ಮಂಜಮ್ಮ ಜೋಗತಿ

ಮಂಜಮ್ಮ ಜೋಗತಿ
ಮಂಜಮ್ಮ ಜೋಗತಿ(ನಡುತಾರ್) ಬೇತೆ ಜನಪದ ಕಲಾವಿದೆರ್ನೊಟ್ಟುಗು
ಪುಟ್ಟು	ಬಿ ಮಂಜುನಾಥ ಶೆಟ್ಟಿ ೧೮-೪-೧೯೫೭ ಕಲ್ಲುಕಂಬ, ಬಳ್ಳಾರಿ ಜಿಲ್ಲೆ, ಕರ್ನಾಟಕ
ದೇಸೊ	ಭಾರತೀಯ
ಬೇಲೆ/ಲು	ಬೇಲೆ
ಪುದರ್ ಪೋಯಿನ	ಜೋಗತಿ ನೃತ್ಯ
ದಸ್ಕತ್

ಬಿ. ಮಂಜಮ್ಮ ಜೋಗತಿ ಮಂಗಳಮುಖಿರೆಡ್ ಮುಖ್ಯವಾಯಿನ ಪುದರ್. ಮೇರ್ ತೃತೀಯಲಿಂಗವಾದ್ ಬದಲಾಪಿನ ಸಮಯೊಡ್, ಕುಟುಂಬೊಡ್ದ್ ಬಹಿಷ್ಕಾರ ವಾದ್ ಬೊಕ್ಕ ತನ್ನ ಬದ್ ಕ್ ನ್ ಕಟ್ಟೊಂಡೆರ್ . ಮೆರನ್ ಕುಟುಂಬದಕುಲು ಬಹಿಷ್ಕಾರ ಮಲ್ಪುನ ಪೊರ್ತುಗೇ 'ಜೋಗತಿ' ವೃತ್ತಿನೇ ಬದುಕ್ ಗ್ ಆಧಾರ ಮಲ್ತೊಂದು, ತನ್ನ ೧೮ನೇ ವರ್ಷೊಡ್ದೇ ಕಲಾಸೇವೆ ಮಲ್ತೊಂದು,ಜನಪದ ನೃತ್ಯದ ಮೂಲಕ ಗ್ರಾಮ, ಜಾತ್ರೆ,ಸಂತೆ, ಇಂಚ ಬೇತೆ ಬೇತೆ ಜಾಗೊಡು ಇದಮುಟ್ಟ ಸಾರಗಟ್ಟಲೆ ಪ್ರದರ್ಶನೊಲೆನ್ ಕರ್ನಾಟಕಡ್ ಕೊರ್ತೆರ್. ೨೦೨೧ತ್ತ ಜನವರಿಡ್ ಭಾರತ ಸರ್ಕಾರ, ಮಂಜಮ್ಮನ ಕಲಾಸೇವೆನ್ ಗುರುತಿಸಾದ್ ಪದ್ಮಶ್ರೀ ಪುರಸ್ಕಾರ ಕೊರ್ತುಂಡ್.

ಪುಟ್ಟು

• ಮೇರ್ ಬಳ್ಳಾರಿ ಜಿಲ್ಲೆದ ಕಲ್ಲುಕಂಬದಾರ್. 'ತಗ್ಗಿನ ಮಠ' ಪನ್ಪಿನ ಊರುಡ್ ಪುಟ್ಟುದಿನಿ. ಮೇರೆನ ಪುಟ್ಟು ಪುದರ್ಮಂಜುನಾಥ. ಶಾಲೆಡ್ ಕುಮಾರ ಬಿ. ಮಂಜುನಾಥಶೆಟ್ಟಿ ಪಂಡ್ದ್ ದಾಖಲಾತ್ತಂಡ್. ಪುಟ್ಟುದಿನ ದಿನ ೧೮-೦೪-೧೯೬೪. ಮೇರ್ ಎಸ್.ಎಸ್.ಎಲ್.ಸಿ. ಮುಟ್ಟ ಕಲ್ದೆರ್. ಮೆರೆನ ಅಮ್ಮೆರ್ ಶ್ರೀ ಹನುಮಂತಯ್ಯ ಶೆಟ್ಟಿ, ಅಪ್ಪೆ ಶ್ರೀಮತಿ ಜಯಲಕ್ಷ್ಮೀ

