ಕೆ ಎನ್ ಟೈಲರ್
ಕೆ ಎನ್ ಟೈಲರ್ | |
|---|---|
 | |
| ಪುಟ್ಟು | ಕಡಂದಲೆ, ಕುಡ್ಲ |
| ಸಾವು | ಮಾರ್ಚಿ 18, 2025ವಿವರೊ ದೋಸೊ: ಗೊತ್ತಾವಂದಿನ ಚಿನ್ನೆಲು "೨". |
| ಬೇಲೆ | ನಟೆ, ನಿರ್ದೇಶಕೆ |
| ಬುಡೆದಿ | ಜಯಂತಿ |
ಕಡಂದಲೆ ನಾರಾಯಣ ಟೈಲರ್ ತುಳುನಾಡ್ದ ರಂಗಭೂಮಿದ ಮಲ್ಲ ರಂಗಕರ್ಮಿ ಪಂಡ್ದ್ ಪುದರ್ ಪಡೆಯಿನಾರ್. ಜನಮಾನ್ಯೆರೆಗ್ ಇಂಬೆರ್ ಕೆ. ಎನ್. ಟೈಲರ್ಂದೆ ಗೊಂತು.
ಪರಿಚಯೊ
[ಸಂಪೊಲಿಪುಲೆ]- ಕೆ ಎನ್ ಟೈಲರ್ ಕುಡ್ಲದ ಕಡಂದಲೆಡ್ ೧೯೩೮ಡ್ ಪುಟ್ದೆರ್.
- ಅರೆನ ಬುಡೆದಿನ ಪುದರ್ ಜಯಂತಿ. ಇಂಬೆರೆಗ್ ೫ ಜನ ಜೋಕುಲು. ಲಕ್ಷ್ಮಿ, ಮಮತ, ಪೂರ್ಣಿಮ ಬುಕ್ಕೊೊ ಆಶಾಂದ್ ನಾಲ್ ಪೊಣ್ಣು ಜೋಕುಲು. ಒರಿ ಮಗೆ ಗಣೇಶ್.
- ೧೮ನೆ ಮಾರ್ಚ್ ೨೦೧೫ದಾನಿ ಬುಧವಾರ ಕಾಂಡೆ ಕೆ.ಎನ್.ಟೈಲರ್ ಕುಡ್ಲದ ಕರಂಗಲಪಾಡಿದ ಖಾಸಗಿ ನರ್ಸಿಂಗ್ ಹೋಮ್ಡ್ ಅಂಗಾಂಗೊ ವೈಫಲ್ಯೊಡು ತೀರ್ಯೆರ್. ಆರೆಗ್ ಅಪಗ 77 ವರ್ಸೊ ಪ್ರಾಯೊ.
ವೃತ್ತಿ
[ಸಂಪೊಲಿಪುಲೆ]- ಇಂಬೆರ್ ವೃತ್ತಿಡ್ ಟೈಲರ್. ೧೧ನೆ ವರ್ಸೊ ಕಡಂದಲೆಡ್ದ್ ಬಂಜಿದ ಪಾಡ್ಗಾತ್ರೊ ಟೈಲರಾದ್ ಇತ್ತದೆ ರಥಬೀದಿಡ್ ಟೈಲರ್ ಬೇಲೆಗ್ ಸೇರಿಯೆರ್.
ಪ್ರವೃತ್ತಿ
[ಸಂಪೊಲಿಪುಲೆ]ನಾಟಕೊ
[ಸಂಪೊಲಿಪುಲೆ]- ೧೯೫೮ಡ್ ಗಣೇಶ್ ನಾಟಕೊ ಸಭಾಂದ್ ಪನ್ಪಿ ಸಂಘಟನೆನ್ ಕಟ್ಟಿಯೆರ್. ಗಣೇಶ ನಾಟಕ ಸಭಾ ತಂಡೊ ಕಟ್ಟ್ದ್ ಕರಿನ 50 ವರ್ಸೊದ್ದು ಹೆಚ್ಚಿಗೆ ಕಲಾ ಸೇವೆ ಮಲ್ತಿನ ಕೆ.ಎನ್. ಟೈಲರ್ಗ್ ರಾಜ್ಯೋತ್ಸವ ಪ್ರಶಸ್ತಿ, ಅಕಾಡೆಮಿ ಪ್ರಶಸ್ತಿಲು ಬತ್ತ್ಂಡ್.
