ಆಂಧ್ರ ಪ್ರದೇಶ

ವಿಕಿಪೀಡಿಯರ್ದ್
Jump to navigation Jump to search
ಆಂಧ್ರಪ್ರದೇಸೊದ ಮ್ಯಾಪು

ಆಂಧ್ರ ಪ್ರದೇಶ ( ప్రదేశ్ ఆంధ్ర ప్రదేశ్ : ಆಂಧ್ರೊದ ಪ್ರಾಂತ್ಯೊ ), ಸಂಕ್ಷಿಪ್ತವಾದ್ A.P. ಪಂಡ್‍ದ್ ಲೆಪ್ಪುನ ಈ ರಾಜ್ಯೊ ಭಾರತೊಆಗ್ನೇಯ ಕಡಲ ಕರೆತ ಬಾಗೊಡುಂಡು. ಭಾರತೊದ ರಾಜ್ಯೊಲೆ ಪೈಕಿಡ್ ಮಲ್ಲ ರಾಜ್ಯೊಂದ್ ಪುದರ್ ದೆತೊಂದಿನ ಕೆಲವೇ ರಾಜ್ಯೊಡು ಉಂದುಲಾ ಒಂಜಾದಿತ್ತ್ಂಡ್. ಜನಸಂಕ್ಯೆದ ಆಧಾರಡೊಡು ಭಾರತೊದ ರಾಜ್ಯೊಲೆ ಪಟ್ಟಿಡ್ ನಾಲನೆದ ಮಲ್ಲ ರಾಜ್ಯೊಂದು ಪನ್ಪುನ ಪುದರ್ ಉಂಡು ಆಂಧ್ರಪ್ರದೇಸೊ ರಾಜ್ಯೊದ ರಾಜಧಾನಿ ಅಮರಾವತಿ. ಭಾರತ ದೇಸೊದ ಮಾಂತ ರಾಜ್ಯೊಲೆ ಪೈಕಿಡ್ ಆಂಧ್ರಪ್ರದೇಸೊದ ಕಡಲ ಕರೆತ ಉದ್ದೊ ೯೭೨ ಕಿ.ಮೀ. ದೇಸೊದ ರಡ್ಡನೆ ಸ್ತಾನೊಡು ಇತ್ತ್ಂಡ್. ಗುಜರಾತ್‌‌ ರಾಜ್ಯೊ ದಿಂಜ ಉದ್ದೊದ ಕಡಲ ಕರೆಂದ್(೧೬೦೦ ಕಿ.ಮೀ.)[೧]

ಆಂಧ್ರ ಪ್ರದೇಸೊ ೧೨°೪೧' ಬುಕ್ಕೊ ೨೨°N ಅಕ್ಷಾಂಸೊ ಅಂಚನೆ ೭೭° ಬುಕ್ಕೊ ೮೪°೪೦'E ರೇಕಾಂಸೊಲೆ ನಡುಟು ಉಂಡು. ಇಂದೆತ ಬಡೆಕಾಯಿಗ್ ತೆಲಂಗಾಣ, ಛತ್ತಿಸ್‌ಗಡ ಬುಕ್ಕೊ ಒರಿಸ್ಸಾ ರಾಜ್ಯೊಲು, ಮೂಡಾಯಿಗ್ ಬಂಗಾಳಕೊಲ್ಲಿ, ತೆನ್ಕಾಯಿಗ್ ತಮಿಳ್ ನಾಡ್ ಅಂಚನೆ ಪಡ್ಡೋಯಿಗ್ ಕರ್ನಾಟಕ ರಾಜ್ಯೊನು ಅಯಿತ ಗಡಿಯಾದ್ ದೆತೊಂದುಂಡು. ಆಂಧ್ರ ಪ್ರದೇಸೊ ಐತಿಹಾಸಿಕವಾದ್ ಭಾರತೊಗಂಜಿದ ಪಾತ್ರೆಂದ್ ಪುದರ್ ಪಡೆವೊಂದುಂಡು. ದಾಯೆ ಪಂಡ ಮುಲ್ಪ ೭೭%ಡ್ದ್ ಹೆಚ್ಚಿಗೆ ಪ್ರಮಾನೊಡು ಮುಲ್ಪ ಬಾರ್‍ನ್ ಬುಲೆಪ್ಪೆರ್.

ಈ ರಾಜ್ಯೊಡು ಗೋದಾವರಿ ಬುಕ್ಕೊ ಕೃಷ್ಣಾ ರಾಜ್ಯೊದ ಉದ್ದೊ ಅಗೆಲೊಗು ಪರಿಪ್ಪುಂಡು. ಪುದುಚೆರಿ (ಪಾಂಡಿಚೆರಿ) ರಾಜ್ಯೊ(ಭಾರತ) ಯಾಣಮ್ ಜಿಲ್ಲೆದ ಪರಾವೃತ ಪ್ರದೇಸೊ (೧೨ sq mi (೩೦ km²)) ರಾಜ್ಯೊದ ಈಸಾನ್ಯೊ ಬಾಗೊಡು ಗೋದಾವರಿ ಸುದೆತ ಮುಖಜ ಭೂಮಿ ಪ್ರದೇಸೊಡುಂಡು.

ರಾಜ್ಯೊದ ಪ್ರದೇಸೊಲೆನ್ ಐತಿಹಾಸಿಕವಾದ್ ಆಂಧ್ರಾಪಥೊ, ಆಂಧ್ರದೇಸ, ಆಂಧ್ರಾವನಿ ಬುಕ್ಕೊ ಆಂಧ್ರ ವಿಸಯೊ ಇಂಚ ಲೆತ್ತೊಂದಿತ್ತೆರ್.[೨] ಆಂಧ್ರ ಪ್ರದೇಸೊ ೧೯೫೬ನೆ ನವೆಂಬರ್ ೧ ತಾರಿಕ್‌ದಾನಿ ಆಂಧ್ರ ರಾಜ್ಯೊಂದ್ ರಚನೆಯಾಂಡ್.

ಉಲ್ಲೇಕೊ[ಸಂಪೊಲಿಪುಲೆ]

  1. "Archive copy". Archived from the original on 2014-03-21. Retrieved 2015-12-17.CS1 maint: Archived copy as title (link)
  2. ಎಸ್. ಎಸ್.ರಾಮಚಂದ್ರ ಮೂರ್ತಿಯೆರ್ ಬರೆಯಿನ ಎ ಸ್ಟಡಿ ಆಫ್‌ ತೆಲುಗು ಪ್ಲೇಸ್‌‌-ನೇಮ್ಸ್‌, ಪು. ೧೦