ಜೀವನ

• ಮಂಜಮ್ಮ ಏಳನೇ ಕ್ಲಾಸ್ ಓದುನಗನೇ ತನ್ನ ಶರೀರಡು ದಾದನೋ ವಿಚಿತ್ರ ಬದಲಾವಣೆ ಆಪಿನೆನ್ ತೆರಿಯೋಂಡೆರ್. ಆ ಪೊರ್ತುಗು ಪೊಣ್ಣುಲೆನ ಲೆಕ್ಕ ಉಪ್ಪುನ ಆಸೆಡ್ ಶಾಲೆದ ನಾಟಕೊಲೆಡ್ ಪೊಣ್ಣನ ವೇಷ ಪಾಡೊದಿಂತ್ತೆರ್
• ಪತ್ತನೆತ್ತ ಕ್ಲಾಸ್ ಓದುನ ಪೊರ್ತುಗು ಪುರಾಕಲೆಗ್ ಲಾ ತೋಜುಲೆಕ್ಕ ಆರೆನ ಶರೀರೊಡು ಬದಲಾವಣೆ ಆವರೆ ಶುರುಆಂಡ್. ಮಂಜುನಾಥಶೆಟ್ಟಿನ ನಡವಡಳಿಕೆ ಪೂರಾ ಪೊಣ್ಣಲೆಕ್ಕೊನೇ ಆಂಡ್. ಅಂಚಾದ್ ಆರೆನ ಅಮ್ಮೆರ್ ಆರೆನ್ ಶಾಲೆಡ್ದ್ ಬುಡ್ಪಾದ್ ಪಿಗ್ಮಿ ಸಂಗ್ರಹ ಮಲ್ಪರೆ ಕಡಪುರಿಯೆರ್. ಪೊಣ್ಣ ಲೆಕ್ಕ ಮಲ್ತ್ ಂಡ ಬೆತ್ತೊಡು ಹಾಕೆರೆ ಶುರು ಮಲ್ತೆರ್.
• ನಡುಟ್ಟ್ ಒಂಜಿ ಸರ್ತಿ ವಿಷ ಪರ್ದ್ ಆಸ್ಪತ್ರೆ ಸೇರ್ದಿನ ಮೆರೆನ್ ತೂವರೆ ಇಲ್ಲದಕುಲು ತಿಂಗೊಲುಗಟ್ಟಲೇ ಬರಂದೆ ಉಪ್ಪುನಗ, ಒರ್ತಿಯೇ ಜೀವನ ಮಲ್ಪುನ ನಿರ್ಧಾರ ಮಲ್ಪುವೆರ್.
• ಆರೆಗ್ ಅಪ್ಪೆ ಆದ್, ಗುರುವಾದ್ ಕಾಳಮ್ಮ ಜೋಗತಿ ತಿಕ್ಕುವೆರ್. ಬೊಕ್ಕ ಆರ್ ಸಮಾಜ ಸೇವೆಡ್ ಲಾ, ಕಲಾಸೇವೆಗ್ ಲಾ ತನ್ನ ಜೀವನೊನು ಮೀಸಲು ದೀಪೆರ್.

ನಿರ್ವಹಿಸಾಯಿನ ಕೆಲಸ

• ಕರ್ನಾಟಕ ಜಾನಪದ ಅಕಾಡೆಮಿದ ಅಧ್ಯಕ್ಷೆ ಆದಿತ್ತೆರ್

ಪ್ರಶಸ್ತಿ

Year	Award
೨೦೨೧	ಪದ್ಮಶ್ರಿ ಪ್ರಶಸ್ತಿ
೨೦೦೭	ಜಾನಪದ ಲೋಕ ಪ್ರಶಸ್ತಿ
೨೦೦೮	ಜಾನಪದ ಶ್ರೀ ಪ್ರಶಸ್ತಿ
೨೦೧೦	ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ
೨೦೧೨	ಶ್ರೀ ತಾಯಮ್ಮ ಮಲ್ಲಯ್ಯ ದತ್ತಿನಿಧಿ ಪ್ರಶಸ್ತಿ
೨೦೧೪	ಸಮಾಜ ಸಖಿ ಪ್ರಶಸ್ತಿ
೨೦೦೬	ಕರ್ನಾಟಕ ಜಾನಪದ ಯಕ್ಷಗಾನ ಅಕಾಡೆಮಿ ಪ್ರಶಸ್ತಿ

ಹೆಚ್ಚಿನ ಮಾಹಿತಿಗ್

• ಮಂಜಮ್ಮ ಜೋಗತಿ