ರಾಣಿ ರಾಂಪಾಲ್

ವಿಕಿಪೀಡಿಯರ್ದ್
ರಾಣಿ ರಾಂಪಾಲ್ (ನೀಲಿ ಬಣ್ಣ)

ರಾಣಿ ರಾಂಪಾಲ್ ಪುಟ್ಟಿದಿನಿ ಡಿಸೆಂಬರ್ ೪ ೧೯೯೪.ಆರ್ ಭಾರತದ ಹಾಕಿ ಗೊಬ್ಬುದಾರಾದುಲ್ಲೆರ್.ಆರೆನ ೧೫ನೇ ವರ್ಷೊಡು ಭಾರತದ ರಾಷ್ಟ್ರೀಯ ಹಾಕಿ ತಂಡೊಡಿತ್ತ್ ದ್೨೦೧೦ ನೇ ವಿಶ್ವಕಪ್‍ ಡ್ ಭಾಗವಹಿಸದೆರ್.

ಸುರುತ ಜೀವನ[ಸಂಪೊಲಿಪುಲೆ]

ರಾಣಿ ರಾಂಪಾಲ್ ಡಿಸೆಂಬರ್ ೪, ೧೯೯೪ ಡ್ ಹರ್ಯಾಣದ ಕುರುಕ್ಷೇತ್ರ ಜಿಲ್ಲೆದ ಶಹಾಬಾದ್ ಮಾರ್ಕಂಡ ಪನ್ಪಿನಲ್ಪ ಪುಟ್ಯೆರ್,ಆರ್ ಬಡ ಕುಟುಂಬದ ಹಿನ್ನಲೆನ್ ಹೊಂದ್ ದಿತ್ತಿನಾರ್[೧]. ಅರೆನ ಪೊಪ್ಪಗ್ ಬಂಡಿ ಒಯಿಪುನ ಉದ್ಯೋಗ.2003 ಡ್ ರಾಣಿ ಹಾಕಿ ತರಬೇತಿನ್ ಸುರು ಮಲ್ತೆರ್ ಬೊಕ್ಕ ದ್ರೋಣಾಚಾರ್ಯ ಪ್ರಶಸ್ತಿನ ಪಡೆಯಿನ ಬಲ್ದೇವ್ ಸಿಂಗ್ ನ ಮಾರ್ಗದರ್ಶನೊಡು ಶಹಬಾದ್ ಹಾಕಿ ಅಕಾಡೆಮಿಡ್ ತರಬೇತಿ ಪಡೆಯೆರ್. ವೃತ್ತಿಪರವಾದ್ ಗೊಬ್ಬೆರೆ ಸುರು ಮಲ್ಪುನಗ ಗೋಸ್ಪೋರ್ಟ್ಸ್ ಫೌಂಡೇಷನ್, ಕ್ರೀಡಾ ಸರ್ಕಾರೇತರ ಸಂಸ್ಥೆಲು ದುಡ್ಡು ಕಾಸ್ ದ ಬೆಂಬಲ ಕೊರೊಂದಿತ್ತೊ[೨].

ವೃತ್ತಿಜೀವನ[ಸಂಪೊಲಿಪುಲೆ]

2009 ಜೂನ್‍ ಡ್ ರಷ್ಯಾ ಕಜನ್ನಡ್ ನಡತಿನ ಚಾಂಪಿಯನ್ಸ್ ಚಾಲೆಂಜ್ ಟೂರ್ನಮೆಂಟ್‍ದ ಕಡೆತ ಪಂದ್ಯೊಡು 4 ಗೋಲ್ ಲೆನ್ ಹಾಕ್ ದ್ ಭಾರತ ತಂಡೊನ್ ಗೆಂದಾಯೆರ್. ಆರ್ "ಟಾಪ್ ಗೋಲ್ ಸ್ಕೋರರ್"ಬೊಕ್ಕ "ಟೂರ್ನಮೆಂಟ್‍ ದ ಯುವ ಆಟಗಾರ್ತಿ" ಪನ್ಪಿ ಬಿರ್ದ್ ಪಡೆಯೆರ್.

