ಲಾಹಿರಿ ಮಹಾಶಯ

ಲಾಹಿರಿ ಮಹಾಶಯ

ಶ್ಯಾಮಚರಣ ಲಾಹಿರಿ (30 ಸೆಪ್ಟೆಂಬರ್ 1828 – 26 ಸೆಪ್ಟೆಂಬರ್ 1895)ಮೇರ್ ಲಾಹಿರಿ ಮಹಾಶಯ ಪಂಡ್ದೇ ಪುದರ್ ಪೋಯಿನಾರ್. ಮೇರ್ ಒರಿ ಯೋಗಿ ಬುಕ್ಕೊ ಮಹಾವತಾರ್ ಬಾಬಾಜಿನ ಶಿಷ್ಯೆರ್. ಕಾಶೀಬಾಬಾ ಬುಕ್ಕೊ ಯೋಗಿರಾಜ ಪನ್ಪಿ ಬಿರಿದುಲಿತ್ತ್ಂಡ್. ಮೇರ್ ಬ್ರೀಟೀಶ್ ಸರ್ಕಾರದ ಅಡಿಟ್ ಲೆಕ್ಕಪತ್ರಪರಿಶೋಧಕೆ ಆದಿತ್ತೆರ್. ಮೇರ್ನ ಶಿಷ್ಯ ಸಮುದಾಯ ಮಲ್ಲ. ಸ್ವಾಮಿ ಯುಕ್ತೇಶ್ವರ ಗಿರಿ, ಪಂಚಾನನ ಭಟ್ಟಾಚಾರ್ಯ ಬುಕ್ಕೊ ಮಸ್ತ್ ಜನ ಮೇರೆನ ಶಿಷ್ಯೆರ್. ಕೆಲವು ಉಲ್ಲೇಕೊದ ಪ್ರಕಾರ ಶಿರಡಿ ಸಾಯಿಬಾಬಾಲ ಮೇರೆನ ಶಿಷ್ಯೆ. ಲಾಹಿರಿ ಪನ್ಪಿನವು ಶ್ಯಾಮಚರಣ ಲಾಹಿರಿ ಮೇರೆನ ಕುಟುಂಬೊದ ಪುದರ್. ಮಹಾಶಯ ಪಂಡ ಮಲ್ಲ ಮನಸ್‍ದಾರ್ ಪಂಡ್ದ್ ಅರ್ಥ ಉಂಡು. ಮೇರೆನ್ ಪರಮಹಂಸ ಯೋಗಾನಂದೆರ್ ಆರೆನ ಜೀವೊನ ಚರಿತ್ರೆಡ್ ಯೋಗಾವತಾರ ಪಂಡ್ದ್ ಲೆಯ್ದೆರ್. ಆರೆನ ಪ್ರಕಾರ ಲಾಹಿರಿ ಮಹಾಶಯೆರ್ನ ಜನ್ಮದ ಉದ್ದೇಶ ಸಾಮನ್ಯ ನರಮಾನಿಗ್ಲ ಯೋಗನ್ ತೆರಿಪಾವುನಿ. ಮೇರ್ ಕ್ರಿಯಾ ಯೋಗ ಪನ್ಪಿ ಧ್ಯಾನ ಪದ್ದತಿನ್ ಆಧುನಿಕ ಭಾರೊತೊಡು ಜನಕುಲೆಗ್ ತೆರಿಪಾಯೆರೆ ಶುರು ಮಲ್ತೆರ್.