ್ರೇಣಿನ್ ಪಡೆಯಿನ ಸುರುತ್ತ ಪೊಂಜೊವು . ಪಂಡ ಮೇರ್ ಲೆಫ್ಟಿನೆಂಟ್ ಜನರಲ್[೫] ಬೊಕ್ಕ ಭಾರತೊದ ನೌಕಾಪಡೆತ ಸುರುತ್ತ ಪೊಂಜೊವು ಶಸ್ತ್ರಚಿಕಿತ್ಸಕ ವೈಸ್ ಅಡ್ಮಿರಲ್.
ಮೇರ್ ಲಾಹೋರ್ ಮೂಲದ ಪಂಜಾಬಿ ಕುಟುಂಬೊಡು ಪುಟ್ಟುದಿನಿ. ಮೆರೆಗ್ ಒಂಜಿ ವರ್ಷ ಆದುಪ್ಪುನಗ ದೇಶೊದ ವಿಭಜನೆತ ಪೊರ್ತುಡ್ "rediff.com: The General in a Sari - A Slide Show". specials.rediff.com. Retrieved 17 March 2020.</ref> ಮೆರೆನ ಕುಟುಂಬ ಭಾರತೊದ ಉತ್ತರ ಪ್ರದೇಶೋದ ಸಹರಾನ್ಪುರೊಟು ಉಂತಿಯೆರ್. ಮೇರ್ ೮ನೇ ತರಗತಿಮುಟ್ಟ ಸಹರಾನ್‌ಪುರದ ಸೋಫಿಯಾ ಶಾಲೆಡ್ ಓದಿಯೆರ್. ಅಯಿಡ್ದ್ ಬೊಕ್ಕ ಆರ್ ಗುರುನಾನಕ್ ಪೊಣ್ಣುಲೆನ ಕಾಲೇಜಿಗ್ ಪೋಯೆರ್, ಆರ್ ೧೯೬೩ ಡ್ ಪುಣೆತ್ತ ಸಶಸ್ತ್ರ ಪಡೆತ ವೈದ್ಯಕೀಯ ಕಾಲೇಜಿಗ್ ಸೇರಿಯೆರ್. ಆರ್ ಆಬ್ಯಾಚ್ ಡ್ ಸುರುತ್ತ ಸ್ಥಾನೊಡು ಇತ್ತರ್.
ಪುನಿತಾ ಅರೋರಾ ಮೆರೆನ್ ಜನವರಿ ೧೯೬೮ ಡ್ ಸೇನೆಗ್ ಸೇರ್ ಪಾಯೆರ್ .[೬] ಭಾರತೀಯ ನೌಕಾಪಡೆತ್ತ ಸರ್ಜನ್ ವೈಸ್ ಅಡ್ಮಿರಲ್ ಆಫಿನೆಡ್ದ್ ದುಂಬು ಆರ್ ಎಎಫ್‌ಎಂಸಿಯ ಕಮಾಂಡೆಂಟ್ ಆದಿತ್ತೆರ್. ಆರ್ ೨೦೦೪ ಟ್ ಸಶಸ್ತ್ರ ಪಡೆತ್ತ ವೈದ್ಯಕೀಯ ಕಾಲೇಜಿದ ಕಮಾಂಡೆಂಟ್ ಉಸ್ತುವಾರಿ ವಹಿಸಾವೊಂಡೆರ್ [೭] ಉಂದೆಕ್ಕ್ ಲಾ ದುಂಬು ಆರ್ ಸೈನ್ಯದ ಪ್ರಧಾನ ಕಚೇರಿಡ್ ಸಶಸ್ತ್ರ ಪಡೆತ್ತ ವೈದ್ಯಕೀಯ ಸೇವೆಲೆನ (ವೈದ್ಯಕೀಯ ಸಂಶೋಧನೆ) ಹೆಚ್ಚುವರಿ ಮಹಾನಿರ್ದೇಶಕರಾದ್ ಕೆಲಸ ಮಲ್ದೆರ್. ಮೇರೆಗ್ ಭಾರತೀಯ ಸಶಸ್ತ್ರ ಪಡೆಟ್ ಆರೆನ ೩೬ ವರ್ಷದ ವೃತ್ತಿಜೀವನೊಡು ೧೫ ಪದಕಲು ತಿಕ್ಕ್ ಂದ್ಂಡ್.
