ರಾಷ್ಟ್ರೀಯ ಶಿಕ್ಷಣ ನೀತಿ

ರಾಷ್ಟ್ರೀಯ ಶಿಕ್ಷಣದ ನೀತಿ (NPE- National Policy on Education) ಪನ್ಪುನವು ಭಾರತದ ಜನಕುಲೆಡ ಶಿಕ್ಷಣೊನು ಉತ್ತೇಜನ ಮಲ್ಪೆರೆ ಭಾರತ ಸರ್ಕಾರ ರೂಪಿಸಾಯಿನ ಒಂಜಿ ನೀತಿ. ಈ ನೀತಿ ಗ್ರಾಮೀಣ ಬೊಕ್ಕ ನಗರ ಭಾರತದ ಕಾಲೇಜು ಬೊಕ್ಕ ಪ್ರಾಥಮಿಕ ಶಿಕ್ಷಣೊನು ಒಳಗೊಂಡ್‌ದ್ ಉಂಡು. 1968 ಟ್ ಪ್ರಧಾನ ಮಂತ್ರಿ ಇಂದಿರಾ ಗಾಂಧಿಯೆರೆರ್ದ್ ಸುರುತ ಸರ್ತಿಗ್ ರಾಷ್ಟ್ರೀಯ ಶಿಕ್ಷಣದ ನೀತಿ (NPE ಘೋಷಣೆ ಆಂಡ್‍. 1986 ಟ್ ಪ್ರಧಾನಿ ರಾಜೀವ್ ಗಾಂಧಿ ಅಡೆರ್ದ್ ರಡನೇ ಸರ್ತಿಗ್‍ ಘೋಷಣೆ ಆಂಡ್‍. 2017ಟ್ ಭಾರತ ಸರ್ಕಾರ ಕೆ. ಕಸ್ತೂರಿರಂಗನ್ ಅರೆನ ನೇತೃತ್ವಡ್ ಪೊಸ ರಾಷ್ಟ್ರೀಯ ಶಿಕ್ಷಣಕ್ಕಾದ್ ಕರಡು ಸಿದ್ಧತೆಗಾದ್ ಪೊಸ ಸಮಿತಿನ್ ನೇಮಿಸಾಂಡ್.

2019 ಟ್ ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವಾಲಯ ಪೊಸ ಶಿಕ್ಷಣ ನೀತಿ 2019 ಕರಡನ್ ಬುಡುಗಡೆ ಮಲ್ತ್‌ಂಡ್. ಅಯಿರ್ದ್ ಬೊಕ್ಕ ಮಸ್ತ್ ಸಾರ್ವಜನಿಕ ಸಮಾಲೋಚನೆಲು ನಡತ್ಂಡ್. ಅಸ್ತಿತ್ವೊಡು ಉಪ್ಪುನ ಭಾರತೀಯ ಶಿಕ್ಷಣ ವ್ಯವಸ್ಥೆಡ್ ಬೇತೆ ಬೇತೆ ಬದಲಾವಣೆಲೆನ್ ಪರಿಚಯ ಮಲ್ಪುನ ಉದ್ದೇಶೊರ್ದು 2020 ತ ಜುಲೈ 29 ತಾನಿ ಕ್ಯಾಬಿನೆಟ್ ಪೊಸ ರಾಷ್ಟ್ರೀಯ ಶಿಕ್ಷಣ ನೀತಿನ್‍ ಅಂಗೀಕಾರ ಮಲ್ತ್ಂಡ್. ^[೧]

ಇತಿಹಾಸೊ

1947 ಟ್ ದೇಶದ ಸ್ವಾತಂತ್ರ್ಯೊರ್ದು ಬೊಕ್ಕ, ಭಾರತೀಯ ಸರ್ಕಾರ ಗ್ರಾಮೀಣ ಬೊಕ್ಕ ನಗರ ಪ್ರದೇಶ ರಡ್ಡೆಟ್‌ಲಾ ಅನಕ್ಷರಸ್ಥತೆತ ಸಮಸ್ಯೆಲೆನ್ ಬಗೆಹರಿಸಾಯೆರೆ ಬೋಡಾದ್ ಬೇತೆ ಬೇತೆ ಕಾರ್ಯಕ್ರಮೊಕುಲೆನ್‍ ಪ್ರಾಯೋಜನೆ ಮಲ್ತ್ಂಡ್. ಭಾರತದ ಸುರುತ ಶಿಕ್ಷಣ ಮಂತ್ರಿ ಮೌಲಾನಾ ಅಬುಲ್ ಕಲಾಮ್ ಆಜಾದ್, ಶಿಕ್ಷಣೊಡು ದೇಶದಾದ್ಯಂತ ಸಮಾನ ಶಿಕ್ಷಣ ವ್ಯವಸ್ಥೆನ್ ಹೊಂದಿಯೆರೆ ಶಿಕ್ಷಣದ ಮಿತ್ತ್ ಬಲವಾಯಿನ ಕೇಂದ್ರ ಸರಕಾರದ ನಿಯಂತ್ರಣೊನು ರೂಪಿಸಾಯೆರ್. ಭಾರತೊದ ಶಿಕ್ಷಣ ವ್ಯವಸ್ಥೆನ್ ಆಧುನೀಕರಿಸವುನ ಪ್ರಸ್ತಾಪಲೊನ್ ಅಭಿವೃದ್ಧಿಪಡಿಸಾಯೆರೆ ಯೂನಿವರ್ಸಿಟಿ ಎಜುಕೇಷನ್ ಕಮಿಷನ್ (1948-1949), ಸೆಕೆಂಡರಿ ಎಜುಕೇಷನ್ ಕಮಿಷನ್ (1952-1953), ಯೂನಿವರ್ಸಿಟಿ ಗ್ರ್ಯಾಂಟ್ಸ್ ಕಮಿಷನ್ ಬೊಕ್ಕ ಕೊಥಾರಿ ಆಯೋಗ (1964-66) ಲೆನ್ ಸ್ಥಾಪಿಸಯೆರ್. ಭಾರತದ ಸುರುತ ಪ್ರಧಾನಿ ಜವಾಹರಲಾಲ್ ನೆಹರು ಸರ್ಕಾರ ವೈಜ್ಞಾನಿಕ ನೀತಿದ ಬಗೆತ್ತ ನಿರ್ಣಯೊನು ಅಳವಡಿಸಂಡ್. ನೆಹರೂ ಸರ್ಕಾರ ಭಾರತೀಯ ತಂತ್ರಜ್ಞಾನ ಸಂಸ್ಥೆದಂಚಿನ ಉನ್ನತ ಗುಣಮಟ್ಟದ ವೈಜ್ಞಾನಿಕ ಶಿಕ್ಷಣ ಸಂಸ್ಥೆಲೆನ ಅಭಿವೃದ್ಧಿಗ್ ಪ್ರಾಯೋಜಿಸಾಂಡ್. 1961 ಟ್, ಕೇಂದ್ರ ಸರ್ಕಾರ ಶೈಕ್ಷಣಿಕ ಸಂಶೋಧನೆ ಬೊಕ್ಕ ತರಬೇತಿ ರಾಷ್ಟ್ರೀಯ ಕೌನ್ಸಿಲ್‍ನ್ (NCERT) ಸ್ವಾಯತ್ತ ಸಂಘಟನೆಯಾದ್ ರೂಪುಗೊಳಿಸಾಂಡ್. ಉಂದು ಶಿಕ್ಷಣ ನೀತಿಲೆನ್ ರಚಿಸವುನ ಬೊಕ್ಕ ಅನುಷ್ಠಾನಗೊಳಿಸವುನೆಟ್ ಯೂನಿಯನ್ ಬೊಕ್ಕ ರಾಜ್ಯ ಸರ್ಕಾರಲೆಗ್ ಸಲಹೆ ಕೊರ್ಪುಂಡು.^[೨]

