ಶನಿಪೂಜೆ ತಾಳಮದ್ದಳೆ

ವೈದಿಕೆರೆನ ಕೈಟ್ ನಡಪುನ ನವಗ್ರಹ ಶಾಂತಿ ಅತ್ತ್ಂಡ ಶನಿಶಾಂತಿ ಪೂಜೆಗ್ ತುಳುನಾಡ್‍ದ ಶನಿಪೂಜೆದ ರೂಪೊಡು ನಡಪುನ ತಾಳಮದ್ದಳೆಗ್ ಸಂಬಂಧ ಇಜ್ಜಿ. ಈ ಸರಳ ಪೂಜೆಡ್ ಶನಿ ದೇವೆರೆನ ಪೊರ್ಲು ದ ಚಿತ್ರನ್ ದೀದ್ ವಿಧಿವಿಧಾನೊಲೆನ್ ಮಲ್ಪುವೆರ್. ಅವೆರ್ದ್ ಬುಕ್ಕೊ ತಾಳಮದ್ದಲೆ ನಡಪುಂಡು. ಅಕೇರಿಗ್ ಮಿತ್ತ್ ಪ್ರಸಾದ ವಿತರಣೆಡ್ ಕಾರ್ಯಕ್ರಮ ಮುಗಿಪುಂಡು. ಈ ಕಾರ್ಯಕ್ರಮ ಹೆಚ್ಚಾದು ಶನಿವಾರ ರಾತ್ರಿ ಇಡೀ ನಡಪುಂಡು. ಇತ್ತೆ ಇತ್ತೆ ಪಗೆಲುಡುಲಾ, ಬಯ್ಯಾಡುಲಾ ನಡಪುಂಡು.

ಶನಿದೇವನ ಪ್ರಭಾವ

ಶನಿದೇವೆರೆನ ಪ್ರಭಾವ ಮಸ್ತ್ ಜನಕ್ಲೆಗ್ ತೆರಿದುಂಡು, ಬುಕ್ಕೊ ಉಂದು ಅರೆನ ಪುದರ್ಡ್ ನೇ ತೋಜುಂಡು. ಶನಿವಾರ ಶನಿ ದೇವೆರೆನ ಆರಾಧನೆ ಬುಕ್ಕೊ ಭಕ್ತಿಗ್ ವಿಶೇಷ ದಿನ. ಶನಿ ತ್ವರಿತ ಸ್ವಭಾವದ ಬುಕ್ಕೊ ಶಿಕ್ಷೆ ಕೊರ್ಪಿನ ದೇವತೆ ಪಂಡ್ದ್ ನಂಬುನೆರ್ದಾತ್ರ ಶನಿ ದೇವೆರೆನ ಕೋಪ ಬುಕ್ಕೊ ಶಿಕ್ಷೆಗ್ ಮಸ್ತ್ ಜನ ಪೋಡಿಗೆಡ್ ಉಪ್ಪುವೆರ್. ಆಂಡ, ಉಂದು ಪೂರಾ ಸತ್ಯ ಅತ್ತ್. ಶನಿ ದೇವ್ ನಿಧಾನವಾದ್ ವರ್ತನೆ ಮಲ್ಪುವೆರ್ ಬುಕ್ಕೊ ನಿಕ್ಲೆನ ಆಸೆಲೆನ್ ಪೂರೈಸವೆರ್, ಆಂಡ ಅವೆನ್ ಎಡ್ಡೆ ರೀತಿಡ್ ಪೂರೈಸವೆರ್. ಶನಿ ದೇವೆರೆನ್ ಕೆಲವೊಂಜಿ ಸರ್ತಿ ದುಃಖೊದ ದೇವೆರ್ ಪನ್ಪೆರ್, ಆಂಡ ವಾಸ್ತವೊಡು ಶನಿ ದೇವೆರ್ ನ್ಯಾಯ ಕೊರ್ಪಿನಾರು. ಶಿಕ್ಷೆ ಪಂಡ ಅವು ಅಕ್ಲೆನ ಕರ್ತವ್ಯ ಮಾತ್ರ ಅತ್ತ್ ಅವು ಅಕ್ಲೆನ ಧರ್ಮಲಾ ಅಂದ್.

