ಮಾಣಿ
ಮಾಣಿ | |
|---|---|
ಪೇಂಟೆ | |
  ಮಾಣಿ ಕರ್ನಾಟಕೊಡು ಮಾಣಿ | |
| ನಿರ್ದೇಶಾಂಕೊ: 12°49′52″N 75°06′11″E / 12.831°N 75.103°E | |
| ದೇಶ |  ಭಾರತ |
| ರಾಜ್ಯ | ಕರ್ನಾಟಕ |
| ಜಿಲ್ಲೆ | ದಕ್ಷಿಣ ಕನ್ನಡ |
| ತಾಲೂಕು | ಬಂಟ್ವಾಳ |
| ಸರ್ಕಾರೊ | |
| ಆಡಳಿತ ಸಂಸ್ತೆ | ಗ್ರಾಮ ಪಂಚಾಯತ್ |
| ಜನಸಂಕ್ಯೆ (2011) | |
• Total | ೩,೬೬೫ |
| ಬಾಸೆಲು | |
| ಸಮಯ ವಲಯೊ | UTC+5:30 (IST) |
| ಪಿನ್ ಕೋಡು | 574253[೧] |
| ಗಾಡಿದ ನಂಬರ್ | KA 21, KA 19 |
| ಲೋಕಸಭೆ | ಮಂಗಳೂರು |
| ವಿಧಾನಸಭೆ | ಬಂಟ್ವಾಳ |
ಮಾಣಿ ಕರ್ನಾಟಕೊ ರಾಜ್ಯೊದ ದಕ್ಷಿಣ ಕನ್ನಡ ಜಿಲ್ಲೆದ ಬಂಟ್ವಾಳ ತಾಲೊಕುದ ಒಂಜಿ ಊರು. ಮಾಣಿ ಪನ್ಪುನ ಊರು ಕುಡ್ಲಡ್ದ್ ಪುತ್ತೂರುಗ್ ಪೋನಗ ೩೯ ಕಿಲೋಮೀಟರ್ ದೂರೊಡು ತಿಕ್ಕುಂಡು. ಮುಲ್ಪನೇ ಮೈಸೂರು-ಮಂಗಳೂರು ಬುಕ್ಕೊ ಬೆಂಗಳೂರು-ಮಂಗಳೂರು ರಾಜಮಾರ್ಗೊ ತೆಲದ್ ಬೇತೆ-ಬೇತೆ ಆಪುಂಡು. ಈ ಗ್ರಾಮೊಡು ನಾಲ್ ಸಾರ ಮುಟ್ಟ ಜನಕುಲು ಉಲ್ಲೆರ್. ಮಾಣಿದಕ್ಲೆಗ್ ಬಿ.ಸಿ.ರೋಡ್ ತಾಲೂಕು ಕೆಂದ್ರ. ವಿಟ್ಲ ಕಸಬಾ ಬುಕ್ಕೊ ಪೋಲೀಸ್ ಸ್ಟೆಶನ್.
ಜಾಗ್ದ ಮಹಿಮೆ
[ಸಂಪೊಲಿಪುಲೆ]ಮಾಣಿ ಪುದರ್ ಬತ್ತಿನ ಇತಿಹಾಸ ತೂಂಡ ಬಾರೀ ಅಚ್ಚಿರ ಆಪುಂಡು. ಮಾಣಿಡ್ ಉಳ್ಳಾಲ್ತಿ ದೈವದ ಮಾಡ ಉಂಡು. ವರ್ಸ ವರ್ಸ ಬಾರೀ ಮಲ್ಲ ಜಾತ್ರೆಲಾ ನಡಪುಂಡು. ದುಂಬುದ ಕಾಲೊಡು ಆ ಜಾಗೆಡ್ ಮಾಣಿಕೊದ ಕಲ್ಲ್ ಇತ್ತ್ಂಡ್. ಅಂಚಾದ್ ಅವು ಕಾರ್ಣಿಕದ ಜಾಗೆ. ಆ ಮಣ್ಣ್ಡ್ ನ್ಯಾಯ-ಪ್ರಮಾಣ ಮಲ್ತ್ಂಡ ರಡ್ಡ್ ಪಾಲ್ ದಕ್ಲೆಗ್ಲಾ ದೋಸ ಬರ್ಪುಂಡು ಪನ್ಪೆರ್.
