ಸಂಚಿ ಹೊನ್ನಮ್ಮ

ಸಂಚಿ ಹೊನ್ನಮ್ಮ ಅಥವೂ ಸಂಚಿದ ಹೊನ್ನಮ್ಮ ಸುಮಾರು ಕ್ರಿ.ಶ.1680ಡ್ ಮೈಸೂರುದ ಚಿಕ್ಕದೇವರಾಜ ಒಡೆಯರ (ಕ್ರಿ.ಶ.1673- 1704)ಸಂಚಿದ ಊಳಿಗಡ್ ಇತ್ತಿನ ಒಂಜಿ ಪೊಂಜೊವು. ಮೇರ್ ಮೈಸೂರು ಜಿಲ್ಲೆದ ಯಳಂದೂರುಡ್ ಪುಟ್ಟುದಿನಿ. ಉಂದೇ ಜಾಗಕ್ ಸೇರುದಿನ ಚಿಕ್ಕ ದೇವರಾಜೆರೆನ ಪಟ್ಟದರಸಿ ಆದ್ ಇತ್ತಿನ ದೇವರಾಜ ಅಮ್ಮಣ್ಣಿನ ಬಾಲ್ಯ ಸ್ನೇಹಿತೆ ಆದು ಇತ್ತೆರ್.

ಉಲೈದ ಭಾವನೆ

ಲೇಖಕಿ ತನ್ನ ಉಲೈದ ಭಾವನೆಲೆನು ಬೊಕ್ಕ ಮಿತ್ತುಡ್ದ ಎರಿಕೆ ಮ೦ದಿನ ಮೌಲ್ಯ ವ್ಯವಸ್ಥದ ನಡುತ ಸಂದಿಗ್ಧತೆಡ್ ತಿಕ್ಕುದು ಬುರುದೆರ್. ಆರ್ ಲಿಂಗ ಪಕ್ಷಪಾತೊದ ಬಗ್ಗೆ ಪಾತೆರುವೆರ್. ಒ೦ಜಿ ಪೊಣ್ಣು ಬಾಲೆನ್ ಪಡೆ೦ಡ ಅವು ನಷ್ಟ ಅತ್ತ್ ಪ೦ದ್ ಧೈರ್ಯೊಡು ಪನ್ಪೆರ್. ಮಗೆನ ಪುಟ್ಟು ವಿಶೇಷ ದಾಲಾ ಅತ್ತ್ ಪ೦ದ್ ಪನರೆ, ಆ ದಿನೊಟು ಒ೦ತೆ ಧೈರ್ಯ ಬೊಡು ಇತ್ತು೦ಡು.