ಪದ್ಮಾವತಿ ಬಂಡೋಪದ್ಯಾಯ[ಸಂಪೊಲಿಪುಲೆ]
ನವೆಂಬರ್ ೪, ೧೯೪೪ ಟ್ಟ್ ಪುಟ್ಟುದಿನ ಪದ್ಮಾವತಿ ಬಂದೋಪಾಧ್ಯಾಯ ಭಾರತೀಯ ವಾಯುಸೇನೆದ ಸುರುತ್ತ ಪೊಂಜೊವು ಏಯರ್ ಮಾರ್ಶಲ್. ಭಾರತೀಯ ಸೇನೆಡ್ ಮೂಜಿ ನಕ್ಷತ್ರದ ಗೌರವ ಪಡೆಯಿನ ರಡ್ಡನೇ ಪೊಂಜೊವು. ಮೇರ್ ಆಂಧ್ರ ಪ್ರದೇಶದ ತಿರುಪತಿಡ್ ಪುಟ್ಟಿಯೆರ್. ಆರ್ ಬೊಲೆದಿನಿ ದೆಲ್ಲಿಡ್ ಬೊಕ್ಕ ಅಲ್ತ ಕಿರೋರಿ ಮಲ್ ಕಾಲೇಜಿಡ್ ಕಲ್ತೆರ್. ೧೯೬೮ಡ್ ಭಾರತೀಯ ವಾಯುಸೇನೆನ್ ಸೇರಿಯೆರ್. ತನ್ನ ಸಹೋದ್ಯೋಗಿ ಎಸ್. ಎನ್. ಬಂದೋಪಾಧ್ಯಾಯೆರೆನ್ ಮದ್ಮೆ ಆಯೆರ್. ೧೯೭೧ದ ಭಾರತ-ಪಾಕಿಸ್ತಾನ ಯುದ್ಧೊಡು ವಿಶೇಷ ಸೇವೆ ಮಲ್ದಿನೆಕ್ಕ್ ಆರೆಗ್ ವಿಶಿಷ್ಟ ಸೇವಾ ಪದಕ ತಿಕ್ಕ್ ಂಡ್. ಪದ್ಮಾವತಿ ಬಂದೋಪಾಧ್ಯಾಯ ಉತ್ತರ ಧ್ರುವಟ್ ಸಂಶೋಧನೆ ಮಲ್ದಿನ ಸುರುತ್ತ ಪೊಂಜೊವು. ಆರ್ ೨೦೦೨ಡ್ ಉಪ ಏಯರ್ ಮಾರ್ಶಲ್ ಪದವಿಗೇರಿನ ಸುರುತ್ತ ಪೊಂಜೊವಾಯೆರ್ [೮],[೯].
