ಲೀಲಾವತಿ
ಲೀಲಾವತಿ | |
|---|---|
 ಮೈಸೂರ್‌ದ ಕಲಾಮಂದಿರೊಡು ಲೀಲಾವತಿ | |
| Born | ಲೀಲಾ ಕಿರಣ್ ೧೯೩೮ |
| Occupation(s) | ನಟಿ, ನಿರ್ಮಾಪಕಿ, ಲೇಖಕಿ, ಸಮಾಜಸೇವಕಿ[೧] |
| Years active | ೧೯೫೮– ಇತ್ತೆ |
| Children | ವಿನೋದ್ ರಾಜ್ |
| Website | Personal website |
ಲೀಲಾವತಿ (೧೯೩೮) ದಕ್ಷಿಣ ಭಾರತೊದ ಸಿನೆಮೊ ನಟಿ. ಕನ್ನಡಡ್ ಪ್ರಧಾನವಾದ್ ನಟನೆ ಮಲ್ಪುನೆಡ್ದಾವರೊ ತಮಿಳು, ತೆಲುಗು ಬುಕ್ಕೊ ಮಲಯಾಳಂ ಬಾಸೆಲೆ ಸುಮಾರ್ ೬೦೦ ಸಿನೆಮೊಲೆಡ್ ನಟನೆ ಮಲ್ತ್‌ದೆರ್. ಕರ್ನಾಟಕ ಸರ್ಕಾರೊದ ಚಲನಚಿತ್ರರಂಗೊದ ಜೀವಮಾನ ಸಾಧನೆಗೆ ಕೊರ್ಪುನ ಮಲ್ಲ ಪ್ರಶಸ್ತಿ ಡಾ. ರಾಜಕುಮಾರ್ ಪ್ರಶಸ್ತಿನ್ ೧೯೯೯-೨೦೦೦ನೇ ಸಾಲ್‌ಡ್ ಪಡೆಯಿನ ಲೀಲಾವತಿಯೆರ್, 'ತುಮಕೂರು ವಿಶ್ವವಿದ್ಯಾಲಯೊ'ದ ಗೌರವ ಡಾಕ್ಟರೇಟ್ ಪದವಿನ್ ೨೦೦೮ಡ್ ಪಡೆಯೆರ್.
ವೈಯಕ್ತಿಕ ಜೀವನೊ
[ಸಂಪೊಲಿಪುಲೆ]ಲೀಲಾ ಕಿರಣ್ ಪುಟ್ಟ್‌ನೆ ದಕ್ಷಿಣಕನ್ನಡ ಜಿಲ್ಲೆದ ಬೆಳ್ತಂಗಡಿಡ್. ನಾಟಕ, ರಂಗಭೂಮಿ ಬಗೆಟ್ ಎಲ್ಯ ಪ್ರಾಯೊಡೆ ಆಸಕ್ತಿ ಇತ್ತ್‌ನ ಲೀಲಾವತಿಯೆರ್ ವೃತ್ತಿಜೀವನೊ ಸುರುಮಲ್ತ್‌ನೆ ಮೈಸೂರುಡು. ವೃತ್ತಿರಂಗಭೂಮಿಡ್ ಸಂಪೂರ್ಣೊ ತೊಡಗ್‌ಯರ ದುಂಬು ಕೆಲವ್ ಕಡೆಟ್ ಇಲ್ಲದ ಬೇಲೆನ್‌ಲಾ ಆರ್ ಮಲ್ತ್‌ದೆರ್.
ಲೀಲಾವತಿಯೆರೆನ ಮಗೆ ವಿನೋದ್ ರಾಜ್ ಕನ್ನಡ ಸಿನೆಮೊರಂಗೊದ ಕ್ಯಾತ ನಟೆ. ಇತ್ತೆ ಅಪ್ಪೆ-ಮಗೆ ಇರ್ವೆರ್‌ಲಾ ತೋಟಗಾರಿಕೆ ಬುಕ್ಕೊ ಕಿರ್ಸಿ ಚಟುವಟಿಕೆಡ್ ಸಕ್ರಿಯರಾತೆರ್.