1968

ಕೊಥಾರಿ ಕಮಿಷನ್ (1964-1966) ದ ವರದಿ ಬೊಕ್ಕ ಶಿಫಾರಸುಲೆನ ಆಧಾರೊದ ಮಿತ್ತ್ ಪ್ರಧಾನಿ ಇಂದಿರಾ ಗಾಂಧಿಯೆರ್ 1968 ಟ್ ಶಿಕ್ಷಣದ ಸುರುತ ರಾಷ್ಟ್ರೀಯ ನೀತಿನ್ ಪ್ರಕಟಿಸಯೆರ್, ಅವು "ತೀವ್ರಗಾಮಿ ಪುನರ್ರಚನೆ"ನ್ ಲೆತ್ತ್‌‍ದ್ ರಾಷ್ಟ್ರೀಯ ಮಟ್ಟೊನು ಸಾಧಿಸಯೆರೆ ಶೈಕ್ಷಣಿಕ ಅವಕಾಶೊಲೆನ್ ಸಮ ಮಲ್ಪುಂಡು. ಏಕೀಕರಣ ಬೊಕ್ಕ ಹೆಚ್ಚಿನ ಸಾಂಸ್ಕೃತಿಕ ಬೊಕ್ಕ ಆರ್ಥಿಕ ಅಭಿವೃದ್ಧಿಗಾದ್ 14 ನೇ ವರ್ಸೊ ಮುಟ್ಟ ಮಾತ ಜೋಕುಲೆಗ್ ಕಡ್ಡಾಯ ಶಿಕ್ಷಣೊನು ಪೂರೈಸುನ ಉದ್ದೇಶೊನು ಹೊಂದ್‌ದ್ ಇತ್ತ್‌ದ್ , ಭಾರತದ ಸಂವಿಧಾನದ ಪ್ರಕಾರ ಮತ್ತು ಶಿಕ್ಷಕರ ಉತ್ತಮ ತರಬೇತಿ ಮತ್ತು ಅರ್ಹತೆ ಹೊಂದಿರುವುದು. ಪ್ರಾದೇಶಿಕ ಭಾಷೆಲೆನ ಕಲಿಕೆದ ಮಿತ್ತ್ ಗಮನ ಕೇಂದ್ರೀಕರಿಸವೊಡು ಪನ್ಪುನ ನೀತಿಲಾ, ಮಾಧ್ಯಮಿಕ ಶಿಕ್ಷಣೊಡು ಜಾರಿಗ್ ಕನಯೆರೆ " ಮೂಜಿ ಭಾಷಾ ಸೂತ್ರೊನು " ರೂಪಿಸಾಂಡ್ - ಇಂಗ್ಲಿಷ್ ಭಾಷೆದ ಸೂಚನೆ, ಶಾಲೆದ ಆಧಾರೊದ ಮಿತ್ತ್ ಹಿಂದಿನ್ ರಾಜ್ಯದ ಅಧಿಕೃತ ಭಾಷೆಯಾದ್, ಬುದ್ಧಿಜೀವಿಲೆನ ಬೊಕ್ಕ ಜನಸಾಮಾನ್ಯೆರೆನ ನಡುತ್ತ ಕೊರತೆನ್ ತಗ್ಗಿಸಯೆರೆ ಭಾಷಾ ಶಿಕ್ಷಣಲಾ ಅವಶ್ಯಕವಾದ್ ಇತ್ತ್ಂಡ್. ಹಿಂದಿ ಭಾಷೆನ್ ರಾಷ್ಟ್ರೀಯ ಭಾಷೆಯಾದ್ ಅಳವಡಿಸವುನ ನಿರ್ಧಾರ ವಿವಾದಾತ್ಮಕವಾದ್ ಇತ್ತ್ಂಡಲಾ, ಮಾತ ಭಾರತೀಯೆರೆಗ್ ಒಂಜಿ ಸಾಮಾನ್ಯ ಭಾಷೆನ್ ಉತ್ತೇಜಿಸಯೆರೆ ಸಮಾನವಾದ್ ಪ್ರೋತ್ಸಾಹ ಬೋಡು ಪನ್ಪುನ ನೆಲೆಟ್ಟ್ ಹಿಂದಿ ಭಾಸೆದ ಬಳಕೆ ಬೊಕ್ಕ ಕಲ್ಪಾಟಿಗೆಗ್ ಈ ನೀತಿ ಕರೆ ಕೊರ್ಂಡ್ಂಡ್. ಪ್ರಾಚೀನ ಸಂಸ್ಕೃತ ಭಾಷೆದ ಬೋಧನೆನ್ ಸಹ ಈ ನೀತಿ ಪ್ರೋತ್ಸಾಹ ಕೊರ್ಂಡ್, ಉಂದು ಭಾರತದ ಸಂಸ್ಕೃತಿ ಬೊಕ್ಕ ಪರಂಪರೆದ ಒಂಜಿ ಪ್ರಮುಖ ಭಾಗ ಪಂಡ್‍ದ್‍ ಪರಿಗಣನೆಗ್ ದೆತೊಂಡೆರ್. 1968 ರ ರಾಷ್ಟ್ರೀಯ ಶಿಕ್ಷಣದ ನೀತಿ (NPE) ಶಿಕ್ಷಣದ ಖರ್ಚಿ, ರಾಷ್ಟ್ರೀಯ ಆದಾಯದ ಆಜಿ ಪ್ರತಿಶತದಾತ್ ಎಚ್ಚ ಮಲ್ಪೆರೆ ಕರೆ ಕೊರ್ಂಡ್. 2013 ತ ಪೊರ್ತುಗು, NPE 1968 ರಾಷ್ಟ್ರೀಯ ಜಾಲತಾಣೊಡು ಜಾಗೆನ್ ಸ್ಥಳಾಂತರಿಸಾಂಡ್.^[೩] ^[೪]

1986

1985 ರ ಜನವರಿಡ್ ಒಂಜಿ ಪೊಸ ನೀತಿ ಅಭಿವೃದ್ಧಿಡ್ ಉಮಡು ಪಂಡ್‍ದ್ ಘೋಷಣೆ ಮಲ್ತಿ ಬೊಕ್ಕ, ಪ್ರಧಾನಿ ರಾಜೀವ್ ಗಾಂಧಿ ಸರಕಾರ ಮೇ 1986 ಟ್ ಶಿಕ್ಷಣದ ಪೊಸ ರಾಷ್ಟ್ರೀಯ ನೀತಿನ್ ಪರಿಚಯಿಸಂಡ್. ವಿಶೇಷವಾದ್ ಭಾರತೀಯ ಪೊಂಜೊವುಲು(ಮಹಿಳೆಯರು), ಪರಿಶಿಷ್ಟ ಪಂಗಡೊಲು ಬೊಕ್ಕ ಪರಿಶಿಷ್ಟ ಜಾತಿ (ಎಸ್ಸಿ) ಸಮುದಾಯೊಲೆಗ್ "ಅಸಮಾನತೆಲೆನ್ ದೆತ್ತ್‌ದ್‍ ಪಾಡಿಯೆರೆ ಬೊಕ್ಕ ಶೈಕ್ಷಣಿಕ ಅವಕಾಶೊಲೆನ್ ಸಮರ್ಪಿಸಯೆರೆ ವಿಶೇಷವಾಯಿನ ಒತ್ತು ಕೊರೊಡು ಪಂದ್ "ಪೊಸ ನೀತಿನ್ ಲೆತ್ತ್‌ಂಡ್‍. ಅಂಚಿನ ಸಾಮಾಜಿಕ ಏಕೀಕರಣೊನು ಸಾಧಿಸಯೆರೆ, ವಿದ್ಯಾರ್ಥಿವೇತನೊಲೆನ್ ವಿಸ್ತರಿಸುನ ಶಿಕ್ಷಣ, ವಯಸ್ಕರೆನ ಶಿಕ್ಷಣ, ಎಸ್ಸಿಲೆರ್ದ್ ಹೆಚ್ಚಿನ ಶಿಕ್ಷಕೆರೆನ್ ನೇಮಕ ಮಲ್ಪೆರೆ, ಬಡ ಕುಟುಂಬೊಲೆಗ್ ಪ್ರೋತ್ಸಾಹಲೆನ್ ಕೊರಿಯೆರೆ, ನಿಯಮಿತವಾದ್ ಶಾಲೆಗ್ ಕಡಪುಡಿಯೆರೆ, ಪೊಸ ಸಂಸ್ಥೆಲೆನ ಅಭಿವೃದ್ಧಿ ಬೊಕ್ಕ ವಸತಿ ಸೇವೆಲೆನ್ ಒದಗಿಸಯೆರೆ ಬೋಡಾದ್ ಕರೆ ಕೊರ್‌ನ ನೀತಿ ಉಂದು ಆದ್‍ ಉಂಡು. ಪ್ರಾಥಮಿಕ ಶಿಕ್ಷಣೊಡು "ಮಗು-ಕೇಂದ್ರಿತ ವಿಧಾನ" ಗು NPE ಕರೆ ಕೊರ್ತ್ಂಡ್ ಬೊಕ್ಕ ರಾಷ್ಟ್ರವ್ಯಾಪಿ ಪ್ರಾಥಮಿಕ ಶಾಲೆಲೆನ್‍ ಸುಧಾರಿಸಯೆರೆ "ಆಪರೇಷನ್ ಬ್ಲಾಕ್ಬೋರ್ಡ್" ನ್ ಪ್ರಾರಂಭ ಮಲ್ತ್ಂಡ್. 1985 ಟ್ ರಚನೆ ಆಯಿನ ಇಂದಿರಾ ಗಾಂಧಿ ರಾಷ್ಟ್ರೀಯ ಮುಕ್ತ ವಿಶ್ವವಿದ್ಯಾನಿಲಯದೊಟ್ಟುಗೆ ಮುಕ್ತ ವಿಶ್ವವಿದ್ಯಾಲಯ ವ್ಯವಸ್ಥೆನ್ ಈ ನೀತಿ ವಿಸ್ತರಣೆ ಮಲ್ತ್ಂಡ್. ಗ್ರಾಮೀಣ ಭಾರತದ ಜನಸಾಮಾನ್ಯೆರೆನ ಮಟ್ಟೊಡು ಆರ್ಥಿಕ ಬೊಕ್ಕ ಸಾಮಾಜಿಕ ಅಭಿವೃದ್ಧಿನ್ ಉತ್ತೇಜಿಸಯೆರೆ ಭಾರತೀಯ ನಾಯಕೆ ಮಹಾತ್ಮಾ ಗಾಂಧಿನ ತತ್ತ್ವಶಾಸ್ತ್ರೊದ ಆಧಾರೊದ ಮಿತ್ತ್ "ಗ್ರಾಮೀಣ ವಿಶ್ವವಿದ್ಯಾನಿಲಯ" ಮಾದರಿನ್ ಸೃಷ್ಟಿ ಮಲ್ಪೆರೆ ಈ ನೀತಿ ಕರೆ ಕೊರ್ತ್ಂಡ್. 1986 ಶಿಕ್ಷಣ ನೀತಿ ಶಿಕ್ಷಣದ ಮಿತ್ತ್ GDP ದ 6% ಖರ್ಚ್ ಮಲ್ಪೆರೆ ನಿರೀಕ್ಷೆ ಮಲ್ತ್‌ದ್‍ಂಡ್‍. ^[೫] ^[೬]