2009 ನವೆಂಬರ್‍ ಡ್ ನಡತಿನ ಏಷ್ಯಾ ಕಪ್‍ ಡ್ ಭಾರತೀಯ ತಂಡೊ ಬೊಳ್ಳಿ ಪದಕ ಗೆಂದುನೆಟ್ ಅರೆನ ಪಾತ್ರ ಪ್ರಮುಖವಾದಿತ್ತ್ಂಡ್ . 2010 ಡ್ ಕಾಮನ್ವೆಲ್ತ್ ಕ್ರೀಡಾಕೂಟ ಬೊಕ್ಕ 2010 ಏಷ್ಯನ್ ಕ್ರೀಡಾಕೂಟೊಡು ಭಾರತದ ರಾಷ್ಟ್ರೀಯ ತಂಡದೊಟ್ಟುಗು ಗೊಬ್ಬಿ ಬೊಕ್ಕ ರಾಮ್ಪಾಲ್ 2010ಡ್ ಮಹಿಳಾ ಆಲ್ ಸ್ಟಾರ್ ತಂಡೊನು ಸೇರಿಯೆರ್. 2010ಡ್ ಏಷ್ಯನ್ ಕ್ರೀಡಾಕೂಟೊಡು ಗ್ವಾಂಗ್ಝೌಡ್ ಅರೆನ ಕಾರ್ಯ ನಿರ್ವಹಣೆದ ಆಧಾರದ ಮಿತ್ತ್ ಏಷ್ಯನ್ ಹಾಕಿ ಫೆಡರೇಶನ್ ಆಲ್ ಸ್ಟಾರ್ ತಂಡೊಗು ಅರೆನ್ ಸೇರ್ಸಾವೊಂಡೆರ್.

ಅರ್ಜೆಂಟೀನಾದ ರೊಸಾರಿಯೋ ಡ್ ನಡತಿನ 2010 ಮಹಿಳಾ ಹಾಕಿ ವಿಶ್ವಕಪ್‍ ಡ್ ಅರ್ ಒಟ್ಟು ಏಳ್ ಗೋಲ್ ಲೆನ್ ಹಾಕ್ ದೆರ್, ಉಂದು ವಿಶ್ವ ಮಹಿಳಾ ಹಾಕಿ ಶ್ರೇಯಾಂಕಡ್ ಒರ್ಬ್ ನೆ ಸ್ಥಾನೊಡುವುಂಡು.ಉಂದು 1978 ದಿಂಚಿಲ ಭಾರತದ ಅತ್ಯುತ್ತಮ ಪ್ರದರ್ಶನವಾದುಂಡು. 2010 ನ ಎಫ್ಐಹೆಚ್ ಮಹಿಳಾ ಯುವ ಆಟಗಾರ ಪ್ರಶಸ್ತಿಗ್ ನಾಮನಿರ್ದೇಶನ ಆಯೀಣಾ ಏಕೈಕ ಭಾರತೀಯ ಪೊಂಜೊ ಪನ್ಪಿ ಹೆಗ್ಗಳಿಕೆ ಮೆರೆನ ಪಾಲ್ ಗುಂಡು. ಮಹಿಳಾ ಹಾಕಿ ವಿಶ್ವಕಪ್ 2010ನ ಪಂದ್ಯಾವಳಿಡ್ ಅಗ್ರ ಕ್ಷೇತ್ರ ಗೋಲ್ ಸ್ಕೋರರ್ ಆದ್ ಅರೆನ ನಾಕ್ಷತ್ರಿಕ ಪ್ರದರ್ಶನೊನು ಗುರುತಿಸದ್ ಅರೆಗ್ "ಅತ್ಯುತ್ತಮ ಯುವ ಆಟಗಾರ್ತಿ ಪಂದ್ಯಾವಳಿದ ಪ್ರಶಸ್ತಿ" ಕೊರ್ತೆರ್. 2013 ಡ್ ಜೂನಿಯರ್ ವಿಶ್ವಕಪ್‍ ಡ್ ಮೆರೆನ್ "ಪ್ಲೆಯೆರ್ ಆಫ್‍ ಟೂರ್ನಮೆಂಟ್‍' ಪಂದ್ ತೀರ್ಮಾನ ಮಲ್ತೆರ್, ಭಾರತ ಕಂಚಿದ ಪದಕ ಗೆಂದುನ ಮೂಲಕ ಗೊಬ್ಬು ಮುಕ್ತಾಯ ಆಂಡ್. ಮೆರ್ FICCI 'ಕಮ್ಬ್ಯಾಕ್ ಆಫ್ ದಿ ಇಯರ್ 2014' ಪ್ರಶಸ್ತಿಗೆ ಪಾತ್ರರಾದುಲ್ಲೆರ್.

ಉಲ್ಲೇಕೊ[ಸಂಪೊಲಿಪುಲೆ]

  1. https://www.shethepeople.tv/news/karnataka-cop-d-roopa-sued-ex-boss/
  2. https://www.gettyimages.in/photos/rani-rampal?sort=mostpopular&mediatype=photography&phrase=rani%20rampal&family=editorial