ಸಿನೆಮೊ ಬದ್‍ಕ್
[ಸಂಪೊಲಿಪುಲೆ]ಲೀಲಾವತಿಯೆರ್ ೧೯೪೯ಡ್ ಶಂಕರ್ ಸಿಂಗೆರೆನ ನಾಗಕನ್ನಿಕ ಸಿನೆಮೊಡು ಸಕಿಯಾದ್ ಪಾತ್ರೊದ ಮೂಲಕೊ ಕನ್ನಡ ಸಿನೆಮೊ ರಂಗೊಗು ಪೊಗ್ಗ್‌ಯೆರ್. ಸುಬ್ಬಯ್ಯ ನಾಯ್ಡೆರೆನ ಸಂಸ್ತೆಡ್ ರಂಗಭೂಮಿ ಕಲಾವಿದೆಯಾದಿತ್ತ್‌ನ ಲೀಲಾವತಿ ಕಯಾದುನ ದೋಸ್ತಿಯಾದ್ ಅಭಿನಯೊ ಮಲ್ತೆರ್. ಮಹಾಲಿಂಗ ಭಾಗವತೆರೆ ನಾಟಕೊ ಸಂಸ್ತೆನ್ ಸೇರ್‌ದ್ ದಿಂಜ ನಾಟಕೊಲೆಡ್ ಅಬಿನಯಿಸದೆರ್. ಸುಬ್ಬಯ್ಯ ನಾಯ್ಡೆರೆನ ‘ಭಕ್ತ ಪ್ರಹ್ಲಾದೊ’ ಸಿನಿಮೊಡು ಕೂಡಾ ಅಭಿನಯಿಸದೆರ್. ಅಂಚನೇ ದಿಂಜ ಸಿನೆಮೊಲೆಡ್ ಎಲ್ಯ ಪಾತ್ರೊಲೆಡ್ ಅಬಿನಯಿಸದೆರ್.
ನಾಯಕಿಯಾದ್ ಆರ್ ಅಭಿನಯಿಸಯಿನ ಸುರುತ ಸಿನೆಮೊ ಮಾಂಗಲ್ಯ ಯೋಗೊ. ಡಾ. ರಾಜ್ ಕುಮಾರ್ ಆರೆನೊಟ್ಟುಗೆ ನಟನೆ ಮಲ್ತಿನ ಸುರುತ ಸಿನೆಮೊ ರಣಧೀರ ಕಂಠೀರವ (ಚಲನಚಿತ್ರ).
ರಾಣಿ ಹೊನ್ನಮ್ಮ ಸಿನೆಮೊದ ಪುಗರ್ತೆದ ಬುಕ್ಕೊ ರಾಜ್ ಕುಮಾರ್ ಬುಕ್ಕೊ ಲೀಲಾವತಿಯೆರೆನ ಜತೆ ಜನಪ್ರಿಯೊ ಆಂಡ್. ಸಂತ ತುಕಾರಾಂ, ಕಣ್ತೆರೆದು ನೋಡು, ಕೈವಾರ ಮಹಾತ್ಮೆ, ಗಾಳಿ ಗೋಪುರ, ಕನ್ಯಾರತ್ನ, ಕುಲವಧು, ವೀರ ಕೇಸರಿ, ಮನ ಮೆಚ್ಚಿದ ಮಡದಿ ಇಂಚ ದಿಂಜ ಸಿನೆಮೊಲೆಡ್ ನಾಯಕಿ ಆತೆರ್. ಕೆಲವು ಸಿನಿಮೊಲೆಡ್ ನಾಯಕನಟೆರೆಡ್ದ್ ಎಚ್ಚದ ಸಂಭಾವನೆ ಪಡೆಯಿನ ನಾಯಕಿಯಾದ್ ಗುರುತಿಸವೊಂದಿತ್ತೆರ್.
