ಮಿಜಾರು ಅಣ್ಣಪ್ಪ

ಮಿಜಾರು ಅಣ್ಣಪ್ಪ ತುಳು ಯಕ್ಷಗಾನ ಕ್ಷೇತ್ರೊಡು ಪುಗರ್ತೆ ಪಡೆಯಿನ ಒರಿ ಹಾಸ್ಯಗಾರೆ ಆದಿತ್ತೆರ್. ಇಂಬೆರೆಗ್ ಹಾಸ್ಯ ಚಕ್ರವರ್ತಿ, ಅಭಿನವ ತೆನಾಲಿ ಪಂಡ್ದ್‍ ಪುದರ್ ಇತ್ತ್ಂಡ್. ಕೋಟಿ ಚೆನ್ನಯದ ಪಯ್ಯ ಬೈದ್ಯೆ ಬುಕ್ಕ ಜ್ಯೋತಿಷಿ, ದೇವುಪೂಂಜದ ಲಿಂಗಪ್ಪೆ, ಕೊರ್ದಬ್ಬು ಬಾರಗೊಡು ಕೊರ್ದಬ್ಬುನ ದೋಸ್ತಿ- ಉಂದು ಅಣ್ಣಪ್ಪೆರೆಗ್ ಪುದರ್ ಕೊಣತಿನ ಕೆಲವು ಪಾತ್ರೊಲು. ಯಕ್ಷಗಾನ ಕ್ಷೇತ್ರೊಗು ಕಾರ್ ದೀ ಬೊಕ್ಕ ಸುಮಾರ್ ೬೮ ವರ್ಷ ಮುಟ್ಟ ಅಣ್ಣಪ್ಪೆರ್ ಯಕ್ಷಗಾನ ಕಲಾವಿದೆ ಆದ್ ಸೇವೆ ಸಂದಾಯೆರ್.

ಪುಟ್ಟಿನಿ ಬುಕ್ಕ ಕಲ್ಪಾಟ[ಸಂಪೊಲಿಪುಲೆ]

ಅಣ್ಣಪ್ಪೆರ್ ದಕ ಜಿಲ್ಲೆದ ಮೂಡುಬಿದಿರೆ ತಾಲೂಕುದ ಮಿಜಾರ್ ಗ್ರಾಮೊದ ಕೈತಲ್ ಇತ್ತಿನ ಕಿಂಡೇಲ್ ಪನ್ಪಿನ ಊರುಡು, ೧೯೨೪ನೇ ಇಸವಿಡ್ ಕುಡುಬಿ ಕುಟುಮೊಡು ಪುಟ್ಟಿಯೆರ್. ಅಮ್ಮೆರ್ ಕೊರಗ ಗೌಡ, ಅಪ್ಪೆನ ಪುದರ್ ಪಾರ್ವತಿ. ಬೆದ್ರದ ಕೈತಲ್ ಇಪ್ಪುನ ಅಶ್ವತ್ಥಪುರಟ್ ಇಪ್ಪುನ ವಾಣಿವಿಲಾಸ ಶಾಲೆಡ್ ೬ನೇ ಕ್ಲಾಸ್ ಮುಟ್ಟ ಕಲ್ತೆರ್. ಶಾಲೆಗ್ ಪೋವೊಂದು ಇಪ್ಪುನಗ ಅಪ್ಪೆ ತೀರಿಯೆರ್. ಅಂಚಾದ್ ಶಾಲೆ ಬುಡ್ದು ಬೇಲೆಗ್ ಸೇರೊಡಾಂಡ್. ಸುಮಾರ್ ೧೦ ವರ್ಷ ಕುಂಟು ನೇಪುನ ಬೇಲೆ ಮಲ್ತೆರ್. ಬೇಲೆಡ್ ಇಪ್ಪುನಗ ಆರೆಗ್ ಯಕ್ಷಗಾನ ಕಲೆಕ್ ಮನಸ್ ಮರ್ಲ್ಂಡ್. ಮಿಜಾರ್ಡ್ ಇತ್ತಿನ ಯಕ್ಷಗಾನ ಕಲಾ ಸಂಘೊಗು ಸೇರ್ದ್ ಅಲ್ಪ ಮೂಡುಬಿದಿರೆ ಸಣ್ಣಪ್ಪೆರೆಡ ಒಂಜಿ ವರ್ಷ ನಾಟ್ಯ ಬುಕ್ಕ ಅರ್ಥಗಾರಿಕೆನ್ ಅಭ್ಯಾಸ ಮಲ್ತೆರ್^[೧].