ಹೊನ್ನಮ್ಮ:ಶೃಂಗಾರಮ್ಮ:ಚೆಲುವಾಂಬೆ

ಪದ್ರಡನೇ ಶತಮಾನೊದ ಅಕ್ಕಮಹಾದೇವಿ ವಚನಕಾರ್ತಿನ್ ಬುಡುಂಡಾ ಕನ್ನಡೊಡು ಪೊಂಜೋವುಲು ಕೃತಿ ರಚನೆ ಮಂದಿನ ನಿದರ್ಶನೊಲು ತಿಕ್ಕುನಿ ಪದಿನೆಡ್ಮನೇ ಶತಮಾನೊಡು ಮಾತ್ರ. ಚಿಕ್ಕ ದೇವರಾಯರೆನ ಅರಮನೆದ ಪರಿಸರೊಡು, ಹೊನ್ನಮ್ಮ, ಶೃಂಗಾರಮ್ಮ, ಚೆಲುವಾಂಬೆ ಪಂದ್ ಪುದರ್ ದ ಕವಯಿತ್ರಿ ನಕುಲು ಇತ್ತೆರ್. ಶೃಂಗಾರಮ್ಮಬರೆತಿನ ‘ಪದ್ಮಿನೀ ಕಲ್ಯಾಣ’, ರಾಣಿಯಾಯಿನ ಚೆಲುವಾಂಬೆ ಬರೆತಿನ ‘ವರನಂದೀ ಕಲ್ಯಾಣ’ ಬೊಕ್ಕ ‘ವೆಂಕಟಾಚಲ ಮಹಾತ್ಮೆ ಲಾಲಿಪದ'.ಈ ಪೂರಾ ಸಾಹಿತ್ಯೊಡು ಹೊನ್ನಮ್ಮನ ಕಾವ್ಯಶಕ್ತಿ ದೆರ್ತು ತೋಜೊಂದು ಇತ್ತುಂಡು, ಹೊನ್ನಮ್ಮಗ್ ‘ಸಂಚಿಯ ಹೊನ್ನಮ್ಮ’ ಪನ್ಪಿನ ಪೂರ್ತಿಯಾಯಿನ ಪುದರ್. ಸಂಚಿ ಪಂಡ ಚೀಲ; ಹೊನ್ನಮ್ಮ ಬಚ್ಚಿರೆ ಪೂಲೂದ ಚೀಲೊನು ಪತ್ತೊಂದು, ಅರಮನೆಟ್ ರಾಜ – ರಾಣಿನ ಸಮೀಪವರ್ತಿಯಾದ್ ಕೆಲಸ ಮಂತೊಂದು ಇತ್ತಿನಾರ್. ಅರಮನೆದ ಊಳಿಗದ ಪೊಣ್ಣಾಯಿನ ಮೇರ್ ಸಿಂಗರಾರ್ಯನ ಕೂಡೇ ವ್ಯಾಸಂಗೊನು ಪಡೆದು, ‘ಹದಿಬದೆಯ ಧರ್ಮ’ ಪನ್ಪಿನ ಮಹಾ ಕಾವ್ಯೊನು ಬರೆದು ಕವಯಿತ್ರಿಯಾಯೆರ್.

ಗೃಹಿಣೀ ಧರ್ಮೊದ ಕೈಪಿಡಿ

ಈ ‘ಹದಿಬದೆಯ ಧರ್ಮ’ (ಪತಿವ್ರತೆಯರೆನ ಧರ್ಮ ಅಥವಾ ಕರ್ತವ್ಯ) ಪನ್ಪಿನ ಗೃಹಿಣೀ ಧರ್ಮೊದ ಕೈಪಿಡಿ. ಕಂಡನಿನೊಟ್ಟುಗು, ಗರತಿಯಾದ್ ಸುಗಮವಾದ್ ಸಂಸೊರ ಮನ್ಪುನ ಪೊಣ್ಣುಗು ಪನ್ಪಿನ ಬುದ್ಧಿವಾದದ ಲೆಕ್ಕ ಉಂಡು ಈ ಕಾವ್ಯ. ಧರ್ಮಶಾಸ್ತ್ರೊಡು ಉಪ್ಪುನ ಸಂಗತಿಲು ಪೂರಾ ಸಂಗ್ರಹ ಮಂತು, ಕನ್ನಡೊದ ಪೊಣ್ಣು ಜೋಕುಲೆಗ್ ತೆರೆಯುಲೆಕ್ಕ ಸಾಂಗತ್ಯೊಡು ಈ ನೀತಿ ಕಾವ್ಯ ರಚಿತವಾತುಂಡು. 9 ಸಂಧಿಲು ಬೊಕ್ಕ 420 ಪದ್ಯೊಲೆನ್ ಹೊಂದುದಿನ ಈ ಕೃತಿ ತನ್ನ ಕಾವ್ಯಸೌಂದರ್ಯೊಡು ಬೊಕ್ಕ ನೇರವಾಯಿನ ಸ್ತ್ರೀಪರ ಧೋರಣೆಡ್ ಖ್ಯಾತವಾದುಂಡು.