1992

1986 ತ ಶಿಕ್ಷಣದ ರಾಷ್ಟ್ರೀಯ ನೀತಿ 1992 ಟ್ ಪಿ.ವಿ. ನರಸಿಂಹರಾವ್ ಸರ್ಕಾರೊರ್ದು ಮಾರ್ಪಡ್ ಆಂಡ್. 2005 ಟ್ ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಅರೆನ "ಸಾಮಾನ್ಯ ಕನಿಷ್ಟ ಕಾರ್ಯಕ್ರಮ" ತ್ತ ಆಧಾರೊದ ಮಿತ್ತ್ ಪೊಸ ನೀತಿನ್ ಅಳವಡಿಸವೊಂದುಂಡು ಸಂಯುಕ್ತ ಪ್ರಗತಿಪರ ಒಕ್ಕೂಟ (ಯುಪಿಎ) ಸರ್ಕಾರೊ. ರಾಷ್ಟ್ರೀಯ ಶಿಕ್ಷಣ ನೀತಿ (ಎನ್.ಪಿ.ಇ) ಅಡಿಟ್ 1986ತ ಕಾರ್ಯಕ್ರಮ (ಪಿಒಎ), ಭಾರತಪಡು ವೃತ್ತಿಪರ ಬೊಕ್ಕ ತಾಂತ್ರಿಕ ಕಾರ್ಯಕ್ರಮೊ (1986) ಲೆಗ್‍ ಪ್ರವೇಶೊಗಾದ್ ಪ್ರವೇಶೊಡು ಸಾಮಾನ್ಯ ಪ್ರವೇಶ ಪರೀಕ್ಷೆದ ನಡವಳಿಕೆನ್ ರೂಪಿಸಂಡ್. ಎಂಜಿನಿಯರಿಂಗ್ ಬೊಕ್ಕ ಆರ್ಕಿಟೆಕ್ಚರ್ / ಯೋಜನಾ ಕಾರ್ಯಕ್ರಮೊಲೆಗ್ ಪ್ರವೇಶೊಗಾದ್, ಭಾರತ ಸರ್ಕಾರ 18 ಅಕ್ಟೋಬರ್ 2001 ತ ತಾರೀಕ್ ದಾನಿ ಮೂಜಿ ಪರೀಕ್ಷಾ ಯೋಜನೆಲೆನ್ (JEE ಬೊಕ್ಕ AIEEE ರಾಷ್ಟ್ರೀಯ ಮಟ್ಟೊಡು ಬೊಕ್ಕ ರಾಜ್ಯ ಮಟ್ಟೊದ ಇಂಜಿನಿಯರಿಂಗ್ ಪ್ರವೇಶ ಪರೀಕ್ಷೆ SLEEE ಸೇರಿಯೆರೆ ಒಂಜಿ ಆಯ್ಕೆನ್ ಕೊರ್ತ್ಂಡ್. ಉಂದು ಈ ಕಾರ್ಯಕ್ರಮೊಲೆಡ್ ವಿವಿಧ ಪ್ರವೇಶ ಮಾನದಂಡೊಲೆನ್‍ ತೂವೊನುಂಡು ಬೊಕ್ಕ ವೃತ್ತಿಪರ ಮಾನದಂಡೊಲೆನ ನಿರ್ವಹಣೆಡ್ ಸಹಾಯ ಮನ್ಪುಂಡು. ಉಂದು ಅತಿಕ್ರಮಣಲೆನ ಸಮಸ್ಯೆಲೆನ್‍ ಪರಿಹಾರ ಮನ್ಪುಂಡು ಬೊಕ್ಕ ಪ್ರವೇಶ ಪರೀಕ್ಷೆಲೆನ ಬಹುಸಂಖ್ಯೆ ಕಾರಣೊರ್ದು ವಿದ್ಯಾರ್ಥಿಲು ಬೊಕ್ಕ ಅಕುಲೆನ ಪೋಷಕೆರೆನ ಮಿತ್ತ್ ದೈಹಿಕ, ಮಾನಸಿಕ ಬೊಕ್ಕ ಆರ್ಥಿಕ ಹೊರೆ ಅವುನೆನ್ ಕಮ್ಮಿ ಮಲ್ಪುಂಡು.^[೭]