ಮೇಳ ಸೇರಿನಿ[ಸಂಪೊಲಿಪುಲೆ]

೧೯೪೦ನೇ ಇಸವಿಡ್ ಅಣ್ಣಪ್ಪೆರ್, ಬೊಳ್ತೆರ್‌ದ ಪಟ್ಲೆರ್ ನಡಪವೊಂದಿತ್ತಿನ ಕೂಡ್ಲು ಮೇಳೊಗು ಸೇರಿಯೆರ್. ಅಲ್ಪ ಯಕ್ಷಗಾನೊದ ವಿದ್ವಾಂಸೆರಾಯಿನ ಕೂಡ್ಲು ಸುಬ್ರಾಯ ಶಾನುಭೋಗೆರೆನ ಬೆರಿಸಾಯ ಸಿಕ್ಕಿಂಡ್. ಆಲ್ಪಡ್ದ್ ಕಟೀಲು ಬೊಕ್ಕ ಕುಂಡಾವು ಮೇಳೊಡು ೨ ವರ್ಷ, ಇರಾ ಸೋಮನಾಥೇಶ್ವರ ಮೇಳೊಡು ೧೦ ವರ್ಷ, ಕಲಾಡಿ ಕೊರಗ ಶೆಟ್ರೆನ ಕರ್ನಾಟಕ ಮೇಳೊಡು ೩೮ ವರ್ಷ, ಕುಡ ಕಟೀಲ್ ಮೇಳೊಡು ೨ ವರ್ಷ ಕಲಾಸೇವೆ ಮಲ್ತೆರ್^[೨]^[೩].

ಹಾಸ್ಯಗಾರೆ ಆದ್[ಸಂಪೊಲಿಪುಲೆ]

ಅಣ್ಣಪ್ಪೆರ್ ಹಾಸ್ಯಾಗಾರೆ ಆಯಿನಿ ಒಂಜಿ ನೆನಪಂದಿನ ಪೊರ್ತುಡು. ಕರ್ನಾಟಕ ಮೇಳೊಡು ಇಪ್ಪುನಗ ಅಣ್ಣಪ್ಪೆರ್ ಹಿರಣ್ಯಾಕ್ಷೆ, ರಾವಣೆ ಇಂಚಿತ್ತಿನ ಬಣ್ಣದ ಪಾತ್ರ ಮಲ್ತೊಂದಿತ್ತೆರ್. ಅಣ್ಣಪ್ಪೆರೆನ ಹಾಸ್ಯ ಪ್ರತಿಭೆನ್ ತೂತಿನ ಮೇಳೊದ ಯಜಮಾನೆ ಕೊರಗ ಶೆಟ್ರ್, ಈರ್ ನನ ಹಾಸ್ಯಪಾತ್ರ ಮಲ್ಪುಲೆ ಪಂಡೆರ್. ಅಣ್ಣಪ್ಪೆರ್ ಹಾಸ್ಯಗಾರೆ ಆಯಿನಿ ಇಂಚ^[೪].