೭೦ನೆ ದಸಕೊದ ಬುಕ್ಕೊ ಪೋಸಕ ಪಾತ್ರೊಲೆಡ್ ಲೀಲಾವತಿಯೆರ್ ಆರೆನ್ ತೊಡಗಿಸವೊಂಡೆರ್. ನಾಯಕಿಯಾದ್, ಅಪ್ಪೆಯಾದ್, ಅಜ್ಜಿಯಾದ್ ಬಗೆಬಗೆತ ಪೋಸಕಪಾತ್ರೊಲೆಡ್ ನಟನೆ ಮಲ್ತ್‌ದೆರ್. ಅಯಿಟ್ ಗೆಜ್ಜೆ ಪೂಜೆ, ಸಿಪಾಯಿ ರಾಮು, ನಾಗರಹಾವು, ಭಕ್ತ ಕುಂಬಾರ ಇಂಚಿತ್ತಿ ಸಿನೆಮೊಲು ಪ್ರಮುಕೊವಾಯಿನವು.
ಪ್ರಶಸ್ತಿ-ಪುರಸ್ಕಾರೊಲು
[ಸಂಪೊಲಿಪುಲೆ]- ೨೦೦೮ - ತುಮಕೂರು ವಿಶ್ವವಿದ್ಯಾಲಯೊಡ್ದು ಗೌರವ ಡಾಕ್ಟರೇಟ್
- ೨೦೦೬ - ಅತ್ತ್ಯುತ್ತಮ ಪೋಷಕನಟಿ ಫಿಲಂಫೇರ್ ಕನ್ನಡ - ಕನ್ನಡದ ಕಂದ
- ೧೯೯೯-೨೦೦೦ - ಡಾ. ರಾಜಕುಮಾರ್ ಜೀವಮಾನ ಸಾಧನೆ ಪ್ರಶಸ್ತಿ
- ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿಗಳು:
ಅತ್ತ್ಯುತ್ತಮ ಪೋಷಕನಟಿ ಪ್ರಶಸ್ತಿ
- ೧೯೬೦-೭೦ - ಗೆಜ್ಜೆಪೂಜೆ
- ೧೯೭೧-೭೨ - ಸಿಪಾಯಿ ರಾಮು
- ೧೯೮೯-೯೦ - ಡಾಕ್ಟರ್ ಕೃಷ್ಣ
ಸಮಾಜಸೇವೆ
[ಸಂಪೊಲಿಪುಲೆ]ನೆಲಮಂಗಲೊದ ಸುತ್ತಮುತ್ತೊಡ್ ವಾಸೊ ಮಲ್ತೊಂದು ಜನೊಕ್ಲೆ ಆರೋಗ್ಯ ಸೇವೆಗಾದ್ ಸೋಲದೇವನಹಳ್ಳಿಡ್ ಆಸ್ಪತ್ರೆನ್ ಲೀಲಾವತಿ ಕಟ್ಟಾದೆರ್.
ಆಯ್ಕೆ ಮಲ್ತಿನ ಚಿತ್ರೊಲೆ ಪಟ್ಟಿ
[ಸಂಪೊಲಿಪುಲೆ]- ಮದುವೆ ಮಾಡಿ ನೋಡು
- ಸಂತ ತುಕಾರಾಂ
- ತುಂಬಿದ ಕೊಡ
- ಕಣ್ತೆರೆದು ನೋಡು
- ರಾಣಿ ಹೊನ್ನಮ್ಮ
- ಗೆಜ್ಜೆ ಪೂಜೆ
- ಸಿಪಾಯಿರಾಮು
- ನಾಗರಹಾವು
- ಭಕ್ತ ಕುಂಬಾರ
- ಬಿಳಿ ಹೆಂಡ್ತಿ
- ನಾ ನಿನ್ನ ಮರೆಯಲಾರೆ
- ಕಳ್ಳ ಕುಳ್ಳ
- ಡಾಕ್ಟರ್ ಕೃಷ್ಣ
- ಕನ್ನಡದ ಕಂದ
- ವೀರ ಕೇಸರಿ