ಮಿಥಾಲಿ ಮಧುಮಿತ[ಸಂಪೊಲಿಪುಲೆ]
ಮಿಥಾಲಿ ಮಧುಮಿತ ಮೇರ್ ಭಾರತೀಯ ಸೇನೆಡ್ ಶೌರ್ಯ ಪ್ರಶಸ್ತಿ ಪಡೆಯಿನ ಸುರುತ್ತ ಮಅಹಿಳಾ ಅಧಿಕಾರಿ.[೧೦] ಲೆಫ್ಟಿನೆಂಟ್ ಕೊಲೊನೆಲ್ ಮಿಥಾಲಿ ೨೦೧೧ ನೇ ಇಸವಿಡ್ ಸೇನಾ ಪದಕ ಪಅಡೆಯೊಂಡೆರ್. ಈ ಪದಕ ಆರ್ ೨೦೧೦ ಫೆಬ್ರವರಿ ೨೬ ಕ್ಕ್ [೧೧] ಅಪಘಾನಿಸ್ಥಾನೊದ ಕಾಬೂಲ್ ಡ್ ಉಪ್ಪುನ ಭಾರತೊದ ದೂತಾವಾಸೊಗು ಭಯೋತ್ಪಾದಕೆರ್ ಧಾಳಿ ಮಲ್ದಿನ ಪೊರ್ತುಡ್ ಮೇರ್ ತೊಜಪಾಯಿನ ಸಾಹಸೊಗು ಮಾತ್ರ ಅತ್ತಾವಂದೆ ಜಮ್ಮು ಕಾಶ್ಮೀರ ಬೊಕ್ಕ ಈಶಾನ್ಯ ಭಾರತೊಡು ಮೇರ್ ಮಲ್ದಿನ ತಿಕ್ಕ್ ದಿನಿ. ಆನಿ ಆರ್ ಕಟ್ಟೊಣ ದ ಉಲಾಯಿ ಪೋದ್ ಮಸ್ತ ಜನೊತ ಜೀವ ಒರಿಪಾದೆರ್.
ಅವನಿ ಚತುರ್ವೇದಿ[ಸಂಪೊಲಿಪುಲೆ]
ಅವನಿ ೨೭ ಅಕ್ಟೋಬರ್ ೧೯೯೩ ದಾನಿ ಪುಟ್ಟಿಯೆರ್. ಮೆರೆನ ಅಮ್ಮೆರ್ ದಿನಾರ್ ಚತುರ್ವೇದಿ. ಅವನಿ ಚತುರ್ವೇದಿ ಮೇರ್ ಆರೆನ ೨೫ ನೇ ಪ್ರಾಯೊಡು ಹೈದರಾಬಾದ್ ವಾಯುಪಡೆತ ಅಕಾಡೆಮಿಡ್ ತನ್ನ ತರಬೇತಿನ್ ಮುಗಿತ್ತೆರ್. ಆರ್ ಮಧ್ಯಪ್ರದೇಶದ ಶಹ್ದೋಲ್ ಜಿಲ್ಲೆದ ಡಿಯೋಲೊಂಡ್ ಪನ್ಪಿನ ಎಲ್ಯ ಪಟ್ಟಣೊಡು ಶಾಲಾ ಶಿಕ್ಷಣನ್ ಮುಗಿತೆರ್.[೧೨] ೨೦೧೪ ಡ್ ರಾಜಸ್ಥಾನದ ಬನಸ್ಥಾಲಿ ವಿಶ್ವವಿದ್ಯಾಲಡ್ದ್ ತಂತ್ರಜ್ಞಾನೊಡು ಪದವಿ ಪಡೆಯಿನ ಮೇರ್ ಎಎಫ್‌ಸಿಎಟಿ ಪಾಸಾಯೆರ್.