ಸಾಮಾನ್ಯವಾದ್, ಹಾಸ್ಯೊದ ಹಿನ್ನೆಲೆ ಇಜಾಂದಿನ ಕೆಲವು ಪಾತ್ರೊಲೆಡ್ ಹಾಸ್ಯ ಮಲ್ಪಾವುನ ಬಾರಿ ಸವಾಲ್‌ದ ಬೇಲೆ ಆಪುಂಡು. ಅಣ್ಣಪ್ಪರೆಗ್ ಸಿಕ್ಕಿನ ಪಾತ್ರೊಲು ಮಾತ ಇಂಚಿತ್ತಿನ ಮುಗ್ಧ ಪಾತ್ರೊಲು. ಈ ಪಾತ್ರೊಲೆನ್‌ಲಾ ಅಣ್ಣಪ್ಪೆರ್ ತನ್ನ ಕಲ್ಪನೆನ್ ಗಲಸ್‌ದ್, ಸುದ್ದ ತುಳು ಬಾಸೆದ ಮೂಲಕ ರಂಗಸ್ತಲೊಟ್ಟು ಪ್ರದರ್ಶಿಸಾಯೆರ್. ಆ ಕಾಲೊಡು ಅಣ್ಣಪ್ಪ-ರಾಮದಾಸ ಸಾಮಗ, ಅಣ್ಣಪ್ಪ-ಕೋಳ್ಯೂರು ಜೋಡಿ ತೆಂಕುತಿಟ್ಟುದ ಯಕ್ಷಗಾನೊ ಕ್ಷೇತ್ರೊಡು ಬಾರಿ ಪುಗರ್ತೆದ ಹಾಸ್ಯಜೋಡಿ ಆದಿತ್ಂಡ್. ಬೊಳ್ಳಿಗಿಂಡೆದ ದೇಚು, ಕೋಟಿಚೆನ್ನಯದ ಪಯ್ಯಬೈದ್ಯ, ಜೋತಿಷಿ, ದೇವುಪೂಂಜದ ಲಿಂಗಪ್ಪ ಆಚಾರಿ, ಕೋರ್ದಬ್ಬು ಬಾರಗದ ಬಬ್ಬುನ ದೋಸ್ತಿ- ಉಂದು ಮಾತ ಅಣ್ಣಪ್ಪೆರೆಗ್ ಪುಗರ್ತೆ ಕೊನದಿನ ಪಾತ್ರೊಲು^[೫].

ಪಡೆಯಿನ ಪ್ರಶಸ್ತಿಲು[ಸಂಪೊಲಿಪುಲೆ]

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಯ 1996-97 ಸಾಲಿನ ಗೌರವ ಪ್ರಶಸ್ತಿ
ರಾಜ್ಯೋತ್ಸವ ಪ್ರಶಸ್ತಿ
ಶ್ರೀಕೃಷ್ಣ ಮಠದ ರಾಜಾಂಗಣದ ಗೌರವ ಪ್ರಶಸ್ತಿ

ತೀರಿನಿ[ಸಂಪೊಲಿಪುಲೆ]

ಯಕ್ಷಗಾನೊ ಕ್ಷೇತ್ರೊಡು ಹಾಸ್ಯಪಾತ್ರೊಗು ಕಳೆ ಕೊನತ್ ಕೊರ್ನ ಮಿಜಾರ್ ಅಣ್ಣಪ್ಪೆರ್ ಮಿಜಾರ್‌ದ ತನ್ನ ಇಲ್ಲಡ್ ೯೩ನೇ ಪ್ರಾಯೊಡು ತೀರಿಯೆರ್. ಅರೆಗ್ ತಿಗಲೆಬೇನೆ ಆದಿತ್ಂಡ್^[೬].

ಉಲ್ಲೆಕೊಲು[ಸಂಪೊಲಿಪುಲೆ]

[1] ttp://bayalata.com/?1~1062~%E0%B2%A4%E0%B3%86%E0%B3%A6%E0%B2%95%E0%B3%81%20%E0%B2%A4%E0%B2%BF%E0%B2%9F%E0%B3%8D%E0%B2%9F%E0%B2%BF%E0%B2%A8%20%E0%B2%B9%E0%B2%BF%E0%B2%B0%E0%B2%BF%E0%B2%AF%20%E0%B2%B9%E0%B2%BE%E0%B2%B8%E0%B3%8D%E0%B2%AF%E0%B2%B0%E0%B2%A4%E0%B3%8D%E0%B2%A8%20%20%E0%B2%AE%E0%B2%BF%E0%B2%9C%E0%B2%BE%E0%B2%B0%E0%B3%81%20%E0%B2%85%E0%B2%A3%E0%B3%8D%E0%B2%A3%E0%B2%AA%E0%B3%8D%E0%B2%AA%20%E0%B2%85%E0%B2%B8%E0%B3%8D%E0%B2%A4%E0%B3%A6%E0%B2%97%E0%B2%A4%20%20Legendary%20%20Yakshagana%20artist%20Mijaru%20Annappa