ಭಾರತ ಸರ್ಕಾರೊದ ಹೊಸ ಶಿಕ್ಷಣ ನೀತಿ ೨೦೨೦

(National Education Policy 2020)ಭಾರತ ಸರ್ಕಾರದ ಶಿಕ್ಷಣ ನೀತಿ ೨೦೨೦

2019 ಟ್, ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವಾಲಯ ಕರಡು ಪೊಸ ಶಿಕ್ಷಣ ನೀತಿ 2019 ನ್ ಬುಡುಗಡೆ ಮಲ್ತ್ಂಡ್, ಅಯಿರ್ದ್ ಬೊಕ್ಕ ಬೇತೆ ಬೇತೆ ಮಸ್ತ್ ಸಾರ್ವಜನಿಕೆರೆಡ ಸಮಾಲೋಚನೆಲೆನ್ ನಡಪಾಯೆರ್. ಕರಡು ಎನ್ಇಪಿ (NEP- National Education Policy) ಯೋಜನೆದ ಅಗತ್ಯೊ ಕಲಿಕೆ, ವಿಮರ್ಶಾತ್ಮಕ ಚಿಂತನೆ ಬೊಕ್ಕ ಎಚ್ಚ ಸಮಗ್ರ ಅನುಭವ, ಚರ್ಚಾ-ಆಧಾರಿತ ಬೊಕ್ಕ ವಿಶ್ಲೇಷಣೆ ಆಧಾರಿತ ಕಲಿಕೆನ್‍ ಎಚ್ಚ ಮಲ್ಪೆರೆ ಬೊಕ್ಕ ಪಠ್ಯಕ್ರಮೊತ್ತ ವಿಷಯೊನು ಕಡಮೆ ಮಲ್ಪುನ ಯೋಜನೆನ್ ಚರ್ಚೆ ಮಲ್ಪುಂಡು. ಜೋಕುಲೆನ ಅರಿವುದ(ತಿಳುವಳಿಕೆದ) ಬುಲೆಚ್ಚಿಲ್‌ದ ಆಧಾರೊದ ಮಿತ್ತ್‌ ಜೋಕುಲೆಗ್ (ವಿದ್ಯಾರ್ಥಿಗಳಿಗೆ) ಕಲಿಕೆನ್‍ ಉತ್ತಮಗೊಳಿಸವುನ ಪ್ರಯತ್ನೊಡು ಪಠ್ಯಕ್ರಮ ಬೊಕ್ಕ ಶಿಕ್ಷಣ ರಚನೆನ್‍ 10 + 2 ವ್ಯವಸ್ಥೆರ್ದ್ 5 + 3 + 3 + 4 ವ್ಯವಸ್ಥೆದ ವಿನ್ಯಾಸೊಗು ಪರಿಷ್ಕರ ಮಲ್ಪುನೆತ ಬಗೆಟ್ಟ್‌ಲಾ ಉಂದು ಪನ್ಪುಂಡು. ಅಸ್ತಿತ್ವೊಡು ಉಪ್ಪುನ ಭಾರತೀಯ ಶಿಕ್ಷಣ ವ್ಯವಸ್ಥೆಡ್‍ ಬೇತೆ ಬೇತೆ ರೀತಿದ ಬದಲಾವಣೆಲೆನ್‍ ಜಾರಿಗ್‍ ಕೊನಪುನ ಉದ್ದೇಶೊಡು 2020 ತ ಜುಲೈ 29 ಕ್‍ ಕ್ಯಾಬಿನೆಟ್‌ಡ್ ಪೊಸ ರಾಷ್ಟ್ರೀಯ ಶಿಕ್ಷಣ ನೀತಿನ್ ಅಂಗೀಕಾರ ಮಲ್ತ್ಂಡ್‍. ಪೊಸ ನೀತಿದ ಪಿರವುದ ರಾಷ್ಟ್ರೀಯ ಶಿಕ್ಷಣ ನೀತಿ, 1986 ನ್ ಬದಲಾವಣೆ ಮಲ್ಪುಂಡು. ಈ ನೀತಿ ಪ್ರಾಥಮಿಕ ಶಿಕ್ಷಣನ್ ಉನ್ನತ ಶಿಕ್ಷಣಗ್ ಬೊಕ್ಕ ಗ್ರಾಮೀಣ ಬೊಕ್ಕ ನಗರ ಭಾರತಡ್‍ ವೃತ್ತಿಪರ ತರಬೇತಿಗಗ್ ಸಮಗ್ರ ಚೌಕಟ್ಟಾದ್‍ ಉಂಡು. ಈ ನೀತಿ 2040 ರ ವೇಳೆಗ್ ಭಾರತದ ಶಿಕ್ಷಣ ವ್ಯವಸ್ಥೆನ್ ಪರಿವರ್ತಿಸುನ ಗುರಿನ್ ಹೊಂದ್‍ದ್‍ ಉಂಡು.^[೮]

ಪಿನ್ನೆಲೆ

ಎನ್ಇಪಿ 2020,(ಭಾರತದ ರಾಷ್ಟ್ರೀಯ ಶಿಕ್ಷಣ ನೀತಿ ೨೦೨೦) 1986 ತ ಶಿಕ್ಷಣದ ರಾಷ್ಟ್ರೀಯ ನೀತಿನ್‍ ಬದಲಾವಣೆ ಮಲ್ಪುಂಡು. 2014 ತ ಲೋಕಸಭಾ ಚುನಾವಣೆಗ್ ಭಾರತೀಯ ಜನತಾ ಪಕ್ಷದ ಪ್ರಣಾಳಿಕೆಡ್‍ ಪೊಸ ಶಿಕ್ಷಣ ನೀತಿದ ರಚನೆ ಉಂಡು. 2015 ತ ಜನವರಿಡ್, ಮಾಜಿ ಕ್ಯಾಬಿನೆಟ್ ಕಾರ್ಯದರ್ಶಿ ಟಿ.ಎಸ್. ಆರ್. ಸುಬ್ರಮಣಿಯನ್ ಅರೆನ ನೇತೃತ್ವಡ್ ಸಮಿತಿದ ಪೊಸ ಶಿಕ್ಷಣ ನೀತಿಗಾದ್ ಸಮಾಲೋಚನೆ ಪ್ರಕ್ರಿಯೆನ್‍ ಸುರುಮಲ್ತೆರ್. ಸಮಿತಿದ ವರದಿನ್ ಆಧರಿಸದ್, ಜೂನ್ 2017 ಟ್, ಎನ್‌ಇಪಿ ಕರಡನ್ 2019 ಟ್ ಮಾಜಿ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ)ದ ಮುಖ್ಯಸ್ಥೆ ಕೃಷ್ಣಸ್ವಾಮಿ ಕಸ್ತೂರಿರಂಗನ್ನ ನೇತೃತ್ವಡ್ ಸಮಿತಿ ಸಲ್ಲಿಸಾಂಡ್. ಡ್ರಾಫ್ಟ್ ಪೊಸ ಶಿಕ್ಷಣ ನೀತಿ (ಡಿಎನ್‌ಇಪಿ) 2019 ನ್ ಬೊಕ್ಕ ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವಾಲಯ ಬುಡುಗಡೆ ಮಲ್ತ್ಂಡ್, ಅಯಿರ್ದ್ ಬೊಕ್ಕ ಮಸ್ತ್ ಸಾರ್ವಜನಿಕೆರೆನ ಸಮಾಲೋಚನೆಲ್ ನಡತ್ತ್ಂಡ್. ಡ್ರಾಫ್ಟ್ ಎನ್ಇಪಿ 484 ಪುಟೊಕುಲು. ಕರಡ್ ನೀತಿನ್ ರೂಪಿಸವುನಲ್ಪ ಸಚಿವಾಲಯ ಗಟ್ಟಿದ ಸಮಾಲೋಚನೆ ಪ್ರಕ್ರಿಯೆನ್ ಕೈಕ್ ದೆತೊಂದ್ಂಡ್. - "2.5 ಲಕ್ಷ ಗ್ರಾಮ ಪಂಚಾಯಿತಿಲು, 6,600 ಬ್ಲಾಕ್‌ಲು, 6,000 ನಗರ ಸ್ಥಳೀಯ ಸಂಸ್ಥೆಲು (ಯುಎಲ್ಬಿಲು), 676 ಜಿಲ್ಲೆಲೆರ್ದ್ ರಡ್ಡ್ ಲಕ್ಷ ಸಲಹೆಲೆನ್ ಸ್ವೀಕಾರ ಮಲ್ತೊಂಡೆರ್." ^[೯] ^[೧೦]^[೧೧]

