ಸರಸ್ವತಿ

ಸರಸ್ವತಿ
ದೇವನಾಗರಿ	सरस्वती
ವೈಯಕ್ತಿಕ ಇಸಯೊಲು

ಸರಸ್ವತಿ ಹಿಂದೂ ದರ್ಮೊಡ್ ಜ್ಞಾನೊದ ಬುಕ್ಕ ಕಲೆತ್ತ ದೇವತೆ. ಸರಸ್ವತಿ ಬ್ರಹ್ಮದೇವರೆನ ಬೊಡೆದಿ. ಶ್ವೇತವಸ್ತ್ರೊದ ದುತ್ತೈತೊಡ್ ಇಪ್ಪುನ ಈ ದೇವಿನ್ ಕಲಾದೇವಿ ಪಂಡ್‍ದ್ಲಾ ಪನ್ಪೆರ್.

ವಿದೇಸೊದ ಬೌದ್ಧದರ್ಮೀಯೊಡ್ ಸರಸ್ವತಿ

• ಸರಸ್ವತಿ ದೇವಿನ್, ಚೀನಾದ ಬೌದ್ಧದರ್ಮೀಯೆರ್ Miao-yin mu ಪನ್ಪಿನ ಪುದರ್ ಡ್ ದೇವಿನ ಆರಾದನೆ ಮಲ್ಪುವೆರ್.
• ಮಂಗೋಲಿಯಾಡ್ Kele-yin ukin tegri ಪನ್ಪಿನ ಪುದರ್ ಡ್,
• ಟಿಬೆಟ್‌ ಡ್ Nag-gi-lha-mo ಬುಕ್ಕ dByangs-can-ma (Yangchenma - English Phonetics) ಪನ್ಪಿನ ಪುದರ್ ಡ್ಲಾ ಆರಾದನೆ ಮಲ್ಪುವೆರ್. ಈ ಪದೊತ್ತ ಅರ್ತ ಪೊರ್ಲುದ ಸ್ತ್ರೀ ಬುಕ್ಕ ಮದುರ ಸ್ವರ ಇತ್ತಿನಾರ್ ಪಂಡ್‍ದ್.

ಸರಸ್ವತಿ ಪುದರ್ ದ ಅರ್ತ

ವಿದ್ಯೆ, ಜ್ಞಾನ ಬುಕ್ಕ ಉತ್ಕೃಷ್ಟತೆದ ದೇವತೆ, ಸರಸ್ವತಿ ದೇವಿಗ್ ಹಿಂದೂ ದರ್ಮೊಡ್ ಒಂಜಿ ಪ್ರಮುಕವಾಯಿನ ಸ್ತಾನ ಉಮಡು. ಸರಸ್ವತಿ ಪನ್ಪಿನ ಪುದರ್ ಸಂಸ್ಕೃತ ಪದೊ 'ಶ್ರು' ರ್ದ್ ಬೈದ್ಂಡ್. ಉಂದು ಸುದ್ಧ ನೀರ್ ಬುಕ್ಕ ಜ್ಞಾನ ಅತ್ತ್ಂಡ ಬುದ್ಧಿವಂತಿಕೆದ ನಿರಂತರ ಬುಕ್ಕ ಸ್ವಯಂ-ನವೀಕರಣೊನು ಸೂಚಿಸಾವುಮಡು. ಸರಸ್ವತಿ ದೇವಿ ಜ್ಞಾನೊದ ಸಂಕೇತತೆ.

ಸರಸ್ವತಿ ದೇವಿನ ಪುಟ್ಟು ಕತೆ

ಹಿಂದೂ ಪವಿತ್ರ ಗ್ರಂತೊಲೆದ ಪ್ರಕಾರೊ, ಪ್ರಪಂಚೊದ ಸಮತೋಲನ ಬುಕ್ಕ ಸೃಷ್ಟಿಡ್ ಸರಸ್ವತಿ ದೇವಿ ಪ್ರಮುಕ ಪಾತ್ರೊನ್ ಪಡೆತೆರ್. ಬ್ರಹ್ಮಾಂಡೊನ್ ಸೃಷ್ಟಿ ಮಲ್ತಿ ಬುಕ್ಕ ಬ್ರಹ್ಮ ದೇವೆರ್ ತಾನ್ ರಚಿಸಾಯಿನ ಬ್ರಹ್ಮಾಂಡೊನ್ ತೂವರೆ ಪಿದರ್ದ್ ಬ್ರಹ್ಮಾಂಡನ್ ತೂನಗ, ಬವ್ರಹ್ಮಾಂಡೊಡ್ ಕ್ರೂರತೆ ದಿಂಜಿದಿನೈನ್ ತೂಪೆರ್.

ಸರಸ್ವತಿ ದೇವಿನ ಅವತಾರೊಲು

• ವಿದ್ಯಾ - ಮಾಂತ ಅಂಸೊಡ್ ಬುದ್ಧಿವಂತಿಕೆ ಬುಕ್ಕ ಜ್ಞಾನೊ ಇಪ್ಪುನಾರ್.
• ಗಾಯತ್ರಿ - ವೇದೊಲೆನ ವ್ಯಕ್ತಿತ್ವ.
• ಸಾವಿತ್ರಿ - ಶುದ್ದ ವ್ಯಕ್ತಿತ್ವ, ಬ್ರಹ್ಮ ದೇವೆರೆನ ಪತ್ನಿ.

ದೇವಸ್ತಾನೊಲು

• ಶೃಂಗೇರಿ ಶಾರದಾಂಬ ದೇಲಯ.
• ಜ್ಞಾನ ಸರಸ್ವತಿ ದೇಲಯ, ತೆಲಂಗಾಣ.
• ಪನಚಿಕ್ಕಾಡು ಸರಸ್ವತಿ ದೇವಸ್ತಾನ, ಕೇರಳ.
• ಸರಸ್ವತಿ ಶಾರದಾ ಪೀಟ, ಕಾಶ್ಮೀರ.

ದೇವಿನ್ ಆರದಿಸಾದ್ ಮಲ್ಪಿನ ಪೂಜೆ ಬುಕ್ಕ ಪರ್ಬೊಲು

• ಆಯುದ ಪೂಜೆ.
• ವಸಂತ ಪಂಚಮಿ.