- ಆರ್ ಸುರೂಕು ಗೊಬ್ಬುನ ನಾಟಕೊ ಕಂಡನಿ ಅರುವತ್ತನ ಕೋಲೊ
- ತಮ್ಮಲೆ ಅರ್ವತ್ತನ ಕೋಲ, ಏರ್ ಮಲ್ತಿನ ತಪ್ಪು, ಕಂಡನಿ ಬೊಡೆದಿ, ಏರೆನ್ಲಾ ನಂಬೊಡ್ಚಿ, ಯಾನ್ ಸನ್ಯಾಸಿ ಆಪೆ, ದಾಮುನ ಮದ್ಮೆ ವಿಶ್ವಾಮಿತ್ರ ಮೇನಕಾ ಸೇರಿನಂಚ 20ಡ್ದ್ ಹೆಚ್ಚಿಗೆ ನಾಟಕೊ ರಚನೆ, ನಿರ್ದೇಶನೊ, ನಟನೆ, ದೇಸೊ ವಿದೇಸೊ ಪ್ರದರ್ಶನೊ ಮಾಲ್ತಿನಾರ್ ಕೆ.ಎನ್.ಟೈಲರ್.
ಸಿನೆಮೊ
[ಸಂಪೊಲಿಪುಲೆ]
- ಸುರುತ ಸಿನೆಮೊ ದಾರೆದ ಬುಡೆದಿ. ಈ ಸಿನೆಮೊಗು ಕೆ.ಎನ್.ಟೈಲರ್ ಸಂಭಾಷಣೆ ಬರೆದ ನಟನೆ ಮಲ್ತ್ದೆರ್.
- ಎನ್ನ ತಂಗಡಿ ಆರ್ ಗಬ್ಬುದ್ನ ನಾನೊಂಜಿ ಸಿನೆಮೊ. ಈ ರಡ್ಡ್ ಸಿನೆಮೊಲುಲಾ ಕುಡ್ಲದ ರೂಪವಾಣಿ ಟಾಕೀಸ್ಡ್ ಮಸ್ತ್ ದಿನೊ ನಡತ್ಂಡ್.
- 'ಕಾಸ್ದಾಯೇ ಕಂಡನಿ' ಸಿನೆಮೊದ ಮೂಲಕೊ ನಟಿ ಜಯಮಾಲಾ ಎಂಬೆರೆನ್ ಚಿತ್ರರಂಗೊಗು ಪರಿಚಯಿಸಾಯೆರ್.[೧]
- ಕನ್ನಡ ಚಿತ್ರ ರಂಗೊದ ಮೇರು ನಟೆರಾಯಿನ ಕಲ್ಪನಾ, ಆರೂರು ಪಟ್ಟಾಭಿ, ಗೀತಪ್ರಿಯ, ಲೀಲಾವತಿ, ರತ್ನಮಾಲಾ, ಸರೋಜಿನಿ ಶೆಟ್ಟಿ, ಜಯಶೀಲ, ಬಿ.ವಿ. ರಾಧಾ, ಸುಮಿತ್ರಾ, ಮಮತಾ ಶೆಣೈ, ತಾರಾ, ಸದಾಶಿವ ಸಾಲ್ಯಾನ್, ರೋಹಿದಾಸ್ ಕದ್ರಿ, ರಾಘವ್ ಉಳ್ಳಾಲ್, ಜೆ.ರವೀಂದ್ರ, ಸೀತಾರಾಮ ಶೆಟ್ಟಿ ಮೆಕ್ಲೆನ್ ತುಳು ಚಿತ್ರೊಗ್ಳೆಡ್ ನಟನೆ ಮಲ್ಪುನಂಚನೆ ಮಲ್ತಿನ ಪೆರ್ಮೆ ಕೆ.ಎನ್. ಟೈಲರ್ಗ್ ಸಂದುಂಡು.
