ಸರೋಜಿನಿ ಶೆಟ್ಟಿ

ವಿಕಿಪೀಡಿಯರ್ದ್
Jump to navigation Jump to search
ಸರೋಜಿನಿ ಶೆಟ್ಟಿ
ಪುಟ್ಟಿನ
ಕರ್ನಾಟಕ, ಭಾರತ
ಬೇತೆ ಪುದರುಶರ್ವಾಣಿ
ಕಸುಬುActress-ತುಳು/ಕನ್ನಡ ಸಿನೆಮಾ, ಡ್ರಾಮ
Notable work
ತುಳುನಾಡ ಸಿರಿ, ಚೋಮನ ದುಡಿ, ಕಂಡನೆ ಬೊಡೆದಿ, ಒರಿಯೆ ಮಗೆ ಒರಿಯೆ, ಗಂಟೆತ್ತಾಂಡ್, ಕಟೀಲ್ದಪ್ಪೆ ಉಳ್ಳಾಲ್ತಿ
ಜೊಕುಲುಶಿವಪ್ರಸಾದ್
ಮಾನಾದಿಗೆ,ಪ್ರಶಸ್ತಿಅಬ್ಬಕ್ಕ ರಾಣಿ ಪ್ರಶಸ್ತಿ, ಯಶಸ್ವಿ ಅಭಿನೇತ್ರಿ[೧]

ತುಳು ರಂಗಭೂಮಿ, ತುಳು ಸಿನೆಮಾ ಬೊಕ್ಕ ಕನ್ನಡ ಸಿನೆಮೊಡು ಮೇರ್ ಹಿರಿಯ ಕಲಾವಿದೆ.

ಬಾಲ್ಯ[ಸಂಪೊಲಿಪುಲೆ]

ಮೆರೆನ ಪುಟ್ಟು ಪುದರ್ ಶರ್ವಾಣಿ. ಕೆ ಎನ್ ಟೈಲರ್ ಸರೋಜ ಪಂಡ್ದ್ ದೀಯಿನ ಪುದರ್ ಬೊಕ್ಕ ಸರೋಜಿನಿ ಆಂಡ್. ಅಮ್ಮೆರೆನ್ ಎಲ್ಯೆಡೇ ಕಳೆಯೊಂದಿನ ಮೇರೆಗ್ ಅಪ್ಪೆನ ಪ್ರೋತ್ಸಾಹ ಮಸ್ತ್ ಇತ್ತ್ಂಡ್. ಶಾಲೆಡುಪ್ಪುನಗನೇ ನಾಟಕದ ಬಗೆಟ್ ಆಸಕ್ತಿ ಇತ್ತಿನ ಮೇರ್, ತನ್ನ ೧೧ನೇ ವರ್ಸೊಗು ಮಲ್ಲಿಮದ್ಮೆ ಪನ್ಪಿ ನಾಟಕೊಡ್ ಆಣ ವೇಷ ಪಾಡ್ದೆರ್.[೨] ಶಾಲೆದ ಸಮಾರಂಭೊಲೆಡ್ ನಡಪುನ ನಾಟೊಲುಕೆಡ್ ಆರ್ ಪಾಲ್ ಪಡೆಯೊಂದಿತ್ತೆರ್. ಆರೆಗ್ ಈ ವಿಷೊಯೊಡು ಆರೆನ ಶಿಕ್ಷಕೆರೆನ ಪ್ರೊತ್ಸಾಹ ಮಸ್ತ್ ಇತ್ತಂಡ್. ಕೆನರಾ ಕಾಲೇಜ್‌ಡ್ ಆರ್ ಪಿ ಯು ಸಿ ಶಿಕ್ಷಣ ಪಡೆತೆರ್.