ದುಂಡಿಗಲ್ (ಹೈದರಾಬಾದ್) ಡುಪ್ಪುನ ಏರ್ ಫೋರ್ಸ್ ಅಕಾಡೆಮಿಡ್ ಒಂಜಿ ವರ್ಷದ ಕಠಿಣ ತರಬೇತಿನ್ ಮುಗಿತ್ತಿ ಬೊಕ್ಕ, ಆರ್ ಜೂನ್ ೨೦೧೬ ಡ್ ಫೈಟರ್ ಪೈಲಟ್ ಆಯೆರ್. ಬೊಕ್ಕ ಕರ್ನಾಟಕದ ಬೀದರ್‌ಡ್ ಹಂತ III ತರಬೇತಿನ್ ಮುಗಿತ್ತಿ ಬೊಕ್ಕ ಆರೆಗ್ ಫೈಟರ್ ಜೆಟ್‌ ಲೆಕ್ಕ ರಾವೆರ ಆಪುಂಡು. .[೧೩][೧೪] ೨೦೧೮ ಡ್, ಅವನಿ ಚತುರ್ವೇದಿ ಗುಜರಾತ್‍ದ ಜಮ್‍ನಗರೊಡ್ದ್ ಎಮ್‍ಐಜಿ-೨೧ ಬೈಸನ್ ವಿಮಾನ ರಾಪಾವರೆ ಸುರು ಮಲ್ದಿನತ್ತಂದೆ, ರಷ್ಯೊಡು ತಯಾರಾತಿನ ಸೂಪರ್ ಸೋನಿಕ್ ಯುದ್ಧವಿಮಾನೊಡು ಸುಮಾರು ೩೦ ನಿಮಿಷ ಮುಟ್ಟ ಯಶಸ್ವಿಯಾದ್ ಹಾರಾಟ ಮಲ್ತೆರ್. ಈ ಮೂಲಕ ಅವನಿ ಒರ್ತಿಯೇ ಯುದ್ಧವಿಮಾನ ರಾಪಾಯಿನ ಸುರುತ್ತ ಪೊಂಜೊವಾಯೆರ್. ೨೦೧೮ ಡ್ ಅವನಿಗ್ ಫ್ಲೈಟ್ ಲೆಫ್ಟಿನೆಂಟ್ ಪದವಿ ಕೊರಿಯೆರ್.[೧೫]
ಗುಂಜನ್ ಸಕ್ಸೇನಾ[ಸಂಪೊಲಿಪುಲೆ]
ಫ್ಲೈಟ್ ಲೆಪ್ಟಿನಂಟ್ ಗುಂಜನ್ ಸಕ್ಸೇನಾ (ಪುಟ್ಟುದಿನಿ:೧೯೭೫) ಮೇರ್ ಭಾರತೀಯ ವಾಯುಪಡೆತ್ತ ಒಂಜಿ ಅಧಿಕಾರಿ. ಗುಂಜನ್ ಸಕ್ಸೇನಾ ಕಾರ್ಗಿಲ್ ಯುದ್ದೊಡು ಪಾಲ್ ಪಡೆಯಿನ ರಡ್ಡ್ ವಾಯುಪಡೆತ ಅಧಿಕಾರಿಲೆಡ್ ಒರ್ತಿ.
ಗುಂಜನ್ ಒಂಜಿ ಸೇನಾ ಕುಟುಂಬೊದ ಮಗಲ್ ೧೯೯೬ ನೇ ಇಸವಿಡ್ ಭಾರತೀಯ ವಾಯು ಪಡೆಕ್ ಪೈಲೆಟ್ ಆದ್ ಸೇರಿನ ೬ ಪೊಂಜೊವುಲೆಡ್ ಮೇರ್ ಲಾ ಒರ್ತಿ
ಗುಂಜನ್ ಕಾರ್ಗಿಲ್ ಯುದ್ಧ ಭೂಮಿಡ್ ಪೈಲೆಟ್ ಆದ್ ಕೆಲಸ ಮಲ್ಪುನಗ ಅರೆಗ್ ೨೪ ವರ್ಷ ಪ್ರಾಯ ಆದಿತ್ತ್ ಂಡ್. ಕಾರ್ಗಿಲ್ ಯುದ್ಧ ದ ಆಪರೇಷನ್ ವಿಜಯ್ ದ ಭಾಗ ಆದಿತ್ತಿನ ಮೇರ್ ೧೩,೦೦೦ ಡ್ದ್ ೧೮,೦೦೦ ಎತ್ತರೊಡು ಕೆಲಸ ಮಲ್ತೊಂದಿತ್ತರ್. ಧ್ರಾಸ್ ಬೊಕ್ಕ ಬಟಾಲಿಕ್ ದಂಚಿನ ದುರ್ಗಮ ಜಾಗೆಗ್ ಸಾಮಾನ್ ಕೊನವರೆಲಾ ಆರ್ ಸಹಾಯ ಮಲ್ತೆರ್. ಈತ್ ಮಾತ್ರ ಅತ್ತಾಂದೆ ವೈರಿಲೆನ ಜಾಗೊದ ಕಣ್ಗಾವಲು ಮಲ್ಪುನಲಾ ಜವಾಬ್ದಾರಿ ಆರೆಗ್ ಇತ್ತ್ ಂಡ್. ಆರ್ ತಾತ್ಕಾಲಿಕ ವಾಯಿನ ಇಳಿದಾನೊಡು ಜಪ್ಪೊಡಾದಿತ್ತ್ಂಡ್. ಯುದ್ದ ಜಾಗೊಗು ಶ್ರೀ ನಗರೊಡ್ದ್ ಮಸ್ತ್ ಸಲ ಪೋದು, ೯೦೦ ಸೈನಿಕೆರೆನ್ ಅಲ್ತ್ ಡ್ದ್ ಲೆತೊಂದು ಬರಿಯರೆ ಕೆಲಸ ಮಲ್ದಿನ ೧೦ ಪೈಲೆಟ್ ಲೆಡ್, ಇತ್ತಿನ ಒರ್ತಿಯೇ ಪೊಂಜೊವು.
ಕುಮುದಿನಿ ತ್ಯಾಗಿ[ಸಂಪೊಲಿಪುಲೆ]