ಶನಿಪೂಜೆ ತಾಳಮದ್ದಳೆಡ್ ಬರ್ಪಿನ ಪಾತ್ರೊಲು

• ವಿಕ್ರಮಾದಿತ್ಯ
• ಮಂತ್ರಿಲು
• ಶನಿ
• ಕುದುರೆ ವ್ಯಾಪಾರಿ
• ನಂದಿ ಶ್ರೇಸ್ಟಿ
• ಆಲೋಲಿಕಾ
• ಕಟುಕೆರ್
• ಸುಶೀಲೆ
• ಗಾಣಿಗ
• ಚಂದ್ರಸೇನ
• ಪದ್ಮಾವತೀ
• ಸಖಿಲು

ತಾಳಮದ್ದಲೆಡ್ ಪ್ರಕ್ರಿಯೆಡ್ ಬದಲಾವಣೆ

ತಾಳಮದ್ದಲೆಡ್ ಸೀತಾನದಿ ಗಣಪಯ್ಯ ಶೆಟ್ರ್ ರಚನೆ ಮಲ್ತಿನ ಪ್ರಸಂಗೊನು ಬಳಕೆ ಮನ್ಪುವೆರ್. ಈ ಪ್ರಸಂಗ ಚಿನ್ಮಯ ದಾಸೆರೆನ ಕೃತಿನ್ ಆಧಾರ ಮಲ್ದುಂಡು, ಯಕ್ಷಗಾನ ಬಯಲಾಟ, ತಾಳಮದ್ದಲೆಗ್ ಅವು ಸಾಹಿತ್ಯ ಸರಿಯಾದ್ ನಿರ್ಮಾಣ ಆತುಂಡು.

ಶನಿಪೂಜೆ ಬುಕ್ಕೊ ತಾಳಮದ್ದಳೆದ ವಿಶೇಷತೆಲು

ಶನಿಪೂಜೆದ ದೃಷ್ಟಿಡ್ ಉಂದೆತ ಆರಾಧನಾ ವಿಧಾನೊಲು ಶ್ರೀ ಸತ್ಯನಾರಾಯಣ ಕಥಾಪೂಜೆದ ಲೆಕನೇ ಉಂಡು. ಈ ಪ್ರಸಂಗೊಡು ವಿಕ್ರಮಾದಿತ್ಯನ ಕತೆಟ್ ಶನಿ ತನ್ನನ್ ಕೈಟ್ ದೆತೊನುನಗ ಎದುರಾತಿನ ತೊಂದರೆಲೆನ್ ಬುಕ್ಕೊ ಶನಿ ದೇವೆರೆನ ಕೃಪೆಡ್ ಶನಿನ ಮುಕ್ತಿನ್ ತೋಜಾವುಂಡು. ನಿಯಮಿತವಾದ್ ನಡಪುನ ತಾಳಮದ್ದಳೆ ಬುಕ್ಕೊ ಶನಿಪೂಜೆದ ತಾಳಮದ್ದಳೆಡ್ ಮಸ್ತ್ ವಿಶೇಷತೆಲು ಉಂಡು. ಸಭೆತಕ್ಲೆಗ್ ಬಾರೆದ ಪರುಂದು ಪಟ‍್ಟುನು, ಬುಕ್ಕೊ ಕುಂಬುಡ ಬೇತೆ ತರಕಾರಿಲೆನು ಪೂರಾ ದಾನ ಮಲ್ಪುನ. ಪಜ್ಜಿ ಬಚ್ಚಿರೆ ಬುಕ್ಕೊ ಒಂತೆ ಪಣವು ದಕ್ಷಿಣೆ ಸೇರಾದು ಮಾತಾ ಕಲಾವಿದೆರೆಗ್ ದಾನ ಕೊರ್ದು, ವಿಕ್ರಮಾದಿತ್ಯ ದೀಪಿಕಾ ರಾಗೊಡು ಪದ್ಯ ಪನ್ನಗ ನೂದು ದೀಪ ಪೊತ್ತಾವುನು. ಉಂದು ಪೂರಾ ಶನಿ ಭಕ್ತೆರೆಗ್ ವಿಶೇಷ ಅನುಭವ ಕೊರ್ಪುಂಡು.