ದೃಷ್ಟಿ ಬೊಕ್ಕ ನಿಬಂಧನೆಲು

ರಾಷ್ಟ್ರೀಯ ಶಿಕ್ಷಣ ನೀತಿದ ದೃಷ್ಟಿ ಇಂಚ ಉಂಡು: ರಾಷ್ಟ್ರೀಯ ಶಿಕ್ಷಣ ನೀತಿ, 2019 (ಡಿಎನ್‌ಇಪಿ) ಕರಡ್ "ಭಾರತ ಕೇಂದ್ರಿತ ಶಿಕ್ಷಣ ವ್ಯವಸ್ಥೆನ್ ರೂಪಿಸವುಂಡು, ಅವು ಮಾತೆರೆಗ್‌ಲಾ ಉತ್ತಮ ಗುಣಮಟ್ಟದ ಶಿಕ್ಷಣೊನು ಕೊರ್ಪುನ ಮೂಲಕ ನಮ್ಮ ರಾಷ್ಟ್ರೊನು ಸುಸ್ಥಿರ ಬೊಕ್ಕ ರೋಮಾಂಚಕ ಜ್ಞಾನೊದ ಸಮಾಜವಾದ್ ಪರಿವರ್ತನೆ ಮಲ್ಪೆರೆ ನೇರವಾದ್ ಕೊಡುಗೆನ್ ಕೊರ್ಪುಂಡು." ^[೧೨]
ಮಾತೆರೆಗ್‍ಲಾ ಉನ್ನತ-ಗುಣಮಟ್ಟದ ಶಿಕ್ಷಣೊನು ಕೊರಪುನ ಮೂಲಕ ನಮ್ಮ ರಾಷ್ಟ್ರೊನು ಸುಸ್ಥಿರ ಬೊಕ್ಕ ರೋಮಾಂಚಕ ಜ್ಞಾನ ಸಮಾಜವಾದ್ ಪರಿವರ್ತಿಸಯೆರೆ ನೇರವಾಗಿ ಕೊಡುಗೆ ಕೊರ್ಪುನೆನ್ ಭಾರತ ಕೇಂದ್ರಿತ ಶಿಕ್ಷಣ ವ್ಯವಸ್ಥೆ ರಾಷ್ಟ್ರೀಯ ಶಿಕ್ಷಣ ನೀತಿ 2019 ರೂಪಿಸದ್ಂಡ್. ಎನ್ಇಪಿ 2020 ಭಾರತದ ಶಿಕ್ಷಣ ನೀತಿಡ್ ಬೇತೆ ಬೇತೆ ರೀತಿದ ಬದಲಾವಣೆಲೆಗ್ ಕಾರಣವಾದ್ ಉಂಡು. ಶಿಕ್ಷಣದ ಮಿತ್ತ್‌ದ ರಾಜ್ಯ ವೆಚ್ಚೊನು ಅಕುಲೆನ ಜಿಡಿಪಿದ ಸುಮಾರ್ 4% ರ್ದ್ 6% ಕ್ ಆಯಿನಾತ್‍ ಬೇಗ ಎಚ್ಚ ಮಲ್ಪುನ ಗುರಿ ಹೊಂದ್‍ದ್ ಉಂಡು.^[೧೩]

ಭಾಷಾ ನೀತಿ

ಈ ಪೊಸ ನೀತಿದ ಮಾತೃಭಾಷೆ ಬೊಕ್ಕ ಪ್ರಾದೇಶಿಕ ಭಾಷೆಲೆನ ಮಹತ್ವೊನು ಎಚ್ಚ ಮಲ್ಪೊಂಡು; 5 ನೇ ತರಗತಿ ಮುಟ್ಟ ಬೋಧನಾ ಮಾಧ್ಯಮ ಬೊಕ್ಕ ಒರಿನವು ಪೂರ ಈ ಭಾಷೆಲೆಡ್‍ ಉಪ್ಪೊಡು. ಸಂಸ್ಕೃತ ಬೊಕ್ಕ ವಿದೇಶಿ ಭಾಷೆಲೆಗ್‍ಲಾ ಒತ್ತು ಕೊರೊಡಪುಂಡು. ವಿದ್ಯಾರ್ಥಿಲೆನ ಮಿತ್ತ್ ಓವ್ವೇ ಭಾಷೆನ್ ಹೇರುಜ ಪಂಡ್‌ದ್‍ ನೀತಿ ಪನ್ಪುಂಡು.
ನೀತಿ ಬಿಡುಗಡೆ ಆಯಿನ ಒಂತೆ ಸಮಯೊರ್ದು ಬೊಕ್ಕ ಎನ್‌ಇಪಿಡ್‍ ಇತ್ತ್‌ನ ಭಾಷಾ ನೀತಿ ವಿಶಾಲ ಮಾರ್ಗಸೂಚಿ ಪಂಡ್‍ದ್‍ ಸರ್ಕಾರ ಸ್ಪಷ್ಟ ಮಲ್ತ್ಂಡ್; ಬೊಕ್ಕ ಅನುಷ್ಠಾನೊನು ನಿರ್ಧಾರ ಮಲ್ಪುನೆ ರಾಜ್ಯೊಲು, ಸಂಸ್ಥೆಲು ಬೊಕ್ಕ ಶಾಲೆಲೆಗ್‍ ಬುಡ್‍ನವು. ಎಚ್ಚ ವಿವರವಾಯಿನ ಭಾಷಾ ತಂತ್ರೊನು 2021 ಟ್ ರಾಷ್ಟ್ರೀಯ ಪಠ್ಯಕ್ರಮೊತ್ತ ಚೌಕಟ್ಟ್‌ಡ್‍ ಬುಡುಗಡೆ ಮಲ್ತ್ಂಡ್. ಸರ್ದಾರ್ ಪಟೇಲ್ ವಿದ್ಯಾಲಯದಂಚಿನ 60 ವರ್ಸೊರ್ದು ದುಂಬು ಈ ಭಾಷಾ ನೀತಿನ್‍ ಜಾರಿಗ್ ಕೊನತ್‍ನ ಸಂಸ್ಥೆಲು ಇತ್ತೆನೇ ಉಂಡು ಪನ್ಪುನೆನ್ ಗಮನಿಸವೊಡು. 1986 ತ ಶಿಕ್ಷಣ ನೀತಿ ಬೊಕ್ಕ ಶಿಕ್ಷಣ ಹಕ್ಕು ಕಾಯ್ದೆ, 2009ಟ್ ರಡ್ಡ್ ಮಾತೃಭಾಷೆದ ಬಳಕೆನ್ ಸಲಹಾ ಮಾರ್ಗಸೂಚಿಯಾದ್ ಉತ್ತೇಜನೆ ಕೊರ್ಂಡ್.^[೧೪] ^[೧೫]

ಶಾಲಾ ಶಿಕ್ಷಣ

ಇತ್ತೆ ಉಪ್ಪುನ "10 + 2" ರಚನೆನ್‍ "5 + 3 + 3 + 4" ಮಾದರಿದೊಟ್ಟುಗು ಬದಲಾಯಿಸವುಂಡು. ಅಯಿನ್ ಈ ತಿರ್ತ್‌ದಂಚ ಕಾರ್ಯಗತಗೊಳಿಸವುಂಡು.