ಚಿತ್ರರಂಗ[ಸಂಪೊಲಿಪುಲೆ]

೧೯೭೪ನೇ ಇಸವಿಡ್ ಸಿನಿರಂಗ ಪ್ರವೇಶ ಮಲ್ದಿನ ಮೇರ್, ತುಳು ಬೊಕ್ಕ ಕನ್ನಡ ಸಿನಿಮೊಡ್ ಮಸ್ತ್ ಪಾತ್ರೊಲೆನ್ ಮಲ್ದೆರ್. ರಮಾನಂದ ಸಾಗರ್ ನಿರ್ದೇಶನೊದ ಹಿಂದಿ ಬೊಕ್ಕ ಆಡೂರು ಗೋಪಾಲ ಕೃಷ್ಣ ನಿರ್ದೇಶನೊದ ಮಲಯಾಳಂ ಚಿತ್ರೊಲೆಡ್‌ಲಾ ಎಲ್ಯ ಪಾತ್ರ ಮಲ್ದೆರ್.[೩]

ತುಳು ಚಿತ್ರರಂಗೊದ ಸಂಬಂಧ[ಸಂಪೊಲಿಪುಲೆ]

ಕೆ. ಎನ್.ಟೇಲರ್ತುಳುನಾಡ್ ಸಿರಿಟ್ ಮುಖ್ಯಪಾತ್ರವಾಯಿನ ಸಿರಿಕ್ ಜೀವ ತುಂಬಿಯೆರ್. ಸರೋಜಿನಿ ಶೆಟ್ಟಿನ ನಟನೆದ, ವಾಣಿಜಯರಾಂ ಪನ್ತಿನ ತುಳುನಾಡ್ ತುಡರ್ ನೆನಪುಂಡ್ದ್ ಮಾಜಂದಿನ ಪದ.[೪] ೧೯೭೮ ದ ಸಂಗಮ ಸಾಕ್ಷಿ, ಬೆಳ್ಳಿ ದೋಟ, ಕಡಲ ಮಗೆ, ಬಂಗಾರ್ ಪಟ್ಲೇರ್, ಬದಿ, ಚಂಡಿಕೋರಿ, ತೆಲಿಕೆದ ಬೊಳ್ಳಿ, ಬಯ್ಯ ಮಲ್ಲಿಗೆ, ಏರೆಗ್ ಆವುಯೆ ಕಿರಿಕಿರಿ - ಉಂದು ಆರ್ ನಟನೆ ಮಲ್ತಿನ ಕೆಲವು ಸಿನೆಮೊಲು.

ಕನ್ನಡ ಚಿತ್ರರಂಗೊದ ಸಂಬಂಧ[ಸಂಪೊಲಿಪುಲೆ]

ಪೇಪರ್ಡ್ ಬಯ್ದಿನ ಜಾಹೀರಾತುನ್ ತೂದು, ಉಡುಪಿಡ್ ಆಡಿಷನ್‌ಗ್ ಪೋದು ರಾಷ್ಟ್ರೀಯ ಪ್ರಶಸ್ತಿ ಪಡೆಯಿನ ಚೋಮನದುಡಿ‌ಟ್ ಪಟೇಲೆರೆನ ಬೊಡೆದಿಯಾದ್ ಪಾತ್ರ ದೆತೊಂಡೆರ್. ಉಂದು ಶಿವರಾಮ ಕಾರಂತರೆನ ಕಾದಂಬರಿ ಆಧಾರಿತ, ಬಿ.ವಿ. ಕಾರಂತೆರ್ ನಿರ್ದೇಶನ ಮಲ್ದಿನ ಸಿನೆಮಾ.[೫] ಉಂದು ಮಾತ್ರ ಅತ್ತಾಂದೆ ಶಿವಶಂಕರ, ಕೃಷ್ಣ ನೀಬೇಗನೆ ಬಾರೊ, ಶುಭ ಮಂಗಳ, ಮಾಗಿಯ ಕನಸು, ಅರ್ಜುನ್ ಇಂಚಿನ ಸುಮಾರ್ ಕನ್ನಡ ಚಿತ್ರೊಲೆಡ್ ಪಾತ್ರ ಮಲ್ದೆರ್.