ತಾಲೂಕು ಪಂಚಾಯತ್
[ಸಂಪೊಲಿಪುಲೆ]ಮಾಣಿ ಇತ್ತೆ ಮಲ್ಲ ಊರಾದ್ ಬೊಲೆತ್ಂಡ್. ಮಾಣಿ ತಾಲೂಕು ಪಂಚಾಯತ್ ಆತ್ಂಡ್. ಮಾಣಿ ಗ್ರಾಮದ ಸುತ್ತ ಮುತ್ತ ನೆಟ್ಲಮುಡ್ನೂರ್, ಪೆರಾಜೆ, ಅನಂತಾಡಿ, ಬರಿಮಾರ್, ಬುಡೋಳಿ ಪನ್ಪುನ ಊರುಲು ಉಲ್ಲ. ಮಾಣಿಡ್ ಒಂಜಿ ಎಲ್ಯ ಸರಕಾರಿ ಆಸ್ಪತ್ರೆ ಉಂಡು. ದುಂಬು ಉಂದು ಪ್ರಾಥಮಿಕ ಆರೋಗ್ಯ ಕೇಂದ್ರ ಆದ್ ಇತ್ತಿಂಡ್. ಅಂಚನೆ ಒಂಜಿ ಪಶುಕುಲೆನ ಆಸ್ಪತ್ರೆ ಉಂಡು. ಮಾಣಿಡ್ ಸರಕಾರಿ ಶಾಲೆ ಏಳನೇ ಕ್ಲಾಸ್ ಮುಟ್ಟ ಉಂಡು. ಕರ್ನಾಟಕ ಹೈಸ್ಕೂಲು[೨] ಪನ್ಪುನ ಶಾಲೆ, ಇತ್ತೆ ಪಿ,ಯು.ಸಿ ಮುಟ್ಟ ಅತ್ಂಡ್. ಬೇತೆ ಶಾಲೆಲ್ಲಾ ಉಂಡು. ಮಾಣಿ ಶಾಲೆಡ್ ನಡಪುನ ಶಾರದಾ ಪೂಜೆ ಬಾರೀ ಪುದರ್ ಪೋತಿನವು.
ಮಾಣಿದ ಬಿರ್ಸೆರ್
[ಸಂಪೊಲಿಪುಲೆ]ಮಾಣಿದ ಊರುದ್ದು ಮಾಣಿ ಆನಂದ ಶೆಟ್ಟಿ[೩] ಪನ್ಪುನ ಪಾರುನ ಬಿರ್ಸೆ, ಕಬಡ್ಡಿದ ಉದಯ ಚೌಟ, ಶಶಿ ಪೂಜಾರಿ, ಹಬೀಬ್ ಪನ್ಪುನ ಜವನಿಯೆರ್ ಪುದರ್ ಮಲ್ತೆರ್. ಚೇತನ್ ರೈ ಮಾಣಿ [೪] ಸಿನಿಮಾ ಕಲಾವಿದೆ.
ಮಾಣಿದ ಸಂತೆ
[ಸಂಪೊಲಿಪುಲೆ]ಮಾಣಿಡ್ ಶನಿವಾರ ಬೊಲ್ಪುದ್ದು ಮದ್ಯಾಹ್ನ ಮುಟ್ಟ ಸಂತೆ ನಡಪುಂಡು. ಮಾಣಿಡ್ ಮೂಜಿ ಮಾರ್ಗ ಸೇರುನ ಜಾಗೆಡ್ ಸಂತೆದ ಕಲ ಉಂಡು. ಸಂತೆಗ್ ಭಾರಿ ಜನ ಸೆರುವೆರ್.
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "India Post PIN code search". Archived from the original on 2013-09-06.
- ↑ "KARNATAKA HIGH SCHOOL MANI – Mani, District Dakshina Kannada (Karnataka)". schools.org.in (in ಇಂಗ್ಲಿಷ್). Retrieved 16 July 2022.
- ↑ https://www.kannadigaworld.com/news/karavali/13178.html
- ↑ https://timesofindia.indiatimes.com/topic/Chethan-Rai-Mani?from=mdr
| sri mahadeva guruji vidhyalaya in kudavasal |