ಅಡಿಪಾಯ ಹಂತೊ: ಉಂದೆನ್‍ ನನಲಾ ರಡ್ಡ್ ಭಾಗೊಲಾದ್‍ ವಿಂಗಡನೆ ಮಲ್ತ್‌ದ್ಂಡ್: 3 ವರ್ಸೊಲೆದ ಪ್ರಿಸ್ಕೂಲ್ ಅತ್ತ್ಂಡ ಅಂಗನವಾಡಿ, ಬೊಕ್ಕ ಪ್ರಾಥಮಿಕ ಶಾಲೆಡ್ 1 ಬೊಕ್ಕ 2 ನೇ ತರಗತಿಲು. ಉಂದು 3-8 ವರ್ಸೊದ ಜೋಕುಲೆನ್ ಒಳಗೊಂಡ್‍ದ್ ಉಪ್ಪುಂಡು. ಅಧ್ಯಯನದ ಗಮನ ಚಟುವಟಿಕೆ ಆಧಾರಿತ ಕಲಿಕೆಡ್‍ ಉಪ್ಪುಂಡು.
ಪೂರ್ವಸಿದ್ಧತಾ ಹಂತ: 3 ರ್ದ್ 5 ನೇ ತರಗತಿಲು, ಉಂದು 8-11 ವರ್ದೊ ಪ್ರಾಯದ ಜೋಕುಲೆನ್ ಒಳಗೊಂಡ್‍ದ್ ಉಪ್ಪುಂಡು. ಉಂದು ಕ್ರಮೇಣ ಪಾತೆರುನೆ, ಓದುನೆ, ಬರೆಪುನೆ, ದೈಹಿಕ ಶಿಕ್ಷಣೊ, ಭಾಷೆಲು, ಕಲೆ, ವಿಜ್ಞಾನ ಬೊಕ್ಕ ಗಣಿತದಂಚಿನ ವಿಷಯೊಲೆನ್ ಪರಿಚಯ ಮಲ್ಪುಂಡು.
ಮಧ್ಯದ ಹಂತ: 6 ರ್ದ್ 8 ನೇ ತರಗತಿಲು, 11-14 ವರ್ಸೊದುಲಯಿದ ಜೋಕುಲೆನ್ ಒಳಗೊಂಡ್‍ದ್ ಉಪ್ಪುಂಡು. ಉಂದು ಗಣಿತ, ವಿಜ್ಞಾನ, ಸಾಮಾಜಿಕ ವಿಜ್ಞಾನ, ಕಲೆ ಬೊಕ್ಕ ಮಾನವಿಕ ವಿಷಯಲೆಡ್‍ ಎಚ್ಚ ಅಮೂರ್ತ ಪರಿಕಲ್ಪನೆಲೆನ್‍ ವಿದ್ಯಾರ್ಥಿಲೆಗ್‍ ಪರಿಚಯ ಮಲ್ಪುಂಡು.
ದ್ವಿತೀಯ ಹಂತ: 9 ರ್ದ್ 12 ನೇ ತರಗತಿಲು, 14-18 ವರ್ಸೊ ಪ್ರಾಯದಕುಲು. ಉಂದೆನ್‍ ಪಿರ ರಡ್ಡ್ ಭಾಗೊಲಾದ್ ವಿಂಗಡನೆ ಮಲ್ತ್‌ದ್ಂಡ್: 9 ಬೊಕ್ಕ 10 ನೇ ತರಗತಿಗಳು ಮೊದಲ ಹಂತವನ್ನು ಒಳಗೊಂಡಿದ್ದರೆ 11 ಮತ್ತು 12 ನೇ ತರಗತಿಗಳು ಎರಡನೇ ಹಂತವನ್ನು ಒಳಗೊಂಡಿವೆ. ಈ 4 ವರ್ಷಗಳ ಅಧ್ಯಯನವು ಆಳ ಬೊಕ್ಕ ವಿಮರ್ಶಾತ್ಮಕ ಚಿಂತನೆಯೊಂದಿಗೆ "ಮಲ್ಟಿಡಿಸಿಪ್ಲಿನರಿ" (ವೈವಿಧ್ಯಪೂರ್ಣ) ಅಧ್ಯಯನವನ್ನು ಪ್ರಚೋದಿಸಲು ಉದ್ದೇಶಿಸಿದೆ. ವಿಷಯಗಳ ಬಹು ಆಯ್ಕೆಗಳನ್ನು ಒದಗಿಸಲಾಗುವುದು.
ಪ್ರತಿ ಶೈಕ್ಷಣಿಕ ವರ್ಸೊಡು ಪರೀಕ್ಷೆಲು ನಡಪುನ ಬದಲ್, ಶಾಲಾ ವಿದ್ಯಾರ್ಥಿಲು 3, 5 ಬೊಕ್ಕ 8 ನೇ ತರಗತಿಲೆಡ್ ಕೇವಲ ಮೂರು ಪರೀಕ್ಷೆಲೆಗ್ ಉತ್ತರ ಬರೆಪೆರ್‌.
ಬೋರ್ಡ್ ಪರೀಕ್ಷೆಲೆನ್ 10 ಬೊಕ್ಕ 12 ನೇ ತರಗತಿಲೆಗ್ ದುಂಬುವರಿಸವುಂಡು ಅಂಡ ಅಯಿನ್ ಪಿರ ವಿನ್ಯಾಸ ಮಲ್ಪೆರೆ ಉಂಡು. ಉಂದೆಕ್ಕಾದ್ ಮಾನದಂಡಲೆನ್ ಪರಾಖ್ (PARAKH) ಪನ್ಪುನ ಮೌಲ್ಯಮಾಪನ ಸಂಸ್ಥೆ ಸ್ಥಾಪನೆ ಮಲ್ಪುಂಡು. ಅಯಿನ್‍ ಪೂರ ಸುಲಭ ಮಲ್ಪೆರೆ, ಈ ಪರೀಕ್ಷೆಲೆನ್ ವರ್ಸೊಗು ರಡ್ಡ್ ಸರ್ತಿ ನಡಪವುನ ಯೋಜನೆ ಉಂಡು, ವಿದ್ಯಾರ್ಥಿನಕುಲೆಗ್ ರಡ್ಡ್ ಪ್ರಯತ್ನಲೆಗ್ ಅವಕಾಶ ಕೊರ್ಪೆರ್. ಪರೀಕ್ಷೆನ್ ರಡ್ಡ್ ಭಾಗೊಲಾದ್‍ ಉಪ್ಪುಂಡು, ಅವು ಪಂಡ ವಸ್ತುನಿಷ್ಠ ಬೊಕ್ಕ ವಿವರಣಾತ್ಮಕ ಉತ್ತರೊಲು ಉಪ್ಪುನ ಪ್ರಶ್ನೆಲು.
ಈ ನೀತಿ ವಿದ್ಯಾರ್ಥಿಲೆನ ಪಠ್ಯಕ್ರಮತ ಹೊರೆನ್ ಕಡಿಮೆ ಮಲ್ಪುನೆ ಬೊಕ್ಕ ಅಕುಲು ಎಚ್ಚ "ಅಂತರ-ಶಿಸ್ತು" ಬೊಕ್ಕ "ಬಹುಭಾಷಾ" ಆಯೆರೆ ಅನುವು ಮಲ್ತ್‌ದ್ ಕೊರ್ಪುಂಡು. ಕೊರ್ತ್‌ನ ಒಂಜಿ ಉದಾಹರಣೆ ಪಂಡ "ಒರಿ ವಿದ್ಯಾರ್ಥಿ ಭೌತಶಾಸ್ತ್ರದ ಒಟ್ಟುಗು ಫ್ಯಾಷನ್ ಅಧ್ಯಯನನ್ ಮಲ್ಪೆರೆ ಬಯಸ್ಂಡ, ಅತ್ತ್ಂಡ ರಸಾಯನಶಾಸ್ತ್ರದೊಟ್ಟುಗು ಬೇಕರಿ ಕಲ್ಪೆರೆ ಬಯಸ್ಂಡ, ಅಕುಲೆಗ್‍ ಅಂಚ ಮಲ್ಪೆರೆ ಅನುಮತಿ ಕೊರ್ಪುನವು ಉಂಡು. "ವರದಿ ಕಾರ್ಡ್‌ಲು "ಸಮಗ್ರ" ವಾದ್‍ ಉಪ್ಪುಂಡು. ಉಂದೆತ್ತ ಬಗ್ಗೆ ಮಾಹಿತಿನ್‍ ಕೊರ್ಪುಂಡು.

ವಿದ್ಯಾರ್ಥಿನ ಕೌಶಲ್ಯೊಲು

6 ನೇ ತರಗತಿರ್ದ್ ಕೋಡಿಂಗ್‍ನ್(Coding) ಪರಿಚಯ ಮಲ್ತ್‌ದ್ ಕೊರ್ಪೆರ್ ಬೊಕ್ಕ ಅನುಭವಿ ಕಲಿಕೆನ್ ಅಳವಡಿಸವೊಂದು ಪಾಠ ನಡಪುಂಡು.
ಕಾಂಡೆದ/ಬೊಲ್ಪುದ ಉಪಾಹಾರೊ (ಬ್ರೇಕ್‌ಫಾಸ್ಟ್‌)ಲೆನ್ ಸೇರಾದ್ ಮಧ್ಯಾಹ್ನದ ಓನಸ್ಸ್‌ದ ಯೋಜನೆನ್ ವಿಸ್ತಾರ ಮಲ್ಪುವೆರ್. ಸಲಹೆಗಾರೆರ್ ಬೊಕ್ಕ ಸಾಮಾಜಿಕ ಕಾರ್ಯಕರ್ತೆರೆನ ನಿಯೋಜನೆದ ಮೂಲಕ ವಿದ್ಯಾರ್ಥಿಲೆನ ಆರೋಗ್ಯಗ್, ವಿಶೇಷವಾಗದ್ ಮಾನಸಿಕ ಆರೋಗ್ಯಗ್ ಎಚ್ಚಿನ ಗಮನ ಕೊರ್ಪುನ ಯೋಜನೆ ಉಂಡು. ^[೧೬]^[೧೭]