ಸಬ್ ಲೆಪ್ಟಿನೆಂಟ್ ಕುಮುದಿನಿ ತ್ಯಾಗಿ ಮೇರ್ ಭಾರತೀಯ ನೌಕಾಪಡೆತ ಯುದ್ದ ಹಡಗ್ ಡ್ ಕಾರ್ಯ ನಿರ್ವಹಿಸಾವರೆ ಅವಕಾಶ ತಿಕ್ಕಿದಿನ ಸುರುತ್ತ ರಡ್ಡ್ ಪೊಂಜೊವುಲೆಡ್ ಒರ್ತಿ. [೧೬] ಸೆಪ್ಟಂಬರ್ ೨೧, ೨೦೨೦ ಟ್ಟ್ ಆರೆನ್ ಭಾರತೀಯ ನೌಕಾಪಡೆತ ಹೆಲಿಕಾಪ್ಟರ್ ಫ್ಲೀಟ್ ಡ್ ಒಬ್ಸರ್ವರ್ ಆದ್ ನಿಯೋಜನೆ ಆಯೆರ್.ಐ ಎನ್ ಎಸ್ ಕೊಚ್ಚಿಡ್ ಆಯಿನ ಒಬ್ಸರ್ವರ್ ನಕೆಲನ ಪದವಿ ಪ್ರಧಾನ ಸಮಾರಂಬೊಡು ವಿಂಗ್(ರೆಕ್ಕೆ) ತಿಕ್ಕ್ ದಿನ ೧೭ ಅಧಿಕಾರಿಲೆಡ್ ಮೇರ್ ಲಾ ಒರ್ತಿ. ಮೆರೆನ ಈ ಸಾಧನೆಗ್ ಗಾಜಿಯಾಬಾದ್ ದ ಜಿಲ್ಲಾ ಮ್ಯಾಜಿಸ್ಡೇಟ್ ಆಯಿನ ಅಜಯ್ ಶಂಕರ್ ಪಾಂಡೆ, ಮೇರೆಗ್ ಸನ್ಮಾನ ಸಮಾರಂಭೊನ್ ಆಯೋಜನೆ ಮಲ್ತಿತ್ತೆರ್. ಆಂಡ ಕೋವಿಡ್ ದ ಸಮಸ್ಯೆಡ್ದಾತ್ರ ಅಕಲೆಗ್ ಉಂದೆಕ್ಕ್ ಪೋವರೆ ಆಯಿಜಿ. ವಾಯು ಸಂಚರಣೆ, ರಾಪಿನ ವಿಧಾನೊ, ವಾಯು ಯುದ್ದ, ಸುಬ್ ಮೆರೀನ್ ಡ್ ಯುದ್ದ ಇಂಚಿನ ಮಸ್ತ್ ಬಗೆಟ್ ಆರ್ ತರಬೇತಿ ಪಡೆಯೊಂದೆರ್. ಅವು ಮಾತ್ರ ಅತ್ತಾಂದೆ ಸಂವೇದಕ (ಸೆನ್ಸಾರ್) ವಿಷೊಯೊಡುಲಾ ತರಬೇತಿ ಪಡೆತೆರ್. ಆರೆಗ್ MH-60R ಸೀಹಾಕ್ ರಾಪಾವುನ ಅವಕಾಶಲಾ ಉಂಡು. [೧೭] ನೌಕಾಪಡೆ ಯುದ್ಧ ಹಡಗ್ ಡ್ ದೀರ್ಘಾವಿದಿತ ಕಾರ್ಯೊಲೆಗ್ ಮೆರೆನ್ ನಿಯೋಜನೆ ಮಲ್ಪುನ ಅವಕಾಶೊಲು ಮಸ್ತ್ ಉಂಡು.[೧೮]
ಉಲ್ಲೇಕೊ[ಸಂಪೊಲಿಪುಲೆ]
- ↑ https://www.bbc.com/hindi/india-51528221
- ↑ https://www.nytimes.com/2021/09/22/world/asia/india-military-women.html
- ↑ https://pib.gov.in/Pressreleaseshare.aspx?PRID=1696144
- ↑ Indian Army must stop its discrimination against military nurses, Hindustan Times, 13 December 2017.
- ↑ "rediff.com: The General in a Sari - A Slide Show". specials.rediff.com. Retrieved 17 March 2020.
- ↑ "A Doctor Who Looks After An Army". The Financial Express. 8 September 2004. Retrieved 17 March 2020.
- ↑ "The Tribune, Chandigarh, India". www.tribuneindia.com. Retrieved 17 March 2020.