ತುಳು ರಂಗಭೂಮಿಡ್[ಸಂಪೊಲಿಪುಲೆ]

೧೯೮೮ ನೇ ಇಸವಿಡ್ ತುಳು ರಂಗಭೂಮಿಗೆ ಪಾದಾರ್ಪಣೆ ಮಲ್ತಿನ ಮೇರ್ ಪೌರಾಣಿಕ, ಸಾಮಾಜಿಕ ಬೊಕ್ಕ ಚಾರಿತ್ರಿಕ ನಾಟಕೊಲೆಡ್ ಪಾತ್ರ ಮಲ್ದೆರ್.

ಸಾಮಾಜಿಕ ನಾಟಕ[ಸಂಪೊಲಿಪುಲೆ]

ಕೆ. ಎನ್ ಟೈಲರ್ ನ ಗಣೇಶ ನಾಟಕ ಸಭಾದ ಕಂಡನಿ ಬೊಡೆದಿ ನಾಟಕೊಟು ಪಾಲ್ ಪಡೆಯಿನ ಮೇರ್, ೧೯೮೮ ಡ್ ಈ ನಾಟಕ ಗೊಬ್ಬರೆ ಅಭುದಾಬಿಗ್ ಲಾ ಪೋದು, ನಾಟಕ ಗೊಬ್ಬರೆ ಕೊಲ್ಲಿ ರಾಷ್ಟ್ರೊಗು ಪೋತಿನ ಸುರತ ತಂಡ ಪನ್ಪಿನ ಹೆಗ್ಗಳಿಕೆಗ್ ಪಾತ್ರ ಆಂಡ್. ವಿಜಯ ಕುಮಾರ್ ಶೆಟ್ಟಿ ಕೆಮ್ಮಣ್ಣು ಮೆರೆನ ಒರಿಯೆ ಮಗೆ ಒರಿಯೆ ಬಾರೀ ಪ್ರಸಿದ್ಧವಾಯಿನ ನಾಟಕ. ಉಂದೆಟ್ಟ್ ಆರ್ ಮೇಘಮಾಲ ಪನ್ಪಿನ ಪಾತ್ರ ಮಲ್ದೆರ್. ಕೃಷ್ಣ ಕೋಪೂರ್ ನ ನಾಟಕದ ಬಾಲೆಮಾಣಿ ಪಾತ್ರೊಗು, ಡಾ. ಮೋಹನ್ ಆಳ್ವ ಮೇರ್ ನಡಪಾದಿನ ನಾಟಕ ಸ್ಪರ್ಧೆಡ್ ಶ್ರೇಷ್ಠ ನಟಿ ಪ್ರಶಸ್ತಿಲಾ ತಿಕ್ಕ್ ಂದ್ ಂಡು. ದೇವಿದಾಸ್ ಕಾಫಿಕಾಡ್ ನ ಗಂಟೆತ್ತಾಂಡ್ ಪನ್ಪಿನ ನಾಟೊಕುಡು ಮಲ್ಲಿ ಪನ್ಪಿನ ಒಂಜಿ ವಿಭಿನ್ನ ಪಾತ್ರ ಮಲ್ದೆರ್. ಈ ನಾಟಕ ಬಹರಿನ್ ಡ್ ಲಾ ಪ್ರದರ್ಶನ ಆತ್ ಂಡ್

ಚಾರಿತ್ರಿಕ ನಾಟಕ[ಸಂಪೊಲಿಪುಲೆ]

ಚಾರೊತ್ರಿಕ ನಾಟೊಕಲಾಯಿನ ವೀರರಾಣಿ ಅಬ್ಬಕ್ಕ, ಝಾನ್ಸಿ ರಾಣಿ ಲಕ್ಷ್ಮಿಬಾಯಿ, ಕಿತ್ತೂರ್ ರಾಣಿ ಚೆನ್ನಮ್ಮ ಬೊಕ್ಕ ಬೆಳವಾಡಿ ಮಲ್ಲಮ್ಮ ನಂಚಿನ ನಾಟೊಕುಲೆಡ್ ಪಾತ್ರ ಮಲ್ದೆರ್

ಪೌರಾಣಿಕ ನಾಟಕ[ಸಂಪೊಲಿಪುಲೆ]

ಕೆಲವು ಪೌರಾಣಿಕ ನಾಟಕೊಡು ಪಾತ್ರ ಪಲ್ದಿನ ಮೇರೆನ ಇಂಚಿಪದ ಕಟೀಲ್ದಪ್ಪೆ ಉಳ್ಳಾಲ್ತಿ ಡ್ ಶ್ರೀದೇವಿ ಪಾತ್ರ ಮಸ್ತ್ ಪುದಅರ್ ಪೋತುಂಡು.