ಉನ್ನತ ಶಿಕ್ಷಣ

*ಉಂದು ಮಸ್ತ್ ನಿರ್ಗಮನ ಆಯ್ಕೆಲೆನ ಒಟ್ಟುಗು ಪದವಿಪೂರ್ವ ಕಾರ್ಯಕ್ರಮೊಟ್ಟು ಬಹು-ಶಿಸ್ತ್‌ದ ಪದವಿಲೆನ್ ಪ್ರಸ್ತಾಪ ಮಲ್ಪುಂಡು. ಉಂದು ವೃತ್ತಿಪರ ಬೊಕ್ಕ ಉದ್ಯೋಗ ಪರಿಣತಿ ಪರ ಕ್ಷೇತ್ರೊಲೆನ್‍ ಒಳಗೊಂಡ್‍ದ್‍ ಬೊಕ್ಕ ಈ ತಿರ್ತ್‌‍ದಂಚ ಕಾರ್ಯಗತ ಅಪುಂಡು:
1 ವರ್ಸೊದ ಅಧ್ಯಯನನ್ ಪೂರ್ಣಮಲ್ತಿ ಬೊಕ್ಕ ಪ್ರಮಾಣಪತ್ರ
2 ವರ್ಸೊಲೆನ ಅಧ್ಯಯನ ಮುಗಿನೆರ್ದ್ ಬೊಕ್ಕ ಡಿಪ್ಲೊಮಾ
3 ವರ್ಸೊಲೆನ ಕಾರ್ಯಕ್ರಮ ಮುಗಿನೆರ್ದ್ ಬೊಕ್ಕ ಸ್ನಾತಕೋತ್ತರ ಪದವಿ
ಪಾಶ್ಚಿಮಾತ್ಯ ಮಾದರಿಲೆಡ್ ಪದವಿ ಶಿಕ್ಷಣೊನು ಎಂಚ ಹೊಂದಿಸವುಂಡು ಪನ್ಪುನೆನ್ ಸಂಯೋಜನೆ ಮಲ್ಪೆರೆ ಎಂಫಿಲ್ (ಮಾಸ್ಟರ್ಸ್ ಆಫ್ ಫಿಲಾಸಫಿ) ಕೋರ್ಸ್‌ಲೆನ್ ಉಂತವೊಡು.
ಉನ್ನತ ಶಿಕ್ಷಣೊಡು ನಿಯಂತ್ರಿಸಯೆರೆ ಉನ್ನತ ಶಿಕ್ಷಣ ಮಂಡಳಿ (ಎಚ್‌ಇಸಿಐ - A Higher Education Council of India (HECI)) ರಚನೆ ಮಪ್ಪೆರೆ ಉಂಡು. ಒಟ್ಟು ದಾಖಲಾತಿ ಅನುಪಾತೊನು ಎಚ್ಚ ಮಲ್ಪುನವು ಕೌನ್ಸಿಲ್‍ದ ಗುರಿ ಆದ್ ಉಂಡು. ಎಚ್‌ಇಸಿಐ 4 ಲಂಬಲೆನ್ (ಉನ್ನತಿ-verticals) ಹೊಂದ್‍ದ್ ಉಂಡು:
ವೈದ್ಯಕೀಯ ಮತ್ತು ಕಾನೂನು ಶಿಕ್ಷಣವನ್ನು ಹೊರತುಪಡಿಸಿ, ಶಿಕ್ಷಕರ ಶಿಕ್ಷಣ ಸೇರಿದಂತೆ ಉನ್ನತ ಶಿಕ್ಷಣವನ್ನು ನಿಯಂತ್ರಿಸಲು ರಾಷ್ಟ್ರೀಯ ಉನ್ನತ ಶಿಕ್ಷಣ ನಿಯಂತ್ರಣ ಮಂಡಳಿ (ಎನ್‌ಎಚ್‌ಇಆರ್‌ಸಿ- National Higher Education Regulatory Council (NHERC). New Education Policy: Five big changes in school, higher education explained- 2 min read . Updated: 31 Jul 2020
ನ್ಯಾಷನಲ್ ಅಕ್ರೆಡಿಟೇಶನ್ ಕೌನ್ಸಿಲ್ (ಎನ್‌ಎಸಿ), "ಮೆಟಾ-ಮಾನ್ಯತೆ ಕೊರ್ಪುನ ಸಂಸ್ಥೆ".
ಉನ್ನತ ಶಿಕ್ಷಣ ಧನಸಹಾಯ ಮಂಡಳಿ (ಎಚ್‌ಇಜಿಸಿ-), ವಿಶ್ವವಿದ್ಯಾಲಯೊಲು ಬೊಕ್ಕ ಕಾಲೇಜ್‍ಲೆಗ್ ಧನಸಹಾಯ ಬೊಕ್ಕ ಹಣಕಾಸ್‍ನ್ ಒದಗಿಸಅಯೆರೆ ಬೋಡಾದ್ ಉಪ್ಪುಂಡು. ಉಂದು ಇತ್ತೆ ಉಪ್ಪುನ ರಾಷ್ಟ್ರೀಯ ಶಿಕ್ಷಕರ ಶಿಕ್ಷಣ ಮಂಡಳಿ, ಅಖಿಲ ಭಾರತ ತಾಂತ್ರಿಕ ಶಿಕ್ಷಣ ಮಂಡಳಿ ಬೊಕ್ಕ ವಿಶ್ವವಿದ್ಯಾಲಯ ಧನಸಹಾಯ ಆಯೋಗದ ಬದಲಾದ್ ಉಪ್ಪುಂಡು.
ಸಾಮಾನ್ಯ ಶಿಕ್ಷಣ ಮಂಡಳಿ (ಜಿಇಸಿ-), "ಪದವಿ ಗುಣಲಕ್ಷಣಲೆನ್" ರೂಪಿಸಯೆರೆ, ಅವು ಪಂಡ್‍ಂಡ ಕಲಿಕೆದ ಫಲಿತಾಂಶೊಲು. ರಾಷ್ಟ್ರೀಯ ಉನ್ನತ ಶಿಕ್ಷಣ ಅರ್ಹತಾ ಚೌಕಟ್ಟನ್ (ಎನ್‌ಎಚ್‌ಇಕ್ಯೂಎಫ್) ರೂಪಿಸವುನವುಲು ಉಂದು ಜವಾಬ್ದಾರಿ ಆದ್ ಉಪ್ಪುಂಡು. ರಾಷ್ಟ್ರೀಯ ಗುಣಮಟ್ಟದ ಶಿಕ್ಷಕೆರೆನ ಶಿಕ್ಷಣ ಮಂಡಳಿಲಾ ವೃತ್ತಿಪರ ಗುಣಮಟ್ಟದ ಸೆಟ್ಟಿಂಗ್ ಬಾಡಿ (ಪಿಎಸ್‌ಎಸ್‌ಬಿ- professional standard setting body (PSSB)) ಆದ್ ಜಿಇಸಿ (General Education Council (GEC),)ದ ಅಡಿಟ್ಟ್ ಬರ್ಪುಂಡು.
ಇತರ ಪಿಎಸ್‌ಎಸ್‌ಬಿಲೆಡ್ ವೆಟರ್ನರಿ ಕೌನ್ಸಿಲ್ ಆಫ್ ಇಂಡಿಯಾ, ಕೌನ್ಸಿಲ್ ಆಫ್ ಆರ್ಕಿಟೆಕ್ಚರ್, ಇಂಡಿಯನ್ ಕೌನ್ಸಿಲ್ ಆಫ್ ಅಗ್ರಿಕಲ್ಚರಲ್ ರಿಸರ್ಚ್ ಬೊಕ್ಕ ನ್ಯಾಷನಲ್ ಕೌನ್ಸಿಲ್ ಫಾರ್ ವೊಕೇಶನಲ್ ಎಜುಕೇಶನ್ ಅಂಡ್ ಟ್ರೈನಿಂಗ್‌ ದಂಚಿನ ವೃತ್ತಿಪರ ಮಂಡಳಿಲು ಸೇರ್‌ದ್ ಉಂಡು.
ಜೆಇಇ ಮೈನ್ ಬೊಕ್ಕ ನೀಟ್ ಜೊತೆಗೆ(JEE Main and NEET) ದೇಶಾದ್ಯಂತದ ವಿಶ್ವವಿದ್ಯಾಲಯಲೆಗ್ ಪ್ರವೇಶೊಗಾದ್‍ ಪ್ರವೇಶ ಪರೀಕ್ಷೆಲೆನ್ ನಡಪವುನ ಹೆಚ್ಚುವರಿ ಜವಾಬ್ದಾರಿನ್ ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆಗ್ (The National Testing Agency) ಇತ್ತೆ ಕೊರ್ಯೆರೆ ಅಪುಂಡು (ನೀಡಲಾಗುವುದು).
ಐಐಟಿದಂಚಿನ ಉನ್ನತ ಶಿಕ್ಷಣ ಸಂಸ್ಥೆಲು ಕಲಿಕೆದ ವೈವಿಧ್ಯತೆಗ್ ಸಂಬಂಧಿಸಯಿನಂಚ ಬದಲಾವಣೆಲೆನ್‍ ಮಲ್ಪೊಡು ಪಂಡ್‍ದ್ ನೀತಿದ ಪ್ರಸ್ತಾಪ ಮಲ್ಪುಂಡು.
ಈ ನೀತಿ ಭಾರತೊಡು ಶಿಕ್ಷಣೊನು ಅಂತರರಾಷ್ಟ್ರೀಕರಿಸಯೆರೆ ಪ್ರಸ್ತಾಪಿಸಾದ್‍ ಉಂಡು. ವಿದೇಶಿ ವಿಶ್ವವಿದ್ಯಾಲಯೊಲು ಇತ್ತೆ ಭಾರತೊಡು ಕ್ಯಾಂಪಸ್‌ಲೆನ್ ಸ್ಥಾಪಿಸೆರೆ ಸಾಧ್ಯ ಅಪುಂಡು.
ಖಾಸಗಿ ಬೊಕ್ಕ ಸಾರ್ವಜನಿಕ ವಿಶ್ವವಿದ್ಯಾಲಯಲೆನ ಶುಲ್ಕನ್‍ ನಿಗದಿಪಡಿಸಾಯೆರೆ ಅಪುಂಡು. ^[೧೮]^[೧೯]