- ↑ "ಆರ್ಕೈವ್ ನಕಲು". Archived from the original on 2006-05-27. Retrieved 2015-03-07.
- ↑ http://www.anusandhan.net/women/suc_padma.htm
- ↑ "Sena Medal for female Army officer". thehindu.com. Retrieved 2017-07-13.
- ↑ "Only army woman to win gallantry award fights to stay in the force". Hindustan Times. Retrieved 2017-07-13.
- ↑ "MP girl Avani Chaturvedi to be one amongst India's first three women fighter pilots". archive.news18.com. 10 March 2016. Archived from the original on 25 May 2021. Retrieved 9 March 2020.
{{cite web}}: Unknown parameter|dead-url=ignored (help) - ↑ "The first Indian woman to fly a fighter jet". BBC News. 22 February 2018. Retrieved 9 March 2020.
- ↑ Mohammed, Syed (14 July 2018). "For IAF's first women fighter pilots Mohana Singh, Bhawana Kanth & Avani Chaturvedi, sky is no limit". The Economic Times. Retrieved 9 March 2020.
- ↑ "Avani Chaturvedi becomes first woman fighter pilot to undertake solo flight in MiG-21". The Indian Express. 22 February 2018. Retrieved 9 March 2020.
- ↑ "In a first, 2 women officers to operate helicopters from Indian Navy warships". Hindustan Times (in ಇಂಗ್ಲಿಷ್). 2020-09-21. Retrieved 2020-09-22.
- ↑ "Meet The Navy's First Women Combat Aviators To Be Deployed On Warships". NDTV.com. Retrieved 2020-09-22.
- ↑ "2 women officers to operate choppers from warships". Rediff (in ಇಂಗ್ಲಿಷ್). Retrieved 2020-09-23.