ವಿಕಿಪೀಡಿಯ:ಜೀವಂತ ವ್ಯಕ್ತಿಲೆ ವ್ಯಕ್ತಿಚಿತ್ರೊ

ವಿಕಿಪೀಡಿಯರ್ದ್

ವಿಕಿಪೀಡಿಯ:ಜೀವಂತ ವ್ಯಕ್ತಿಲೆ ವ್ಯಕ್ತಿಚಿತ್ರೊ (BLP) ವಿಕಿಪೀಡಿಯ:Biographies_of_living_persons -ಇಂದೆಡ್ದ್ ಮಾಹಿತಿ ಸೇರವೊಡು)

ವಿಕಿಪೀಡಿಯೊಡು ವ್ಯಕ್ತಿಲೆ ವ್ಯಕ್ತಿಚಿತ್ರೊ ಪುಟೊಲೆನ್ ಸೇರಾವುನ ನೀತಿ ನೇಮೊಲೆ ಬಗೆಟ್[ಸಂಪೊಲಿಪುಲೆ]

ತುಳು ವಿಕಿಪೀಡಿಯ ಪುಟೊಟು ವ್ಯಕ್ತಿಲೆ ಬಗೆಟ್ ಪುಟೊಕ್ಲೆನ್ ಸೇರಾನಗ ಸಂಪಾದಕೆರ್ ಗುಮನೊಗು ದೆತೊನೊಡಾಯಿನ ಮಾನದಂಡೊಲೆ ಬಗೆಟ್ ಚರ್ಚೆ ಮಾಲ್ತ್‌ದ್ ನೇಮೊಲೆನ್ ರೂಪೊಗು ಕೊನರೊಡು. ಈ ತಿರ್ತ ಅಂಸೊಲೆನ್ ಚರ್ಚೆಗ್ ಕೊರ್ತ. ವಿಕಿಪೀಡಿಯ ಸಂಪಾದಕೆರ್ ಈ ಬಗೆಟ್ ದಿಂಜದ ಚರ್ಚೆ ನಡಪಾಲೆ.

ಒವ್ವೇ ಜೀವಂತ ವ್ಯಕ್ತಿಲೆ ಬಗೆಟ್ ವಿಸಯೊ ಸಂಪಾದಿಸವೊಡಾಂಡ, ದಿಂಜ ಗಮನೊ ಕೊರೊಡು, ಸಂವೇದನಶೀಲೆರಾವೊಡು. ವಿಕಿಪೀಡಿಯೊದ ಮೂಜಿ ಕಾರ್ಯೊನೀತಿನ್ ಗುಮನೊಡು ದೀಡೊಂದು, ಅಯಿತ ಆಶಯೊಗು ಒ೦ತೆಲಾ ಬೇನೆ ಬರದಂತೆ ಇಪ್ಪುಡು.

ವಿಕಿಪೀಡಿಯೊದ ಮೂಜಿ ಕಾರ್ಯನೀತಿಲು[ಸಂಪೊಲಿಪುಲೆ]

ಲೇಕನೊಗು ಗಳಸುನ ಮೂಲ ದಾಕಲೆ / ಲೇಕನೊಲೆ ಗುಣಮಟ್ಟೊ ಮಸ್ತ್ ಎಡ್ಡೆ ಇಪ್ಪೊಡು. ಲೇಕನೊಡು ಬರ್ಪುನ ಒವ್ವೇ ವಿಸಯೊ ಅತ್ತಂಡ ಉಲ್ಲೇಕೊಲೆ ಬಗೆಟ್ ಇರೋದ ಬರು. ಇಂಚಿತ್ತಿ ಸಂದರ್ಬೊಡು ಲೇಕನೊಡು ಉಲ್ಲೇಕಿಸಯಿನ ಆಕರೊಲು ವಿಶ್ವಾಸಾರ್ಹೊ ಮೂಲೊಡ್ದು ದೆತೊನುನವು ಆದಿಪ್ಪೊಡು ಬುಕ್ಕೊ ಇಂಚಪ ಪ್ರರಕಟೊ ಆಯಿನ ಆದಿಪ್ಪೊಡು. ಪ್ರತೀಸರ್ತಿ ಲೇಕನೊಡು ಈ ಮೂಲೊನು ಉಲ್ಲೇಕಿಸವೊಡು. ಒವ್ವೇ ಜೀವಂತ (ಅತ್ತಂಡ ಇಂಚಪ್ಪ ಸೈತಿನ) ವ್ಯಕ್ತಿನ ಬಗೆಟ್ ಇವಾದೊದ ಉಲ್ಲೇಕೊಲೆನ್(ಈ ವಿಸಯೊ ಎಡ್ಡೆ ಇಪ್ಪಡ್, ಹಾಳ್ ಇಪ್ಪಡ್ ಅತ್ತಂಡ ಪ್ರಸ್ನೆ ಮಲ್ಪುನಂಚ ಇಪ್ಪಡ್) ಬರೆವೊಡಾಂಡ, ಅಯಿತ ಮೂಲು ದಿಂಜ ಇಸ್ವಾಸೊಗು ಅರ್ಹೊ ಆದಿಪ್ಪೊಡು. ಒಂಜಿ ವೇಳೆ ಅಂಚ ಅತ್ತಂಡ ಅವೆನ್ ಒವ್ವೇ ಸಮಾಲೋಚನೆಯಿಪ್ಪಂತೆ ದೆತ್ತ್ ಪಾಡೊಡು. ಜೀವಂತ ವ್ಯಕ್ತಿಲೆ ವ್ಯಕ್ತಿ ಚಿತ್ರೊ ಸಂಪಾದಿಸವೊಡಾಂಡ ಆ ಲೇಕನೊ ಅಕ್ಲೆನ ಸ್ವಂತೊ ಜೀವನೊಗು ಬೇನೆ ಕೊನರಂದಿನಂಚ ಇಪ್ಪೊಡು.