- ಕೆ. ಎನ್. ಟೈಲರ್ ೧೦ ಸಿನೆಮೊಗು ನಿರ್ದೇಶನೊ ಮಲ್ತೆರ್.[೨] ದಾರೆದ ಬುಡೆದಿ, ಪಗೆತ ಪುಗೆ, ಬಿಸತ್ತಿ ಬಾಬು, ಯಾನ್ ಸನ್ಯಾಸಿ ಆಪೆ, ಕಾಸ್ದಾಯೆ ಕಂಡನಿ, ಏರ್ ಮಲ್ತಿನ ತಪ್ಪು, ಭಾಗ್ಯವಂತೆದಿ, ಸಾವಿರೋಡೊರ್ತಿ ಸಾವಿತ್ರಿ, ತುಳುನಾಡ ಸಿರಿ ಇಂಚ ಕೆ.ಎನ್. ಟೈಲರ್ ನಿರ್ದೇಶಿಸಯಿನ, ನಿರ್ಮಿಸಯಿನ ಸಿನೆಮೊಲುಗಳು.
- ತುಳು ಚಿತ್ರರಂಗೊದ ರಾಜ್ಕುಮಾರ್ ಪನ್ಪಿ ಖ್ಯಾತಿಗ್ ಪಾತ್ರೆರಾಯಿನ ಕೆ.ಎನ್.ಟೈಲರ್, ೧೦ ತುಳು ಸಿನೆಮೊಡು ನಾಯಕೆರಾತೆರ್. ಸ್ವತ ಡಾ. ರಾಜ್ ಕುಮಾರ್ ಇಂಬೆರೆನ ತುಳು ಸಿನೆಮೊದ ರಾಜ್ ಕುಮಾರ್ಂದ್ ಲೆತ್ತೆರ್ಂದ್ ಪನ್ಪಪುನವು ಇಂಬೆರೆನ ಪೆರ್ಮೆದ ಸಂಗತಿ.[೩]
- 1970ಡ್ದ್ ಇಂಚಿಗ್ ಆರ್ ತುಳು ರಂಗಭೂಮಿಡ್ ಸಕ್ರಿಯೆರಾದ್ ಇತ್ತೆರ್. ಮಂಗಳೂರ್ದ ನೆಹರು ಮೈದಾನೊಡು ನಡತಿನ ಸುರುತ ತುಳು ಸಿನೆಮೊದ ಪ್ರಶಸ್ತಿ ಪ್ರದಾನ ಸಮಾರಂಭ,ಬುಕ್ಕೊ ಫೋರಂ ಫಿಝಾ ಮಾಲ್ಡ್ ನಡತಿನ ತುಳು ಚಿತ್ರೋತ್ಸವೊದ ಲೇಸ್ಡ್ ಪಾಲ್ ಪಡೆತೆರ್.[೪]
ಪ್ರಶಸ್ತಿದ ಮಾನಾದಿಗೆ
[ಸಂಪೊಲಿಪುಲೆ]- ಕೆ.ಎನ್.ಟೈಲರ್ಗ್ 1989ಡ್ ನಾಟಕ ಅಕಾಡೆಮಿ ಪ್ರಶಸ್ತಿ ಬತ್ತ್ಂಡ್.
- 1994ಡ್ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಬತ್ತಂಡ್.
- 1998ಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಬತ್ತ್ಂಡ್.
- 2000ಡ್ ಸಂದೇಶ ಪ್ರತಿಷ್ಠಾನ ಪ್ರಶಸ್ತಿ ಬತ್ತ್ಂಡ್.
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "ತುಳು ಚಿತ್ರನಟ, ರಂಗಭೂಮಿ ಕಲಾವಿದ ಕೆ.ಎನ್.ಟೈಲರ್ ಇನ್ನಿಲ್ಲ". Vijay Karnataka (in ಕನ್ನಡ). Retrieved 2025-12-06.
- ↑ http://beta1kn.eenaduindia.com/DakshinaKannada/DakshinaKannadaDistrict/ಒ2015/03/18134510/Actor-KN-Taylor-passes-away.vpf%5B%5D
- ↑ "Welcome to Udayavani". www.udayavani.com. Retrieved 2025-12-06.
- ↑ "Tulu cinema artiste K.N. Tailor passes away | ತುಳು ಚಿತ್ರನಟ, ರಂಗಭೂಮಿ ಕಲಾವಿದ ಕೆ.ಎನ್.ಟೈಲರ್ ವಿಧಿವಶ | Kannadaprabha.com". kannadaprabha.com. Archived from the original on 2015-08-06. Retrieved 2025-12-06.