[2] ttp://bayalata.com/?1~1067~%E0%B2%B9%E0%B2%BE%E0%B2%B8%E0%B3%8D%E0%B2%AF%E0%B2%97%E0%B2%BE%E0%B2%B0%E0%B2%B0%20%E0%B2%85%E0%B2%97%E0%B3%8D%E0%B2%B0%E0%B2%9C%20%E0%B2%AE%E0%B2%BF%E0%B2%9C%E0%B2%BE%E0%B2%B0%E0%B3%81%20%E0%B2%85%E0%B2%A3%E0%B3%8D%E0%B2%A3%E0%B2%AA%E0%B3%8D%E0%B2%AA%20Mijaru%20Annappa

[3] ttp://bayalata.com/?1~1062~%E0%B2%A4%E0%B3%86%E0%B3%A6%E0%B2%95%E0%B3%81%20%E0%B2%A4%E0%B2%BF%E0%B2%9F%E0%B3%8D%E0%B2%9F%E0%B2%BF%E0%B2%A8%20%E0%B2%B9%E0%B2%BF%E0%B2%B0%E0%B2%BF%E0%B2%AF%20%E0%B2%B9%E0%B2%BE%E0%B2%B8%E0%B3%8D%E0%B2%AF%E0%B2%B0%E0%B2%A4%E0%B3%8D%E0%B2%A8%20%20%E0%B2%AE%E0%B2%BF%E0%B2%9C%E0%B2%BE%E0%B2%B0%E0%B3%81%20%E0%B2%85%E0%B2%A3%E0%B3%8D%E0%B2%A3%E0%B2%AA%E0%B3%8D%E0%B2%AA%20%E0%B2%85%E0%B2%B8%E0%B3%8D%E0%B2%A4%E0%B3%A6%E0%B2%97%E0%B2%A4%20%20Legendary%20%20Yakshagana%20artist%20Mijaru%20Annappa

[4] ttp://bayalata.com/?1~1067~%E0%B2%B9%E0%B2%BE%E0%B2%B8%E0%B3%8D%E0%B2%AF%E0%B2%97%E0%B2%BE%E0%B2%B0%E0%B2%B0%20%E0%B2%85%E0%B2%97%E0%B3%8D%E0%B2%B0%E0%B2%9C%20%E0%B2%AE%E0%B2%BF%E0%B2%9C%E0%B2%BE%E0%B2%B0%E0%B3%81%20%E0%B2%85%E0%B2%A3%E0%B3%8D%E0%B2%A3%E0%B2%AA%E0%B3%8D%E0%B2%AA%20Mijaru%20Annappa

[5] ttp://bayalata.com/?1~1067~%E0%B2%B9%E0%B2%BE%E0%B2%B8%E0%B3%8D%E0%B2%AF%E0%B2%97%E0%B2%BE%E0%B2%B0%E0%B2%B0%20%E0%B2%85%E0%B2%97%E0%B3%8D%E0%B2%B0%E0%B2%9C%20%E0%B2%AE%E0%B2%BF%E0%B2%9C%E0%B2%BE%E0%B2%B0%E0%B3%81%20%E0%B2%85%E0%B2%A3%E0%B3%8D%E0%B2%A3%E0%B2%AA%E0%B3%8D%E0%B2%AA%20Mijaru%20Annappa

[6] "Archive copy". Archived from the original on 2022-07-26. Retrieved 2022-07-26.{{cite web}}: CS1 maint: archived copy as title (link)

[೧]

[೨]

[೩]

[೪]

[೫]

[೬]