ಸರೋಜಿನಿ ಶೆಟ್ಟಿ ಮೆರೆನ ಕೆಲವು ಸಿನೆಮಾಲು[೬][೭][೮]
ವರ್ಷ ಸಿನೆಮಾದ ಪುದರ್ ಪಾತ್ರ ಭಾಷೆ
೧೯೭೫ ಚೋಮನ ದುಡಿ ಕನ್ನಡ
ತುಳುನಾಡ ಸಿರಿ ತುಳು
೧೯೭೭ ಮಾಗಿಯ ಕನಸು ಕನ್ನಡ
೧೯೭೮ ಸಂಗಮ ಸಾಕ್ಷಿ ತುಳು
೧೯೮೪ ಪ್ರೇಮ ಜ್ಯೋತಿ ಕನ್ನಡ
೧೯೮೬ ಕೃಷ್ಣ ನೀ ಬೇಗನ ಬಾರೋ ಕನ್ನಡ
೧೯೮೮ ಮಾತೃ ವಾತ್ಸಲ್ಯ ಕನ್ನಡ
೧೯೮೯ ಪ್ರೇಯಅಸಿ ಪ್ರೀತಿಸು ಕನ್ನಡ
೧೯೯೦ ಶಿವ ಶಂಕರ ಕನ್ನಡ
೧೯೯೩ ಬಂಗಾರ್ ಪಟ್ಲೇರ್ ತುಳು
೧೯೯೬ ಜನನಿ ಕನ್ನಡ
೧೯೯೭ ಹಳ್ಳಿಯಾದರೇನು ಶಿವಾ ಕನ್ನಡ
೨೦೦೬ ಕಡಲ ಮಗೆ ತುಳು
೨೦೦೭ ಬದಿ ತುಳು
೨೦೧೨ ತೆಲಿಕೆದ ಬೊಳ್ಳಿ ತುಳು
೨೦೧೩ ಚೆಲ್ಲಾಪಿಲ್ಲಿ ಕನ್ನಡ
೨೦೧೪ ಚಾಲಿಪೋಲಿಲು ತುಳು
೨೦೧೫ ಚಂಡಿ ಕೋರಿ ತುಳು
೨೦೧೬ ಜೈ ತುಳುನಾಡು ತುಳು
೨೦೧೯ ಜಬರದಸ್ತ್ ಶಂಕರೆ ತುಳು
೨೦೨೧ ಏರೆಗ್ ಆವುಯೆ ಕಿರಿಕಿರಿ ತುಳು

ಉಲ್ಲೇಕೊ[ಸಂಪೊಲಿಪುಲೆ]

  1. {cite AV media | people = Sarojini shetty | title = Sarojini shetty Celebrity cookery show – Atilda Gammath part1 | medium = Television | publisher = Cooking is My Life- Atilda Gammath | location = Mangalore | date = 201೬ }}
  2. Sarojini shetty (2019). Cinikudla with actress Sarojini shetty (Television). Mangalore: Namma Kudla.
  3. Sarojini shetty (2019). Cinikudla with actress Sarojini shetty (Television). Mangalore: Namma Kudla.
  4. Sarojini shetty (2015). Tulunada Thudaru – Tulu Film Song – Tulunada Siri (youtube). Mangalore: kudla m.
  5. https://timesofindia.indiatimes.com/entertainment/kannada/movie-details/chomana-dudi/movieawards/65212775.cms
  6. "Mangalore: It's lights, camera, action for 'Chaali Polilu' Tulu movie". Daijiworld.com. Retrieved 2015-07-10.
  7. https://chiloka.com/celebrity/sarojini-shetty
  8. https://www.moviebuff.com/sarojini-shetty