ಹದಿಬದೆಯ ಧರ್ಮ’ದ ಒಂಜಿ ಪದ್ಯೊ

'ಪೆಣ್ಣಲ್ಲವೆ ತಮ್ಮನೆಲ್ಲ ಪಡೆದ ತಾಯಿ

ಪೆಣ್ಣಲ್ಲವೆ ಪೊರೆದವಳು

ಪೆಣ್ಣು ಪೆಣ್ಣೆಂದೇಕೆ ಬೀಳುಗಳೆವರು

ಕಣ್ಣು ಕಾಣದ ಗಾವಿಲರು?'

ಅನುವಾದೊ

ನಮ್ಮ ಪೂರೆರೆನ್ಲ ಪೆದ್ದುದಿನಾಲ್ ಪೊಣ್ಣೇ ಅತೆ?

ನಮನ್ ಪೂರಾ ಕಾಪಾಡ್ದಿನಾಲ್ ಲಾ ಪೊಣ್ಣೇ ಅತೆ?

ಇಂಚ ಉಪ್ಪುನಗ ಪೊಣ್ಣು ಪೊಣ್ಣು ಪಂದ್ ದಾಯೇಗ್ ಈತ್ ನಿಕೃಷ್ಟರಾದ್ ತೂಪರ್ ‌,

ಕಣ್ಣು ತೋಜಾಂದಿನ ಓ ಮೂರ್ಖೆರೇ,

ಅ೦ಚಾ ಅರೆನ ಪಾತೇರೊಡು ಹೊನ್ನಮ್ಮ ಮುಖ್ಯವಾದ್ ಆಣ್ ಆಂಜೊವುಲೆನ್ ತರಾಟೆಗ್ ದೆತ್ತೊನ್ವೆರ್.

ಪತಿವ್ರತೆನ ಧರ್ಮೊ

ಅತೇ ಅತ್ತು, ಪರಂಪರಾಗತವಾದ್ ಪೊಣ್ಣನ ಬಗ್ಗೆ ಒಂಜಿ ಬಗೆತ ಕೀಳು ಭಾವನೆಲೆನ್ ಬೆಳೆಯಿಸಿದಿನ ಮನೋಧರ್ಮೊನು ಹೊನ್ನಮ್ಮ ಖಂಡಿಸಾದ್ ಇಂಚಾ ಪಂದಿತ್ತೆರ್. ಉಂದು ಒಂಜಿ ಪಾತೆರ ಬುಡುಂಡ , ಮೆರೆನ ಕೃತಿಟ್ ಪೊಣ್ಣನ ಒವ್ವೇ ವೈಚಾರಿಕ ಜಾಗೃತಿ ಆವಾಡ್, ಹೆಚ್ಚಿನ ಆತ್ಮಾಭಿಮಾನೊನು ಆವಾಡ್ ಪ್ರೇರೇಪಿಸಂದೆ, ಪತಿ ಪಾದ ಸೇವೆನ್ ಮಂತೊಂದು, ಉತ್ತಮವಾಯಿನ ಗೃಹಿಣಿಯಾದ್ ಪೊಣ್ಣು ಎಂಚ ಬಾಳೊಡು ಪಂದ್ ಪನ್ನೊಂದು ಪೋಪುಂಡು.

‘ಹದಿಬದೆಯ ಧರ್ಮ’ಡ್ದ್ ಆಧುನಿಕ ವಿಚಾರ ಧಾರೆನ್ ನಿರೀಕ್ಷಿಸಣೆ ಮನ್ಪುನನೇ ತಪ್ಪು.

ಅರಮನೆದ ಊಳಿಗದ , ಅದಗದ ಪರಿಸರೊಡು, ಕವಯಿತ್ರಿಯಾದ್ ಅರಳಿನ ಈ ಆಶ್ಚರ್ಯೊಗ್ ನಮಃ ಪೂರಾ ಖುಷಿ ಪಡೊಡು. ಆಂಡಾ ಹೊನ್ನಮ್ಮನ ಈ ಬರೆವಣಿಗೆ ಮಾತ್ರ ತನ್ನ ಅಚ್ಚಗನ್ನಡದ ಸೊಗಸುಡು ಹೃದಯಗ್ ಕೈತಾಲ್ ಆಪುಂಡು.