ತೂಲೆ

ಎಚ್ಚದ ಓದುಗಾದ್

Joshee, Reva (2008). "Citizenship Education in India: From Colonial Subjugation to Radical Possibilities". In James Arthur; Ian Davies; Carole Hahn. SAGE Handbook of Education for Citizenship and Democracy. SAGE. pp. 175–188. ISBN 1412936209.
Nair, Deepa (2009). "Contending `Historical' Identities in India". Journal of Educational Media, Memory & Society. 1 (1): 145–164. JSTOR 43049323.
Joshee, Reva (2008). "Citizenship Education in India: From Colonial Subjugation to Radical Possibilities". In James Arthur; Ian Davies; Carole Hahn (eds.). SAGE Handbook of Education for Citizenship and Democracy. SAGE. pp. 175–188. ISBN 1412936209.

Nair, Deepa (2009). "Contending `Historical' Identities in India". Journal of Educational Media, Memory & Society. 1. JSTOR 43049323.

ಉಲ್ಲೇಕೊ

↑ "AIEEE" A new National Education Policy
↑ https://www.facebook.com/ncertofficial/ NCERT
↑ National Informatics Centre" (PDF). National Informatics Centre: 38–45. Archived from the original (PDF) on 31 July 2009. Retrieved 12 July 2009.
↑ http://mhrd.gov.in/sites/upload_files/mhrd/files/NPE-1968.pdf^{[dead link]}
↑ "National Education Policy 1986". National Informatics Centre. pp. 38–45. Archived from the original on 19 June 2009.Retrieved 12 July 2009.
↑ https://web.archive.org/web/20101126024709/http://education.nic.in/policy/npe86-mod92.pdf "National Education Policy 1986". National Informatics Centre. pp. 38–45. Retrieved 12 July 2009
↑ "AIEEE". HRD Ministry. Archived from the original on 13 July 2012. Retrieved 15 July 2012.
↑ New Education Policy 2020; By: Education Desk | New Delhi |;;Updated: July 31, 2020
↑ Rāṣṭrīya śikṣaṇa nīti 2020 Chaturvedi, Amit (30 July 2020). "'Transformative': Leaders, academicians welcome National Education Policy". Hindustan Times. Retrieved 30 July 2020.
↑ Draft NEP PTI | Oct 30, 2019,
↑ The Wire Analysis; 31/JUL/2020
↑ Radhakrishnan, Akila (16 September 2019). "Draft New Education Policy and Schools for the Skilling Ag
↑ [https://www.livemint.com/education/news/govt-approves-plan-to-boost-state-spending-on-education-to-6-of-gdp-11596024998889.html Govt approves plan to boost state spending on education to 6% of GDP 1 min read . Updated: 29 Jul 2020,; Edited By Deepak Upadhyay]
↑ -NEP language policy broad guideline: Government;Manash Pratim Gohain| TNN | Updated: Jul 31, 2020
↑ Cabinet approves new national education policy: Key points;TIMESOFINDIA.COM | d: Jul 29, 2020
↑ Krishna, Atul (29 July 2020). "NEP 2020 Highlights: School And Higher Education". NDTV. Retrieved 31 July 2020.
↑ Kumar, Shuchita (31 July 2020). "New education policy: The shift from 10+2 to 5+3+3+4 system". Times Now. Retrieved 9 August 2020.
↑ New Education Policy 2020: NEP moots professional standards for teachers; d: Jul 29, 2020
↑ JULY 29, 2020;India opens door for foreign universities under new education policy; Manoj Kumar

ವರ್ಗ:ಶಿಕ್ಷಣ

[1] "AIEEE" A new National Education Policy

[2] ttps://www.facebook.com/ncertofficial/ NCERT

[3] National Informatics Centre" (PDF). National Informatics Centre: 38–45. Archived from the original (PDF) on 31 July 2009. Retrieved 12 July 2009.

[4] ttp://mhrd.gov.in/sites/upload_files/mhrd/files/NPE-1968.pdf^{[dead link]}

[5] "National Education Policy 1986". National Informatics Centre. pp. 38–45. Archived from the original on 19 June 2009.Retrieved 12 July 2009.

[6] ttps://web.archive.org/web/20101126024709/http://education.nic.in/policy/npe86-mod92.pdf "National Education Policy 1986". National Informatics Centre. pp. 38–45. Retrieved 12 July 2009

[7] "AIEEE". HRD Ministry. Archived from the original on 13 July 2012. Retrieved 15 July 2012.

[8] New Education Policy 2020; By: Education Desk | New Delhi |;;Updated: July 31, 2020

[9] Rāṣṭrīya śikṣaṇa nīti 2020 Chaturvedi, Amit (30 July 2020). "'Transformative': Leaders, academicians welcome National Education Policy". Hindustan Times. Retrieved 30 July 2020.

[10] Draft NEP PTI | Oct 30, 2019,

[11] The Wire Analysis; 31/JUL/2020

[12] Radhakrishnan, Akila (16 September 2019). "Draft New Education Policy and Schools for the Skilling Ag

[13] [https://www.livemint.com/education/news/govt-approves-plan-to-boost-state-spending-on-education-to-6-of-gdp-11596024998889.html Govt approves plan to boost state spending on education to 6% of GDP 1 min read . Updated: 29 Jul 2020,; Edited By Deepak Upadhyay]

[14] -NEP language policy broad guideline: Government;Manash Pratim Gohain| TNN | Updated: Jul 31, 2020

[15] Cabinet approves new national education policy: Key points;TIMESOFINDIA.COM | d: Jul 29, 2020

[16] Krishna, Atul (29 July 2020). "NEP 2020 Highlights: School And Higher Education". NDTV. Retrieved 31 July 2020.

[17] Kumar, Shuchita (31 July 2020). "New education policy: The shift from 10+2 to 5+3+3+4 system". Times Now. Retrieved 9 August 2020.

[18] New Education Policy 2020: NEP moots professional standards for teachers; d: Jul 29, 2020

[19] JULY 29, 2020;India opens door for foreign universities under new education policy; Manoj Kumar

[೧]

[೨]

[೩]

[೪]

[೫]

[೬]

[೭]

[೮]

[೯]

[೧೦]

[೧೧]

[೧೨]

[೧೩]

[೧೪]

[೧೫]

[೧೬]

[೧೭]

[೧೮]

[೧೯]